御の味

很久沒有吃過omakase了，omakase彷彿是一門藝術，很兩極化的，懂欣賞的人就會覺得很好，不懂欣賞的人就會覺得又貴又不飽。男朋友向來喜歡吃日本菜，所有的日本菜他都喜歡，這天突然提議要吃omakase，這天在灣仔下班，在網上尋找到一間在灣仔的人氣omakase 「UO n」。裡面的環境很優雅，近天花板的裝飾用了仿如用了一支支的風鈴，椅子則用了紅色和綠色做主色。日本人向來喜歡茶道，相信對於大部分的茶類他們都有研究的，這次的茶類是櫻花茶，茶來到之前，店員還會讓客人選擇杯子，杯子的容量都差不多，只是形狀不一樣。櫻花茶毫不苦澀，喝進口是很清新的感覺，有火去溫暖著能確保清茶的溫熱。對於不愛牛油果的我來說，吃牛油果彷佛是惡夢😨一開始這道菜式來的時候我還害怕牛油果的味道會太濃，還好不會，表面是牛油果和忌廉混合了的醬，忌廉味濃郁，他他沒有什麼筋的部分，易於咀嚼。接著來的是刺身五點，分別是立魚、吞拿、深海池魚和金線鯛，配以自家製的豉油和芥末醬。刺身由左至右是根據刺身的軟硬度排列的，個人最喜歡立魚，因為是最軟的，吞拿的油脂稱不上是很豐富，仍能保持新鮮的味道。其餘數款都不錯，不過自己偏好質感軟稔的食物。看見這個器具，還真令我想起以前在中學科學室的實驗用具🤣這個原來是牛骨湯，透過科學的原理，把木魚的味道慢慢的引到牛骨湯中，到最後牛骨湯會被快速地抽到木魚中。樣子有點像新加坡的名物「肉骨茶」，牛骨主要用作調味，湯略嫌油膩，牛骨的味道都算明顯。大家能想像紙竟然是能吃的嗎？這裡就做到了，外皮是印了很多日文的紙，店員說那是能吃的，好讓客人安心食用。被日文紙包著的是雞肉，雖然大家最主要放了焦點在日文的米紙上，裡面的雞肉也是好吃的，嫩滑、溫度也夠熱。以前常常吃能帶給我回憶的「白兔糖」，令人印象深刻的是裡面可以吃的一張米紙，在這裡竟然能重拾那份回憶，不過這份是豆紙，粉紅色的豆紙包著海膽壽司，別有一番創意。海膽向來是大家的心頭好，很鮮味，不會令人覺得很臭。經過這數個月的活動，大家都很累了，老闆很貼心的為我們呈上勉勵人心的歌詞，好讓我們也能振作一下💪🏼老闆說那件魚是鹹魚，但吾不是一般的鹹魚，而是馬友魚，外皮脆脆的，魚肉嫩滑。這道菜式是最厲害的了吧，有三種蟹的元素：蟹肉、蟹膏、蟹籽，脆炸的天婦羅裡是新鮮的蟹肉，另外還有一支類似牙膏的就是蟹膏，可擠到天婦羅上，味道非常似鹹蛋黃😆然後菠蘿雪葩，也可當作是菠蘿沙冰吧，清甜可口，不會很酸。…查看更多

上星期同朋友去左灣仔呢間餐廳食omakase，一次過滿足我嘅食慾同心靈上嘅渴求。食材新鮮，菜式新穎，廚師係處理食材同設計菜單上面落左好多心思❤️.我地坐左係吧台嘅位置，可以睇住廚師準備食物嘅過程，食呢餐飯嘅途中都有同廚師傾下計，所以不知不覺餐飯都食左3個鐘😂.Omakase有分兩個價錢，$1180 同 $1680，同樣包左沙律、前菜、刺身6點、吸物(湯)、和食、冷物、壽司4點、卷物同自家制甜品，兩者分別在於選用食材嘅等級。而家做緊優惠，$1180 set 會買一送一，好抵食！.以下係我今次食左嘅菜式:- 蘋果汁清酒酒味唔濃，甜甜地幾好飲。- 櫻花茶侍應會拎住一盤有唔同款式嘅茶杯俾你揀，揀好自己想用嘅茶杯就可以品嘗櫻花茶啦👍🏻味道比較淡，有少少櫻花味，壺茶係用蠟燭座住，所以唔洗擔心會凍哂。- 牛油果他他我好鍾意食牛油果，所以呢個菜式我好滿意。牛油果挖空，放入幾種刺身，包括有三文魚、呑拿魚等等，上面淋滿wasabi牛油果醬。食落無平時牛油果好膩嘅口感，取而代之係好滑身嘅牛油果醬，加上wasabi嘅微辣同新鮮魚生嘅清新，呢個菜式好開胃。- 煙燻蛋配煙燻鴨胸上碟賣相好靚，雀仔、雀巢同蛋擺放一齊嘅設計幾得意。煙燻蛋味道似鐵蛋，不過無咁硬，唔錯。煙鴨胸調味偏甜，都算juicy。- 海水呢杯海水由海帶同礦物鹽水組成，飲一啖用黎清一清味蕾。- 刺身盤有金線鯛、靖魚、鱲魚、池魚、拖羅同魚子刺身。靖魚係醃制過嘅，所以食落有啲似熟左嘅靖魚。值得一提嘅係個魚子盒！望落同真魚子無分別嘅三色魚子，竟然係用海藻整成！餐廳為左支持可持續發展嘅理念，特登整左呢個份子料理去取代真魚子，好有心思。因為唔係真魚子嘅關係，所以食落完全無腥味，平時好怕魚子嘅我食得好開心😃- 木魚牛骨湯湯壺設計好特別，有啲似科學用嘅本生燈，放係下層嘅牛骨湯係煲滾之後就會蒸發上去上面嘅木魚層，木魚會過濾油份，所以之後飲嘅湯會無咩油同帶有陣陣木魚味。- 報紙雞卷「報紙」係用食用墨係米紙上面印上字體而成，食落同普通米紙無咩分別。雖然米紙有啲硬同厚身，但係雞卷入面嘅嘅雞肉嫩口juicy，配上照燒汁好惹味。- 鮑魚肝醬鮑魚口感彈牙，配菜經香濃肝醬煮過都好好味道。- 土製菠蘿雪葩食左幾個濃味嘅菜式，黎番一個refreshing嘅甜點確實係唔錯。雪葩入口好滑，味道酸酸甜甜，好消滯，食完呢個就可以繼續食下面嘅壽司嚕！- 豆紙壽司粉紅色嘅豆紙摺到好似一個紙盒咁，好靚，入面嘅係海膽壽司，海膽係蒸熟左嘅，咁食海膽都係第一次。- 鹹魚豆腐白菜壽司呢個係我認為成餐飯最有心思嘅菜式，廚師用燒馬友魚、豆腐醬同白菜壽司去表達「鹹魚、豆腐、白菜都好好食」，象徵住香港人嘅獅子山精神。- 魚蝦蟹壽司呢個壽司上面有齊魚蝦蟹嘅元素: 炸蝦+炸魚鱗皮+蟹膏醬，壽司飯係用左龍蝦湯煮嘅糯米飯，味道香濃又煙韌，幾好食。- 低溫鵝肝配窩巴第一次食低溫鵝肝，原來口感同平時煎嘅鵝肝好唔同，質感係creamy d 無咁油，但食落會膩啲，所以餐廳準備左醋俾客人加上去食。個醋好好食，係用左黑醋加蜜糖整成，酸中帶甜，中和左低溫鵝肝入面嘅酒味。鵝肝配窩巴，我覺得呢個配搭好食過平時嘅鵝肝多士。- 辣呑拿魚卷呑拿魚卷加入日本辣醬同沙律醬調味，帶微辣。伴碟嘅意大利青瓜同萵筍都好食。- 鰻魚壽司鰻魚飯醬汁調味幾好，連下面嘅壽司飯都入味好食。- 魚鱗啫喱、焦糖多士、巨峰提子梳打為左物善其用，餐廳用左先前炸魚鱗片淨低嘅魚鱗精華整啫喱，因為無額外添加魚膠粉，所以食落口感無平時嘅啫喱硬身，但我幾鍾意。成餐飯以甜點結尾，好滿足。整體黎講，餐廳俾我感覺係好用心機去對待客人同每一碟料理，而且食物質素都幾好，性價比高，好值得大家去支持同幫襯下❣️…查看更多

