士林台灣麵

營業中

休息中

餐廳長期多人，經常門口都坐滿，假期黎到叫外賣。兩個人各叫左一碗麵加個滷水拼盤。外賣每盒+$2，分湯再每碗+$2。滷水拼盤每樣都好入味，樣樣都有少少，有豆腐，雞翼（2隻），腎，豬耳，蛋（半隻），鴨舌。蛋可能滷左好耐，個面有d 硬，鐵蛋咁。兩個人都同樣叫左牛肉麵，叫左分湯（每碗各+$4)，所以拎到返屋企都冇淋哂，應該都有特登冇煮個麵咁淋身。牛肉都唔少，好淋。不過個人黎講鐘意闊麵，如果有得揀就更好。想食碗台灣牛肉麵，唔理正唔正宗，味道正正常常，又飽肚，呢間都可以係一個選擇。

去過好多次都必點招牌紅燒牛肉麵，牛肉湯用牛骨同牛肉熬16個鐘，飲完唔會好渴，味道夠濃！麵質彈牙，牛肉夠淋3件大大件！$75一碗外面食唔到咁多肉，完全對得起價錢！好正，好正，好正

嚟元朗必食，不過上一次食已經係疫情前。由於店內好窄，千祈唔好一袋二嚟食，呢度係冇位擺野，今日都係攬住個大背囊食，食得好辛苦。枱與枱之間都好窄，張櫈往後少少已經撞到後面。紅燒牛肉湯仲係好香濃，好惹味。牛肉基本上舊舊都有筋，有四大舊，都夠軟熟夠淋，不過有舊冇筋，食落好黐牙。麵係最失望，記得已前食係煙韌彈牙，今日食落冇彈性又粉粉地，最後都食唔晒啲麵。我諗唔會再去，$75碗牛肉麵，牛肉OK，但啲麵唔好食嘅。

依度嘅紅燒牛肉麵好出名，但係我唔食牛嘅，所以嚟親通常麵係嗌香酥雞排麵飲食記錄：❶ 香酥雞排麵雞皮炸得香脆🤤雞肉juicy唔鞋🤤🤤雞皮炸得香脆🤤雞肉juicy唔鞋🤤🤤雞扒無預先灑定大量准鹽，唔會咸到令人勁口渴，而每枱都有准鹽俾客人自助使用👍🏻而且雞扒有醃過所以雞肉本身都帶點咸香🤤🤤🤤（以前會嗌佢俾碟酸酸甜甜嘅雞汁點，但依家雞汁調味愈嚟愈似茄汁🙈）想重點一讚👍🏻雞扒下面啲椰菜好好味😋煮得夠腍又有調味😋😋依度啲台灣麵煙煙韌韌幾好味🍜❷ 紅燒牛肉麵供圖作參考❸ 胚芽珍珠奶茶

【足料入味燜牛😍超濃紅燒湯底沒有之一】食過唔少牛肉麵，元朗呢間士林台灣麵，成功憑濃濃湯底+大大份厚切軟淋牛肉+Q彈麵條成功打入我(so far) top number 1🥇點解咁好食？🏆🏆🏆首先，佢湯底係濃味type，相比其他餐廳較淡味既紅燒湯底，呢間小店岩曬重口味、自認嘴刁有要求、要味覺享受既我！上枱一刻，湯底熱辣辣燙口，好岩依家寒冷天氣警告嘅氣溫另外，牛肉係厚切，足量比一般牛肉店多成倍😍，仲燜得好淋🤗。我最中意佢揀選a mix of牛肉+牛展既部位，所以唔怕佢韌，啖啖嫩肉同時又有牛展膠質最驚喜係連麵條都唔會overcook，雖則要拿捏麵條軟硬度，keep住Q彈係難架！✏✏✏✏✏✏✏👅味道：10/10🌌環境：7/10👍🏻推薦：10/10______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作紅燒牛肉麵 (💝10/10)佢在我心中紅燒牛肉麵category中

