九份飽 (淘大商場1期)

營業中

休息中

同屋企人黎淘大食飯，見好耐無食台灣野所以試試呢間。一入餐廳，覺得裝修好有心思，滿滿既台灣懷舊味道👍🏻Menu就係一張紙，自己填選食物及野飲。• 紅燒牛腩刀削麵 HK$65牛腩非常大舊👍🏻但口感一般，唔算好淋又唔係鞋口，都有4-5舊。但刀削麵就爭少少，可能同平時食開既刀削麵有啲唔同，佢似係比較煙韌但唔算好彈牙而闊身嘅麵條，但湯口係幾夠味道，唔係死咸。• 香酥雞扒魯肉飯 HK$53雞扒都夠多及大舊（我影得醜🥲），而且炸起熱辣辣👍🏻不過魯肉唔夠肥同埋唔夠多！唔夠拌飯🥲而且醃蘿蔔只係得一片⋯希望餐廳之後可以改善，起碼最少都有三塊😂• 滷味拼盤 HK$37佢又唔係大碟，但係啲份量又唔係話好少🫠我自己本人就唔特別大興趣食滷味，屋企人就話無咩特別。• 玉米起司蛋餅 HK$32成餐飯覺得最好食嘅一樣嘢食🥹有非常多嘅粟米，咬入口之後有卜卜既口感～而且都有足夠嘅芝士！粟米同芝士味道都好夾，加埋辣醬食好惹味🩷叫左杯芋頭奶茶，熱，0糖。一飲落口，勁甜😵我即刻望一望張單，又真係落左0糖架喎，我就估可能餐廳本身係用糖水浸住啲芋頭肉，不過芋頭肉有好多👍🏻但甜度需要改善🫠價錢合理，再次經過既話都可以再試下其他野食👍🏻

-{九龍灣台灣菜分店🍜}🤤 懷舊魯肉飯(大)🤤 ($44)半肥瘦腩肉😋啲油脂癡曬落啲飯粒正正子😙隻滷蛋好實滷水味就冇乜~👖褲評: 8.3/10🤤 紅燒牛腩油麵 🤤 ($55)油麵嘅配搭令我諗起車仔麵🤣個牛腩夠腍同大嚿但食落冇咩記憶點🫡👖褲評: 7.8/10🤤 鹽酥雞 🤤 ($38)勁熱辣辣😚外皮好脆亦唔厚皮 但啲肉可以多啲😂👖褲評: 8/10🤤 玉米起司蛋餅 🤤 ($32)個蛋餅真係蛋餅嘅煙韌外皮🥳起司有好多拉絲一定要趁熱食🤓🥰👖褲評: 8.5/10🤤 QQ地瓜球 🤤 ($37)內餡直頭辣口嘅😂😂😂😂熱到pk 但個芋頭味同紫薯味分別不大 主要係煙韌外皮好正😍不過啲甘梅粉太多👖褲評: 8/10冇加一而且野食幾高質😆好值得試同埋啲裝修都好有台灣vibe~性價比: 8/10服務: 8/10環境: 8.5/10🚩 九份飽 🚩地址: 九龍灣牛頭角道77號淘大商場一期地下G142號舖北角英皇道93號錦平中心地舖#fuudjai #fuudjai台灣菜 #fuudjai九龍灣 #fuudjai北角

淘大一直都有好多價錢相宜嘅餐廳，今次就試試呢間台灣嘢😋一入店內被裝修震懾住🤣因為太有心思了！有點阿元來了feel😛1️⃣紅燒牛腩刀削麵（$62）刀削麵嘅硬度適中，麵身較一般嘅粗身，食落有咬口～覺得非常不錯👍🏻連湯食就好有味，而湯底方面就有紅蘿蔔嘅鮮甜，加上有芽菜同梅菜，食嘅時候就唔會太單調🤔而主角牛肉切得比較大舊，亦煮得唔算淋，牛根部分更有啲韌😗但幸好有牛肉味，味道比口感好。2️⃣玉米起司蛋餅（$32）蛋餅份量有啲少🥲平時食有6舊但而家得4舊～食落好有芝士味！加上粟米嘅粒粒口感係幾好味👍🏻加埋啲微辣醬更提升到味道嘅層次😋3️⃣九份芋圓（$38）剔咗要「溫」嘅溫度，原來真係常溫唔係熱嘅～都ok，完全係即食嘅溫度😹芋圓食到原材料嘅芋頭粒👍🏻口感煙韌🤩仙草口感唔係手搖飲品嗰種咁淋，有啲咬口，唔錯💓珍珠正常發揮有少少黑糖味，另外豆花質感偏輕，好容易散🤔最後糖水底都係偏甜，再減少少糖就好了🥲📍總結：-兩個女仔份量足夠～-餐廳佈置出色，太耐無去台灣真係令人好懷念🥺

