德福閣

德福閣 (旺角)📍旺角豉油街118號仕德福酒店閣樓當日雖然係平日，但自助餐區範圍都坐滿人！食物種類當然唔能夠同五星級酒店相比，但都算應有盡有！海鮮、生蠔、刺身、冷盤沙律、熱薰 、甜品都有齊！國際海鮮美食自助餐成人價錢：HK$386（星期一至四）/ HK$418（星期五六日及公眾假期）每位客人都會有一份四隻嘅新鮮生蠔，每隻生蠔都大大隻非常肥美！ 日式刺身總共有四款，而最受歡迎嘅就係三文魚刺身！每一件都係厚切，油脂都算豐富，而且紋理鮮明，每一件份量都絕不吝嗇！手快有手慢冇㗎！凍海鮮包括麵包蟹、蟹腳、大蝦、青口。熱薰系列有清蒸海斑、東風螺、蟹籽焗扇貝、牛柳、意式肉丸、糯米飯。最欣賞係清蒸海斑，魚肉滑溜！甜品區有Movenpick 雪糕、Tiramisu 、美式芝士餅、瑞士卷蛋糕、疏乎厘、Crepe、朱古力噴泉 等等！疏乎厘即叫即焗熱辣辣，Crepe 都係即叫即整，外皮幾香脆，更加可以自由配搭餡料！飲品區最特別係有支裝可口可樂添！

跟要好的同事做到有點洩氣，大家都話要吃餐好來提升士氣。要吃得夠豐富、夠盡興一定是吃自助餐，見到咁多食物成個人就好興奮好滿足，所以我倆決定今晚一齊去食餐勁。走進仕德福酒店閣樓的德福閣，裝潢並不是一般酒店餐廳金碧輝煌，而是設計簡約優雅，以灰白色為主調，環境光猛，感覺親民舒適。餐廳地方不算好大，大部份是二至四人枱，亦有些六人枱，還有一排排舒適的長梳化座，枱椅擺得整整齊齊，枱與枱之間有一定的距離，坐得舒適自在，而食物就集中在中間，好方便。餐廳今期正推出國際海鮮美食自助晚餐，正合我們心意，因為大家都是海鮮迷，今晚實大飽口福。自助晚餐供應時間由6:30PM-9:30PM，星期一至五收費為成人 $386.4，還已包了加一服務費，抵喎!****************************安坐一會，服務員隨即送上每人一客四隻生蠔。每隻都好有份量，肉厚肥美，色澤亮麗。口感滑溜，肉質鮮嫩兼creamy，帶些海水味，蠔味香濃，較討我歡喜。****************************愛魚的我就第一時間走去清蒸海上鮮，蒸弄的時間掌握得挺好，保持鮮嫩，魚肉片片分明，又白又滑，而魚皮和魚腩就更加滑溜，

前排友人請我睇林海峰的Talk Show，大家都知一場talk show都唔平，真係好豪，為感謝他，我今晚也「豪」一次，由他決定吃餐好。結果….他也很識揀，揀了去食自助餐，也好! 反正我已有一段時間沒有吃自助餐，加上自助餐咁多選擇，總有大家喜歡的。走進仕德福酒店閣樓的德福閣，雖沒有一般高級酒店餐廳金碧輝煌的裝潢，但反而感覺很親民舒適，以米黃色為主調，環境光猛，設計簡約優雅。餐廳場地雖不大，大部份是二至四人枱，有一排排舒適的長梳化座，枱椅擺設得整整齊齊，而枱與枱之間有一定的距離，坐得很舒適自在。餐廳十月份正推出國際海鮮自助晚餐，正合我們心意，因為大家都是海鮮迷，今晚實大飽口福。自助晚餐供應時間由6:30PM-9:30PM，星期一至五收費為成人 $308，長者 $268，及小童 $238，而在Openrice專頁下載優惠劵就有85折，抵！究竟有咩海鮮，一陣就知。****************************安坐後，服務員隨即送上一人一客吉列香芒帆立貝，熱辣辣上枱。帆立貝略為炸得有點過火，但非常香脆，且不油膩。其肉厚肥大，蘸上香芒醬汁更吸引。********************