段純貞牛肉麵XChatime (如心廣場一期)

🌸荃灣美食🌸段純貞牛肉麵 🍜想吃滋味正宗台灣菜？今天我便相約好友到了荃灣的一間台灣過江龍餐廳「段純貞牛肉麵 」品嚐是日晚餐❗餐廳鋪面寬敞，裝修簡約精美，呈台式復古風格，座位舒適❗店員十分親切殷勤有禮，店員細心為客人下單及不時收拾碗碟。我們一行2人點了以下菜式：1️⃣🌟三寶麵（腱心、牛肚、牛筋） $92三寶麵有三款配料，包括厚肉軟淋的牛腱心、爽口彈牙的牛肚及香滑嫩口的牛筋，配搭手工麵，手工厚薄不均，能充份吸入更多湯汁，搭配香濃牛肉湯底更能感受相輔相成的美味❗2️⃣🌟燉番茄腱心半筋半肉麵 $88以香燉新鮮蕃茄的開囡香濃牛肉湯底，配搭厚肉軟淋的牛腱心及香滑嫩口的牛筋肉，拼傳統的台式細麵，麵體氣孔多，昜沾染濃厚醬汁，非常惹味。3️⃣🌟紅油抄手 $48以秘製香辣辣椒油配搭皮薄饀鮮的滋味雲吞，把麻辣酸甜鹹香取得適切的平衡，令雲吞吃起來，不覺膩❗️4️⃣🌟雞湯抄手 $48這是以鮮甜清新的雞湯配搭皮薄饀鮮的滋味雲吞，雲吞吸收鮮甜上湯精華，味道清新。5️⃣🌟香芋珍珠奶茶 $32以香濃香芋配搭Q彈黑糖珍珠調製而成的台式奶茶，奶茶茶香奶濃，甜而不漏！6️⃣🌟胚芽珍珠奶茶 $32以健怡有咬口的肧芽配搭Q彈黑糖珍珠調製而成的台式奶茶，奶茶同樣茶香奶濃，口感豐富。🌟為是次餐廳用膳的推薦菜色❗🔖整體評分美味指數：⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕️⭕️5⭕️為滿分總括而言，此餐廳的食物質素高，價錢親民，菜式即叫即製，餐廳地點鄰近荃灣西站，絕對是荃灣一帶滋味台灣菜之選❗ 📍段純貞牛肉麵 (如心廣場1期) (荃灣)：荃灣楊屋道8號如心廣場1期1樓105-107號舖…查看更多

🐃🐂🐄三寶麵 $92（5/5）推薦🌟麵底揀左手工面，有少少似刀削麵但更加粗同厚身🍜湯底聞落好香，飲落濃郁有藥材味且唔會太咸。而三款配餸都好出色有驚喜‼️💯腱心牛味重，有咬口唔覺鞋。牛肚用金錢肚大大片。牛筋好有膠質❗️口感軟腍唔會煮到過爛❤️‍🔥🌶麻辣嫩五花牛肉麵 $84（4.8/5）麻辣湯底幾香但略嫌面層太多辣油🔞嫩五花牛肉真係夠嫩口而且好重牛味份量又多🐮😍整體都係高水準！午市自選組合：麻辣蒜味腱心半筋半肉麵+紅油抄手 $118🌶🧄麻辣蒜味腱心半筋半肉麵（3.8/5）第二次食都係覺得配餸好出色🥰但今次既湯底偏辣而且冇乜蒜味，面頭都係有好厚一層既辣油🥵🥟🖐🏻紅油抄手（5/5）有驚喜‼️一上枱就見到份量好多🤩抄手既皮唔算特別薄，但口感紮實，調味適中，食落好滿足😽推薦✨🫶🏼…查看更多

