影片
港鐵沙田站 A3 出口
繼續閱讀
電話號碼
3108 2197
6320 2515 (WhatsApp)
開飯介紹
Here Thai Market由两位泰國米芝蓮名廚，Chef ton及Chef Man聯合主理，目標是將正宗泰國風味的菜餚以高性價比的價格展現給香港人。 Chef Ton旗下的兩間餐廳“LeDu”及“Nusara”分别登頂2023年“亞洲前五十佳餐廳”的第一名及第三名。Chef Man更是揚名泰國已久的粵菜米芝蓮餐廳“文苑”的創始人及主廚，擅長烹飪中泰融合料理。 在Here Thai Marekt中，将地道正宗的所有泰國風味以极具性價比的價格展現给香港人，如泰國著名美食泰式海南雞、泰式串燒、船麵等等。 同時引進著名泰國本土古法咖啡品牌——Lung ngen Coffee,一間超過五十年曆史的品牌，在東南亞馳名多年。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
香茅木瓜沙律 $68
香茅木瓜沙律味道好清新，木瓜絲爽脆可口，香茅同辣椒嘅香氣突出，微辣中帶點酸酸甜甜，配上少少花生碎同咸蛋黃碎，口感同味道都幾特別冬陰公湯 $68
冬陰公湯酸酸辣辣，湯底有蝦同香料嘅鮮味，配料有蝦、青口同香葉，湯頭夠火候，暖胃又過癮牛肉船麵 $98（牛肉，牛丸，燉牛腱肉，燉牛筋）
船麵湯底濃而不鹹，牛骨同香料燉得好入味，帶點微甜，牛肉片嫩滑，牛丸彈牙，燉牛腱同牛筋煮得軟腍又入味，咬落有啲黏口感，麵底揀左寛河粉，入口爽滑Q彈，吸咗湯汁後更惹味泰式海南雞飯 $98
泰式海南雞飯嘅雞肉好嫩滑，皮薄而juicy，食落唔會乾柴，飯用雞湯煮過，油香撲鼻，粒粒分明又有淡淡嘅香茅味，配埋嘅椰子雞湯幾香甜，另外醬汁微辣帶甜，雞肉蘸上醬汁味道更突出
繼續閱讀
今次同朋友一齊去咗沙田嘅 Here Thai Market，呢間餐廳環境幾舒服，地方大又闊落，裝修有泰國風情，坐低之後感覺都幾chill。餐廳嘅menu選擇多，最後我哋揀咗幾款招牌菜試吓。🥢泰式牛肉火鍋牛肉火鍋湯底係船麵嗰種湯底，醇厚濃郁。牛肉片切得夠厚，而且份量都多，口感嫩滑；牛腩肉質軟腍，牛丸彈牙，重有啲好多入曬味嘅蘿蔔，呢個火鍋都幾飽肚足料。🥢牛柳炒闊河粉呢道菜係我哋嘅最愛！闊河粉煮得好香，帶住陣陣鑊氣，牛柳亦都煎到微微焦香，但內裡又保持嫩滑，完全冇韌。醬汁偏鹹香，炒粉唔會黏埋一舊，口感滑溜煙靭😋🥢椰子粟子燉雞湯椰子味好香好甜，但唔會搶過雞湯嘅味道，湯底清甜又帶少少粟子嘅香氣，飲完之後感覺好舒服。雞件燉得夠腍，入口即化，粟子亦都煮到軟腍，呢個湯飲完真係有一種療癒嘅感覺。
繼續閱讀
🤝原隻泰式生蝦原隻生蝦擺盤精美，蝦肉晶瑩剔透，口感爽脆鮮甜，完全冇雪藏味。最正係佢哋嘅泰式辣汁，用咗蒜蓉、辣椒、魚露、青檸調配，酸辣醒胃，仲加咗少少香茅同薄荷葉，層次感超豐富。食嘅時候要連埋生蝦一啖入口，辣汁嘅刺激同蝦肉嘅鮮甜完美融合，令人胃口大開！師傅仲細心咁將蝦頭炸到脆卜卜，可以成隻食埋，香口到停唔到口！ 🤝泰式原味冬陰功湯冬陰功湯係考驗泰國餐廳功力嘅關鍵！呢度嘅湯底用咗大量香茅、南薑、檸檬葉熬製，再加入新鮮草菇同大頭蝦，一上枱就聞到濃郁嘅香料香氣。湯頭酸辣度平衡得剛剛好（小辣版本非常適合香港人口味），椰奶嘅香滑中和咗辣椒嘅刺激，飲落順喉得嚟又夠晒惹味。大頭蝦肉質結實彈牙，吸盡湯汁精華，每一啖都係享受。 🤝泰式海南雞拼燒雞飯雙拼飯睇落簡單，但要做到雞肉嫩滑、飯底香濃絕非易事。