尚點 小籠包.上海麵館 (置富第一城) (已結業)

今晚家庭飯局，由於有長輩出席，那當然要揀吃中菜啦。最後，我們一家人選擇到上海菜館「尚點」慶祝父母結婚週年紀念。菜單選擇多元化，有麵食、菜蔬、點心、湯羹和小菜等。剔好食物，交給侍應，不一會佳餚就逐一上場。雞絲粉皮（$48）粉皮滲出啖啖麻醬香味，作為前菜很開胃！尚點招牌小籠包（$56）一籠四粒，皮薄汁多；跟普通版相比，招牌版加了姫松茸，多一份清香！生煎包（$40）包底佈滿芝麻，煎得香口；豬肉餡料肥瘦啱啱好！香煎牛肉包（$42）皮脆金黃，牛肉餡料帶少少辛辣，很惹味！豆沙鍋餅（$40）即叫即造，新鮮熱辣，放入口時小心被豆沙蓉辣親嘴唇！元貝賽螃蟹（$88）蛋白香滑，清新的味道混有元貝鮮味！蜜桃咕嚕蝦球（$98）季節限定，以蜜桃伴蝦球很少見；跟菠蘿相比，蜜桃的甜中和了咕嚕的酸，味道更夾！金華火腿津白（$65）娃娃菜煮得很稔，少吃菜的我都覺得特別易入口！跟大商場的上海菜館相比，住宅區的價錢較親民，每人150元左右就可以吃到飽，抵！…查看更多

放工後一家人只想快速醫肚，在第一城有好多餐廳，今日好想食小籠包，所以就揀左呢到食飯。一行4人叫了一個三餸set，包括兩個小食、一個湯、三個主菜、一個炒飯/麵，同埋一款甜品。個set只需$395蚊，價錢麵算ok可以接受。小食我地叫左蒜泥白肉同生煎包。蒜泥白肉唔夠蒜亦不夠咸同酸，略為失色！要再另加醋先好咪少少。肉也不夠薄，有d厚身。反而生煎包非常有驚喜！包身軟熟，唔會硬，調味適中，又唔會太咸。雖然只煎左底面，但我覺得剛好，起碼唔會成個包都係油！粟米魚肚羹，少粟米，過咸，麻麻地。椒鹽排骨，呢個反而唔夠咸！不過不失啦！回鍋肉，有屋企自制既感覺，好似少左d野，但又講唔出少左d咩甜酸炸魚，反而呢個值得一讚！魚塊炸得香脆！吸左汁亦唔會變得林晒，仲可以keep到個脆度！可以一試呢個餸！老上海炒飯，比較油！同咸！食完狂飲水！木桶即製豆腐花，本身已有甜味，可以不用再落黃糖，口感順滑！我地另加左客小籠包，size都算大粒，亦多湯汁，但就冇一咬落去會嘩既感覺，不過不失。街坊醫肚黎講都可以接受，但調味一時太重手，一時輕手就需要改善！…查看更多

今晚約了屋企人食生日飯，近近地在屋企附近。一直都知有一家上海餐廳比較新的，但一直都沒有試過，就趁今晚來食。最近應該是蟹粉當造的季節，上次食上海菜的時候，都是有蟹粉的菜式食。*生煎包 ($36)用鍋仔上的生蒸包比較少見。每個生煎包的底都煎得很脆，感覺上似是炸過；內餡肉汁豐富；包薄多餡，正！*金網生煎鍋貼 ($36)這個吃的時候要小心一點！新鮮煎起上枱，很夠熱；生煎鍋貼外脆內軟，一口咬落去即經刻爆哂汁！*花雕醉雞 ($70)雞伕質感不過不失，又未去到去滑；但是比起平時吃的，雞真的浸得很入味，很濃花雕味。*金黃蟹粉小籠包 ($68)小籠包要趁熱食！皮薄餡靚，有湯汁。*滿貫炒飯 ($98)炒飯加上蟹粉；炒飯粒粒分明，伴上香香的蟹粉。*蟹粉翡翠苗 ($96)蟹粉伴翡翠苗 ，奢侈又邪惡；清新的翡翠苗，配上濃濃的蟹粉，其實都頗不錯。*香芋甜餅 ($30)很飽肚的甜品；中間是甜甜的香竽泥，餅外層脆脆的，但不會太油。*豆漿 ($12)豆味濃，不會太甜。*茶位 ($3/位)…查看更多

之前在尚點食過担担面覺得好好食，難得放假就同屋企人再去食過一行四人試左唔少前菜同點心，再加每人一碗麵，食到捧捧肚細食的話建議麵可以share，食多幾個小食!埋單每人$100，依個價錢食到gum 好的水準我覺得超值! 以後想食上海菜一定會再黎:)…查看更多