炑八韓烤 (屯門市廣場2期)

營業中

休息中

∝享足「肉」望韓式燒肉@炑八韓烤= = = = = = = = = = = = = = 總結：CP值高韓式燒肉，菜式分量多，抽風系統一流，食完都唔覺自己食韓烤環境：8/10 | 味道：9/10 服務：9/10 | 抵食：9/10————————————————炑八韓烤都係我嘅口袋名單 暫時未有計劃去泡菜國，食餐韓式燒肉當去咗 - 炑八韓烤每間分店設計都有唔同 今次同親愛的去咗屯門分店 ，安排坐卡位- 埋位之後，店員服務好快手 已經安排好前菜(泡菜、酸蘿蔔、芽菜、海帶) 爐邊泡菜蛋、邪惡芝士粟米 都係可以無限添加，主菜未黎之前可以食住等 - 落單用QR code自助落單  Menu 有豬、牛、雞、海鮮 仲有熟食、主食、甜品選擇好多 - ﹝柚子梳打、雪梨梳打﹞ 飲品有酒精同無酒精都有 Order咗兩杯都唔會太甜 梳打配烤肉飲好清爽解膩 - ﹝韓國醬油蝦配紫菜飯﹞ 一碟有4大隻醬油蝦 蝦醃得非常入味，肉質爽口鮮甜 蝦頭仲有大量蝦膏，可以伴白飯 啖啖充滿蝦鮮味 - ﹝特級牛肋骨﹞ 大大條牛肋骨，每次都係必點項目 醃得好入味，牛味濃肉質鮮嫩，入口軟冧不用沾上任何醬汁就咁

今晚系屯門市食燒肉，生菜，醃蘿蔔，芽菜，海帶，泡菜，爐邊蛋和芝士粟米可以任食。沙律菜好碧綠又爽脆好新鮮。韓式豬皮配炒芝麻，豬皮燒一陣已熟，燒到微燶好淋，用生菜，泡菜，芽菜包上豬皮一起食又唔會肥膩。蒜蓉牛油金針菇，金針菇底下有芝士連埋蒜蓉牛油一起燒好香，味道香濃。韓式紅蝦差唔多有手掌咁大隻，燒完都大大隻，蝦肉鮮甜又爽口彈牙。特級牛肋骨有手臂咁長，油脂均勻，肉已醃咗味道甜甜地，唔使點醬汁已好好味，肉質嫩滑牛味香濃。半隻炸雞（有骨），炸雞甜甜辣辣，炸雞雞肉嫩滑又好入味，粉又唔會太厚，薯條熱辣辣好好食。炑八厚切五花腩，燒之前話俾店員知，店員會換一塊板來燒五花腩，五花腩原條燒，燒一陣再反轉燒，燒到微燶就ok,用生菜，泡菜，芽菜包住食好美味又不油膩。柚子檸檬梳打和薄荷荔枝梳打

好耐冇食韓國燒烤，見到炑八好似有好多野食，好似又有優惠，所以黎試下▪️特級牛肋骨非常腍，肉味重，而且好多肉汁。如果包埋生菜，就好似食緊漢堡一樣。而大蝦都好結實、爽口▪️厚切五花腩店員話最好最後先燒，同埋可以叫佢地幫燒，而且係好有需要，因為實在太厚，唔搵專業既黎燒，一定食唔到真正既味道。啲肉好結實，但唔會硬，表面都係脆脆地，包埋生菜會仲正▪️韓牛前胸肉非常寶貴既肉類，燒到6成左右就會非常好食▪️韓式豬皮配炒芝麻簡直係邪惡之選，豬皮好彈牙，有好多骨膠原既感覺，加芝麻令個豬皮更加香▪️蒜蓉牛油金針菇成個放上爐到燒，燒熟左之後，每一口都充滿住少少鹹既牛油，再加上金針菇比芝士包圍住，雖然都係好邪惡，但真係好好食▪️海鮮煎蔥餅有好多配料，而且塊餅都有一定厚度，所以食得好滿足，點埋醬汁一齊食，味道會更加豐富▪️荔枝梳打成粒荔枝出現係杯飲品到，所以味道會好正▪️藍天使梳打飲落去非常清新，非常順口❗️原來宜家有個韓牛毛巾禮盒，用唔洗100蚊就可以獲得優惠券，仲有韓牛禮盒，睇睇下真係好似真既韓牛