#emily出街食👅👅元朗超出名+唸唔到食咩就會食的士林牛肉麵 每次食都覺得好好食😙牛肉夠大塊又林好入味🙌🏻每碗有成四五舊大塊牛肉都幾抵食～無咩特別評價 只係希望佢可以少啲人排隊 同埋可以book位🥲次次都勁多人 最癲試過等成1個幾鐘食碗15mins食碗嘅麵。。📍士林台灣麵

味道一如以往依間台灣麵係元朗不知不覺已經10幾年一間小店可以存在咁耐都幾難得而味道都無變差都係咁好食招牌紅燒牛肉麵 $60基本上每次黎都係必點牛肉好淋好入味 湯底濃郁麵條有咬口唔會淋晒 正！滷水雞翼干拌麵 $524隻大隻滷水雞翼雞翼滷得幾淋幾入面煙韌麵條加上肉燥青瓜撈埋已經好好食肉鬆皮蛋豆腐 $50依款冷盤小食唔錯！個醬有d豉油味焦糖味好有台灣既味道係無得去旅行既情況下食到台灣味道 都開心過橋餃子 $45其實係鮮肉餃子大大粒既味道ok不過唔平

大概8點到，一個人唔洗等位叫咗香酥雞排超好味!! 可以配埋茄汁都好夾仲有紅燒牛肉麵牛肉很優質，麵同湯就ok不過不失會再黎幫襯,不過未必會再叫湯麵坐係到一直聽到唔少人嗌拌面同飯下次要試下

今日元朗剪完頭髮💇‍♀️緊係係附近食埋野啦甘就去了士林台灣麵其實d間都食過好多次我都係覺得值得推薦店舖細小 有時都要坐出面或同其他人搭枱餐牌就係一張紙的我選既係紅燒牛肉麵佢既湯係勁濃 可能係牛肉煮所以好濃 有種回甘的味道 會想不斷飲 而且佢既牛腩係好霖 霖到筷子夾一夾就會爛甘不過真係入口溶牛味都keep住係到雖然牛腩好霖但係都有咬口 有肉質個麵都煙煙韌韌甘 好彈口一啖湯一啖麵 之後再食埋牛肉 今次個雞扒炸得好脆卜卜好金黃色加d鹽更鮮 咬落去係乾身既粉漿係簿 所以好有口感 雞肉好突出配上滷肉同飯 好味道😋😋😋我比較鍾意飲熱飲食完歎翻杯飲品係最爽不過佢既熱珍奶有d甜 珍珠係煙韌 唔係個d霖之之個種凍香芋都有香芋既味但都係甜

24/5/2020好耐冇去過元朗啦！今日入去睇花之前，就聽聞有一間勁好食嘅牛肉麵一定要去幫襯。去到都等咗一陣⋯⋯終於有位啦！當然叫咗招牌嘅紅燒牛肉麵唔係誇張，麵一送到嚟，見到筋肉參半嘅牛肉就已經流晒口水！試一啖湯，嘩！你真係想飲晒佢！牛肉係差唔多入口即溶，好味到你真係要自己試吓！連個麵都係十分之彈牙，所以係成碗清晒，連湯都飲晒㗎！有機會再入元朗一定要再幫襯！因為今次太趕所以冇食其他嘢！聽聞炸魷魚鬚都係頂呱呱👍🏼

🔰炸韭菜肉雲吞沙律$50，士林調製的沙律，仍是我最愛吃的，水果和沙律醬的揉合，讓人吃得開心又滿意🥳；🥄除了沙律好味外，士林的炸功也是我讚賞的，好像這五粒外貌不討好的韭菜肉雲吞，經過拿捏得剛好的炸作程序後，成為了外皮超脆的韭菜肉雲吞🤩既然來到士林，當然也要吃牛肉麵🍜🔰紅燒牛肉麵$60，水準依然，但有時也要看碗裏的3件肉，是否半筋肉。士林有供應小廚剪的，將肉剪成剛好放入口的size，太好了😁

