千賀水產

有好一段日子未來過元朗了，今日特別應朋友邀請來到元朗大馬路附近一邊傾計一邊食個日式任食磯燒放題。佢係一個價錢包任食自助吧，包不同嘅飲品，包各項日式食物包括刺身壽司等等，最重要仲包埋磯燒任食添，頗為化算。磯燒類方面佢首先會來個海鮮拼盤比大家燒，有元貝，青口，大蝦同蜆等等，款款鮮甜味美，跳出來仲好香添好似去左燒野食咁。食晒嘅話仲可以叫其他嘅配料的。刺身壽司類方面佢同其他日式任食店一樣，有各種唔同類型嘅刺身，三文魚，帶子，鮑片，蚌片等等，因為有太多種野食啦。雖然每一樣只係叫左少少，款款即叫即做，很不錯。另外仲叫咗壽司來試下都唔差的。小食類方面推介日式碗仔翅，熱辣辣又入味。另外推介日式一口牛，有少少入口即溶嘅感覺。佢嘅牛肉拉麵都唔錯㗎。最後要左兩種磯燒小食-鐵板芝士骨，同埋蟹皇粥，食到攬住個肚走。…查看更多

千賀係食磯燒水產同放題，睇落幾吸引，成日行過都想試，今晚就試下先。呢度供應嘅放題限時2小時，任飲任食，可以任飲somersby蘋果酒添。餐廳環境唔錯，為配合磯燒，設置左抽氣嘅設備，食完都唔會一陣油煙味。有自助吧，供應沙律、壽司，涼拌小食，熱盤方面有炸薯角，同埋多款嘅雪糕同甜品，最吸引嘅係有個candy corner，可以俾人夾包小糖果走，小朋友見到真係超級開心。食品方面，有刺身、壽司、天婦羅及燒物等等選擇，種類都幾多。刺身我地order左三文魚、甜蝦、鮑片，非常新鮮。另外壽司就先叫左鰻魚同火炙蒜蓉三文魚壽司黎試下，件件都又大又厚 ，三文魚配蒜蓉原來都幾夾，我地再encore左。天婦羅，炸得好香脆。牛肉豆腐鍋，豬推薦呢個，豆腐好滑，牛肉又多，另外有娃娃菜做底，味道唔錯。芝士忌廉焗帆立貝，熱辣辣，好香忌廉味，帆立貝算大粒，又係再encore左一次。主角出場！每枱都有備有燒烤爐，2-4人共用一個，入座後店員會簡單介紹燒烤方法，磯燒新手就唔怕無從入手啦。海鮮供應分兩類，會先黎一個海鮮拼盤，唔夠嘅話都仲可以再叫，但有d會收費，所以可以望清楚。海鮮上枱時仍然生猛，好正!任食海鮮有大蜆、青口、海蝦等，雖然種類唔算多，但水產質素甚高。店員同我地講，燒海鮮唔洗加太多調味，燒烤時，可以加d稀釋左嘅清酒，有降溫功效，避免燒燶爆殼之餘，亦可以令水產提升鮮味。 海鮮以外，亦有牛油粟米、金菇、菠蘿等燒。最後食埋甜品就大滿足，個肚又漲卜卜喇，係時候散步行返屋企喇…查看更多

