鮨穴

跟同事八月飛東京，未出發先興奮，今晚就邊吃邊計劃行程。既然計劃遊日本，今晚就吃一頓豐富的日本菜，作為出發前預賽。餐廳以黑色為主調，好酷！內裏地方寬敞闊落，設有多張圖枱、長枱，座位不少，最喜歡是馬蹄型二至三人座位，好舒適。最吸晴是牆上的壁畫，兩條栩栩如生的大魚活靈活現，很美！還有那個日式小舖屋，滿有日本色彩。厚厚的餐牌，選擇不少，有刺身、壽司、新派卷物、天扶良、前菜小食、沙律、串燒、一品料理、炸物、爐端燒、鐵板燒、食事和 甜品。******************************先上特上壽司拼盤 Deluxe Assorted Sushi Platter （$468/12貫）件件色澤亮麗，好新鮮。有海膽三文魚籽杯、三文魚、吞拿魚背、𩶘魚、大拖羅、帶子、火炙左口、燒長海鰻、玉子等，相當豐富。最愛當然是海膽三文魚籽杯，海膽甘香油潤，三文魚籽鮮美，兩者同食，鮮上加鮮，爆燈！還有大拖羅，色澤粉紅，肥美油潤，魚味香濃，吃至滿口魚油，正！之於其他壽司也很優質，滿意！******************揀了兩款爐端燒，月見自家製免治雞肉 Minced Chicken with Egg Yolk （$48）混入軟骨碎，軟骨變成碎粒，雙重口感更吸引，吃時蘸上醬油蛋黃，更加鮮香。燒白鱔 White Eel（$78）底面同樣燒得金黃，魚皮香脆可口，脆卜卜很吸引。潔白的魚肉肥美油潤兼嫩滑，味道不俗，鹹鮮有至。本配備三款食鹽, 包括有喜馬拉雅山岩鹽、柚子鹽和抹茶鹽,  但都用不上......******************三款天扶良都很出色，薄薄的炸漿，香脆而不油膩，讚！冬菇釀蝦膠 Shrimp Paste Stuffed in Shitake Mushroom （$58/1 pc）菇香爽口，釀上鮮美彈牙的蝦膠，非常味美。帶子紫蘇卷 Scallop Rolled in Perilla （$58/1pcs)好鮮嫩，加上富獨特味道的紫蘇，配搭特別！粟米芯天扶良 Baby corn ($18/2pcs)好爽口清甜，也不錯！******************最後再來一客白燒日本鰻魚佐柚子胡椒 Grilled Unseasoned Eel with Yuzu Pepper ($178)燒至金黃，帶點焦香。以白燒製作，更能嚐到鰻魚的鮮味，肉嫩鹹香，配上柚子胡椒，辣辣地，好有風味！------------------------------原來好友已用心地編寫了整個十天行程，而我真的沒有出一份力，所以這頓飛日本前預賽晚餐就由我當老闆，以報答她的腦力。…查看更多

早前白熊趁著有時代廣場的禮卷試一試的鮨穴～話說他們的午餐品項真的有好多（差不多是full menu的程度吧）-🌟-▪️特上壽司拼盤 ($308)▪️咖哩牛舌御膳 （$168）每一個set 都包了茶碗蒸、沙律、前菜、味增湯和甜品😗白熊點了特上壽司拼盤 有14貫 對於我來說太多了😂值得一提的是他們的牛舌真的很～好～吃～外面煎的微微酥脆 裏面很軟嫩 咖哩醬汁則是一般 整體來說不過不失啦🫡-🌟-結語：有coupon的話可以一戰建議指數：🐻‍❄️🐻‍❄️🐻‍❄️.5/5…查看更多