因為疫情已經好耐無飛過✈️特別掛住台灣美食上網碌到九分飽呢間台灣風既餐廳，淨係環境都好自身於台灣咁🥰🥰呢到既感覺同阿元來了有小小相似，假日下午時分去到唔需要等位就可以直入呢到既餐牌好精簡，寫低想要既數量就OKAY啦❤️一共叫左5款食物❤️🐓香酥雞扒魯肉飯$52台灣米真係特別香，賣相好似差左小小🤣，好似比人食左幾啖咁，雖然魯肉唔算但都足夠分配到每啖都有小小，雞扒份量都幾多，味道都岩岩好唔會太咸🍜香酥排骨刀削麵$58刀削麵既份量再多少少就更滿足～我幾鍾意個刀削麵好彈牙，煮得岩岩好，碗麵有半隻蛋兩三片生菜同小小芫茜芽菜做配料，個湯底比較清，排骨都有4-5塊，相比起雞扒炸得比較乾身🤫🌛月亮蝦餅$34呢款係台灣常見到的台灣小吃，我同朋友都係第一次食，配埋個甜酸醬我地都覺得幾好食，外層係類似春卷皮，包住蝦肉🦐🦑酥炸花枝丸$36花枝外皮炸得好酥脆，入面食得出有花枝肉，唔會食到成口麵粉，比一般既花枝丸大粒，一啖食曬都有難度🙊，所有炸物都係超級熱，食個陣小小辣親！！🌽玉米起司蛋餅$32蛋餅個皮煎得岩岩好，餡料都好飽滿，好濃芝士味配埋粟米甜甜地，食完真係超級飽

台灣風味小吃#九龍灣懷舊魯肉飯🍚(小) $3x魯肉半肥半瘦🐷，燜煮過仍然香嫩可口，米飯用珍珠米🍚，撈埋魯肉起吃更香更有口感😋QQ地瓜球🍡 $3x有紫薯💜和黃地瓜💛兩款口味，裏面有紫薯/黃地瓜🍠蓉，熱辣辣，外脆內Q彈牙🍡，再灑上梅子粉，這種做法不但解油膩感，更令我回想起在台灣夜市吃到的地瓜球！玉米起司蛋餅🫔$3x蛋餅皮煎得剛好，軟硬適中，有蛋香味，內面有玉米🌽和起司🧀，配上醬油膏和甜辣醬，味道非常夾，好味😋大腸包小腸🫔 $3x呢樣地道小吃係台灣經常見到，原來大腸包小腸是糯米腸(大腸)夾著台灣香腸(小腸)的意思，再灑上一些雪菜，增添風味，但個人認為大腸的皮有點比較難咬開😀，配雪菜亦有少少怪😃，未試過台灣的大腸包小腸，所以唔知算唔算正宗做法😂黑糖牛奶珍珠🥛🧋$2x味道正常，牛奶香滑，甜度適中(選擇了3分甜)，但珍珠唔夠煙韌💁‍♀️

兩個人叫咗一個麵、五個小食，兩杯奶茶👉🏼紅燒牛腩刀削麵 $59湯唔油，不過唔夠濃&唔夠藥材味牛腩可以接受但要讚下個麵條：從來冇識過咁滑咁彈牙嘅刀削麵！真係好正！👉🏼蚵仔煎 $45蠔仔鮮甜大大粒，醬汁整得幾好食，但漿粉可以少d 👉🏼炸甜不辣 $35一嚟到呆咗，因為勁大籃！有圓條狀、扁身兩隻款，個人對甜不辣有種執着🥰鍾意食扁身！ 好好味呀～ 香脆有椒鹽味，但最後食唔曬要打包👉🏼鹽酥雞 $38又係一嚟到呆咗，好大籃🤣！ 即炸，好香脆 ，最後都係食唔曬要打包👉🏼玉米起司蛋餅 $32蛋餅唔厚又唔會一夾就散，芝士唔錯，煎得幾香脆，下次會試埋個海苔肉鬆蛋餅👉🏼台灣香腸 $35連埋蒜片食好夾，不過有d乾，可以再juicy d 👉🏼珍珠奶茶&仙草奶茶 🧋3分糖都幾甜下🤣總括味道： 8/10性價比： 9/10 食到真係九分飽，仲打包埋，好食又好抵食