雖然香港的鮨店近幾年遍地開花，但UO N的菜式都比較特別，無論食材或擺盤都非常有創意，我都是朋友極力推薦才知道這間新晉鮨店。UO N的樓底比一般鮨店高，裝潢也不像傳統鮨店清一式淺木色，較有格調。店內有兩款不同價位的Omakase套餐，分別是$1,180/位和$1,68０/位，價錢分別在於所用食材，另外亦有定價較親民的二人套餐，$1,580/2人。未點餐，侍者先送上welcome drink蘋果汁清酒，酒味不重，非常易入口。點餐後，侍應先端上一盤不同外形的玻璃杯讓我們挑選。杯子其實是用來喝櫻花茶，不面有火，所以整餐飯櫻花茶都能保持熱度，侍應亦會不時加茶。煙燻蛋配鵪鶉腿鵪鶉腿雖然肉不多，但肉質很嫩，煙燻味很重。鵪鶉蛋的蛋白位口感微彈，有點像吃鐵蛋。牛油果他他牛油果挖空後，放上多款角切魚生，上面再澆上牛油果醬，牛油果醬加了Wasabi，帶點微辣幾刺激，角切魚生都幾多，有吞拿魚、八爪魚、蛋......等等。海帶鹽水吃完較重味的牛油果他他，侍者送來這杯海帶鹽水清清味蕾。刺身六點包括五款不同刺身和一小碟魚籽，左下角則是蝦醬豉油。六點刺身中我較喜歡金線鯛和章紅魚，因為很有咬口。魚籽不會太鹹，三色魚籽中我則偏好海水味重的三文魚籽。牛骨湯這個牛骨湯非常特別，因為是放在咖啡壺內，下面是牛骨湯，上面則是木魚花，牛骨湯會隨著溫度上升而蒸發到上層放著木魚花的瓶子內，當所有牛骨茶都蒸發上去，侍應就會移開下面的火爐，之後牛骨湯就會流回下面的玻璃瓶內。最後侍者把吸收了木魚花香味的牛骨湯倒在放有牛骨和白蘿蔔的碗內，一碗牛骨湯就完成了。牛骨湯牛味很濃郁，加上白蘿蔔，多了一份清甜味。牛肉餅牛肉餅上面放上一張「牛肉乾」，非常剛題又有創意。「牛肉乾」其實是用米紙造，可以包著牛肉餅一同吃，牛肉餅很juicy不會太乾太鞋，調味也適中，味道不錯。麵豉煮豚肉豚肉很滑，不會煮得過熟，麵豉汁鹹度也剛剛好。菠蘿沙冰以為咁快就食甜品，侍者說這個是菠蘿沙冰，言則還有更多菜式。沙冰打得夠滑，吃得出菠蘿甜味，沙冰中間還有菠蘿肉。鹽水海膽壽司鹽水海膽比我們常見的板裝海賂食用期短得多，所以海膽也較為新鮮和清甜，外面的紙是用豆造的，所以碟上的全部都可以放入口。蟹膏炸蝦壽司炸蝦壽司下面本身已經有蟹膏，旁邊的牙膏其實也是蟹膏，可以加在炸蝦上。炸蝦入口香脆，炸漿不過厚，蟹膏有點像鹹蛋黃沙沙口感，味道非常濃郁。鹹魚白菜壽司以黃色印上《獅子山下》歌詞和「香港加油」的紙墊底，放上一件用生菜代替紫菜包裹的鹹魚白菜壽司，絕對是驚喜之作，雖然味道不算突出，但絕對有創意。旁邊白色的是豆腐醬。低溫鵝肝配窩巴低溫鵝肝不像平時吃到的煎鵝肝多油，口感有點像牛油，旁邊的柚子醋帶點酒味，有點fusion菜影子。吞拿魚卷吞拿魚蓉很嫩滑，但壽司飯握得不夠實，旁邊紅色的是辣醬，配搭幾新鮮。鰻魚壽司鰻魚夠腍沒有碎骨，鰻魚醬不過多，味道對版。提子梳打套餐包紅/白酒一枝，本身不好西洋酒，就以一杯提子梳打當慶祝，X週年快樂。膠原蛋白蛋白沒有味道，口感有點像吃乳酪。總結，套餐非常豐富，食物味道雖說不上驚喜，但創意度滿分，最適合想給驚喜予另一伴或朋友的食客。…查看更多

呢間餐廳o既omakase，讓我好難忘。佢唔係將d 好新鮮、好名貴o既食材堆滿一個餐單就算，反而大廚係經過深度設計，有好多諗法、有好多o野想表達，點樣可以o係固有日式廚師發辦o既框架之下，加入港式元素成為一頓特色o既盛宴，從而令人記得佢。鋪頭用上鮮明色調，播住鋼琴o既輕音樂。茶水都有幾種，除o左常見o既日本茶之外，仲有一壺以蠟燭加熱o既櫻花花茶，可以refill 的。淺黃o既顏色，散發住幽幽o既清香，而且愈耐愈出味。店家貼心咁遞上多隻唔同造型o既茶杯，可以揀自己鍾情的。除此之外，仲有一杯welcome drink。細細o既一杯，係蘋果汁加sake，比例剛好。前菜用玻璃盅罩住，一打開，煙霧瀰漫。裡頭係一個煙鴨胸同埋煙燻過o既鵪鶉蛋，放o係個鳥形容器上面，下面再鋪到好似鳥巢咁樣。鴨胸肉幾香bbq 味，甜甜地。跟住有一客冰震牛油果他他，先挖空半個牛油果，釀入魚生碎同玉子等等，再將d 果肉混和沙律醬同wasabi，搽番上去，感覺refreshed！除o左牛油果，仲有一隻日本桃，侍應提到餐廳會用時令生果，因時制宜，次次都唔同的。個桃已經完全熟透，腍身味甜，上面加o既係以豆腐整o既醬，好重豆香，亦都中和番少少桃o既濃甜；另外增強口感，大廚特意瀋上少許果仁。頭先兩樣o野都有個杰身dressing，所以o係上下一道菜式前，侍應先遞上一杯浸o左海草o既水，去除口腔中o既濃味。凍o既，就係近似紫菜湯o既味道，些微鹹。刺身有海老、金線鯛、黑目鯛同埋一式三款o既「魚子醬」，配搭濃稠o既蝦膏醬與及兩隻wasabi，啡色o個隻會另帶一d 芝麻香。因為刺身味淡，蘸上濃味醬汁剛好！