和氣食堂 (河畔花園)

之前食過黃大仙嘅同一間店，覺得唔錯，今次就入到黎沙田呢度再試下先。依間分店同黃大仙嗰間有啲唔同，面積比較細，好似冇咗甜品嘅Menu，但係勝在選擇都多元化，食物質素都唔錯，平日都有唔少嘅客人。餐廳嘅Menu都好得意，好有漫畫嘅感覺。令我哋都好有驚喜嘅電擊雞翼，放入口我先知道原來佢係凍架。甜甜地辣辣地，外皮好脆，仲好細心去咗當中其中一條骨，食得方便啲。係一個好正前菜😊又鍾意芝士又鍾意鰻魚嘅我，非常之欣賞呢個芝士鰻魚卷，鰻魚好大條，與芝士同埋青瓜配合埋一齊食非常之好味😊平時我好少食牛舌，今次呢個真係令我改觀！非常之林、香、入味。佢用鐵板上可以keep住溫度，慢慢食慢慢品嚐，正！第一次食白咖喱烏冬，口感好幼滑，烏冬又非常之有彈性，好夾😊白cream醬下邊 嘅烏冬感覺好似撈勻左薯蓉咖喱，一齊食好好味😊終於到豬扒飯啦，我估唔到係咁高咁大份。佢上面嗰啲係生菜絲，之後有豬扒，洋蔥，再係白飯。下次可能再有四五個朋友一齊食嘅時候點依個都OK。我哋食嘅時候先拎走咗啲生菜先，再係好大份嘅炸豬扒，同埋好多飯。哈哈。豬扒好香脆，夾埋生菜好好味😊最後嘅依個燒茄子，初頭以為感覺好似燒汁燒茄子，但食入口覺得有點似腸粉甜醬溝麻將溝芝麻嘅甜香味。口味新嘗試！haha…查看更多

和氣食堂，每一碟餸菜，都能煮出一種鮮味，係對食物一種尊重，勁勁勁勁好食麻辣火鍋 128hkd (京蔥,豆腐,白菜,芋頭,粟米,牛肉,豬肉,雞肉,福袋,芋絲,白蘿蔔,金針菇)火鍋底有大概 15 種嘅材料, 火鍋嘅底以泡菜湯做湯底， 白菜都煮到好入味，又用慢火唔係用石油氣去 控制火既大細，石油綿慢慢去加熱， 坳出嚟嘅湯，同食物，會更加帶大出鮮甜味道。黑豚腩燒丼72hkd黑豚，白飯配泡菜，三種味道加埋一齊絕配甜蝦,山虎蝦,牡丹蝦刺身壽司58hkd唔立口，爽滑，新鮮，正雙重芝士鰻魚卷42hkd挺身嘅鰻魚，加上面頭四方方溶溶狀態嘅芝士，青瓜，yummy， 珍珠米粒粒 分明，有口感。芝士厚燒玉子4件 42hkd一層層嘅玉子，咬落去有好香嘅芝士味道，一夾起仲見到好多煙，好夠熱田樂麵豉燒日本紅茄子42hkd麵豉醬配茄子，味道獨特， 鍾意 麵豉湯嘅話都一定好鍾意呢碟小菜。一到7:30pm. 即滿座， 餐廳可以容納三十人左右，樓面亦有五個夥記招呼，招呼周到。…查看更多

今日去左沙田圍河畔附近探朋友， 順便食埋飯， 呢度附近開左好多唔同餐廳， 有台灣 越南 泰國 西餐 雞煲， 乜都有。今日就試呢間日本野， 門口有Food Gulu app可以拎定飛，不過我地早，6:30去到，唔洗點等位。入到去都坐滿左大半， 本menu 好厚， 好多選擇， 有沙律，有丼飯， 有壽司， 有刺身，有串燒。呢個茄子好特別， 加左麵豉去燒， 好香， 本身茄子冇乜味， 所以好吸味， 好香口， 可以食幾舊。個沙律叫沖繩風， 上面加左啲海葡萄， 第一次試海葡萄，冇乜味， 好似海帶咁， 配埋啲生菜， 感覺好新奇。呢個天婦羅盛合， 份量都幾多， 3隻蝦 再加幾舊蔬菜， 有南瓜， 有茄子等等， 炸得幾好， 夠香口。個黑豚飯幾好味，啲汁好濃， 啲肉吸曬， 啲肉夠淋， 配飯好好。 好開胃。 仲有啲配菜泡菜跟埋。芝士玉子燒夠厚， 入口啖啖肉， 唔會太甜。 偏實。唔會散。三文魚5味， 一款係正常乜都冇加，一款加左牛油果， 一款加左海膽， 一款加左咖哩鹽再燒，一款加左芝士再燒。 全部都好特別， 有新意。…查看更多

老公同呀仔同我提前幾日慶祝母親節，我選擇食日本料理，沙田圍有兩間日式餐廳，徳美已食過，今次試和氣啦。^_^閒日星期二晚上八点半不用等位，雖然店子小小，但也坐得舒服。…查看更多