以磯燒做主打的餐廳在港難以找到，性質比高的更少之有少。最近尋找到一間隱世磯燒放題在元朗，既可以任食海鮮，又可以一當廚師燒出最岩自己心水的海鮮！餐廳位於元朗西裕街，嘉誠廣場右邊近惠康的已是西裕街，一直行大約5-8分鐘便會到達門面光亮的千賀水產。價錢與優惠也列明在門口右面的廣告牌上。不同時段有不同收費，而餐廳正在推出3項優惠：1. 放題早一天前有88折2.生日優惠（足6人生日者半價，足10位生日者免費）3.每晚9:00後入座2人同行1人半價*當晚一行3人訂了7:00時入座，2小時後離開剛好9點，一出門已經有不少客人等待享用9點時段的磯燒放題。點菜紙大概可分為13個類別，而放置方法一目瞭然、清晰可見，非常方便客人取出想要的點菜紙。而點菜方式與一貫放題無誤，只需要在想點的食物旁方格內寫上想要的件數即可。第一輪可以不用點磯燒海鮮，因為餐廳會因應每枱客人數量送上一盤相應數量的磯燒海鮮，拼盤包括海蝦、象拔蚌、貴妃蚌、蟶子、鮑魚和海蜆。拼盤剛送上時海蝦仍是非常生猛。所有海鮮都大大隻和非常新鮮爽口，殻類海鮮都沒有沙。本以為殻厚要燒一段時間，但原來磯燒爐火力足夠，10分鐘內必定燒好！食完吾夠喉想添食的話要注意，有某幾款海鮮需要加錢，某些則是免費任食。圖中左邊點菜紙（星級海鮮）需加錢，而右邊（磯燒海鮮則是任食。餐廳非常窩心的在每一項海鮮都注明建議烹調方法。上圖為免費任食磯燒海鮮類，有海蜆、珍珠半殻扇貝和芝士蠔肉除了磯燒海鮮外，還可以任食芝士焗扇貝和蠔，兩者都沒有因焗後而收縮，芝士與沙津醬的覆蓋反而保留了水份，更帶來了味道與層次感。刺身在放題中當然不能少，餐廳內一共有9款刺身選擇，當日品嚐了三文魚、大甜蝦、榮螺片和鮑片。幾款刺身都新鮮、大片或厚切，絕不吝嗇。一口芝士：剛炸起所以小心燙口，咬下去整舊也是已半溶狀態的芝士，芝士不會太咸，吃了兩至三舊也不會覺得膩。日式吉列炸蠔：仍是剛炸起，但炸粉比較厚，咬一口後炸粉與蠔肉分離網燒牛扒與醬燒雞扒都非常腍身，而且大小非常適合放題品嚐，不會擔心因大份量而吃太飽所以不點選。台灣辣腸大小有如手指尾，而且辣度非常微，只是黑胡椒所提供。非常夠味又足料的一鍋粥！由於粥類都比較大鍋，所以每枱會先送上一鍋不論點菜紙點了多於一鍋粥。內裡有可見的蔥花、蛋和蟹肉，雖然質感比較像湯飯。吃飽後還可到自助區享用飯後甜品和雪糕，自助區除了甜品和雪糕後其實還有小食和前菜，但由於太愛甜品和雪糕關係，小食和前菜最終也遺忘了一共有10款甜品和2款水果在甜品櫃內，但由於胃口有限，只選了自己較有興趣的品嚐，整體甜品尚可，不會太甜，愛吃甜品的你不妨可多吃幾件－－－－－－－－－－整體評語：味道 －所有海鮮都非常新鮮大件，而其他熱食和炸物的溫度屬熱，都是即叫即煎或炸，所有食物都達水準之上，每一份食物都十分滿意，不禁添食再添食－環境－以杏色和木為主的裝橫感覺舒服自在，座位與座位之間不算擠迫－服務－服務員有禮，所點的食物也沒有走單－衛生－檯椅子等都整潔企理，餐具都乾爽沒有油份和殘餘物－抵食－抵食指數頗高，可以以一般日式放題價錢又玩又任食海鮮，而且海鮮質素不俗，其他食物款式和種類也繁多，如在星期一至四或9時後光顧更抵食！…查看更多