呢d 魚又係時令精選，menu 亦提過餐廳用o既都係來自sustainable sources。更甚o既係，其實d 魚子醬並唔係全部都係魚卵，反而有d 係海葡萄，經過清酒醃製，口感味道同真o既魚子醬一d 分別都無，又夠晒環保，抵讚！吸物即係湯水，我地有一個羊肉湯，現場檯上即煮的，因為其中一隻材料木魚花o既味道會好快消散。用o既係好似中學化學堂見過o既器材，先煲一陣，到某個溫度d 湯就會發上去，同上面o既木魚花混合，熄火無耐就會跌番落o黎——當然成件事係有專人操作，會煲好之後倒入已經放好餸o既碗度。個湯o既羊羶味唔重，幾清甜，而且好香芫茜香~以為用化學器材煲湯已經夠晒gimmick，原來驚喜陸續有來。和食先有一客牛肉漢堡，上面一張「罰單」非常eye-catching，係將可食用印刷整落張米紙上，再燒成曲狀，質地脆口。塊漢堡扒幾鬆化，但食落油份又唔會話好高。大廚話牛肉令佢聯想到「牛肉乾」，所以加張告票o係上面。佢鼓勵成日收「牛肉乾」o既客人，一於大力撕爛佢發洩下啦！蒲燒脆鰻魚雖然只有兩小片，但係非常味美，遵循粵式燒乳豬o既煮法，醬汁好惹味，層皮亦燒到仆仆脆，瀋上生椒粒，一d 都唔腥。食完呢道濃味o既菜式，當然又係時候清理口腔，呢個菠蘿雪芭，用o既又真係一個菠蘿形o既容器。果香十足，非常之甜。輪到壽司/卷物o既部份，打頭陣o既係一粒牡丹蝦壽司，但係佢o既賣相同傳統壽司好唔同，靈感源自燒賣。o個張黃色o既係一張可食用o既豆紙，同頭先o既米紙質感又唔同，會比較軟身一d。接住落o黎有一客馬友魚卷，放上去o既唔係一隻碟，反而係一塊印有歌詞o既板上面。以生菜取代紫菜，大廚話想帶出鹹魚白菜也好好味o既信息；配上《獅子山下》o既歌詞，更係對香港未來o既一點寄望。港式情懷仍未歇息，呢個蟹膏壽司，造型奇特，原來想模仿一隻裹蒸糭。用上o既飯唔係壽司飯而係糯米飯，用蟹同龍蝦湯煲過，所以非常入味。連埋pat 蟹膏一齊食，口入面盡是濃郁o既精華。香蔥吞拿魚腩壽司有少少辣，放上兩片春卷皮，增強脆卜卜口感。鵝肝壽司好大片鵝肝感覺矜貴，大廚話佢係以低溫熟成製作，再配搭用壽司飯整o既米通。聞起o黎酒味非常濃烈，食落有d 似雪糕，入口即溶。最後o既自家製甜品係焦糖多士綠茶雪糕，多士鬆脆甜甜的，雪糕亦都比出面食過o既顏色深而濃味。o係送上一杯巨峰提子汁o既同時，大廚都過o黎傾下計，總結番餐飯，同埋收集下意見，感覺認真。o係同佢chit chat o既過程中，佢堅持軟o既o野係要配硬，濃o既o野係要配淡，然後容器又盡量整到同d 食物相關。加上唔少菜式借鏡o左本地o既元素，令人耳目一新，非常難忘。…查看更多

搭叮叮經過灣仔嘅時候， 總會經過The Hennessy ， 無諗過上面有咁多間隱世餐廳， 原來最近開左間新派嘅日本🇯🇵料理餐廳， 主打Omakase 廚師發辦。 餐廳環境闊落， 有坐得舒適嘅卡坐位， 亦有可以同師傅近距離交流嘅吧檯， 可以望住師傅烹調嘅過程。 甫入座， 店員便送上每人一小杯welcome drink， 係用鮮蘋果打成嘅沙冰呀！ 味道天然香甜～ 再來便送上多個精美玻璃杯比我地挑選， 作為盛載櫻花茶嘅器皿， 櫻花🌸茶清香安神。 頭盤一上枱已先聲奪人， 🌟推薦❗️煙燻鴨胸、煙燻蛋 只見預先注滿煙嘅玻璃罩， 打開時，仲聞到陣陣煙燻味， 從煙霧瀰漫中見到猶如擺設，鳥巢般造型嘅賣相，很別緻呢！☺️ 煙燻蛋仲貼心的已經將一半殼剝好， 入口有濃郁嘅煙燻香氣， 蛋黃呈半流心，正！😋 煙燻鴨胸煮得軟嫩。 第二道菜為牛油果他他， 係比較西式嘅fusion菜， 以半個牛油果皮盛載着滿滿的牛油果醬， 係以現打牛油果、芥末而成， 口感十分幼滑，帶芥末香， 內裏仲隱藏左骰子般大細嘅魚生粒， 有三文魚、鯛魚、甜蛋、青瓜，好豐富呀！😌 牛油果控必試！😏 🌟推薦❗️和牛骨湯 從來無諗過師傅竟然會用咖啡虹吸壺製作湯， 以木魚花代替咖啡粉， 利用虹吸原理，萃取木魚嘅鮮味和香氣， 製作好嘅湯再配上牛丸、和牛尾骨、蓮藕， 香濃嘅牛湯加上木魚嘅鮮香，清甜味美。 鹽板烤日本豚肉 將鹽板置於小爐上， 再把豚肉、蔬菜放係鹽板上烤， 小編建議轉晒色就好食啦， 如果唔係就有可能會太鹹， 豚肉都係原汁原味好。😏 🌟推薦❗️甘鯛立鱗燒 「立鱗燒」其實係指將甘鯛嘅魚鱗燒得「站起來」嘅料理技法。 呢種技法令魚鱗立層層交疊，猶如蜂巢立面， 魚鱗酥香脆，魚肉軟嫩，超好味！😋 再來係清新嘅柚子沙冰， 係食主菜之前清一清味蕾～ 牡丹蝦豆紙壽司 以豆紙代替紫菜，有創意！ 豆紙質地柔軟， 加上鮮味嘅牡丹蝦蓉壽司， 係創新嘅感覺。 🌟推薦❗️燒三文魚壽司卷 Idea取自生菜包， 生菜包着輕輕炙燒過嘅三文魚柳， 魚柳迫出魚油， 加埋大蔥絲和芝麻醬等，好味道！☺️ 魚肝壽司 大大片魚肝配鍋巴， 集香、滑、脆於一身～ 層次感豐富！ 糯米包壽司 用葉片包着糯米， 感覺好似端午節會食嘅粽子， 糯米飯嘅質感煙煙韌韌， 可以蘸上旁邊新鮮嘅蟹肉蟹膏一齊食，香濃鮮味。 🌟推薦❗️辣吞拿魚卷 包着香滑嘅吞拿魚蓉和爽脆嘅青瓜， 上面仲灑上香脆春卷皮， 加上香辣嘅醬汁，好惹味！ 最後仲有甜品， 🌟推薦❗️焦糖多士配抹茶雪糕 多士烤得香脆，面層灑上砂糖，香甜可口， 抹茶雪糕有香濃嘅抹茶香， 仲有pairing drink—提子🍇梳打，微甜清爽。 …查看更多

