臺北棧 (荷李活道) (已結業)

雖然見到門口有人排隊， 不過睇過啲食評都覺得好吸引， 排隊都要試下， 好彩等咗兩三張枱就輪到我地， 叫咗啲招牌嘢食， 牛肉麵個湯好香好好飲， 啲面滑得嚟有少少彈牙， 個牛肉亦都好淋好入味， 下次再嚟都會再叫， 仲嗌咗個芋泥蛋餅， 個蛋餅皮佢好似話係用鴨蛋做， 食落煙煙韌韌， 口感好好， 個餡都好足料好好食， 再來就係個明太子甜不辣， 個甜不辣個口感都係有少少煙煙靭靭， 又有少少似魚蛋咁， 加埋明太子食啱啱好， 下次再嚟都會再encore， 最後係個鹽酥雞，新鮮整起上嚟真係好好食

本身諗住行去中環半山電梯拍2蚊卡, 去到唔知, 問中環返工的朋友才知道是調了位搬到下面....剛好在天橋上見到這間餐廳招牌好搶眼, 上網見人地食牛肉麵好似好正, 攪到我都想食~要排隊一會兒等位, 有小風扇仔拿來用, 用完還有消毒用品清潔雙手手作芋泥牛乳冰: 這杯很不錯, 杯上啡色的就是芋泥, 把芋泥貼上在杯內圈, 又像抽象裝修, 又可以隨時食~ 飲一口凍牛奶, 再加一口芋泥, 有得飲又有得食~ 食芋泥時有點像我最後的台灣芋泥捲, 現在配牛奶更清新一點。台豐牛肉麵 & 黑蒜香油牛肉麵: 看起來差不多的樣子, 只是右手邊的多了黑蒜香油, 蒜香咪濃郁好多, 朋友喜歡蒜香, 我要普通的就可以了。牛肉湯味濃, 加上QQ的刀削麵, 又彈牙又好味~ 麵上的配料也很特別, 竟然是油炸鬼, 脆的蟲草花~ 我不清楚是不是台式風味, 不過肯定很有特式。伯爵茶凍QQ芋圓: 最後要個甜品安撫我第二個胃 甜品上有少許蜂蜜香甜, 配上芋圓一流! 我就是喜歡它配料很多, 而且底下不是冰, 而是伯爵茶凍, 滿滿的一大碗, 我第二個胃都表示很滿足可以再encore~

CHECK-IN TAIPEI裝修似台灣夜店，店內有不少台灣特色設計，加上循環不斷地播放台灣流行音樂，令人彷如置身於台灣。蒜片台灣腸咬入口鮮嫩多汁，煎的恰到好處，外皮唔會過硬，配埋蒜片的味道，口感層次極豐。帶點膠質的肉臊口感上佳，配合有嚼頭的米飯一齊食，就係古早的台灣味呀。台灣牛肉麵酒紅色的湯底有藥材香味，味濃微辣而不油膩，牛𦟌雖然大塊但同時煮得很腍，刀削麵麵條份量頗多，但麵條唔算彈牙，係稍微美中不足的地方。珍珠奶茶味道唔錯，茶底夠出色，飲落去茶香味濃，另外珍珠口感煙韌有嚼頭。

之前已經喺IG不斷見過check in Taipei的美食post，覺得非常吸引！但每一次經過都見到有很多人在排隊等候，所以每一次都話這間餐廳擦身而過。今日見門口唔係太多人就嘗試吓排隊！餐廳幫我着一些經典的台灣歌曲，很有那些年的感覺。我哋叫咗一些著名嘅台灣食物，包括鹽酥雞，牛肉麵，和蛋餅等等。牛肉麵：我非常推介呢一款牛肉麵，首先餐廳嘅牛肉麵湯底非常濃郁之餘配料亦非常豐富，配料包括有油條，豆卜等等！油條吸收了牛肉湯的精華非常美味，牛肉是牛筋腩的位置，餐廳炆得非常軟霖！而且麵條彈牙掛湯！值得推介。鹽酥雞：鹽酥雞炸得很鬆脆，基本上可以講外脆內嫩！雞肉肉汁豐富，食落去唔會感覺油膩。鰻魚蛋餅：這個鰻魚蛋餅使用了原條鰻魚，面頭佈滿木魚和沙律醬，而蛋餅跟是包着香甜的玉米，整體味道豐富有層次。最後必食嘅一定係餐廳嘅Oreo麻薯，但最特別嘅係呢個Oreo麻薯原來一啲都冇糯米嘅成份，呢個麻薯係用木薯粉造成嘅， QQ彈彈的加埋Oreo碎碎！！邪惡得來味道超正！