段純貞牛肉麵係台灣人氣牛肉麵店，上年年尾已經喺荃灣開咗首間海外分店。今次肥b話帶我出街拍拖食飯，但晚餐時間又冇堂食，所以今次就去試佢地個午餐。午餐有多款配搭組合：1️⃣ 麵食+飲品 $1022️⃣ 麵食+小食 $1183️⃣ 麵食+小食+飲品 $138小吃貨當然要試多啲味道，所以我地兩個都揀咗$138💸 我同肥b平時都鐘意食有咬口嘅食物，今次當然要試食手工麵🍜✨紅燒腱心半筋半肉牛肉麵段純貞嘅牛骨湯底標榜以23款中藥材配合醬料等熬製8小時，一上菜已經聞到湯底嘅味道，食落香濃又唔會太咸😋 大大舊牛筋牛肉夠足料，連牛肉都炆到好稔好入味👍🏻 手工麵感覺就似刀削麵咁，但麵條芯部好似未煮熟哂，仲有啲白白地又硬硬地，有啲失望😔✨經典紅燒牛肉麵同樣係香濃牛骨湯底，牛𦟌有少少韌，但味道煮到好香好入味😋 但手工麵條方面出現同樣問題，真係唔清楚係特色定係未煮熟哂😅✨鹽酥雞新鮮炸完熱辣辣，一上枱就聞到好香，以小食嚟講份量算多，亦都幾大件。薄薄一層炸粉外層酥脆，調味粉香濃夠味👏🏻可惜雞肉略乾同埋韌韌地。✨紅油抄手之前我都試過另外幾間餐廳嘅同款菜式但完全食唔到，但肥b見到話想試，我就膽粗粗再陪佢試吓。雖然只係午餐小食，但數量都唔少，一層芽菜鋪面，下面有6粒抄手。驚喜嘅係...平時唔鐘意食麻味+食bb辣嘅我竟然都食到，食落麻味唔會太重，冇蓋過原有肉味，暫時係我食過最好嘅紅油抄手😍✨珍珠奶茶(凍) ✨胚芽珍珠奶茶(凍)第一次飲當然要先試吓原味珍珠奶茶先啦！可惜味道就有啲失望，茶味唔夠香濃，珍珠亦都略為硬。由於茶底做得唔夠出色，珍珠亦唔太好，所以同外面某啲可能只試一次嘅店舖買嘅普通珍奶冇咩分別😅🔍整體感覺：今次試嘅小食到飲品當中都有好有唔好，所以評價不過不失啦！值得一再讚賞嘅係牛肉真係好稔好入味，食落唔會痴牙，有驚喜👍🏻 但係飲品卻令我大失所望，一杯珍珠奶茶嘅珍珠同茶底都做得唔夠好，咁哩杯就唔算係珍珠奶茶喇😔 FB：MsChloe…查看更多

突然好想食牛肉麵，OpenRice 搵到如心有間過江龍, 近近地走去試試去到門口都排左6,7組人等緊位，我哋排第8，可能佢限45分鐘用餐時間，所以流轉得算快，唔洗好耐就入到座。叫左香麻醬涼拌豆腐，紅油抄手，一碗招牌紅燒腱心牛肉麵同一杯香芋珍珠奶茶。食物上枱速度快。最好食都係碗麵！湯底好濃，忍唔住飲咗唔少湯。腱心牛肉都算入味淋身，有三塊。我哋揀咗手工麵，麵質都唔錯，有口感唔淋。個人覺得小食唔算特別出色，兩個小食上枱嘅時候，D芽菜多到，淨係見到一碟都係芽菜，見唔到豆腐同抄手，仲以為送錯左，後來撥開一堆芽菜挖個窿先見到，可能我自己本身唔算中意食芽菜，所以覺得芽菜真係可以少返D。香麻醬涼拌豆腐，豆腐係原磚冷豆腐，滑得嚟又唔會好易爛，可以掛到醬。紅油抄手都唔細粒，無認真數，應該有6粒，餡料好食有口感。不過除左太多芽菜阻住點醬汁之外，如果醬汁多啲會好好多，因為呢兩個小食要多醬汁先正香芋珍珠奶茶，香芋味夠，珍珠彈牙，整體都唔錯。…查看更多