窩夫之前跟好友們光顧過銅鑼灣的千賀水產の鮮鍋道場，印象不錯，日前便跟蝦子餅試試主打磯燒的千賀水產，星期六下午五時入座七時離座，成人收費每位198元。第一輪落單不用點磯燒海鮮，餐廳會先為客人準備海鮮拼盤。餐廳在落單紙上教客人怎樣燒海鮮，十分細心。桌上有清酒、鹽和七味粉讓客人自己調味。蝦子餅依照指示細心地燒扇貝，火喉控制得很好。其實不加任何調味來燒海鮮，吃它的原汁原味也不錯，最重要是海鮮夠新鮮。飲品方面，竟然可以任飲西柚橙味的Hoegaarden Radler。第一次試這韓國牌子的白桃梳打和提子梳打，味道不錯。刺身的選擇共有11款，窩夫與蝦子餅點了三文魚、油甘魚、甜蝦、榮螺片、北海道帶子和馬刀貝等，全部都很新鮮，窩夫特別喜歡北海道帶子和馬刀貝。網燒牛扒和燒牛舌叫人有點失望，不吃也沒有損失。第二輪的刺身，三文魚比之前那些更肥美呢。這些是可以任點任食的磯燒海鮮，當然不能跟海鮮拼盤相提並論。千賀焗黃金蠔和芝士黃金焗扇貝的水準不俗。燒過的溫室菠蘿特別多汁特別甜，牛油香菌和牛油粟米可以補充一下纖維素。壓軸有蟹皇海膽粥，將蟹膏、海膽和飯等所有材料放進清湯裡，煮滾後再加入雞蛋拌勻即可。蟹皇海膽粥是驚喜之作，值得一試。窩夫的胃放不下自助甜品櫃裡的水果、啫喱和泡芙等。窩夫只吃了一支充滿童年回憶的「古力樂」雪條當飯後甜品，蝦子餅則吃了一支蜜瓜雪條。…查看更多

放題確實係聚會嘅好地方之一，食物選擇多，時又比較長。今次揀千賀水產係因為見到主打有磯燒，照顧埋唔太鍾意食生野嘅朋友！放題連磯燒，價錢都算幾抵！比起放題，似韓燒多d我地比較遲去，只淨幾台仲食緊選擇同一般放題差唔多，最吸引梗係多左磯燒海鮮同蔬菜磯燒海鮮唔洗落單，店員會準備好一大盤，之後再加點。其實圖入面只係一部分，仲有帶子同蠔。推薦蝦，大隻加鮮甜；蟹蓋特別，味道亦唔錯。三文魚幾肥美，蝦亦鮮甜，象拔蚌唔爽口但好甜油甘魚就唔太夠香，帶子比較細粒但幾甜，整體黎講評價唔錯推薦店入面嘅燒物牛肉卷露荀夠嫩，配搭唔錯；牛舌燒得香口；牛柳好滑而且調味好，係咁encore!炸粉較厚不過幾脆身，脆玉瓜天婦羅好特別，又多汁磯燒除左海鮮其實都仲有幾多選擇，燒雜菌又香又多汁，推薦；另外有菠蘿同日本甜薯，燒完更好味幾特別嘅菜式，肉醬味道唔錯，同茄子好夾最尾食埋個粥，海膽同蟹膏煮完後味唔算好濃，但夾埋一齊都夠香，推薦要讚一讚飲品，選擇多仲有幾款啤酒，同朋友家人吹水必備！放題黎計性價比幾高，刺身定料理嘅質素都唔錯，最突出係有磯燒海鮮，感覺新鮮…查看更多

由少女變中女 ，變得小左食放題。原因？姐不發育了，只有多餘的肉在長，胃也小了。但是呢間野成日見人去怒燒海鮮。就決定去試一下見到門口個Apple cider 就勁開心 😌(勁易滿足就是）記得要book位，walk in 一定無你份架啦花多眼亂 超級多選擇😍有酒飲呢件事真係好不得了。同磯燒真心係絕配。坐低就黎左個磯燒海鮮頭盤，啵睛吧❤️件件都係珍寶級呀😍不過咁⋯除大蝦以外其實想再叫就要另外收費啦。全部海鮮都係珍寶級呀⋯係珍寶級。非常鮮甜⋯啖啖肉。❤️其實大家都係主打食海鮮😆 然後雖然好多選擇但海鮮才是重點⋯不過咁其實其他野都好得天婦羅菇係需要食既。粉唔多，剛剛好的⋯刺身其實都好唔錯⋯好新鮮。不過只係要食海鮮就只叫了一盤仔痴線⋯仲有沙律吧⋯終於係街食到多蟹籽既蟹籽沙律（表示感動）雖然放題成日都話要食盡個量係刺身海鮮，唔好食飯呀咁 但我覺得呢個蟹皇海膽粥好需要食。教個小tips可以燒d蜆肉再加勁多蟹籽超 級 好 食真心食左兩三日既野食入肚⋯但個益力多雪球波好有趣。仲有藍莓，綠茶味其實咁既質素 呢個價位 好抵食❤️…查看更多