這幾個月來，很多香港人為了同一件事吃不安、睡不好。可是，小妹必須休息了。好久沒有約朋友吃好的，決定賞自己一頓omakase。Omakase即廚師發辦，近年非常流行，可算是最矜貴的日本餐了。小妹有幸品嘗過三次，已是兩三年前的事了。這次選擇了在OpenRice上零負評的UO n。去到才發現，師傅居然不是日本人。不過，整晚的食物卻帶給小妹與友人不少驚喜。首先送上一壺「櫻花茶」，一直用蠟燭煮著。泡久了，茶香越發濃郁，卻不苦澀。茶杯很小，確保客人能及時品嘗每杯熱乎乎的茶（還可以選擇自己喜歡的茶杯呢）。 喝完了一壺，可以不斷refill。第二款飲品是「蘋果汁溝日本清酒」。酒精濃度很低，酒味很淡，酒量淺的朋友不用擔心。珊瑚狀的冰塊是點睛之筆，一邊喝，一邊有碎冰掉出來，卻不會整塊滑入口中。前菜終於來了！是「煙鴨胸配煙燻鵪鶉蛋」。上桌時用蓋子蓋住，一打開，煙霧彌漫——師傅的靈感竟然來自催淚彈它是一份冷盤。鴨胸是半熟的，不爽口，可是正因為需要咀嚼良久，才能慢慢品嘗肉汁。鵪鶉蛋也是小妹至愛。蛋白約3mm厚，較硬，而蛋黃超級幼滑，可以媲美蛋黃醬沙律是「牛油果他他」，小妹一向不愛吃牛油果，卻對它另眼相看！牛油果殼裡面是各種魚生，上面鋪滿厚厚的混合了wasabi的牛油果漿，軟綿綿，像忌廉一樣。然後是一款時令水果——日本桃子，配上用豆腐打成的醬汁和松子仁。師傅叫它「海水」。嚴格來説，它不是一道菜。將海草浸在蒸餾水中，喝起來像海水的味道，用作清除口腔裡牛油果的濃味，預備舌頭品嘗後續的刺身。刺身拼盤是經過精心設計的，選用的刺身是顔色偏淺色的黑木鯛、金線鯛與牡丹蝦，味道較淡。調味的，不是傳統刺身醬油，而是特別調製的蝦膏濃湯汁（杯中的）和芝麻wasabi醬（碟上的）。清淡的魚生配上濃郁的醬料，真是絕配！至於小盒子裡面的，外觀與口感皆魚子與相似，卻沒了往常的腥味。原來是用清酒浸過的海草子和海葡萄（從未見過這麽大顆的），經過醃製，裝成三文魚子。雖然濃味，吃完卻不口乾。吃過「魚」，要來一碗「羊」肉湯——這也是師傅想出來的gimmick～ 夠鮮味～湯是預先熬好的，上桌時，再以虹吸壺加上木魚花再熬10分鐘。木魚花有助闢除羊肉騷味，因其味道很快消散，不能預先下鍋。由於熬過湯的肉質地較粗糙，湯料用了全新的肉和蘿蔔。湯的顔色清澈，肉味鮮甜，沒有額外的油和鹽。這道「牛肉乾」上桌時，大家都笑翻了！這根本是香港人才看得懂的菜式！日本告票以可食用米紙印成，可以彎曲，又有點脆，包著漢堡扒好好吃。「蒲燒脆鰻魚」用了燒乳豬的做法，皮是脆的，肉是軟的。師傅預備了生椒闢腥，可小妹完全吃不出腥味啊。忽然來了一道甜品 XD 原來又是用來「清潔」口腔用的。師傅叫這菠蘿雪葩作「土製菠蘿」XD 懂了吧？沒想到含有果肉接下來5款壽司非常特別，跟傳統壽司比起來可算異類，但創意的背後一點也不無厘頭。上桌按味道濃淡順序，由淡到膿。這「豆紙壽司」看起來好像雲吞，外面是用大豆製的食用紙，這次是軟的紙。飯糰上面是牡丹蝦粒。伴碟的酸酸的翠玉瓜，若感到有點飽，可先吃它開胃。這又是一道讓人尖叫的菜！居然是《獅子山下》歌詞！它名為「鹹魚白菜也好好味」，以「三文魚包菜壽司」的概念創作。魚是鹽燒馬友魚（就是用來腌製成鹹魚的那種魚），以豆腐醬伴碟。師傅說這是他對香港人的一份鼓勵。這是以鹹肉粽為靈感的「蟹膏壽司」，不但以粽葉包著飯飯糰，還直接用了糯米飯。蟹膏以龍蝦湯煮烹調，糯米飯味道較淡而且口感糯軟，伴以蟹子。以下這道菜大大突破了壽司固有的界限，卻保留了傳統框架。鵝肝泡在酒中以低溫煮成，入口即溶（！！！），配以用壽司飯做的窩巴（米通），一硬一軟，互相輝映！既有創意，又沒有違反一團飯搭配一塊肉的原則。這款「香蔥吞拿魚腩卷」是小妹最愛的壽司item，是很親切的港式風味。吞拿魚蓉微辣，加上脆卜卜的春卷皮作點輟，又是天衣無縫的軟硬組合。終於到了甜品，是一杯相當有趣的「魚鱗啫喱」。沒錯，就是魚身上的鱗片！大家簡直無法相信師傅的話，魚鱗怎能磨成粉末再做成啫喱？！它的味道是清甜的，上面鋪了一層香蕉蓉——又是濃與淡的組合。最後每人再來一杯消膩的「巨峰提子汁」！…查看更多

很久沒出動，這次來到The Hennessy 3樓的UO n環境寛敞優雅，播著輕鬆音樂。Omakase 廚師發辦 $1180甫坐下侍應便端上一杯welcome drink，加了蘋果汁的日本清酒。蘋果清香，帶淡淡酒味，易入口。喝完welcome drink侍應便端來不同款式玻璃杯，可任選一款來喝櫻花茶，每款都有一點小細節。櫻花茶帶淡然花香。[前菜] 煙燻鴨胸伴鵪鶉蛋一打開煙霧繚繞。 造型精緻可愛，鴨胸和鵪鶉蛋充滿煙燻香氣。[沙律]豆腐醬水蜜桃沙律以豆腐醬伴以水蜜桃及松子仁製成。豆腐醬相當有驚喜！豆香濃厚，口感幼滑，像吃豆腐雪糕般，比一般沙律醬健康又美味得多。水蜜桃鮮甜爽口，松子仁增加口感，非常喜歡這道創新的沙律牛油果他他以牛油果皮載著刺身粒，包括三文魚和吞拿魚，肉質爽滑，冰鎮更能保持新鮮。醬汁以牛油果及wasabi調配而成，幼滑無渣，清新微嗆，絕對是用心製作，如果牛油果味突出點更佳。吃完侍應端來了一杯海帶水，內有海帶、岩鹽及礦泉水，清一清味蕾，準備吃刺身。[刺身]䱽魚、金目鯛、帶子、鱲魚刺身師傅建議由左至右吃起，味道由淡至濃，可配秘製蝦醬或wasabi來吃。肉質新鮮嫩滑，絕無魚腥；尤其喜歡帶子，滑不溜口。本以為那一小碟是魚子醬，原來是以海藻珠珠製成的仿魚子，用味醂調味，鹹香多汁，頗特別。師傅的概念是支持可持續發展，保護海洋。[吸物]羊肉湯師傅的意念是吃完魚再吃羊，魚+羊=鮮！又一特別造型，像蒸餾咖啡般，打卡一流。侍應還細心地替我暫時關掉頭頂的空調，以免有風吹熄火槍。