德美壽司

營業中

休息中

搬來大埔住了一個多月，發現周邊好多餐廳都沒試過，尤其經常經過翠和里巷仔見到呢間門外掛了很多燈籠的德美壽司，今晚一於入黎吃下晚飯。餐廳面積不算大，但座位寬敞，坐得都幾舒服，不論門外門內都有濃厚的日式居酒屋佈置。餐廳品牌都有相當規模，包括大埔這家店，總共有六家。餐牌食物種類亦相當豐富，壽司、刺身、鍋物任君選擇，還有多種清酒可選。今次點了︰1) 上壽司拼盤A ($238)這個拼盤共有九款壽司、兩件寫上"德"和"美"的玉子燒，魚生刺身，包括吞拿魚、三文魚、帶子等都是厚切大塊的，與壽司飯合在一起比例匹配，顯得飽滿。壽司飯是手握，米飯夠粘，不會一夾就散，味道新鮮。熟食方面，鰻魚壽司也不俗，鰻魚充滿香濃醬汁，肥而不膩。2) 三色魚生丼 ($130)這個丼是附送味噌湯和沙律的，飯前吃這兩個特別開胃。至於這個三色魚生丼相當足料，三文魚、吞拿魚、帶子都是厚切的，非常鮮甜，飯旁還有一隻溫泉蛋，混在飯裡，特別滋味!!3) 牛油果軟殼蟹卷 ($85)每次吃壽司必點的一道菜，軟殼蟹炸得恰當脆而鬆化，加上軟軟帶清香的牛油果，口感相當豐富又脆又淋。兩個人吃這三道菜都足夠了! 相當滿足。

好耐好耐之前， 呢間居酒屋已經係開咗係屋企附近，一直都有Kᴇᴇᴘ住食佢，貪佢水準發揮穩定又夠高質，但通常都係買返去食，今次堂食就決定推埋比大家😜牛油果軟殼蟹卷 $85呢款真係次次都嗌，但估唔到堂食個擺盤咁Iɢᴀʙʟᴇ，份量大就不嬲都係，食落口嘅炸到卜卜脆嘅軟殼蟹，再配埋牛油果同啲青瓜絲，即時變得無咁油膩，呢款最正係佢真係成隻軟殼蟹俾返晒你，絕對冇呃秤😚吉列魷魚圈 $72呢款魷魚圈有啲似越南式嘅炸法，食落非常脆口，魷魚咬落有少少煙韌，送酒一流大蝦天婦羅 $98四隻大蝦天婦羅收你$98真係唔貴，隻隻都好厚肉，食落爽口彈牙有蝦味，炸醬亦都唔厚，食落卜卜脆，呢個必點🥰櫻花蝦海鮮炒飯 $118食日本嘢點樣會少得炒飯，呢款有蝦、魷魚、海膽、帶子，仲有櫻花蝦，所以食落有啖啖嘅櫻花蝦味，而且炒得夠哂乾身，有啲似食鐵板燒嗰啲炒飯，石鍋上仲有少少飯焦，可以過下口癮🤪

想喺大埔食餐滿足日本菜，每次我同我朋友都會嚟德美晚飯，一個又開心又好食的地方。食物質素一直保持高水準，份量足夠價錢合理，三文魚腩刺身，油甘魚刺身，實在新鮮非常肥美，油脂豐富，壽司種類很多，小朋友需要食到熱食小朋友要吃的壽司，一定有很多選擇。很喜歡帶子鵝肝卷，外面是一層厚厚的帶子，帶子很新鮮，有質感，內裏是入口即溶的鵝肝；牛油果軟殼蟹卷，軟殼蟹的size不少，牛油果充足，熱食串燒種類繁多，雞軟骨串燒乾身有口感，少少鹽花，雞翼Juice雞皮脆口。溫泉蛋腐皮必食之選，加上海鹽蛋黃流心，小朋友致愛。

好想食日本野，但元氣要罷食，咁食德美啦！P.S. 大埔德美d醃薑好食，唔知其他分店如何牛油果軟殼蟹卷 $78炸得好鬆脆，炸漿都算薄，蟹都叫有肉地，睇圖會見到都幾大舊肉（白色個忽），美中不中牛油果太小太薄燒牛舌 $39上次食過幾好，今次回頭再叫牛舌，可惜佢唔太爭氣，撇除size細過片檸檬，咬入口雖然爽，但有d難嚼鮮葱呑拿魚腩茸山掛卷 $139貫徹德美一向卷物大大份唔可以一口試曬卷物嘅口感同層次，但勝在一上枱夠曬滿足感呑拿魚腩茸新鮮，每次食佢都keep到水準油金魚腩刺身6片 $116好肥美，入口爽，油脂感重，除咗海膽外，我對刺身麻麻，所以唔評論赤貝刺身 $59都係一句，新鮮。另外有驚喜嘅係，佢會將切剩嘅頭頭尾尾，用紫菜同青瓜整幾件卷物俾我地食埋佢，唔好㗰，我好欣賞火灸魷魚鬚壽司 $30餐廳贈送嘅甜品和菓子嘅物體，勝在入面係紅豆蓉但唔會偏甜。唔知佢有咩咁吸引，但我呀媽覺得好食到問店員邊到買，店員話係叫貨嘅，佢都唔知德美嘅環境真係幾岩我心水，今次店員帶我去比較入嘅枱，隔離又冇人坐，岩曬傾計

