影片
更多
2023-11-15
1325 瀏覽
🌼𡃁妹搬咗去啟德咁耐，都未過去同佢食個飯，今日一於去啟德郊遊下🌞，發掘下香港新地方。📌啟德以前係機場舊址🛬，夷為平地之後就開發左一個新嘅住宅區域🏬，近幾年落成咗好多新的公屋同私人住宅，仲有好多活化的綠色空間🏝，感覺好開陽，地方好空曠，閒時可以帶狗仔嚟🐶海邊同公園散散步，非常休閒寫意。📌閒逛完啟德周邊一輪，就想揾野食醫下肚，驚喜地被熊妹發現原來《GoodDay Cafe》搬咗嚟啟德，實不相瞞，熊妹由始祖銅鑼灣分店食到葵涌再黎到啟德，好似追隨住佢嘅影子，佢去到邊熊妹就食到邊，而啟德呢間分店仲改咗名叫《GoodDay Solar》，睇嚟轉左另一種高檔次風格🔝。📌《GoodDay Solar》係位於嘉峰匯的一樓，地鐵站一出轉個彎就到，位置幾方便。📌嘩！入到店鋪真係嘩左一聲！啟德分店好開揚，超級大，樓底好高，咖啡店以落地玻璃窗設計，成間餐廳都係對住出面成個啟德的海景🏞，樓下是休閒散步空間，無任何高樓大廈遮擋，成個啟德的海邊環境盡現眼前，一目了然，柔和的陽光☀️仲會透過玻璃窗打入咖啡店內，感覺好自然好舒服。📌《GoodDay Solar》以白色同灰色為主，咖啡店內有好多張四人方型枱、圓枱，拱型卡
📌啟德以前係機場舊址🛬，夷為平地之後就開發左一個新嘅住宅區域🏬，近幾年落成咗好多新的公屋同私人住宅，仲有好多活化的綠色空間🏝，感覺好開陽，地方好空曠，閒時可以帶狗仔嚟🐶海邊同公園散散步，非常休閒寫意。
📌閒逛完啟德周邊一輪，就想揾野食醫下肚，驚喜地被熊妹發現原來《GoodDay Cafe》搬咗嚟啟德，實不相瞞，熊妹由始祖銅鑼灣分店食到葵涌再黎到啟德，好似追隨住佢嘅影子，佢去到邊熊妹就食到邊，而啟德呢間分店仲改咗名叫《GoodDay Solar》，睇嚟轉左另一種高檔次風格🔝。📌《GoodDay Solar》係位於嘉峰匯的一樓，地鐵站一出轉個彎就到，位置幾方便。
📌嘩！入到店鋪真係嘩左一聲！啟德分店好開揚，超級大，樓底好高，咖啡店以落地玻璃窗設計，成間餐廳都係對住出面成個啟德的海景🏞，樓下是休閒散步空間，無任何高樓大廈遮擋，成個啟德的海邊環境盡現眼前，一目了然，柔和的陽光☀️仲會透過玻璃窗打入咖啡店內，感覺好自然好舒服。
📌《GoodDay Solar》以白色同灰色為主，咖啡店內有好多張四人方型枱、圓枱，拱型卡位梳化枱🛋，空間好大，感覺好悠閒舒適，真係好岩一班朋友過來聚聚，或者一個人閒時來飲杯咖啡抖抖，或者過來打電腦工作💻，都有好大空間享受。
📌餐牌同葵涌分店差不多，依然有主打的漢堡包🍔同all day breakfast🍱，仲有意粉🍝同小食🍢，價錢都係維持$108至到$148 ，飲品方面當然唔少得沖調咖啡☕️，仲有各款夏日特飲🍹，驚喜地發現係《GoodDay Solar》不設❌加一服務費，喺今時今日香港租金昂貴💰的地方，真係買少見少。
爽瓜瓜熔岩手打（美國）牛肉芝士漢堡（特調花生醬）
$138
28 瀏覽
0 讚好
0 留言