最近發現元朗有一間任食放題店，價錢相宜，人頭每位連加一都只需$196，就可以任食磯燒海鮮，實在吸引，所以決定去一趟。店舖好容易就找到，門面大大隻字寫著「千賀水產」。店內有大量的座位，環境好光猛通爽。枱面上有好多張的點餐紙，有大量不同的食材，真的任君選擇！由刺身、天婦羅、揚物、壽司、鍋物、鐵板、海鮮⋯⋯應有盡有。磯燒海鮮！全部都好新鮮，大蝦十分大隻，每隻都比我的手掌長！海蜆、扇貝全部都好大顆且新鮮。甲羅燒更是令人一食上癮！先打鵪鶉蛋打在蟹殻上，再拿去燒，蟹膏的香味好吸引，鹹香味十足。基本上所有海鮮都十分新鮮，當然其中有些要追加（另加錢）才有，如甲羅燒和扇貝，但大部份海鮮都可以任食，所以$196一位其實真的可以淨食海鮮番本。燒甲殼類海鮮時不用燒太久，殼張開就好，因為燒太久會太乾水。這個㙰皇海膽粥是要連飯放在爐上煮的，煮的時候加入蟹膏和香蔥、蛋等，真的好鮮美！壽司全部都好新鮮和美味。肉和飯的份量剛好，不會太多飯太易吃飽。其中比較特別的有韓風霜燒牛肉壽司，牛肉肉質鮮嫩有咬口。蟹籽芝士BB薯，芝士香濃，蟹籽鹹香，薯粒和芝士的配搭十分夾，鐵板上熱力夠。花螺和雞翼都好正！以小食來說真不錯。千賀焗黃金蠔，蠔大大隻，芝士香濃！多食都不會膩。天婦羅的粉漿不會太厚，炸都外層香脆，裡面還是鮮嫩多汁。年糕油揚福袋，第一次放題有福袋，可以滿足我一己私慾。這個豆腐好嫩滑，特製的辣醬甜甜酸酸不錯。刺身好新鮮！擺盤好漂亮，特別之處是有鮑片任食！螺片都好爽脆，甜蝦更是鮮甜肉厚。食到尾要來點澱粉質，烏冬不錯，麻醬香滑。甜品款式多，還好特別，有 gelado ，還有多款自家製甜品。飲品出奇地有apple cider 任飲！其他飲品都好特別！甜品、生果、沙律和飲品都是自取的。以放題來說這裡還真是十分超值，加上食物質素高，上菜迅速！服務週到，可以推介給朋友。…查看更多

