Here Thai Market

營業中

休息中

今日星期五嚟沙田新城市廣場食飯，呢間泰國餐廳都幾多人排隊等位，望落環境坐得幾舒服🤣 椰奶蟹棗 $108 第一次食呢個菜，外皮炸到脆卜卜，入邊充滿蟹肉，少許辣辣地，可以配上旁邊椰奶，係另一種味道，但就咁食都好食！泰式豬頸肉炒金邊粉 $88 金邊粉炒得幾香口，口感係煙煙韌韌，一食就知道個大廚有d 料到！牛肉船麵（金邊粉）$108 個湯底幾濃郁鮮味，配上金邊粉，更加可以吸收湯底，有齊牛肉、牛丸、牛筋，加埋炸豬皮、豆芽、香菜，係正宗嘅泰國牛肉船麵！不過份量較細，可以大碗啲就好！龍眼冰 $28 成個底都係龍眼，足料！

平時去沙田一田行街🛍,都有留意到呢間泰國餐廳~佢由泰國米芝蓮廚師主理,味道夠正宗👍~喺呢個咁有水上市場feel嘅地方🛶,好想食船麵~佢嘅湯底香濃,配埋牛筋🐮,肥牛同牛丸等等,牛味香濃~另外叫咗個瀨尿蝦炒飯🥘~炒飯炒得好乾爽又夠鑊氣,面頭嘅瀨尿蝦都唔少呢😋~不過最驚艷都係呢個串燒🍡~啲小魷魚漲卜卜🦑,原來裏面有春~佢嘅外皮烤得好香,尤其是啲爪爪好脆~入面啲春嘅口感亦好特別🤩,非常推薦~嚟食泰式嘢我就一定飲泰奶茶~茶味香,又夠奶味~母親大人就叫咗咖啡,咖啡味香濃☕️~不過就搶走咗椰奶嘅香味🥥~最後唔少得叫甜品,就係芒果糯米飯🥭~佢嘅芒果都幾甜,而啲糯米就粘咗少少🤏,但加埋椰汁都好味~呢間餐廳裝修好有泰國風味🏝,而且嘢食唔錯,值得一試~