松記燒鵝飯店

好多網友都推介呢間地道飯店！諗住買D野返屋企送酒，5:45 已經坐左好多人了～！等左3個字左右就拎得，都算好快手，而松記位置都幾方便，所以間中都黎幫襯！ 🌟 燒鵝外皮脆脆地，肉質有彈性亦夠淋，多汁，好夠鵝油香！肥瘦適中，佢Ｄ燒鵝真係好好食，個人認為都拍得住天鴻！🌟 蒜香椒鹽骨炸得好酥脆，夠淋又惹味～🌟 沙薑雞腳亦係好入味又夠哂淋，好香沙薑味！上面三個餸都好岩送酒！冬天我要返黎食羊腩煲🤣🏠店名：松記燒鵝飯店 🚘地址：元朗鳳翔路1號偉發大廈地下19號舖…查看更多

又到食羊腩煲季節，元朗老店松記羊腩煲真不錯，燒鵝都好出名，於是約埋朋友食番餐。羊腩煲：叫咗個細煲，羊腩口感軟稔，枝竹吸盡精華，好入味！ 燒鵝例牌：新鮮燒，皮脆肉嫩，大大件，唔算肥，啱啱好。沙薑雞腳：雞腳爽口，鐘意沙薑味！分量唔少，但因為比較惹味，每人一兩隻，唔夠食。啫啫芥蘭：用肉碎、洋蔥、蒜頭炒，惹味！冰梅一字骨：排骨炸得透，外皮脆，保持到肉質鮮嫩，不過骨多過肉足，味道甜酸，好開胃。海鮮小炒王：送酒一流。整體上幾好味，不過地方就嘈啲 ，好難傾倒計。😅…查看更多