羊湯加木魚花煮滾後，隔濾網倒出來，淋在羊肉、蘿蔔及芫茜上。羊肉片呈鮮嫩粉紅色，肉質嫩滑；羊肉湯清香，不帶一點羶味，喝完整個人都覺得暖和。[和食] 米紙牛肉漢堡日本告票造形的米紙配牛肉漢堡。牛肉煎得油香四溢，調味得宜，配薄脆米紙吃更有口感。燒鰻魚吃過不少燒鰻魚，這一份是我吃過皮最脆的；皮脆肉嫩，兩口就吃完了，貴精不貴多。[冷物]菠蘿沙冰清新菠蘿味，沙冰打得幼滑，酸甜醒胃。[壽司]牡丹蝦豆紙壽司；馬友壽司壽司造型特別，左邊的是牡丹蝦豆紙壽司，豆紙有點像米紙般，薄而脆，放久了也不會像紫菜般變軟。右邊的是馬友壽司，以獨特的瓷器載著；爽脆白菜包著鹹香馬友，配以芝麻醬；侍應告知師傅的概念是獅子山下，鹹魚白菜也很好味！中間有醬瓜及酸薑，清新爽脆，清一清味蕾。[卷物]蟹膏壽司卷左邊的糯米飯以龍蝦頭烹煮，煮得非常綿滑入味，鹹香鮮美，配以卜卜脆蟹籽口感更佳。 右邊的蟹膏更是精華，配龍蝦味糯米飯來吃，味道豐富濃郁，榮登我最喜歡的一道菜！鵝肝壽司；吞拿魚他他壽司左邊的是鵝肝壽司 ，鵝肝以低溫烹調，充滿濃濃的酒香；以飯焦取代一般壽司醋飯，香脆可口，配碟邊的柚子醋吃，味道獨特。右邊的是吞拿魚他他壽司，酥脆炸腐皮下是辣吞拿魚蓉，惹味可口。[甜品]香蕉膠原蛋白啫喱來到港女最期待的甜品環節，師傅每次都會挑選各式時令水果，這次剛好是我最愛的香蕉！十分驚喜。以有機香蕉打成綿密果蓉，清甜軟滑，吃得出甜味來自香蕉天然的果糖，毋須另加人造糖。果蓉下是膠原蛋白啫喱，侍應告知以魚鱗煮成，起碼煮三次，不是一般以魚膠粉製作的啫喱可比擬。晶瑩的啫喱口感幼滑，充滿膠原蛋白，養顏健康。最後來一杯提子汁梳打，看起來像紅酒般，為這頓精心製作的omakase完美作結。這一頓omakase跟傳統的不同，由前菜、沙律至壽司也別樹一格，充滿驚喜，尤其欣賞師傅不會墨守成規，敢於創新。每一道菜也有侍應用心講解師傅背後的概念，非常欣賞他們的認真和熱誠，服務態度甚佳。…查看更多

朋友約食飯慶祝生日， 超驚喜我哋去咗食Omakasea. 好友鍾意四圍發掘美食， 仲要慷慨萬歲一於奉陪啦。 餐廳位於軒尼詩道, 由灣仔地鐵站行過去約莫 六，七分鐘左右。餐廳環境相當幽靜， 有卡位，窗邊位，和近壽司吧檯嘅座位～ 當然化有獨立间隔vip房， 夠曬私隱。 樓底極高有幾盞巨型裝飾吊燈， 裝修豪華。廚師發板嘅套餐有三款價錢， 九百幾到一干六百多也有， 價格在此地段屬於中等。 咁其餘嘅就要睇採用的食材質素和廚師嘅設計～每款套餐都包括前菜，刺身， 壽司 和食等等。。首先端上嘅係welcome drink， 蘋果汁加上輕量嘅清酒～～ 炎炎夏日，立刻降溫！舆此同時也提供一壼櫻花茶，饮到尾都keep 住熱， 相當貼心。[牛油果他他] - 裏面包含各款刺身， 用返牛油果個殼盛載， 三文魚，油甘魚，吞拿魚，玉子大大粒， 淋上牛油果 和忌廉混合的蓉，好creamy, 味道豐富有層次.。 有沙律嘅感覺但係又唔需要食菜～[煙燻鴨胸溏心蛋] - 端上嘅時候用透明蓋罩著一團白煙， 打開之後煙燻嘅味道非常濃烈， 上個擺設就係一個鳥巢， 煙燻鴨胸同煙燻蛋。 非常特別， 蛋黃呈糖心， 又夠入味。接著是[松茸湯]，則以咖啡壺原理 把湯加熱泵上去浸過木魚絲再回流， 滾熱辣再倒入放有和牛丸和松茸， 味道濃郁，令人一再回味。這道[燒鱸魚]特別之處係連魚鱗一起燒， 除咗有魚皮嘅香仲係非常脆卜卜。 魚肉夠幼細而且仲好鹹。再來係[鵝肝醬多士]， 多士夠脆， 連同充滿油香嘅鵝肝醬 ，一口咬落好吃到令人融化。放低咗一個菠蘿形狀 的器皿， 打開一看原來係冰凍嘅[菠蘿雪芭]， 夠曬冰凍， 清清味蕾。接着係一連串嘅創作壽司， 做法獨特。這款像包心菜的卷物， 包住嘅係味噌三文魚腩壽司， 炙燒后嘅三文魚腩魚油爆滿， 包住壽司嘅菜 味道好清新，又薄又爽脆好特別。這款用兩塊炸脆咗嘅春捲皮夾住三文魚沙律， 香口好吃。[安康魚肝配脆米通]。 如怕安康魚缸較為腥可蘸附上酸醋。 炸脆左嘅日本飯 好脆好香口， 冇一般米通咬落會黐牙嘅感覺。甜品～[燒麵包綠茶雪糕]。 貼上嘅圖案很注目， 而且很有心思。 燒麵包上面灑上砂糖， 又甜又脆之如再蘸綠茶雪糕吃，perfect !最後放上一杯紅酒？ 出奇不意其實係巨锋梳打用了紅酒杯而已。每道菜式都充滿驚喜， 令顧客很期待下一道菜色， 眨下眼就食咗兩小時～…查看更多

七月第三個星期五晚上，灣仔。在灣仔工作的時候，整天看到這棟很多餐廳的大樓，但是沒有機會一試，友人知道我愛吃omakase，因為總是充滿驚喜，於是就訂了裡面一家新開的日本料理，星期五下班後帶我去吃頓好的。餐廳位於二樓，電梯門一打開就是高雅的餐廳招牌，裡面天花的金屬大吊飾顯得型格又高級，燈光以藍色為主調，很有身處魚缸內的感覺。友人深知我愛坐吧台，已經預先要求坐吧台位置，前面可以看到一個透著藍紫色高貴的魚缸，寫意又療癒。餐廳提供的廚師發板套餐有三款，分別是$980，$1380及$1680，根據食材的高級程度和份量作出改變，我們就先試一下$980的套餐。整頓晚飯每個細節都顯見用心，言談間師傅也有透露平常是如何不斷鑽研菜式，嘗試各種不同的新穎配搭，這是我喜歡吃Omakase的原因，客人是絕對能夠感受到師傅的用心的。服務生讓我們選杯子，原來是為了準備喝櫻花茶，以櫻花混合綠茶，幽香清雅。一開始的時候茶味不太濃，顏色也很淺，之後茶味越來越突出，顏色也相對的越來越深，茶壺以蠟燭座熱，確保客人整晚喝到溫熱的茶。