原味牛肉麵🍜 $84手工粗麵夠曬煙韌，麵厚薄有唔同薄邊掛到更多湯汁，係保持煙韌口感既同時麵都可以夠入味，比起機器麵更添風味😋湯好濃，牛大大件煮得又夠淋。青花椒香手撕雞乾伴麵🍜 $78大量炸黃豆，好似唔使錢咁落左好多，最緊要係優質有機長型黃豆，溏心蛋有d鋪淨係俾半隻，呢度係全隻，份量係好抵食！微辣，我地再溝左紅油抄手既辣油，不得不提跟餐既酸菜勁好食😋好開胃！紅油抄手🥟 $48比較辣好滋味😋香芋珍珠奶茶🧋 $28胚胎珍珠奶茶🧋 $28奶茶茶味出奶味夠平衝得好好，飲得出水吧有落心機！…查看更多

⁑📌段純貞荃灣楊屋道8號如心廣場一期1樓105-107號舖•自從段純貞係香港開咗分店，我就留意咗佢好耐😛不過聽到有啲comments話佢嘅牛肉麵比較普通，所以我就試咗佢其他嘅招牌菜🥳•燉濃湯雞麵💰84呢個有驚喜🤩 首先係個湯頭真係好濃好鮮甜而且唔鹹🍜飲完都唔會口渴，應該冇乜味精。其次係隻雞髀🍗大大隻，唔算好肥，雞味亦都冇俾濃郁嘅湯底掩蓋😋如果挑剔啲嘅話，我認為雞肉可以再嫩滑啲。至於麵呢，可以選擇手工麵或隻細麵，我就揀咗前者，麵嘅質地好彈牙，形狀好似肥版刀削麵😂亦都有翻一定嘅厚度，所以唔會一咬就斷，非常滿足😚💡有實驗精神嘅我試咗將啲雞肉點少少紅油抄手嘅汁嚟食，即刻變咗口水雞🤪🎏推薦指數: 9.5/10•紅油抄手💰48佢個醬汁好足料，有海量嘅大豆芽，少少花生芝麻同埋蔥，非常惹味🤤食第一隻抄手嘅時候，入口首先食到醋嘅酸味，跟住唔食得辣嘅我就係時候接受制裁🤡由於個醬汁真係好辣，我已經冇辦法食真抄手嘅味道。不過每當啲辣味有減退，慢慢就會食到佢香料同埋抄手餡料嘅味道😆我相信有好多人同我一樣怕辣但係偏偏辣嘅食物好惹味，會越食越上癮🤓💡唔食得辣嘅朋友要考慮清楚先好叫，而食得辣嘅就唔好錯過呢個挑戰自己嘅機會啦！🎏推薦指數: 8/10•💁🏻‍♀️段純貞在以下地方都設有分店:銅鑼灣🧮有加一服務費哦*･゜ﾟ･*:.｡..｡.:*･ ･*:.｡. .｡.:*･゜ﾟ･* ･*:.｡..｡.:*･ ･*:.｡. .｡.如果鍾意我嘅食評，記住like同follow，最好可以開埋notification，咁就唔會miss咗我嘅#胃食指南 啦！Thank you! ε٩(๑> ₃ <)۶ *･゜ﾟ･*:.｡..｡.:*･ ･*:.｡. .｡.:*･゜ﾟ･* ･*:.｡..｡.:*･ ･*:.｡. .｡.Disclaimer: 以上全屬我誠實意見，並沒有從中獲取利益，謝謝*･゜ﾟ･*:.｡..｡.:*･ ･*:.｡. .｡.:*･゜ﾟ･* ･*:.｡..｡.:*･ ･*:.｡. .｡.…查看更多