海南雞選用咗新鮮三黃雞，雞皮爽滑，肉質嫩到幾乎唔使點咬，骨髓仲帶微微粉紅色，火候控制一流！燒雞就更加出色，外皮烤到金黃香脆，肉汁完全鎖住，蘸埋自家製嘅泰式甜辣醬，味道即刻昇華。最正係個油飯，用雞油、香茅同薑蓉煮成，每粒飯都飽滿分明，香氣撲鼻，單食都已經好滿足。旁邊嘅冬瓜湯清甜解膩，擺盤仲跟足泰國傳統用香蕉葉墊底，細節滿分！ 🤝九層塔炒牛柳鑊氣小炒先至見真章！呢道九層塔炒牛柳一上枱就聞到濃烈嘅basil香氣，牛柳切成粗條，外層微焦，內裡保持粉嫩，肉質鬆化得嚟唔會韌。醬汁用咗魚露、蠔油同泰式辣椒調味，鹹香中帶微甜，最正係加入咗大量新鮮九層塔同炸蒜，香氣逼人。所有食材都保持最佳口感，送飯一流！ 🤝泰式手打檸檬茶食完濃味嘢，一杯冰凍檸檬茶就最解渴！呢度嘅檸檬茶同港式完全唔同，用咗泰國茶葉沖泡，茶底顏色偏橙紅，帶獨特嘅香料香氣。檸檬係即場手打，酸甜度適中，
繼續閱讀
每次經過都好多人等位 所以冇試到趁聽日係假期 時間比較多 今日收工過嚟試吓☺️店舖睇落都算幾大 位置好多門面位置嘅設計都幾有特色 ～非常Thai Style 亦擺咗泰國嘅擺設坐低睇Menu 覺得本Menu都好有特色估唔到連Menu都咁花心思 好似張報紙咁🤩而且菜品類型嘅選擇都好多👍🏻好多嘢都想試 不過兩個人食唔到太多 揀咗好耐🤭🤭🍽️海鮮炒闊河粉🌟海鮮炒闊河粉個賣相就已經好吸引好濃味咁闊河粉索晒啲汁 聞落超級香😍呢隻河粉好幼滑又煙韌 好有咬口 海鮮配搭都多 有魷魚有蝦同埋帶子 河粉醬汁香濃 配埋蔬菜一齊食超滿足😌🍽️九層塔炒牛柳🌟牛柳份量多 而且好大塊 炒得啱啱好 肉質嫩滑 鍋氣十足搭配嘅粟米芯香甜又脆口 食唔停 不過就覺得青椒有啲多🤣 整體口感幾好 好夠味 配埋碗白飯應該仲正😌🍽️串燒類餐廳嘅串燒類有好多total有21款～除咗肉類蔬菜類仲有海鮮揀我哋揀咗3款試吓燒鮑魚🌟燒鮑魚的味道出乎意料 除咗個擺盤好精緻之外鮑魚肉質鮮美 燒得恰到好處 外面焦香入面好嫩 不得不講 個鎅花 做得好detail 好入味😳京蔥雞腿肉雞肉都算比較厚身 但係略嫌燒得有少少乾身所以建議點埋佢個泰式醬汁 就咁食嘅話會有少少嘅辣味亦唔會太鹹都OK 免治雞肉雞軟骨呢款就真係一定要飲醬汁食 肉質比較乾 識落個口感幾得意有啲似食緊麥樂雞🤣🍽️芒果糯米飯🌟餐廳嘅甜品選擇其實有好多款 不過我實在係太鍾意食芒果糯米飯 所以最後都係揀咗芒果糯米飯🥭呢個甜品配有半個芒果 份量都算ok糯米飯建議配少少椰漿就好啦 因為本身個飯都做得幾好 有少少甜味 如果配太多椰漿的話就甜得滯😳 食埋個甜品真係完美收結～🍽️菊花冰菊花冰🌼 淡淡的菊花香清爽又解膩 食完呢餐都唔會覺得油膩🤭總體來講 呢間泰國餐廳真係唔錯 菜式方面都幾有心思 而且味道都算正宗!!
繼續閱讀
今日好想食泰菜，lunch時候走黎沙田試下聽左好耐但未試過嘅泰國餐廳。出面望入去餐廳好大裝修都好靚又舒服。兩個人叫咗兩個午餐set，泰式豬蹄蛋飯配泰式牛奶咖啡，個豬蹄嚟到嘅時候就見到佢震吓震吓已經覺得一定好淋，結果真係冇令我哋失望又有淋又入味，而且一啲都唔會有肥膩嘅感覺，另外叫咗個酸辣金邊粉裏面有蝦球、魚丸、魚片、豬肉、豬肉碎同埋豬肉丸，各類豬魚都好好味，再配埋佢個酸辣金邊粉酸辣嘅程度剛剛好，配埋杯泰式椰奶咖啡呢隻椰汁味係真係正宗泰國嘅椰味，超級好飲，另外再叫咗個墨魚粒蝦餅同埋燒鰻魚串燒，我哋係第一次食墨魚粒蝦餅，鮮味得來又彈牙外面仲係好脆口，認真真係超好食，至於鰻魚真係燒得好香口又夠大快，好有淡淡魚肉嘅感覺，正。
繼續閱讀
您可能會有興趣的...