煙燻蛋配鴨胸，服務生捧上一個煙霧彌漫的玻璃罩，一打開，飄出縷縷輕煙，撥開迷霧，原來是一個鳥巢，中間有一隻金鳥伴著兩隻煙燻蛋，好像新鮮酻出來一樣，蛋呈半熟溏心狀態，入味滑溜帶煙燻香，鋪在金鳥上面的幾片煙燻鴨胸肉質細嫩軟彈，想不到第一道菜的出場方式已經這麼有氣派。牛油果他他，打開碗蓋，冰鎮半個牛油果外殼，一勺到底，原來內有玄機，底下是滿滿的魚肉刺身粒，三文魚，白身魚，玉子，青瓜等，就像一個迷你丼飯一樣，只是米飯換成牛油果他他醬，清新消暑又開胃。等待下一道菜的時候，服務生送上自家調配的蘋果酒，以蘋果汁混入燒酎，有小量酒精成份，吃完牛油果他他喝一杯，解膩又醒胃。和牛牛骨湯，又是另一場眼睛的享受，服務生先端來一個虹吸壺，上壺是滿滿木魚花，下壺盛載牛骨湯不斷加熱，此舉是因為熬牛骨湯油份特多，隔不盡，經由虹吸把湯推至上壺，令木魚花盡吸走油份之餘，亦能令湯帶出木魚香，這方式通常用於咖啡沖調，原來還可以這樣用，師傅的講解真的讓我們長知識了。木魚花把油份盡吸收後，剩下清澈無比的牛骨湯，服務生慢慢把沸騰的湯倒進盛著和牛片跟水菜的碗中，和牛骨湯比一般牛骨湯清甜，而且裡面加了一點柚子胡椒，更把鮮香提升；和牛片入口即化，還有一小塊軟嫩牛骨肉部位，水菜為京都野菜一種，口感非常清脆爽口，等待是值得的。鹽板黑豚肉，先端來一塊重量十足的岩鹽板，燒熱後我們就可以一嘗自己烤肉的滋味，不同一般廚師發板，客人全程乖乖的等待師傅安排，在這裡可以參與其中。豚肉放上去沒多久已經滲出血水，反面再烤一下已經可以進食。來自沖繩結實爽軟的黑豚肉，於燒烤過程不斷吸收天然岩鹽，加上適量的黑胡椒，已經不需要額外的調味，越嚼越有鮮味，不過較為薄片的就稍為過鹹。炸甘鯛魚是一道講究師傅功力菜式，鱗片炸得金黃酥脆，魚肉細膩嫩滑，滋味無窮，配合清香脆口的藕片實是一道風味菜。清酒帆立貝，也是一道客人可以自己烹煮的料理，師傅先講解應該怎麼煮，不過因為我們資質有限，壞了如此高級食材實是浪費，於是就請師傅幫忙。原隻帆立貝連殼燒烤，先煮貝肉，肥美的肉質鮮甜有彈性，清酒怡人香氣撲鼻，最後輪到薄薄的裙邊，煮大概十秒，爽彈口感十足，精華所在當然是煮完的清酒汁，酒精揮發掉以後就是帆立貝的清甜鮮美，實在意猶未盡。柚子雪葩，就像是在吃高級西餐廳一樣，吃完和食以後，中間來一道清新冰品，這雪芭加上柚子皮粒，平衡酸甜度，也可以讓口腔每一寸都得到充份清香，又不會滿口雪葩甜膩，為之後的壽司作好準備。第一道壽司呈上來已經讓我們覺得很不一樣，三文魚包菜壽司使用三文魚腩，以火灸逼出魚油，豐富的魚油令魚腩有入口即化口感，混入胡麻醬，令壽司更加香醇又清爽，而且不以紫菜而以包心菜製作卷物，更能吃到刺身的自帶鮮味，甚有吃韓國烤肉一樣。豆紙壽司，驚現日本只用於懷石料理的豆紙，豆紙以黃豆製造，神秘的包褢著握得綿密香軟的牡丹蝦壽司，放上一隻牡丹蝦刺身的壽司吃多了，弄碎蟹肉混合米飯的還是頭一次試，賣相很像高級的中式點心。一下放進口，豆紙的黏稠跟豆香正好豐富了牡丹蝦壽司口感。蟹膏壽司，湯匙盛著蟹膏，旁邊包著東西的荷葉以小木夾夾住，忍不住先窺探一下，原來是握成圓形的壽司，真夠創意，不止這樣，巧思還暗藏在每個小細節裡。壽司米師傅以親自熬製的龍蝦湯煮過，每顆米粒充份吸收龍蝦鮮味，當我們小心翼翼把蟹膏鋪上，放進嘴裡，一陣蝦跟蟹的鹹鮮香大爆發不禁驚呼起來，師傅解釋除了新鮮的松葉蟹膏以外，原來還加了蟹味噌，簡直一試難忘。鮟鱇魚肝，厚切的魚肝平躺在米餅上，米餅是壽司飯窩巴，非常香口鬆脆，魚肝綿密富足，如果嫌膩的話可以沾點梅醬，不過我們都特愛魚肝本身那種不腥的馥郁濃香。辣吞拿魚卷，微辣的吞拿魚包裹著青瓜絲和蔥絲，細細嘴嚼，辛辣又清新，做到跟吞拿魚味道的平衡，上面的原來是春卷皮，可以提升口感層次，實在太精彩了。甜點是抹茶雪糕配焦糖多士，西式甜點的精緻擺盤，抹茶雪糕茶味濃而綿，焦糖多士相對就比較甜了一些，一定要配合雪糕一起吃，去掉甜膩感，不過雪糕的味道就給蓋過去。送上一杯巨峰提子梳打酒，為自家調製的無酒精飲品，這樣一來，飲料的酸度就能跟焦糖多士的甜度作出平衡了。*離開之前問了一下餐廳名字，UO是魚類的總稱，就是旁邊的日文漢字，那N呢？在日本，UO後面跟著師傅的名字，但師傅不想用自己的，所以就用太太的英文名字開首了，真的就連店名也這麼別出心裁啊。…查看更多

都有一段時間沒食過Omakase了，所以今晚就約埋朋友去呢間UO n好好咁享受一餐美味的晚餐。一早預先book左位食Omakase，所以一去到侍應就安排我們到Bar枱入坐，並奉上一小杯冰凍的蘋果酒。蘋果酒味道清甜，帶有蘋果香，而且夠晒冰凍，飲完即時感到十分冰涼清爽，熱氣全消。等我們都安頓好時，侍應拎出一盤裝滿不同形狀及圖案的茶杯給我們選擇，話用來飲櫻花茶。我都係第一次飲櫻花茶，飲落口感溫和，味道清香，淡淡的櫻花香氣撲鼻，令人感到心曠神怡。而且係用自己選擇的杯子飲櫻花茶，特別覺得好飲。仲有就係為了令茶唔會咁快變涼，就用蠟燭一直keep住茶的溫度，真係貼心。等左一陣終於上第一道菜煙燻溏心蛋配鴨胸。一黎到就見一個透明罩蓋住一隻碟，裏面充滿住濃濃白煙，令人感到十分好奇。當侍應將透明罩打開，帶有濃郁煙燻味道的白煙立刻煙消雲散，𣊬間見到裏面的盧山真面目。係一個鳥巢上放上兩顆溏心蛋及鴨胸，擺盤精緻又有意境，真的有心思。溏心蛋食落有淡淡煙燻味，而且口感柔軟嫩滑，特別係蛋黃部分。而鴨胸就肉質結實得黎又嫩口，煙燻味與鴨胸本身的咸香味非常配合，食落另有一番風味。之後係牛油果他他，這道菜係我其中一個十分喜歡的菜式。