之前看到段純貞開了幾家分店，最近做了半個荃灣人的我終於有機會來品嚐一下慢火牛肉湯底的手工麵！三寶麵 $92麵條可以選擇細麵或手工麵，手工麵比較粗身、厚薄不均，最能吸收湯汁，而細麵則氣孔多，配濃厚醬汁比較配。三寶麵有腱心、牛肚及牛筋，入味又軟腍，好吃！牛肉湯果然濃郁好味，而手工麵口感夠韌性。麻辣蒜味腱心半筋半肉麵 $88喜歡牛筋自然選擇這半筋半肉的。原來一頭牛只有大約五碗份量的牛腱心，油脂分佈平均而口感軟Q，真的太好吃了！湯底更是辣而不嗆呢！紅油抄手 $48抄手上面佈滿了芽菜，抄手味道不俗，餡料是蝦跟豬肉。冬瓜薏仁檸檬特飲 $30特飲佈滿了薏仁，不會太甜。金橘蜂蜜綠茶 $28喜歡熱飲的話金橘蜂蜜綠茶是不錯的選擇，帶點酸甜。員工服務態度非常好，環境不錯，食物味道也不錯呢！…查看更多

身邊有個朋友好鍾意試新餐廳，呢間咁出名既過江龍牛肉麵嚟香港開分店佢當然唔會放過😅😅約左個幾月終於約到weekday黎食個lunch，等左大約十分鐘～兩個人叫左個三寶牛肉細麵，燉濃湯雞手工麵，紅油抄手，冬瓜薏仁檸檬特飲同埋桂圓蜂蜜薑母茶😁三寶牛肉麵湯底非常濃郁！香濃既牛肉味配搭藥材加埋好輕微既辣，令到啲細麵掛左好多湯汁，完全唔需要連湯一齊食都好夠味好好食🤤🤤 重點係濃郁得黎但食完完全唔口渴！！👍👍牛腱心好厚身但係非常軟稔，肉質一絲絲，濃而不膩，牛筋稔而不爛😍😍燉濃湯雞麵都有好濃郁既雞湯味但完全唔油膩，係一個補身清淡既好選擇😋 雞肉嫰滑到不得了！！手工麵就比較煙韌有咬口～呢度嘅紅油抄手同平時食開上海既版本有啲唔同，呢度醬汁係用左比較濃稠既豆瓣醬，蒜味較重，抄手口感比較紮實，似係包左粒非常彈牙既豬肉丸係裡面咁，幾特別👍冬瓜薏仁檸檬特飲好清新，飲落帶有少少冰糖嘅清甜，同濃味既牛肉麵幾夾～桂圓蜂蜜薑母茶入口相對比較強烈，我覺得配搭返清淡既雞湯麵又幾有衝擊😁雖然限時四十五分鐘用餐，不過野食上得好快，絕對夠時間，店員服務好殷勤又有禮貌，坐得舒服，非常推薦👏👏…查看更多

上次食完之後一直想食多次，本來今次想試下堂食，但系可惜今次趕時間同五想食甘多野所以就都系叫左外賣自取，只不過今次既外賣自取就全部都系小食。而且因為甘我亦發現左原來段純貞既鹽酥雞系甘高質甘好味，外脆內軟，雞肉五會太老，做得非常好。下次再幫襯一定要試下堂食先得…查看更多

之前去台灣都已經試過甘出名既段純貞牛肉麵，所以一聽到開左黎香港就即刻去試試佢，絕對冇令人失望，同台灣一樣甘好味雖然我個日叫既系外賣，但係一d都冇因為咁而失準，而且用既餐具系木做既，非常環保牛肉麵d牛肉超級嫩，完全有入口即化既感覺，一d都五會起渣同咬好耐，手工麵十分有特色，同牛肉麵非常夾個湯睇上去好紅本來以為好辣但原來一d都五辣，個味調較得剛剛好，五食辣既朋友都可以五洗擔心甘叫紅燒牛肉麵la下次都想去試吓佢個燉番茄系列同嫩五花牛肉麵紅油抄手辣得黎過癮，一個接住一個好快就食完，建議食得辣既朋友一定要試吓而且鋪頭系如心廣場入面好方便，想幾時去食都得…查看更多

