瘋狂小面 (佳德商業大廈)

有時候我都喜歡一個人周圍去、一個人行吓街、睇吓嘢、食吓嘢，享受一下自己嘅時間，近年興叫 Me Time 。今日趁放假又無約人，一於 Me Time 一下，先去咗尖沙咀、然後港島半天遊，順便周圍覓食。喜歡食濃味同辣嘅我，今晚決定試吓呢間「瘋狂小面」有幾瘋狂。餐廳位於佳德商業大廈一樓，裝修充滿中國色彩，而且地方寬躺。一人套餐組合有多款自選，主食提供多種干撈面或湯面可選，然後可只配飲品；又可再加配小食或甜品；或者可全選四項，視乎個人喜好及食量選擇。難得放假，當然要瘋狂一下，一於要齊四款組合。麵選了干撈面「瘋狂豌雜面」自選了正常麻和少辣程度；飲品選烏梅汁；小食試吓個「鐘水餃」（加$32）；甜品是「成都老冰粉」。「瘋狂豌雜面」有豌豆蓉及雜䓤姜蒜醬，有辣有麻有花生香，重口味但很正。店舖採用新鮮水麵，果然麵質很靚。餐飲品「烏梅汁」，其實即是酸梅湯，甜甜酸酸，開胃得嚟又有益。小食決定加錢試吓佢個「鐘水餃」，因為覺得個名好得意。水餃皮彈肉饀特別，配埋濃香麻辣汁，一口一粒，好好味！甜品係「成都老冰粉」，入口清甜冰凍，有芝麻花生酒米香。食埋就十分完滿了。順便一提，餐廳有提供「花臉啤酒」，買一送一。另外仲有多款不同口味嘅精釀啤酒。…查看更多

難得準時收工，相約同事到附近的瘋狂小面食返餐，6點來到不用等位，大概7點開始滿座了。 瘋狂碗雜面套餐 $110 瘋狂豌雜面 (鹵蛋 +$9)選擇BB辣，走芫荽, 中式乾撈麵，麵質軟韌彈牙，配料放得認真工整。有軟滑的豌豆蓉、甜美的肉醬、惹味的花生、爽脆的榨菜，另加了鹵蛋作配料，質地略嚴實左少少。麵底有醬汁，撈勻後每條麵都沾滿醬汁，BB辣不太辣麻味香，麻香撲鼻口感豐富，好味道！ 蒸蛋 +$18每日限售15份，我們有幸仲點到，蛋質嫩滑，仲加埋肉燥味道更香。 瘋狂大排面套餐 $125瘋狂大排面同事怕辣照舊揀BB辣走芫荽，味道比乾撈麵辣，但辣度可接受，大排係排骨炆得好淋好入味，肉質鬆又唔會太鞋身。烏梅汁烏梅濃厚酸香，飲落順喉，解辣一流喔。 鐘水餃 +$32醬汁望落橙橙紅紅，心知不妙以為好辣，食落出奇地好味，一啲都唔辣，水餃皮煙韌，肉餡豐富。 成都老冰粉 +$10冰粉啫喱狀夠QQ，味道清甜，面層灑滿黑白芝麻，加了炸花生、提子乾和山楂餅，撈勻冰粉一齊食夠晒層次，值得一試！…查看更多

今天在突然想吃辣的，便搜了這間餐廳來試一試餐廳提供套餐，有麵，小食，飲品和甜品，十分划算瘋狂豌雜面 - 第一次在香港吃到，有豌豆容，花生，肉碎配上秘製醬汁混在一起吃，又麻又香，令人吃不停口瘋狂肥腸面 - 朋友不能吃太辣，選了白湯，湯底非常清甜肥腸十分乾淨，爽口彈牙棒棒雞 - 小食加了$32 ，雞肉肉質鮮嫩，味道似口水雞，辣得過癮夫妻肺片 - 都是加了$32，有牛舌和牛肚，味道麻辣清香成都老冰粉 - 口感似透明啫喱，充滿鹹香猶大微甜， 十分冰涼爽快紅棗雪耳湯 - 冰凍的，吃下去有養顏感覺烏梅汁和冰糖雪梨汁 - 冰凍的，是解辣之選，也不會很甜這間餐廳的食物辣得過癮，絕對是喜歡吃辣的朋友不能不試…查看更多