老友約食晏晝，難得可以早少少出門🤫 搵間好少少既多人舖🤭 揀咗 我愛台妹 check in taipei （聽個名都吸引💖 係咪？）早過12黎到有位唔駛等，餐廳有bar枱又有小型四人枱，都仲算坐得👌點餸跟番台灣mode, 飛紙仔🤗 揀咗鳳梨胡醋豬頸肉（因為比老友揀咗最愛鹽酥雞😂😂）加埋個花枝丸配埋杯咖啡奶茶好快有嘢上枱食，個魯肉飯底做得唔錯，飯粒唔太淋，拼番魯肉汁，肥美可口🤓 不過個豬頸肉就調到好酸，然後到花枝丸上枱，炸到有啲over, 上面好多椒鹽😕 入口。。。其實我份人好平衡 唔駛咁咸濕😂😂 至於偷食。。。老友個鹽酥雞，就還好囉👌至於杯奶茶咖啡，溝埋一齊做左熱鴦🤭 無特別，而且中午係無我darling 芋圓😥留意番，中午人多其實都會有啲趕枱情況出現😑 埋單每人130，爬咁高，又唔平，食個普通台式火車便當，排埋隊。。。請自行決定

呢排成日食台灣野，今次泥到半山，價錢方面當然比其他地區💵💸，不過我都會重點評論食物質素多於抵唔抵，呢d實在好主觀。第一次泥又怕中伏既我地當然叫晒有「讚」字既食物啦。值得一讚係上菜速度幾快，食物飲品10分鐘內全部送上。賣相唔錯，但味道一般，冇突出既地方，還好吧。雖然木瓜牛奶係講求功效（），但係味道都係好普通，係台灣飲到既木瓜牛奶通常味道係介乎幾好味至，所以呢杯真係爭d喎。最好味係隻蛋，d豬肉幾入味，唔錯既。牛肉好冧同入味，皆因食過各種唔好味既牛肉，例如好硬，呢度既牛肉係要讚問題係食左兩舊牛肉後，發現有舊超大牛筋，有半隻前臂甘長我地係「，點食先宜家」問妹妹要把✂️，佢叫我地用刀切嗯，好特別既🍴經驗最後可以上甜品。一邊講一邊食，完全忘記自己叫左咩食緊咩，成碗個味差不多，配料係口感不同咋後尾睇返張單，係喎，叫左earl grey味，點解食唔出既整體泥講，未食過或者係附近諗唔到食咩既朋友可以泥試試，但係呢次我的確冇推介，純粹試完覺得唔岩我口味

因為之前食過中午飯，超多人要排隊！所以今次預早經open rice訂位！如果係中環返工就會知間野係邊，唔係的話就會好似我朋友咁上左天橋直上去左soho區😂 行過唔留意真是會行過左！我們叫左兩個小食，有個特色的芝士皮蛋煎餅（食唔到皮蛋），出名的牛肉麵（牛肉好入味，但有一個牛筋就非常有嚼勁好q)，和肉燥A菜（個人最愛佢個肉燥丁，好香好好吃，其實我覺得A菜係油麥菜）另外叫左兩杯特飲，如果飲得之人，可以試吓佢些調酒，有很多可以選擇！做巴枱仲可以睇住佢調！