小肥舊年做咗「LUBUDS」會員，年尾就用哂啲分黎換現金券。因每次只可以用一張，而且要九十天內使用，週四晚即帶同家人一試集團旗下位於時代廣場食通天嘅日式料理「鮨穴」。餐店正門右方圍住紅帶，相信入夜後會排哂長龍，好在計劃周詳嘅XO仔早已於網上訂座，不過大家要留意用餐時間限定為九十分鐘。排隊等位時可參閱左旁嘅海報推介及多頁中、日、英對照嘅彩圖餐牌（資訊亦可於餐廳官方網頁下載）。室內前方位置嘅水吧可見多樽日本清酒及證書。用餐大堂樓底高高，十分開揚。最右方為壽司吧位。四口子被安排入座左方巨魚牆下嘅半梳化式圓枱，夠哂鬆動。經驗較淺嘅年輕服務生態度尚算良好，遇上問題都會搵上司幫忙，完全冇敷衍了事。家人都好滿意食物唔會一窩蜂咁出，傳菜姐姐都勤奮有禮，唯一最唔衛生就係個時令精選推介餐牌，舖哂塵之餘仲好油！特上壽司拼盤（$458）：拼盤共有十二件大路嘅壽司款式，包括軟潤嘅赤身同三文魚壽司、肥美嘅拖羅壽司、爽脆嘅牡丹蝦壽司、鮮嫩嘅火炙左口魚裙邊壽司等，四人分黎食可各取所好。靜岡產高糖度蕃茄佐黑松露鹽（$88）：大肥爸爸大讚蕃茄片爽甜多汁，點上鹽粉更有提鮮之效！蔥吞拿魚腩薄脆（$58/兩件）：小食底層塊米餅脆卜卜，無奈色澤粉白嘅吞拿魚腩蓉食落唔得鮮潤之餘，其霉霉嚡嚡嘅質感欠缺幼嫩，失色得很！日本產黑毛和牛刺身（$328/六片）：或許紅白紋理鮮明嘅和牛刺身切得唔夠薄同未解凍得夠，和牛冰硬得黎感覺就好似食緊片牛油咁，不吃也吧！燒安心雞配柚子蘿蔔漬（$138）：燒雞肉偏乾同嚡，最正只有脆巧嘅雞皮。照燒佐賀和牛（$468）：三成熟嘅和牛方磚紅潤鬆軟，連同金脆嘅蒜片更覺香濃惹味，比起之前嗰味和牛刺身可口得多，伴配嘅麻醬沙律亦清新爽脆，實屬整晚之最。天婦羅菜式均配三色鹽粉及天婦羅汁。野菜天扶良（$108/七本）：野菜天婦羅嘅炸漿脆薄鬆化，唯一有點失望嘅就係七件中冇一件係菇類。活蝦天扶良（$248/五本）：分開炸出嘅蝦頭橙美香脆，而且一啲渣都冇，不過金黃亮麗嘅蝦身咬落卻偏腍兼唔得爽脆。「鮨穴」舒適企理，服務優良，日式料理水準甚為參差，商場餐廳黎講價格唔算平，不過對可享優惠嘅會員黎講相信可以比多次機會嘅。…查看更多

同男朋友慶祝紀念日，佢突然想食日本菜，就貿貿然入咗呢間日本餐廳食🤣book都冇book認真求其😂不過呢間都幾好食既🥰💛特上壽司拼盤 每件壽司上面既魚生/刺身都好新鮮同滑嫩，特別係海膽🥰，帶子更加係入口即融😋，唯一美中不足既係啲飯黏度唔夠，成日一夾就散🙁💛火灸三文魚芝士卷三文魚好新鮮，但係唔夠火灸既感覺。不過芝士味勁濃☺️酸醬夠酸加埋爽脆青瓜，食落好開胃好fresh👍🏻飯就幾軟身同濕。💛松葉蟹甲羅石鍋飯 材料有海膽、蟹膏、蟹籽、紫菜。就咁食海膽係幾鮮甜🥰如果將所有材料撈埋，就只係試到好重既蟹膏味，蟹膏味完全蓋過海膽鮮味🥲飯幾濕腍，食到最底仲有啲飯焦添😆🫶🏻…查看更多

