Coti the Bistro (企業廣場)

營業中

休息中

好少會過嚟九龍灣工業區呢邊，朋友介紹呢間西餐唔錯，就專登揸車過嚟試吓，附近都幾多停車場，對揸車人士來講非常方便。餐廳坐落於商廈之中，都算易搵，我哋六點左右去到，唔係好多人，當我哋走嘅時候已經坐滿左八成人。呢度嘅咖啡種類非常多，比較少見嘅例如遊戲檸檬咖啡、Tiramasiu咖啡、焦糖布甸咖啡都有，對於鍾意fusion咖啡嘅人嚟講，好值得探索一下。老公叫咗杯flat white，賣相就普通，不過味道唔錯，咖啡味都幾濃。我飲個杯就好特別，咖啡果皮茶配蜜糖係侍應推介。個味道真係好特別，有少少似涼茶，配左蜜糖就減低左苦澀味。晚市我哋叫咗兩個主菜，包左餐湯同埋沙律，餐湯係羅宋湯，味道都唔錯，幾足料。沙律細細兜，但係有啲藜麥及橙肉，幾健康。黃金蟹肉闊條麵（ $92 ）蟹肉分量唔算好多，不過就配上牆腳蟹柳，而且加入左鹹蛋黃，原來鹹蛋黃同忌廉白汁個味道都幾夾。忌廉白汁唔會太膩，有濃郁牛油味，意粉份量都唔少。牛油果軟殼蟹漢堡配蜜糖薯條 （$108）軟殼蟹己有驚喜，都幾大隻，而且外面脆卜卜裏面都幾Juicy。

餐廳環境偏向有格調，燈光聚焦於餐枱中央，氣氛恬靜，非常適合情侶約會。食物以西餐為主，感覺菜式有稍為加入了一些餐廳的風格在內。牛油果軟殼蟹漢堡配蜜糖薯條 ($108)• 跟餐會附送餐湯及蟹肉藜麥沙律，雖是跟餐的食物，但質素並不馬虎；餐湯為羅宋湯，食材豐富，味道濃郁鮮甜。沙律加入了一些水果，配合適量藜麥，令口感更有層次。• 漢堡大致分成四層，漢堡包夾著原隻軟殼蟹、底下有兩片塗滿牛油果他他的厚切番茄、加上生菜片。• 軟殼蟹外層炸得鬆香可口，內𥚃保留到軟殼蟹獨有口感，同時帶有點海水味，配合調配過的醬汁，令滋味程度大大提升。• 番茄和沙律菜口感新鮮爽口，番茄片上的牛油果非常粉滑香軟，只是略嫌牛油果味不算突出。• 薯條有別一般吃到的鹽炸類型，改用蜜糖，保留一貫香脆口感外，配上茄汁後酸甜的味道更為開胃。

今日要去九龍灣工業區整啲嘢，跟住見到OpenRice 好似幾多人推介呢間coti, 於是就膽粗粗去試吓。可能因為六點太早，冇乜人，有時清清淨淨都幾好👍🏻👍🏻叫咗兩個set，都跟湯同沙律，湯係忌廉蘑菇湯，都幾香濃，食到少少蘑菇蓉，沙律就正正常常冇乜特別。黃金蟹肉闊條麵 $92嚟到見到個樣幾靚，不過兩條蟹柳扣咗啲分，如果多啲蟹肉會好啲。個汁唔錯，白汁撈埋鹹蛋黃勁香，咁配搭都幾特別❤️牛油果軟殼蟹漢堡配蜜糖薯條 $108個包甜甜地，如果熱啲會好食啲。另外佢係成隻軟殼蟹上，所以幾足料，如果牛油果多啲會更好！而薯條炸得夠熱，加上蜜糖感覺幾新鮮😋Tiramisu Coffee $48外貌真係冇得頂👍🏻上面嗰層係Tiramisu ，啲cream好香濃、好滑同好甜，然後食幾啖之後就將啲cream同咖啡攪勻，令成杯咖啡都甜甜地，飲落去好似真係食緊tiramisu咁😍Marshmallow chocolate $42呢杯就冇咖啡咁特別，都係普通朱古力加2粒棉花糖，不過上面嘅拉花有加分，個樣靚靚哋可以用來打下卡😂整體來講呢個質素都可以叫抵食，如果經過可以一試😉

放工約左男朋友去IKEA買野🤪但係成日係Mega Box食野已經有D厭,見到附近企業廣場有間幾令既西餐,所以就決定行過去試下!!食物方面:👩🏻‍🍳叫左2個Dinner Set,跟蟹肉藜麥沙律同羅宋湯⚪️燉牛肋骨飯牛肋骨燉到好淋好入味,份量都幾多配飯好好味😛⚪️牛油果軟殼蟹漢堡配蜜糖薯條漢堡都幾大個,軟殼蟹熱辣辣好脆😍配上好熟既牛油果好滑,仲有薯條伴碟,正!⚪️凍抺茶鮮奶抺茶味好濃郁,溝鮮奶好香好味,唔會太甜👍🏻仲保留到抺茶既苦澀味但又唔好苦,唔錯!⚪️凍忌廉朱古力超級滑,加左忌廉好似飲緊朱古力奶昔咁,唔會太甜,好濃朱古力味岩埋我哩個朱古力迷🥳整體方面:餐廳係Mega Box旁邊好易搵,上一層電梯就見到,座位都幾多,唔迫座得好舒服,食物好新鮮而且味道都好好😋重點係晚餐最平先係HKD80,好抵食,不過就唔包飲品,要另外叫,但整體都好滿意!