等等HEA

營業中

休息中

冬天最啱就係食羊腩煲，食完暖笠笠，近排去咗一間性價比超高嘅小店，有齊秘製古早羊腩煲、台式香辣雞煲、台南南乳豬手煲放題($399買1送1)，追蹤等等Hea同埋大閘蟹教主，上傳食物內文仲可以無限添飲台式飲品及啤酒汽水。秘製古早羊腩煲用咗英國威爾斯、紐西蘭草飼羊腩，肉質鮮嫩，帶適量既脂肪，油脂令湯汁更加濃郁，慢火燉煮後肉質漸漸變得柔軟，入口煙韌彈牙，而且非常入味，配搭台灣江記腐乳，有微微酒香味。食完羊腩煲再打邊爐，可無限追加：美國肥牛、台式芋頭條、一口麻辣鴨血、白蘿蔔、萵筍、澎湖花枝丸、爆汁貢丸、秘製冰豆腐、西洋菜、唐生菜、娃娃茶、新鮮枝竹、台式水餃。台式香辣雞煲用咗新鮮三黃雞，肉質鮮嫩，雞肉香氣四溢，再加上秘制麻辣醬料、指天椒，口感刺激又過癮。台南南乳豬手煲豬手皮肉比例恰到好處，膠質豐富，口感Q彈有勁，用上台灣本土生產嘅南乳，南乳嘅微甜與豬手嘅鹹香結合，非常完美嘅配搭。食完吾夠飽可以叫埋台灣小食：阿宗麵線 （配阿宗辣椒醬) 、士林鹽酥雞、萬華街小碗蚵仔滷肉飯、台式仙草手工芋圓 。

📌 等等HEA - 九龍城福佬村道41號地舖🗓(30/12) 星期六 ⏰ 下午2:30左右 💈特式：呢間餐廳係秋季通常都會做大閘蟹放題，我之前都試過一次，整體感覺都唔錯。所以今次見佢地做冬季古早羊腩煲+香辣雞煲+南乳豬手煲放題，就梗係要再嚟試多次啦。🥩🍔🌭🌮🥗🥯🥘🍲🍝🍣🥟🍤🍱食物：餐廳做緊$3️⃣9️⃣9️⃣買一送一，可以任食古早羊腩煲/香辣雞煲/南乳豬手煲，真係一次過可以滿足三個願望，而且每款煲都有做包埋煲嘅外送服務，方便鍾意安坐家中食好野嘅朋友，而家等我同大家講下🐐🐥🐷味道先。🐐秘製古早羊腩煲 - 羊腩煲上枱已聞到好香羊味，而家味道真係唔錯，完全唔似係任食嘅質素，味道香濃又唔會太咸，羊肉炆得夠淋，就連比較大舊嘅肉都係炆到好淋，羊皮亦有咬口，入面配料仲有竹蔗/冬筍/冬菇/馬蹄/炸支竹等等，最正係個腐乳醬，餐廳寫明係採用正宗台灣江記豆腐乳，酒味零舍香同濃，味道同平時食到嘅完全唔同。🐥台式香辣雞煲 - 個雞煲會偏乾身個款，所以特別香口，預設嘅辣度辣中帶少少甜味，佢個醬汁好味同惹味，雞肉都好新鮮，不過建議鐘意食辣嘅朋友可以佢地加辣，相信會食得更過引。🐷台南南乳豬手煲 - 豬手煲好香南乳味，d味仲