很久沒有來淘大，在這裡住真多選擇，樓下全都是餐廳，可以吃到任何國家的菜式。這家門外最多人，於是決定買回家試一試。➜ 起司玉米蛋餅經過十分鐘的車程，回到家蛋餅還是熱的！蛋餅的質地是我喜歡的，就是帶點煙韌，裡面是芝士和粟米，調味比較淡，醬汁較少。屬於比較淡口的蛋餅，但味道不錯。➜ 酥炸排骨肉燥飯排骨比較乾硬，但外皮酥香，只是肉質比較難咬。裡面的配菜很隨心，有生菜有通菜，醬汁也足夠拌勻白飯吃。➜ 滷水拼盤裡面有雞蛋、牛肚、豬耳、豆腐和一隻雞翼，調味滷得剛好，帶一點點甜。

行經淘大商場，見到台灣特色滿滿嘅台式餐廳，入咗去好似台灣九份一次，古色古香，滿滿嘅燈籠🏮令氛圍更好😍台灣擔仔米粉($43)- 台灣擔仔米粉都幾地道，米粉份量十足，大大份，魯肉碎香濃惹味、滷蛋鹹香綿密、爽口嘅芽菜等等，成個擔仔米粉風味十足😄玉米起司蛋餅 ($32)- 蛋餅香口薄身，配料豐富，用量十足，啖啖都食到滿滿嘅玉米同cheese，仲溶到可以拉絲，好吸引🤩涼拌牛肚 (辣) ($30)- 牛肚口感爽口，咬落幾有嚼勁，入口冰冰涼涼，加上辣辣地，幾上癮，作為夏日小食一流☺️鹽酥雞 ($38)- 鹽酥雞都係我嘅最愛之一，外脆內嫩，外表嘅油香脆口配搭埋鮮嫩多汁嘅雞肉，多重嘅口感配搭，台式菜中嘅No.1小食一流😋珍珠奶茶 ($23*2)- 食得台式菜一定要嗌杯珍珠奶茶，奶茶茶底香濃唔澀，入口香甜細滑，珍珠都好正，Q彈煙韌，互相配合，好好飲啊💕食物質素水平幾正，價錢仲要好親民，CP值超高，值得一試😆

去開九龍灣見到呢間主打台灣菜🇹🇼嘅食店都幾多人排隊👣 仲聽到收銀處部外賣平台機係咁響，咁多人幫襯相信應該唔錯掛～可惜...紅燒牛腩麵(油麵)menu明明寫係牛腩，但唔知點解成碗都係牛𦟌😮 仲有啲好厚有啲好薄?! 睇在啲肉都夠腍同入味就算數啦🤣 湯底牛味唔算濃😔 另外唔知係咪煮得太耐，油麵食落質感偏軟🙈 不過油麵始終冇刀削麵咁掛湯，建議大家要叫就叫刀削麵啦😅懷舊魯肉飯(小)五花肉半肥瘦，食落有啲肥溶喺口，啲肉就有咬口🐷 肉同汁份量都足夠撈飯🍚 味道係可以嘅，唔會太濃/甜/鹹，但就普普通通，唔係啲人講到話食到台灣嘅味道🤭鹽酥雞以價錢$38嚟講，佢嘅份量真係幾多👏🏻 炸漿唔會過厚，雞肉夠juicy🐔 調味適中，亦唔太油膩😋 呢個係全餐最推介⭐️玉米起司蛋餅蛋飯質感QQ der～ 味道中規中矩... 可惜唔夠熱，芝士拉唔到絲🥲 都係程班長嘅蛋餅最好食～其實以價錢嚟講真係算平，款式種類尚算多📝 不過食物質素相對冇咁高，一分錢一分貨啦～ 咁啱經過而又台灣癮發作，都可以一試嘅🤣