祥發茶餐小廚

營業中

休息中

第一次幫襯，見到個餐單都花咗少少時間研究🧐🤣百搭得黎真係睇到花多眼亂最後決定咗叫瑞士汁雞髀+沙牛+西多士第一碟上就係瑞士汁雞髀🍗食到有可樂味輕輕一切就骨肉分離肉再撈汁水正到飛起第二樣就係沙牛米線雖然細細碗，但係好足料牛肉好多舊而且好滑身，加埋濃郁嘅沙嗲湯底唔夠喉🤣第三樣：西多士一上枱個姐仔就溫馨提示講：凍左唔好食，食左西多士先糖醬好足夠花生🥜醬好香口熱辣辣夠晒邪惡咁多樣野加埋茶走都係$48咋宜家寫完食評都好想再去食🤣🤣🤣

獨自到北角，食個快餐。之前來過多次買外賣，家人都喜歡食。今次是第一次堂食，個阿姐好熱情招待，這間小店似是一家人經營，因為店員都幾似様。$54食咗瑞士汁雞脾、豬扒包、鯖魚豬頸肉飯再加一杯凍飲，仲要好好味，你哋話抵唔抵。招牌瑞士汁雞髀唔使點講，好味。豬扒包都好大個，同雞髀差唔多長度，包軟淋好食，豬扒即煎有肉汁。鯖魚豬頸肉飯舊豬頸肉好爽脆。呢個套餐，份量好大，食到好飽，杯奶茶亦夠茶味，咁嘅價錢，物超所值。

特登去祥發食出名嘅瑞士餐😍真係不可不試！仲有好多種配搭，總有一個啱你心水！我揀咗A+C😝瑞士汁雞髀配沙嗲牛肉通粉，凍檸茶走甜！凍飲加兩蚊，$44！上菜速度更快非常符合茶餐廳🤣因為已經好肚餓啦沙嗲牛肉就正常，份量係迷你型～瑞士汁雞髀真係好好味，瑞士汁好香甜，肉質嫩，輕輕用叉就可以拉到雞肉😍食到想追加多一份添另一伴揀咗A+B+H麻辣雞翼，沙嗲牛肉包，迷你版鰻魚紅腸飯，凍奶茶少甜，凍飲都係加兩蚊～$52!鰻魚紅腸飯就正常⋯⋯的確很迷你至於沙嗲牛肉包我覺得比沙嗲牛肉通粉好食好多沙嗲牛肉掛汁，肉質唔會太硬，配上脆脆嘅包，好夾！我係第一次食沙嗲牛肉包😚冇諗到麻辣雞翼竟然咁好食！有三隻大雞翼！麻辣汁好惹味！如果唔想食瑞士汁都可以食麻辣雞翼！最後，要再放上一張瑞士汁雞髀！真係必食㗎！

之前響銅鑼灣舊店食過，舊店陳舊，地方骯髒，唔係為隻招牌瑞士汁雞髀，真係唔係咁想坐入去 ，後來知道執咗，響openrice睇到響公司附近開新店，一直想嚟試，今日終於有機會，下午茶時段，無乜人，地方新浄，唔會嚇人，普通茶餐廳格局，餐具乾淨，不過冷氣唔夠，好熱，叫咗： 瑞士汁雞髀（A):一定要叫，上碟雞皮炆到泛油光，瑞士汁入晒味，骨肉好易分開，瑞士汁見到有啲香料碎，不過瑞士汁偏甜！未必人人喜歡！But I like it! 熱狗（B):熱狗包大隻，麵包焗熱過，好軟熟，香腸比例顯得好細，幸好味道不錯，不會過咸，芥辣醬多，無其他配料，芥辣醬香辣，攻鼻但可接受可！好味！ 迷你炸魚柳芝士汁撈天使麵（E):魚柳有兩件，好腥，我只係食咗一件，芝士汁多，但無乜芝士味，質地杰，但無乜味，天使麵幼細，正常！但下次會揀第二樣！ 熱檸水：正常！咁多嘢都只係$33， 真係抵食到無朋友，以咁嘅價錢，有咁嘅質素，已經無可挑剔，而且每區（ABCE)食物款式都有好多選擇，雖然唔係每個選擇都好味，要試下先知邊樣好味，仲可以加兩蚊轉紅豆冰，食完個餐飽到頂到上心口，侍應態度好有笑容，有問有答，食物上得快，因為有外賣服