一年一度的母親節，當然要帶媽媽食好西，特意來到元朗，尋找磯燒海鮮的風味。晚上七時，餐廳已經高朋滿座，我們等了約10分鐘。步入餐廳，濃烈的燒海鮮味道攻佔嗅覺，燃燒著無比的肚餓感。在我們點餐時，店員已經依據人數，預先送上豐富的磯燒海鮮拼盤。拼盤有4隻大蝦，2隻珍寶蠔、大海蜆、大扇貝及鮑魚，和蟹甲羅燒。單是賣相，已叫我心醉! 我們都二話不說，趕緊開爐燒海鮮。不得不讚點餐紙上，清晰列明了每款海鮮的烹調手法和時間，讓食客們更準確拿捏燒製時間。大蝦整齊的放在爐端上，每邊燒約2分半鐘便可食用，看到慢慢變成焦啡的外殼，傳來陣陣鮮香。磯燒大蝦每隻如我前臂般長，剝下蝦殼，蝦肉嫰紅、潔白，入口彈牙，鮮香美味，大大啖的蝦肉令我大快朵頤! 我們陸續的把海鮮放上爐燒，扇貝、珍寶蠔及甲羅燒，慢慢燒至炙紅色的。蟹甲羅燒內有蟹膏、蛋黃及蟹肉，攪拌至均勻，慢慢燒至膏狀便可吃用。蟹膏及蛋黃混合起來，鮮甜、香郁，濃濃的蟹黃味道使我印象深刻! 珍寶蠔燒的時間較長，肉的兩邊各燒10分鐘，並需要加入清酒燒製，珍寶蠔由透明煮至奶白色，非常吸引。珍寶蠔入口如絲柔滑，肉質肥美，配上清酒的調味，鮮味大爆發! 磯燒鮑魚也需加入清酒煮製，磯燒帶出飽魚原始的鮮味，肉質煙韌彈牙，而清酒可以提鮮及令肉質保持濕潤。磯燒扇貝由奶白燒至挺身，約10分鐘，入口軟糯，滋味吸引。如果餐廳可提供蒜蓉作配料，必更惹味過人! 蟹黃海膽粥是餐廳推介，把米飯、海膽、蟹黃及薑蔥粒放在清湯中，煲至沸滾，再打入蛋拌勻。蟹黃海膽粥十分綿滑，粥底夾雜鮮黃色的海膽，入口啖啖鮮香。由於磯燒真的太美味，我們吃光海鮮拼盤便馬上點叫其他海鮮。大蝦當然少不了，還有清酒煮蜆、芝士蠔及海蜆等。清酒煮蜆的清酒味清香誘人，令人回味；芝士蠔的芝士半溶，粒粒軟糯香濃；海蜆肥美，同樣爽口。燒菠蘿香甜多汁，在燒香後更是蜜甜、消膩；牛油粟米經過熱燒，牛油慢慢溶化，滲入粟米粒中，粟米加上牛油香，滑不溜口。除了磯燒海鮮，其他的小食和揚物同樣出色。千賀焗黃金蠔我一共吃了4隻，除了芝士，還洋溢著沙律醬的香氣，叫人難以抗拒! 露筍牛肉卷的做法新鮮，金菇肥牛就食得多，想不到包露筍的感覺更爽脆，而燒汁味更是香甜；牛肉生薑燒則相對普通。芝士肉醬焗茄子用小鐵鍋盛著，保著温度，軟腍的茄子被芝士肉醬完全覆蓋著，還可以拉出長長芝士，超級邪惡! 我們點了各款天婦羅，如大蝦、冬菇和南瓜，整體來說都新鮮香脆。揚物也相當吸引，我最喜歡炸雞軟骨及一口芝士，雞軟骨卜卜脆的口感，不經意已經吃光。咬開炸一口芝士，熱燙半溶的芝士傾瀉出來，超級幸福! 火炙三文魚、蒲燒鰻魚、霜燒牛肉壽司都令我們一再Encore。火炙三文魚壽司燒後油光亮澤，入口滋味芳香；蒲燒鰻魚壽司肉質肥美，加上燒汁的精華，實在停不了Encore；霜燒牛肉壽司的牛肉表面微焦，肉香慢慢在口中散發，非常惹味! 經過一番奮鬥，我們超級富足，媽媽也很滿意今次的「磯燒大放送」。整晚的點菜及送餐過程非常快捷，完全没有漏單情況，店員經常主動為我們收走空碟，讓我們吃得更舒暢。最後我們吃了少許蛋糕及雪條作結，懷著滿足的心情離去。…查看更多

今天又入到元朗去尋美食,朋友們大多喜歡吃日式放提, 咁就在教育路,西裕街一帶尋尋覓覓！見到一間叫千賀水產,今期做磯燒放提,二話不說就入去開餐！跟一般吃日式放提餐廳做法差不多,在分門别類的order紙上揀選自己喜歡吃的食物便有waiter送上！首先餐廳就先奉上今次主题食物！天婦羅 - 食日本嘢,除咗食刺身外,一定要食Tempura 如果餐廳師傅工夫好,應該可以吃到好的天婦羅,今次有海老,番薯..等都同樣炸得外脆和保存到食材的自然質素！good!…查看更多