之前睇開YOUTUBE"有碗話碗"介紹呢間瘋狂小面都算幾正宗,於是一直放左係必食名單,今日去開中環買野,終於有機會一試, Lunch Time 時間黎到以麵食為主, 套餐由$78up...A.$78 (麵類+飲品)B.$88(麵類+飲品+小食/甜品)C.$98(麵類+飲品+小食+甜品)貪吃的人就當然揀C 啦瘋狂豌雜面 (+13 牛舌) ~重慶面既一種,由豌豆/雜醬+麻辣調料撈麵, 肉醬份量足夠,單食會有DD咸, 撈麵一切食就會洽到好處,非常惹味,加錢既牛舌,係薄切且牛咪濃瘋狂牛肉麵~選擇左小麻小辣, 雖然望落好似好辣,但鍾意食辣既人一定會接受到,麻香辣味道有齊,牛肉似係牛腩位, 再灑上蔥花,瘋狂令人一啖接一啖! 小食- 夫妻肺片(+$32) / 棒棒雞(+$32) ~兩款小食調味應該係一樣,芝麻同花生都係炒香過, 個sauce絕對唔馬虎, 夫妻肺片有齊牛肚/牛舌/牛展, 係我最鍾情既川式涼菜 成都老冰粉~冰粉係食巴蜀菜必食既甜品,口感似啫喱(台灣人口中既果凍)~上面再撤上青提子乾/山楂片/黑白芝麻/花生/甜酒釀,Q彈+冰爽口感,難怪會係成都人解辣之選!!飲品都有好多選擇,比較特別有羅漢冬瓜茶,友人就選擇左凍檸茶~~有好多配菜/飲品/小食都需要另外加錢, 加下加下每人要$150但因為味道正宗+位罩係中環,都可以接受…查看更多

早已聽聞依間樓上麵店好食，今晚一試果然有驚喜，平平無奇的擔擔麵加了麻辣令人食上癮。位置中環蘇豪地段，食物價錢卻是平民貼地，好食要mark低，下次經過帶朋友來食下先。麵店以傳統中國風裝潢示人，以磚牆、木枱、紅椅、紅屏風、臉譜等元素，古色古香環境唔錯。麵食套餐組合：麵食 + 飲品 + 小吃 + 甜品，叫齊都只係$98又唔貴喎。瘋狂豌雜面 $78係乾撈面，麵質軟韌彈牙，配料放得認真工整。有軟糯口感的豌豆蓉、甜美的肉醬、惹味的花生、爽脆的榨菜，麵底有炒雜醬要動手自己撈勻先好食，醬味不太辣入口少少麻，麻香撲鼻口感豐富，好好味！自己再另加了和鹵蛋(+$9)和大排(+$20)，兩樣都好入味，鹵蛋實左Ｄ，滷水排骨炆得好淋肉質鬆軟好味。瘋狂擔擔麵 $78同樣都係乾撈面，配料有爽口的青瓜絲、甜美的肉碎、惹味的花生，香濃的麻醬底好易入口，食落口感不及豌雜面豐富，但都幾好味的。棒棒雞 $32緊密柔嫩的雞胸肉浸住麻醬辣椒油，雞肉無骨切成5mm薄片好掛汁，入口麻香。份量不多，非常珍貴。烏梅汁 (跟餐) - 烏梅濃厚酸香，飲落順喉，仲可以解辣呢。紅肉柚子 (跟餐+$6) - 酸酸甜甜清清地幾好飲。成都老冰粉 +$10凍食甜點解辣必點，冰粉Ｑ彈味道清甜，加了花生、提子乾、芝麻和山楂餅，弄碎冰粉撈埋食口感豐富，不可錯過！…查看更多

近年流行食川菜，那川菜館是否只食麻辣火鍋咁簡單，今天早利亞跟友人就來到中環一間樓上舖瘋狂小面，試試四川當地的民間食品，午市多人，特意2點後才到，避開人潮。店子午市有午餐組合： (A) 麵食、(B) 飲品、(C) 小吃 (D) 甜品 ，不同配搭，最低消費 A+B $78，而全套餐A+B+C+D 價錢為$98，另加一服務費。點了兩個瘋狂套餐，所謂小麵，就是四川地道的麵，有著蔥蒜醬醋辣椒調味的麻辣麵，分為乾撈和湯麵，我們各點一份。心中首選瘋狂燒白肉麵，可惜每天限量供應十五份，店員表示開店未到一小時便售罄，可惜，唯有改為同是豬肉的大排麵。因為很想試特別推介的鐘水餃及棒棒雞，我們選擇了加錢升級小食。鐘水餃 造型比一般水餃小巧，皮煙煙靱靱，原來店子特別請麵廠特製的，香滑而豬肉餡料有肉味，雖然紅油望落有點嚇人，但辣味不重，加埋蒜香，味道層次豐富 ，我們吃著一隻接一隻。另一款小食棒棒雞，雞肉片不算多，醬汁味道帶點酸味，原來這是當地正宗味道，蠻特別。店員端上甜點醪糟粉子及成都老冰粉，奇怪，主食都未到，細問下原來當地人地道食法是以此作飲品，用以解辣，因甜味可以紓緩麻辣既感覺，但來到香港後才作甜品，另加飲品。我們升級了兩杯飲品，紫貝天葵檸檬呈漸變紫紅色，入口味道酸甜開胃，藍蝶花雪梨呈現漸變藍色，味道則不是早利亞杯茶。瘋狂豌雜面，店員叮囑影相後要快食，而且要撈得均勻才最好食。豌豆蓉跟肉醬蔥花，還有麵底部放了師傅自家炒的雜醬，邊撈邊聞到香氣撲鼻，入口香麻但不太辣，或許因為我們點BB辣的關係，豌豆蓉跟肉醬很夾，口感豐富，惹味而不油膩。另一碗湯麵瘋狂大排面，配有多件鹵水的排骨，我另加了店子馳名的肥腸，師傅細心剪開肥腸，取走內裡肥膏及污物，店員表示這是成都的標準，香港坊間少見的處理方法，算是這兒特色之一，入口一樣有肥腸的脂香，鹵得入味爽口，一吃愛上。麻辣湯底與坊間麻辣米線不同，重點不在於辣，重於麻香而不嗆喉。餐廳用的麵是四川的水麵，專門在本地麵廠訂製，質感有點像拉麵，煙韌、爽滑之外，掛湯能力又高，跟湯底同吃很痛快。最後真是要食甜品解一解辣及油膩感，醪糟粉子跟酒釀丸子相似，粉丸子口感煙韌有咬口。成都老冰粉是傳統的口味，口感像啫喱，配上糯米、提子乾、芝麻、花生等配料，口感清爽，加上配料味道層次豐富，是這餐的亮點。…查看更多