係半個牛油果上鋪滿又香濃又creamy又滑的牛油果醬，應該係用牛油果肉及蛋黃醬mix成的，成個樣睇落好似平平無奇，但原來內有乾坤，一用匙羹舀起，裏面原來藏了一粒粒不同種類新鮮的魚生係入面。魚生同牛油果醬食落感覺清新開胃，味道好配合，而且冰冰涼涼，夏天食十分清爽！第三道菜係鹽板燒豚肉，我覺得這道菜都幾特別，在小火爐上放上鹽板 ，將豚肉放在鹽板上直接烤熟。豚肉不用刻意調味，因在鹽板上烤煮時會沾上鹽。豚肉邊燒得香脆可口，但肉質柔嫩得黎有口感，而且充滿油香味，味道咸咸香香，十分惹味吸引，好好味啊。之後就係呢個架勢十足的牛尾骨湯，用左虹吸式咖啡壺來煮這個湯。當湯煮沸後，氣體的壓力將壺內的牛骨湯升上去同木魚乾mix埋一齊煮。熄火後，壺內的氣壓因有所改變，所以回流到下面的壺中。之後再將熱騰騰香噴噴的湯倒入盛滿食材的湯碗中，有牛尾骨、牛肉丸、帝王菜及蓮藕片，這樣這道牛尾骨湯就完成了。我見人多用這個壺煮咖啡，但這樣煮湯都係第一次見，有趣得黎都幾有新意，真係睇得又食得。而牛尾湯香甜美味，每一口湯都有牛的鮮味及淡淡的木魚香味，兩者味道混合在一起非常夾，而啲食材吸收了湯的精華，都非常好食，特別係牛肉丸，口感軟腍，濃郁的牛肉味，好食。之後係四式天婦羅炸蝦，即叫即炸，炸蝦外層香脆鬆軟，油香四溢，食落熱辣辣，而且有四款不同味道，分別有原味、黑松露、咸蛋黃還有顏色繽紛的米果粒，每款炸蝦都各有特色。而我就最喜歡咸蛋黃那款，外層脆卜卜，好似炸春卷咁，入面包住滿滿的咸香味濃的咸蛋黃蓉及爽口的蝦肉，邪惡得黎又相當惹味吸引。而下面托住炸蝦的天婦羅梅味素麵，都非常好食，脆卜卜的口感，帶有淡淡的梅香，如果配酒食就最適合了。食完啲濃味的食物後，侍應就給我們每人上了一杯柚子雪葩清一清味蕾。柚子雪葩味道清香，有淡淡的柚子味，食完成個口都感到好清新之餘又減少油膩感，好fresh啊！食雪葩期間，師傅已放定竹葉及薑在我們面前，準備食壽司！第一件登場的壽司是帶子壽司，同傳統壽司好唔同，師傅將鮮甜的帶子切碎放在醋飯上再用粉紅色的豆腐紙包住，形狀好似一朵花咁靚！我起初以為豆腐紙係脆的，點知一咬落去入口即化，帶有好輕微的豆腐味，同帶子及醋飯溶為一體，味道同口感變得非常融洽。第二件壽司係生菜包火灸三文魚壽司，有啲似韓燒的生菜包五花腩，但將腩肉換成三文魚，感覺又有另一番滋味。燒過的三文魚，口感比刺身滑嫩，食落除了魚油香外還帶有少少焦香味，同生菜一齊食減少了三文魚的油膩感，感覺好清新。第三個係蟹膏壽司，我覺得這個壽司都好好食，壽司飯係由龍蝦湯煮成，每粒米飯都吸收了龍蝦的精華，味道濃郁鮮甜，而口感好似糉咁，煙韌得黎好有嚼口，再係上面加上鮮味十足的蟹膏，將整件壽司的味道提升到另一個層次，可以話係強強聯合，真係沒得輸啊。跟住係酒浸魚肝窩巴配酸汁，我本身就唔太喜歡食魚肝，嫌佢的口感同味道，但如果同埋呢塊脆卜卜，新鮮即炸的窩巴再加上酸汁mix埋一齊食，反而好食喎，味道豐富加上口感亦變得沒咁單調。最後就是辣吞拿魚壽司卷，香脆可口的脆片，而吞拿魚十分鮮味，係下面部分的吞拿魚加入了辣汁調味，更突顯吞拿魚的味道加上青瓜清新味道，可以話一絕啊。而甜品係焦糖多士配綠茶雪糕，擺盤好靚，而熱辣辣的多士煎得香甜酥脆又可口，再係面頭加上綠茶味濃郁的雪糕，每一口都有香甜的焦糖味混合了絲絲的綠茶味，真係好正！當食完所有料理時，侍應奉上一杯冰涼香甜的有氣巨峰提子汁作今餐完美的總結。今晚呢餐不論係食物、鋪排及餐具，都感受到師傅的用心，而且理料創新，烹調手法有諗頭，處處都有驚喜，真係花少啲心思都唔掂啊。而且服務又好，令人食得相當愉快啊！…查看更多

正所謂百日偷生一夜閒🙇🏻‍♂☺忙碌左成個星期終於可以放下假假抖下氣☺雖然天氣不似預期🥺但難得隻豬唔洗OT可以接隻豬放工🐷😆又食到早前朋友介紹我倆最愛既日本野🇯🇵🤤🍣亦無阻我倆既好心情一齊撐枱腳👫☺🍴位於灣仔The Hennessy既UO n🍣🤤雖然距離地鐵站比較遠🙇🏻‍♂而懶惰既小肥亦係同隻豬齊齊搭叮叮過黎🤪🚃不過喺灣仔站A3出口經莊士敦道行過黎亦算就腳方便😆呢度以Grand Style既木牆日本餐廳風格😆🇯🇵食客可以坐Bar枱邊睇邊食享受雙重感覺之餘🤤👨🏻‍🍳🔥本店大廚精心製作既日式西煮料理更甚具玩味及特色😆而店員亦好熱心體貼地招待😆氣氛亦配搭高質素既日式料理😋🍴梅酒作為Omakase既開端☺🥃酒味唔濃亦帶出微微清甜既梅香😋煙燻溏心蛋以煙燻開蓋開煙既形式上枱之餘🥚🤪使用「雙手捧上」既碟及雀巢裝盛溏心蛋亦盡顯心思😆嫩滑蛋香濃郁既溏心蛋☺🥚溏心蛋更煮出100分既絕佳溏心效果🤩🥚牛油果他他將牛油果攪溶至滑嫩Creamy既口感之餘😋🥑配合三文魚、池魚、魷魚、青瓜🐟🦑🥒🤤以及口感甚似蛋糕既玉子作牛油果他他既餡料🤤🥚使他他既Creamy更增添更多口感及鮮香😋🥑金鯛爐鱗燒以新鮮馬頭魚作為烹調原料食材🤤🐟師傅將魚肉慢火細煮至滑嫩Juicy之餘😋🐟高溫燒至金黃色脆卜卜既魚皮魚鱗👨🏻‍🍳🔥🤤使滑嫩Juicy既魚肉增添Crispy脆皮口感🤤和牛骨木魚湯一碗玩味甚濃既湯料道菜🤪🍲🐮以原汁原味既牛上湯以漏斗器具慢火沸騰👨🏻‍🍳🔥沸騰既牛上湯吸收木魚絲既精華味道😆🐮再淋於和牛片及和牛骨湯料內🤤🐮🍲使牛上湯帶出更多牛香鮮味之餘更帶出淡淡木魚清香🤤柚子沙冰 連食omakase都設有中場休息時間🤪🙇🏻‍♂微甜帶出淡淡柚子清香既沙冰😋🍧為Round 