穴 (奧海城二期)

營業中

休息中

之前多數食千両, 但只係無得揀之中嘅選擇, 因為遇唔到邊到壽司刺身新鮮過佢, 但自從食左穴之後真係返唔到轉頭, 除左新鮮程度更高之外, 佢解決左我最唔鐘意千両嘅問題, 就係食物選擇太少. 每次去穴都食出放題嘅感覺, 打開menu勁多野都啱食, 啲選擇又唔會太平凡悶場, 當然成日食係會悶, 因為佢唔會點轉款, 但我一個月食一次都無問題.刺身組合好啱我心水, 件件都想食.不過呢次去覺得刺身水準有一點點下降, 有啲乾身嘅感覺, 同埋海膽鮮而不夠甜, 但唔影響我對佢嘅信心💪章紅魚柚子酢沙律鐘意佢酸酸甜甜, 有啲菜清下個口, 不過章紅魚同刺身拼盤一樣有啲乾.火炙左口魚裙邊係我至愛, 嗰股油脂香真係掀起高潮, 令人好滿足. 鰻魚我無食到, 但係咁長卷住舊飯, 目測又係個味勁出, 又有少少飯中和下唔會太漏.印象中北海道帶子壽司水份OK, 但係深海池魚都係有唔夠水情況, 當日刺身食法嘅魚都有呢個情況, 不過點左豉油食問題不大.咁多好野食, 豚肉烏冬自然無乜吸引力, 所以我無食到豬肉, 只係食左兩啖烏冬. 烏冬口感好滑, 但唔係好彈, 淋左啲, 唔係差, 但唔係我追求嘅口感.雜錦天婦羅食左蝦同粟米, 質

最近和奧海城頗有緣份，繼周日和家中細細尋訪 Tomica 車仔影踪，今日又約了友人於奧海城用膳。是晚到訪的餐廳「穴」，是提供各式和食的居酒屋，由沙律壽司，到串燒天扶良，以至一品料理茶漬飯都有提供。喜愛時令精選的朋友也不會失望，因餐廳亦有限量供應日本直送的飛機貨，即日送到，保證新鮮。 餐廳裝潢頗以木系傢俱為主調，正中位置設有挺大的壽司吧枱及廚房。部份餐枱位置開揚，與彼鄰商場緊接。先品評一道章紅魚柚子酢沙律，以柚子酢作醬汁，食味清新酸香的同時又能提升魚生片的鮮味。章紅魚是白身魚的一員，一般白身魚普遍味道清淡一點，吃的是一份爽脆口感，而這幾片章紅魚刺身肉質明顯比較綿滑，好味！接下來是一道佐酒小吃炸雞軟骨。小巧的雞軟骨，食味酥脆香口，輕輕灑上數滴檸檬汁，除可去膩外，亦可增添惹味感。另一炸品香脆軟殼蟹，與雞軟骨一樣炸得甘香可口，再加了鮮白的蟹肉，筆者同樣欣賞。日本料理注重用料新鮮，不時不食，亦講求原汁原味。既然如此，刺身壽司當然不能錯過。在沙律菜式中，都算淺嚐了章紅魚刺身，來多一客牡丹蝦壽司，感覺才見完滿。餐廳用上的牡丹蝦雖不算太大隻，但味道依然鮮香甜美，肉質滑中帶爽。壽司飯團方面，大小黏著感適