北京樓 (太古城中心)

今日同幾個親戚去左北京樓豪氣一翻，嗌左個set有菜有魚有年糕仲有個鎮店之寶片皮鴨，之前係其他地方食過覺得麻麻，今次再食，北京樓水準幾好，切得幾薄，唯獨包既皮唔太夠，可以多d就好喇，最後嗌左個甜品高力豆沙，入面有香蕉架！好少會有餐廳包香蕉，所以值得推介。…查看更多

星期一放咗工，肥比突然心血來潮...想食北京填鴨，所以兩個女仔去咗北京樓...一坐低，二話不說就點咗一隻片皮鴨兩食(鴨崧)，再加一個例牌魚肚粟米羹。大概十分鐘，個魚肚粟米羹就到，冇驚喜...而且比較淡..麻麻!大概再過多三十五分鐘隻片皮鴨終於到啦，等到頸都長，不過可能即叫即烤啩...份量有兩碟，望落去好似唔係好多，我初時仲諗住會食得晒。味道一如以往都係咁上下，冇話特別好同差，但係北京樓一向都片得比較多肉，我個人鍾意少肉大塊片多啲。最後個鴨崧都嚟埋，反而係最好味，唐芹、冬菇粒加上鴨伕碎，好香好野味，而且加上生菜好靚好新鮮，唔錯..(不過個生菜洗到濕滴滴)結果我哋梗係食唔晒啦，食淨差唔多成碟，唯有打包啦!埋單因為有Amex帛金咭，所以半價，好抵!!…查看更多