2先行清清喉嚨清清口作準備🍧😆豆子壽司賣梳外觀一流既豆子皮😆雖然豆子皮既味道唔太突出🙇🏻‍♂但以牡丹蝦及黑松露作餡料配合🦐🤤肉質滑嫩甚為鮮甜既牡丹蝦🤤🦐濃郁松露香中更帶出蝦肉鮮味☺😋燒三文魚腩生菜包經火灸燒香既三文魚腩更為肥美滑嫩之餘🐟🤩👨🏻‍🍳🔥每一啖都充斥住滿滿魚油香🤤🐟以韓風既食法生菜包住三文魚及壽司飯🥬🤪口感較為清新之餘更可減去三文魚既膩感😆🐟🥬酒釀低溫慢煮鵝肝配壽司飯窩巴 以低溫酒釀方式慢煮既鵝肝🤤🦆🍾滑嫩唔腥既口感中帶出淡淡酒清香😋🥃🦆以壽司飯黎製造既窩巴盡顯特色及心思之餘🙇🏻‍♂造好再用兩日風乾後再油炸煮成脆卜卜既一流口感😋🔥其煮作方式更顯大廚既用心及細膩功夫👨🏻‍🍳🔥😆☺辣吞拿魚卷 師傅見小肥餓餓私人整tribute份量益我🤩以春卷皮炸至金黃色既卜卜脆🔥🤤拌以微辣中帶淡淡魚肉鮮味既辣吞拿魚😋🐟配合蔥花碎更帶出更多口感😆😋Dessert Wine 巨峰提子梳打水微甜飲落夠哂Fresh既梳打水🍷😋就以此為結☺🍷…查看更多

今日代表公司領獎，雖然得獎並非我的功勞，但話晒此項目是由我負責，也很高興，是值得慶祝。難得唔駛OT，就來一頓早晚餐，要慶祝就吃最喜歡的菜式，大家估到係乜嗎？就是....廚師發辦 Omakase，也是讓自己間中豪一次。餐廳環境優雅，雖然日本餐廳，但裝潢時尚，帶點西化。一入門就有張“L”型的壽司吧枱，靠牆全是寬闊舒適的卡座，而中間就設有幾張四人枱。一心來吃廚師發辦，那壽司吧枱當然是最佳位置。一坐下就揀杯？我未點酒喎....原來係送上櫻花茶，飲茶都有得揀杯，真貼心，就要隻花花形的玻璃杯配櫻花茶，襯晒！味道獨特，非一般花茶，清香順喉，得好喝！***********************雖然有茶，但愛梅酒的我又怎能受得住自家釀製梅酒（$80）的誘惑？師傅用了40度的酒釀製了三年以上，果然啖啖心機，慢吃慢酌吧！***********************大頭陣係.....登登登登，一打開蓋子，煙霧瀰漫，陣陣煙燻味。原來是在雀巢中的玖瑰花味煙燻溫泉蛋，有趣！有趣！溫泉蛋雖是全熟，但好香滑，富濃濃的煙燻味，跟平時的煙燻味很不同，味道獨特。***********************緊接係以西式presentation，日式製作的蟹沙律。沙律菜清新爽脆，配上酸咪咪醋汁，好醒胃。啖啖鮮嫩的蟹肉，灑上脆粒，多份香口，而碟邊伴上七味粉，用來點綴之餘，亦多份香辣。***********************店員端來一隻優美的盅子，咁快上吸物？一打開盅蓋，竟是冰鎮着的牛油果他他。以香滑的牛油果拌上自家醬，更creamy，味道口感一流！內藏數款鮮嫩的刺身粒，厚切柔軟，再拌入清爽的青瓜，還有口感特別兼帶煙燻香的玉子，伴着牛油果醬同吃，配搭美味。***********************驚喜一浪接一浪，再來四色炸蝦，金黃的賣相令人眼前一亮。兩隻蝦有四種配搭，分別原味、鹹蛋黃、黑松露和七色米通，由淡至濃逐一品嚐。原味就最能嚐到鮮味；色彩繽紛的七色米通就夠晒吸睛，香脆得來更有咬口；黑松露分佈平均，啖啖幽香，味道剛好，沒有搶出風頭；大熱的鹹蛋黃最濃味，特別以春卷皮捲着，更脆卜卜，中間塗上一層厚厚的鹹蛋黃，帶出鹹鮮味道，配搭特別。其實不論那款口味，同樣外層薄脆而不油膩，肉質彈嫩，優質！***********************咦？做咩此刻來咖啡？已到尾聲？非也！非也！竟然是吸物。以煲咖啡的虹吸壺來煲和牛骨湯，真有新意！壺中放了木魚碎，點着火將湯慢慢滾上。碗中預先放有和牛骨、香菜、蓮藕和和牛，是時候注入熱湯，湯身清晰，味道甘香獨特。和牛味濃，肉質嫩滑，配了胡椒柚子更添美味，而和牛骨亦很腍嫩，夾雜煙韌的筋膜更討我喜歡。***********************又有新攪作！輪到鹽板燒帶子出場。點着火爐，隔着一塊厚度中等的鹽板燒帶子，有新意。待一會，淋上清酒，灑上胡椒和鹽提味。原來帶子已預先切粒，肉厚肥美，相當鮮甜，帶有酒香，差點連殼上的酒也想通通喝光，但我....怕暈倒，哈！***********************此刻來一小杯柚子沙冰清清味蕾，好fresh好爽，準備迎接陸續出場的壽司。***********************輪了壽司出場，為何師傅不是企定定握壽司便可嗎？看着師傅忙過不停，我就越疑惑。嘩！真係非一般Omakase中的壽司，每件獨特，配搭花心思。粉紅色的是豆紙壽司，以一張豆腐製的豆紙包着牡丹蝦茸，配上黑松露，很美！豆紙美，但味道不驚喜.....單喜歡鮮甜的牡丹蝦茸配幽香的黑松露。輪到三文魚包菜壽司，是最討我歡喜。三文魚滿佈油脂，柔軟鮮嫩，經輕輕火炙，迫出油份，更加油潤，配上青蔥和甘香的胡麻醬，再以清爽的菜葉包着同吃，平衡油膩感，整個組合很夾，好吃！蔥吞拿魚配壽司窩粑既有創意，亦不離題，同樣有米飯，就是金黃的窩粑，以它伴油潤的蔥吞拿魚茸，一脆一軟，對比強烈，若然窩粑鬆脆一點就更好。辣吞拿魚卷堆成小山丘，又一特色。柔軟的吞拿魚混入香脆的春卷皮，再連清爽的青瓜卷同吃，口感層次豐富。***********************甜品為蜜糖牛油多士配抹茶雪糕，正合我這個抹茶控心意。單吃多士就香脆甜美，伴上冰凍的抹茶雪糕，冷暖交融，而甘甘地抹茶雪糕配甜美的多士，味道剛好，香甜而不膩。***********************嚐了全晚佳餚，最後就以一杯用酒杯盛載的無酒精汽果酒，幫客人fresh一下。-----------------------------其實我好珍惜每頓Omakase，因為每次都令我好驚喜，加上感受到各位師傅的用心，而今晚唔單止令我驚喜，非一般的傳統Omakase令我大開眼界。…查看更多