食過尖沙咀德美，一試難忘，再試大埔徳美應該傾情。今日入左大埔探朋友，講起食日本野，朋友就話附近有間日本野幾正，原來大家都不約而同講緊佢——「德美壽司」。裝修係好典型和式格局，以木材為主調，非常有居酒屋嘅感覺。餐牌亦有好多選擇，壽司刺身、鍋物料理，甚至串燒都有，我地就叫左幾樣野食。牛油果軟殼蟹卷 ($78)呢個真心必點，原隻軟殼蟹，非常大份！四大舊飯卷都包唔晒隻蟹，軟殼蟹炸到金黃香脆，都幾厚肉呀！加埋新鮮牛油果，認真不得了，一軟一脆嘅口感，牛油果嘅清新中和炸物嘅油感，非常夾，encore之選！七味燒墨魚咀 ($25)墨魚咀圓形成粒波咁，食落有d魚卜嘅口感，膠質比較重，但有幾爽口，好有趣！平常餐廳比較少見，值得一試！牛舌 ($39)牛舌燒得幾香口，加上少少黑椒調味，非常惹味。肉質爽口帶油香，牛味濃郁。什錦天婦羅 ($80)什錦天婦羅都好足料，包括有大蝦、茄子、南瓜、蕃薯同菇。炸得好脆身同乾身，食落粉薄無油感，師父控油能力都幾強呀！大蝦幾爽口大隻，茄子同茹外脆內軟，出色！食完仲有個布甸送，加埋酸甜嘅芒果醬又幾夾喎！Overall，我同友人都一致認同，呢間德美係可以再食再食再食，熟食方面十分出

今晚趁情人節前夕和老公大人到了這間朋友話好食的新開日本餐吃情人節晚餐！這間新店在角位個招牌好細！我倆在車看咗好耐要打電話去問至知！可能我們訂了六點半所以到時還未有很多食客侍應很快送上熱茶。看了餐牌有前菜、刺生、壽司、串燒、主吃、炸物、鍋物、丼飯、甜品…另外還有二人套餐。很快點了食物。一邊等食一邊睇裝飾和店面原來這裡不是很大但原來有個高大的師傅做刺生、壽司雪櫃內放滿新鮮的魚生。兩個人吃了五百多元！低吃

本身住大埔，平時都會同屋企落街食飯，見依間徳心好似開左冇耐，裝修又唔錯就入左去食。一行四人，叫左一個牛油果沙津，鱆紅魚剌身薄切，赤貝剌身，牛油果軟殼蟹卷，什錦天婦羅，一串牛舌，一串雞腎，鰻魚炒飯。牛油果沙津入面除左菜同牛油果仲有d栗米，三文魚子，海澡，魚碎，幾開胃 鱆紅魚薄切，雖然唔係真係好薄，但勝在新鮮，份量足，加埋佢個酸酸地既汁，真係好完美，我宜家先知原來食鱆紅魚點酸酸地既豉油定唔知係汁係咁好味，唔應該點一般或甜豉油。赤貝剌身，十分推介(當時太興奮，好快食左所以冇影到🙈)，超新鮮，入口好鮮味，因為佢係原隻剌身，所以佢d邊邊位會做成迷你卷壽司咁上，加埋d青瓜絲，又另一種口感👍🏻。牛油果軟殼蟹卷，唔錯不過不失，炸軟殼蟹幾脆。什錦天婦羅，我食左一件蝦，一件冬菇，唔知點解我覺得個天婦羅冬菇好食過個大蝦天婦羅，佢同一般天婦羅一樣，有碟專門點天婦羅既汁，但佢特別之處係有一碟類似咖哩盬，有少許咖哩味，又喊喊地咁，點天婦羅又岀奇地好味，第一次試，但覺得依個食法幾好食👍🏻😋。之後既牛舌同雞腎都好唔錯，用左兩款不同既調味黎燒。而鰻魚炒飯就同一般日本餐廳既差唔多。總括黎講，真心覺得依間日本料理好好食，用