幸福鳥 (K11購物藝術館)

營業中

休息中

幸福鳥，名字好吸引所以決定一試，第一印象係餐廳裝潢好靚，好有日本居酒屋feel，個人偏好吧枱座，可以近距離觀察廚師下廚，感覺望住廚師烹調會令酒菜更加美味。.食物方面我哋嗌咗雜錦刺身沙律、五品盛刺身、避風塘九州槍魷魚、福岡豚肉卷六盛合、牛肉壽喜燒，食材新鮮，魷魚上面啲蒜非常加分，壽喜燒湯汁帶甜都喜歡，2個人埋單HKD$1200左右。

2022.04.28 lunch近日比較懶，儲咗成六、七個都未寫⋯⋯終於都寫咗兩個較近期食嘅。而家又寫下先，唔好怪我⋯⋯有啲都就快過咗成兩個月⋯⋯🙇🏻放假放假，係四月尾疫情回覆正常啲啲就決定出街食，醒起呢一間，幾好坐加服務態度好，當然食物好味先 encore 😁😁今次女友又叫牛肉壽喜燒，同之前一樣 (其實其他都不是我們首選😅) 都係好味嘅😋 但忘記了，呢一個set 總是有兩隻蛋，希望下次記得唔要前菜個隻。我就揀咗汁燒牛舌丼，舊時好鍾意，但停咗一輪冇食，見咁耐冇食就揀咗嚟試，對我嚟講味道正常咋，牛舌我都係鍾意鹽燒多啲😝 但當然整個set 都係有水準嘅，又夠份量👍🏼

2021.11.30 Tuesday lunch放半日yea yea yea 😃 今次出尖沙咀食，順便去海港城睇 Snoopy 😁今次真幸運，揀咗間好嘢 👍🏼 環境，服務，食物又好味，係音樂大聲咗少少。 係呢度訂枱又有折！好開心 😃 有定食叫，每個都跟前菜、麵豉湯、溫泉蛋😊 女友要牛肉壽喜燒，我要幸福串燒六盛合。 不久，兩個餐都到了😃 賣相當然靚啦，講咗個壽喜燒先，女友好開心，係用瘦牛肉，我都好開心，正！味道呢？好味呀😋 但壽喜燒已經有蛋，再有一隻溫泉蛋又似乎多咗⋯⋯如果店主考慮將壽喜燒餐嘅溫泉蛋換另一款小食就好了😛😛到我個幸福串燒喇，串燒主力係雞，有兩串蔬菜，全部都好味，雞翼特別正😋 如果可以熱啲仲正 🤪