熊妹咁難得重遇《GoodDay Solar》，梗係想食返當初《GoodDay Cafe》的招牌菜-爽瓜瓜熔岩手打（美國）牛肉芝士漢堡配特調花生醬。
果然冇揀錯，熊妹認為今次《GoodDay Solar》做的爽瓜瓜漢堡包比以前更勝一籌。
爽瓜瓜熔岩手打（美國）牛肉芝士漢堡（特調花生醬）
$138
45 瀏覽
0 讚好
0 留言
爽瓜瓜熔岩手打（美國）牛肉芝士漢堡（特調花生醬）
$138
1352 瀏覽
3 讚好
0 留言
而新店《GoodDay Solar》的爽瓜瓜比起舊日《GoodDay Cafe》係改良咗，以前係一片片清新青瓜片🥒，而家將青瓜切絲，食落可以出更加多的水份濕潤漢堡扒一齊食，容易入口，均勻地遍怖成個漢堡包，清新得來又大減漢堡扒的油膩，切絲呢個配方真係做得唔錯！好慶幸熊妹試過舊店的版本，現在可以睇到《GoodDay Solar》更進一步的轉型，食得出新店的用心經營。
伴碟仲有一大堆粗薯條🍟同埋沙律菜🥗，坊間餐館一係就跟薯條一係就跟沙律菜，好少會跟晒兩款配菜，《GoodDay Solar》咁做法真係益街坊。
粗薯條有熊妹最愛嘅淋身，喜愛食入面淋身薯條嘅薯仔蓉🥔，再食埋伴菜撈上黑醋汁的沙律菜解一解膩均勻吓，成件事真係好完美。
白丸玉子焙茶，蜜糖脆脆窩夫配雪糕
$118
14 瀏覽
0 讚好
0 留言
食完個咁豐富嘅鹹食，真係意猶未盡，見menu有推出一系列甜品，熊妹記得舊店好似冇咁多甜品款式，咁一於試下甜品喇。
一上枱，賣相同埋擺設都已經加晒分🤩，無諗過窩夫有咁大一份，一開四的窩夫🧇好厚實一件，剛剛焗起外脆內軟，好香蛋香味🥚，入面仲有白丸玉子🍡做餡，外面脆之餘入面又軟糯，面頭鋪上焙茶忌廉，出邊好少食到焙茶味道🍃，最多都係抹茶味，焙茶味道比較特別，因為茶味比較濃，做出的忌廉唔會太甜🍼，仲有粒粒蜜糖脆脆🍯同埋切粒的士多啤梨🍓及藍莓，一口窩夫入面包含着重茶味嘅焙茶忌廉、粒粒軟糯白玉丸子、脆口的蜜糖脆脆、新鮮的水果及冷凍的雲呢拿雪糕，可謂百味交集，冰火交融的窩夫雪糕🍨就是如此美味。
Matcha Latte
$49
27 瀏覽
0 讚好
0 留言
不嬲熊妹去到咖啡店都一定係飲咖啡，不過上次係葵涌店已經試過咖啡，係好唔錯，熊妹除咗係咖啡愛好者，仲係一個抹茶熊，今次就試吓Matcha Latte🍵。
經典的心形拉花💗，對經營三轉咖啡店的《GoodDay Solar》絕對係冇難度。呢杯Matcha Latte 抹茶味同牛奶味嘅比例均勻，有少少回甘的抹茶味沖落牛奶入面，再吊出淡淡的牛奶味，係合格的一杯Matcha Latte🍵。
Green Popsicle
$48
18 瀏覽
0 讚好
0 留言
𡃁妹就話想飲清新啲，揀咗杯夏日特飲-奇異果,菠蘿梳打特調。
奇異果同菠蘿本身都係偏酸甜，兩者夾埋一定唔會有問題，奇異果🥝充滿維他命C，菠蘿🍍又有天然酵素，容易分解食物，有助消化，所以呢杯夏日特飲係好解膩👅。
夕陽無限好，吹吓水，傾吓偈，食吓嘢，咁又到黃昏啦。一生難得好知己，其實能與好姊妹相聚，什麼時光都是好日子的時光🌻。
張貼