咁啱今日嚟到元朗，就諗起之前朋友介紹過有間台式牛肉麵好好食， 聽講仲好多人排隊㗎。 可能我哋好彩喇，我哋嚟都一入去就有位唔洗等。我哋叫咗兩碗紅燒牛肉麵，同埋一客肉鬆皮蛋豆腐。 呢度好多嘢食嘅價錢都平過出面， 冇諗過唔使60蚊可以食到一碗牛肉麵。 出面閒閒哋都要七八十蚊啦。 嘢食好快就嚟到喇， 個肉鬆皮蛋豆腐嘅豆腐好香滑，豆味好香濃，配埋啲醬汁、肉鬆、皮蛋同埋香蔥一齊食，真係非常之正! 食到停唔到口! 50蚊嚟講份量都唔細，兩個人或以上 share會好啲。食完前菜食牛肉麵啦，大大碗， 牛肉份量唔少㗎， 肉質較林，好容易咬得開，牛肉都幾香，啲麵條又夠彈牙， 啲麵索咗啲香濃嘅湯汁好好食! 呢個價錢真係冇得輸，咁好食都竟然只係58蚊。如果下次再有機會嚟元朗，我都會想再嚟食呀! 佢牛肉麵仲有乾拌嘅款式，唔知好唔好食呢？

踏入鼠年先祝大家新年快樂，身體健康，財源廣進！是日初五，大部分的食肆均已啟市，然而元朗的名店們卻一點也不急——平日已忙得喘不過氣，難得長假當然不會輕易罷休，普遍會到初七才開業。摸了兩家門釘後不抱期望的來到這裡，發現他們竟如常營業，毫不猶豫地走了進去。點了紅燒牛肉麵。良久，麵來。眼前這麵十年如一日——麵放底，三塊肉放麵上，一棵小棠菜開半放邊，放湯，再灑點青蔥在上。靠近一嗅，八角味夾雜牛肉味出。先呷一口湯，湯底以牛肉、牛骨及香料熬成，入口先少酸後牛肉甘香鹹出，泛邊的紅油沒有絲毫的辣，不膩。夾一箸麵，麵身米白，粗幼與油麵相若，掛湯能力低下，入口彈牙有嚼勁，是偏向蘭州拉麵的做法，以中筋麵粉為材的結果。牛肉以金錢𦟌入饌，肉筋夾層分明，夾起晃晃蕩蕩，叫人垂涎欲滴；用不著咬的，兩唇一合即斷。入口膠質瞬間溶化包裏舌頭，瘦肉的部分細而無渣，輕推即散，肉味重，鹵水鹹香猶在，一絕。吃畢，牛肉的甘香仍在口內迴盪，喝口茉香茶解渴再結帳，盛惠六十大元；相比十年前只賣廿多元是上漲了不少，但質量不變，實屬難得，也就解釋了為何總是門庭若市了。後記：數數手指，筆者光顧這店已有十多年，早就把它當作了飯堂，也就是現在才有這篇

除了喜愛在西環上環尋找隱世小店，元朗都係一個可以揾倒好多隠細小店嘅好地方。今日士林台灣麵竟然唔使排隊，所以9秒9入咗去食。愛香港嘅我哋會愛小店，我成日覺得小店就係代表香港人，香港精神。牛肉好霖，好入味好食，推介😋湯底夠濃，應該冇味精，飲完都唔會口渴。豬手就普普通通，冇特別驚喜，但可以試吓。胚芽奶茶我就覺得甜左少少。

聽講元朗呢間牛肉麵好出名，特登入嚟食，去到中午12點左右，唔洗排隊，入去坐低就叫咗個紅燒牛肉麵。好期待等左5分鐘個麵就黎到，好多牛肉，都係牛展嚟，有三大條！以呢個價錢來講，真係好抵食，牛肉好林好好味，湯底濃郁，少少辣，加12有珍珠奶茶。佢個麵嘅質地有咬口，好啱我口味，喺出邊食唔到不過我食到一半開始覺得好滯，因為湯底太油膩，但係又唔想浪費就夾硬食埋果一半，結果食完我一個星期都淨係想食素但係係好味嘅，我食唔慣咁油啫