以往一年總會出遊幾次，奈何疫情限制，復飛無期… 這天到荃灣想看看聖誕燈飾，走著走著，去了如心廣場見到大大個的 Brown and Cony, 影完相發現已經晚上7點了，肚子也在打鼓了… 想要找點什麽吃的，但限制令下晚市禁堂食，唯有快脆買個外賣回家祭五臟廟… 盤算著晚餐吃什麽好，見到一間裝修古典的台灣麵店，搜了一下食評，原來本店在台灣很有名氣耶～好！今晩就試一下！今晩決定“飛一轉”台灣, 懷念一下台灣的味道！望住餐牌，所有東西都想試，一不小心就點了一枱滿的晚餐，再配一杯仙草奶茶，幻想自己去了台彎…查看更多

之前係Youtube見到有人拍左呢間新開嘅餐廳，條片影到D嘢食賣相唔錯，咁啱做嘢經開荃灣，索性就嚟試試佢。張相係我食完出嚟嗰時影嘅，我去到1點20分左右，已經有幾個人排緊隊，估唔到我食完出嚟2點反而條隊仲長左睇到嗰menu，主打就係一堆牛肉麵既選擇，有紅燒、茄湯、麻辣蒜味，亦有D嘢食係冇牛既選項，仲有一款炒飯。小食、小菜就更係有唔少，而飲品就正常選擇。咁當然一場嚟到又未食過，緊係嗌佢寫必點既牛三寶麵啦，一碗就有齊牛腱心、牛肚同牛筋，而佢麵底都有揀手工麵定細麵，我就揀左細麵。我食量比較大，所以就另外加左一份紅油抄手同一杯胚芽珍珠奶茶。嗌完等食就周圍望下啦，鋪內裝潢走簡潔現代mix古典味路線，防疫關係張檯面左右都加左一塊屏風。上面就掛左一幅類似簡介嘅字畫，寫到嗰湯底加左好多牛大骨、中藥材及香料，用左好耐時間先熬到出嚟，講到我嘅期望都大左唔少先嚟左杯嘢飲，味道正正常常，茶香奶香都有，不過我略嫌珍珠偏淋身，唔夠Q彈。話咁快碗麵都到埋，隨麵仲跟左一小碟酸菜。 一上檯緊係先呷一啖湯， 湯底唔錯，果然係香醇濃郁，我食完都幾乎飲晒嗰湯。三寶就每樣都有兩件，牛腱心相當大件啖啖肉，非常之軟嫩入味，一咬就化開。牛筋亦煮得十分軟稔，反而當日嘅牛肚都煮到有D稔，好易咬，但係我自己會鍾意有D咬口嘅多D。揀左細麵係有少少失策，細麵易食嗦嗦聲，但係幼身麵質令成碗咬口都偏稔，下次嚟食記得紅燒湯一定要配手工粗麵，細麵留返俾燉雞麵啦。估唔到酸菜都係一大驚喜，咸咸酸酸相當入味，當你食麵食到有少少膩，食兩啖立即中和返，仲會有D提味，的確冇俾錯。最後嗰紅油抄手都嚟埋，一份有7粒，隻隻都夠大粒飽滿好靚仔，上面有豆芽菜同花生增加口感，而醬嘅味道更是香辣濃郁，過癮惹味，食到我個頭都有D汗出，正。…查看更多

台灣享負盛名的段純貞登陸荃灣，新開張當然有心理準備係需要排隊，但好好彩今次只需排十五分鐘便可入店進餐。首先有招牌紅燒鍵心牛肉麵，一上抬立刻呷一口湯頭先，湯頭帶有藥材味但不太濃烈，熱度亦足夠，麵底選擇了手工麵，麵質煙韌且掛湯，最後不得不提牛鍵心，碗上有三件，每件都非常軟淋及入味， 難怪會是這店的招牌另一碗點了三寶麵， 碗內有牛筋牛肚及鍵心肉，配上幼麵非常一般，牛筋及牛肚看上去很上色，心想一定非常入味，怎知道毫無味道， 好像只是食緊一些物體般…… 若不是搭上兩件牛鍵心， 老實說比較一般筋肚麵都較為失色……最後亦點了一款小食紅油抄手， 雲吞包得皮薄紮實，但略嫌味道不夠辣，稍微不夠惹味。疫情期間無得去旅行可以食下過江龍感覺都幾好嘅，但只能抱住期望不大的心態，否則都會有點失望………查看更多