是有訂左位唔洗等直接入得，因為甘啱有時代廣場劵，所以都唔介意食得豪啲，叫左好多野食。先講講環境先，暗暗地座位寬敞舒適。因為四人限聚關係，我地6人被分配左兩張枱。野食方面我地冷盤叫左三文魚他他沙律、特上壽司拼盤、帶子卷同辛味吞拿魚卷。熱食一人一個主食，我自己點左天婦羅炸蝦配冷烏冬，朋友們點左一個鰻魚石鍋飯同牛肉湯烏冬，另外仲點左啲串燒，我自己揀左燒雞翼同雞軟骨，朋友就揀左免治雞肉同雞肉大蔥。先講冷盤兩個卷先，帶子卷都新鮮，冇啲唔靚帶子既霉味，唔錯。而果辛味吞拿魚卷就有啲失望啦，唔辣但果辣醬味好濃，係韓式辣醬味黎，所以蓋過哂吞拿魚既味道，唔係難食，但果辣醬有啲冇誠意。而果三文魚他他沙律，啲菜都算新鮮，但朋友都食到某啲菜有苦味，果三文魚好唔錯，厚切得黎側邊有輕輕燒過，呢啲細節位幾有心思，三文魚同菜既比例係一比一，個人黎講因為中意食沙律所以如果多返啲菜會好啲，但如果對主打魚生既人黎講佢就好抵食啦！整體好食，但要扣分係果沙律上得較遲，食左唔少熱食先黎，節序有啲亂左。黎得食日本野點少得壽司，是日重點當然就係呢個特上壽司拼盤啦！唔係每款我都有食，我食左吞拿魚卷，覺得呢個好食過之前既辛味吞拿魚卷，海膽冇臭味，但未至於係靚海膽，魚方面我覺得群邊同油甘魚唔錯。朋友都話食落整體都係好食，食材新鮮既，冇一舊係伏。甘串燒方面，我食左雞翼同雞軟骨，雞翼會冇咩味，要自己加啲七味粉，但佢燒得岩岩好，仲有肉汁流出黎，雞軟骨冇咩特別。朋友食免治雞肉有加一粒生蛋醬油俾佢，佢話食落有雞軟骨粒係入邊，口感有層次。到熱食，我食果個天婦羅炸蝦配冷烏冬，要讚既係冷烏冬做到夠凍又唔會一餅野，醬汁岩味唔太咸，有時出邊會食到好咸醬果烏冬又一忽暖既，佢完全唔會，但美中不足係炸蝦連烏冬上，所以其中一邊接觸到果烏冬搞到果皮冧左，建議可以另上唔會搞到果天婦羅冧左影響食感。朋友果鰻魚石鍋飯，我試左少少鰻魚，唔係霉既，唔錯。整體黎講，食物質素唔錯，食材都新鮮，但我食既我都搵唔到特別出色都令我留下深刻印象既。服務方面，佢地服務真係好好，不斷幫你加茶，又好快幫你收走食完既碟，仲會提醒客人鍋邊熱呢啲，唔止一個店員，而係接觸到既店員個個態度都甘好，抵讚。…查看更多

身爲動漫毒L,海賊王當然係來哥心目中其中一套最重要，最熱血，最友情既漫畫。適逢時代廣場搞大型展覽，點可以吾來看看。草帽一伙既英姿。看完展覽，找吃的，上到來食通天，本來想幫襯下十樓新野，殊不知原來有落場時間。最後就上左來十二樓，上次試過不俗的這間。“魚”興大發，一個人食量有限，就叫個特上壽司拼盤醫肚。用料都好重，大拖羅就吾少得，都係入口就溶。鬆化。海膽，應該係加拿大膽，味道都鮮甜。火灸左口魚邊燒得微焦，魚香魚脂配合得天衣無縫，來哥最欣賞。其餘都係水準之作。其實用料夠新鮮已經贏左一半。加上壽司師傅拿捏的技巧亦都恰到好處。簡單已經滿意。唯一係餐廳非常大，但服務員吾係太多，可能落場？另外驚喜位係，門口有一個海賊王隊醫Chopper駐守，另呢一餐更錦上添花。吾知會吾會有山治煮既菜呢？…查看更多