跟疲累的一天說再見，加上天氣開始轉涼，真希望吃點辣的🌶! 中環的辣麵選擇不多，選了平時午飯時間人流絡繹不絕的瘋狂小麵。許多內地同事都大力推薦過話夠地道，有信心保証!👍今日主打係二人餐的瘋狂缽缽雞(藤椒熱湯)! 真係大鄉裡出城，原來可選凍湯或熱湯。我地無特登叫小辣，入口麻麻辣辣的感覺即刻滿足晒🥰，過足癮。30串的肉有我最愛的蓮藕和魷魚，其口感配上藤椒湯更正。除了菜、菇、肉和海鮮串之外，最特別是連鴨舌、豬軟骨的款式都有，非常豐富。辣到性起，追加多一碗豌雜麵，一碗豬肝麵，一份鐘水餃同兩杯羅漢果冬瓜茶。鐘水餃細小但夠辣夠惹味，是一份出色的小食。羅漢果冬瓜茶最適合吃辣時飲用，雖是熱飲，但吃得太多辣時可以下火，即時可以繼續吃辣。豌雜面雖是豌豆，肉碎，醬汁，和冷麵，但成件事mix埋一齊同麻辣出真係奇地夾👍朋友點的豬肝麵是熱湯麵, 嚐嚐豬肝很嫩, 麵索埋湯汁, 重點要講多次: 夠辣(真的很重要呢🤣)辣, 容易。但要瘋狂小麵咁辣得好味又過癮就真係唔係咁容易。…查看更多

收工後決定約埋朋友一齊試下呢間來自中國既大型連鎖四川菜 瘋狂小面🍜餐廳位於中環商廈一樓，裝修特別，融入了中國風味係網上見到好多人叫缽缽雞，於是我地都叫左個兩人份量黎試下，係由30串肉同30串素蔬所組成，選配了藤椒湯，辣度選了小辣。店員說正宗食法其實是配凍湯，但亦可以選擇加熱，由於天氣凍 我們選擇了暖湯🍵湯底係由豬骨同雞骨每天新鮮熬製數小時，所以味道十足！每款食物都有兩串，好貼心。廚房特意把食材薄切，讓食物吸收湯底精華，每口都是麻辣香，吃個不停，而且辣度適合我呢個唔食得辣既人另外叫左個瘋狂套餐，選了干撈麵類中的: 瘋狂豌雜麵🍜另加了大排，牛肚和滷蛋🥚干撈麵條口感煙韌，配上蔥花 芫荽 花生，好惹味！又讓人吃個不停小食揀左蒸蛋🍳非常嫩滑飲品則選了雪梨菊花茶，清甜潤喉的雪梨菊花，不會太甜，好好飲為美味的晚飯畫上完美句號平時返工中午都會再黎食…查看更多

瘋狂小面+飲品+小食 ($78)瘋狂豌雜面Noodles with Minced Pork and Mushed Peas🍝瘋狂小面有2大種類: 湯面同干撈面，而豌雜面同擔擔而係屬於干撈面類，大家留意番正宗四川菜嘅擔擔面係唔會有碗湯🙈同廣東擔擔面係有分別嫁!講番草根揀呢款干撈面走左辣😗面頭有d餸肉碎碎🐷同豌豆🌿做餸，其實草根麻麻地碗豆帶粉粉嘅口感，不過由於個麵落左芝麻油，雞油同秘製醬料做撈面底，食落味道好豐富，仲令個麵好香😍😍😍而且麵質好煙韌😍岩哂草根姐姐，佢對麵質彈性要求好高😎最唔中意煮到腍晒嘅麵，原來聽講呢到嘅麵係特登搵師博去研究出嚟，每日新鮮做起，難怪有呢個效果👍👅。捧捧雞 （跟餐+$25）Bang Bang Chicken 捧捧雞🐤嘅精髓在於個紅油汁，紅油汁又麻又有少少辣🔥食落就夠哂過癮啦✌…查看更多