玩具屋

營業中

休息中

Ganguya

4

4

136 食評

味道

環境

服務

衛生

抵食

|

17919

天后

$201-400

日本菜爐端燒居酒屋

94

15

4

燒飯團

4 已推介

janetnetnett

等級3

89

1

接近2年無法旅遊的日子，對大家來說定必度日如年😖！以往逢放長假期的都會到日本呼吸新鮮空氣的你，如今只能到赤柱、長洲等🤣，尋找「具本地氣息的異國風情」確實是差了一點😌。不過喜歡日本的你，在香港也不一定是到「日本城」感受日式情懷😆！讓我來介紹一間早前跟朋友farewell ，極具特色的日式串燒店 -《玩具屋》吧！🇯🇵《玩具屋》，果然名符其實！在店的內外都佈滿了figure 公仔，還有不同的動漫海報！🤩日本動漫迷來這裡定必欣喜若狂！即使我不是動漫、figure迷，也被這遍壯觀的「日本玩具海」所迷倒了😎！甫入店鋪，經過一條小樓梯後，便到達店鋪的大廳。大廳中間放滿了新鮮海鮮，大廚會在此拿食材並即叫即燒🦀！整個佈局設計都極具日本風！加上吵吵鬧鬧的氣氛，讓我有刻誤以為自己身處大板！🙀店內還設有兩間VIP 「玩具房」😺，可供包房，但設有最低消費！那天我們被安排遇其他食客一同在房內用餐！進房前必需脫鞋，超有儀式感😹！脫鞋後也感到輕鬆一點，更能享受與朋友的用餐時光！房內的牆身也是掛滿了毛公仔，還有隻特大bearbear 的陪伴🐻，超可愛❤️！！（但都怕會有點不乾淨。）🍽食物方面，一定是5星好評👍🏻！我們點

更多

接近2年無法旅遊的日子，對大家來說定必度日如年😖！以往逢放長假期的都會到日本呼吸新鮮空氣的你，如今只能到赤柱、長洲等🤣，尋找「具本地氣息的異國風情」確實是差了一點😌。不過喜歡日本的你，在香港也不一定是到「日本城」感受日式情懷😆！讓我來介紹一間早前跟朋友farewell ，極具特色的日式串燒店 -《玩具屋》吧！🇯🇵

《玩具屋》，果然名符其實！在店的內外都佈滿了figure 公仔，還有不同的動漫海報！🤩日本動漫迷來這裡定必欣喜若狂！即使我不是動漫、figure迷，也被這遍壯觀的「日本玩具海」所迷倒了😎！甫入店鋪，經過一條小樓梯後，便到達店鋪的大廳。大廳中間放滿了新鮮海鮮，大廚會在此拿食材並即叫即燒🦀！整個佈局設計都極具日本風！加上吵吵鬧鬧的氣氛，讓我有刻誤以為自己身處大板！🙀

店內還設有兩間VIP 「玩具房」😺，可供包房，但設有最低消費！那天我們被安排遇其他食客一同在房內用餐！進房前必需脫鞋，超有儀式感😹！脫鞋後也感到輕鬆一點，更能享受與朋友的用餐時光！房內的牆身也是掛滿了毛公仔，還有隻特大bearbear 的陪伴🐻，超可愛❤️！！（但都怕會有點不乾淨。）

🍽食物方面，一定是5星好評👍🏻！我們點了燒饅魚、章魚咀、雞軟骨、雞腎、牛舌、牛串、燒雞泡魚乾、明太子、飯團等🙈！所有燒物都很香口，而且超有BBQ的味道👍🏻！

枝豆、炸蝦

我最愛一定是燒牛舌！肉質厚實但易咬，超有口感，加上特製的芝麻蒜汁，惹味又好味！

😻雞肉棒蘸點日本蛋汁，令肉質更嫩滑而且美味可口！還有，溫熱的燒雞泡魚乾超鬆軟，而且應該塗了一層蜜糖，甜甜的令人不自覺地一口接著一口，😋用來佐酒真的不錯！

店內提供多款不同清酒🍶，不懂酒的我也沒有太大研究了，朋友點甚麼，我便喝甚麼吧！哈哈！另外，燒飯團也很特別，燒得外脆內軟😍！真的很適合愛吃飯焦的我！🥰

如果你也想再次感受日本的氛圍，到這兒也是個不錯的選擇。不過去之前記緊要訂座呀！餐廳看來是很滿座的！

(以上食評乃用戶個人意見 , 並不代表OpenRice之觀點。)

分享
推介

已推介
檢舉

張貼

評分

味道

環境

服務

衛生

抵食

用餐途徑

堂食

推介美食

Handsome XO

等級6

1.2K

122

公司開P，由靚仔經理揀咗去間令佢拾回不少童年回憶o既「玩具屋」食日本菜。單憑店名已估到店內將見不少玩具，黎到門口見到自己熟識o既龜仙人、悟空、魔童等龍珠主角、黃金聖鬥士、仲有小雲同小吉，喺XO仔成長路程中真係好重要架，當然係要影多幾幅相啦！步入屋門，先知道用餐區域埋藏於地底，真係有啲似探險咁。全店最有氣氛應該係中央圍繞住開放式廚房o既吧位。當晚九人派對被安排喺半開放式o既房間內，坐喺厚厚o既咕𠱸上冇得埃，自己雖只屬小肥，但講真坐得極不自在。整間餐廳o既牆身都貼滿卡通海報，席上個個生於不同年代，一提到認得出邊套卡通時即暴露埋自己咩年紀添，呵呵呵！為怕埋單一刻先發現超出預算，派對早已由組長負責跟店員自訂好菜單。細佬只係慣性早到，順便影埋一頁餐牌及數頁飲品牌作參考之用。人一到齊，第一時間當然係要飲杯歡樂吓先啦！桌上自用o既餐具齊備，不過食到中途不斷要叫人先會有得換碟，服務唔係咁周到，衛生亦唔算最講究。燒鱈魚棒（$28）：燒鱈魚棒巧薄乾脆，送酒佳品也。雞泡魚乾（$68）：雞泡魚乾煙韌黏口，但因有比較下，個人就比較鍾情燒鱈魚棒。燒枝豆（$38）：燒過o既枝豆太過腍，個味道又燶又辣，極不討好。五点

更多

公司開P，由靚仔經理揀咗去間令佢拾回不少童年回憶o既「玩具屋」食日本菜

單憑店名已估到店內將見不少玩具，黎到門口見到自己熟識o既龜仙人、悟空、魔童等龍珠主角、黃金聖鬥士、仲有小雲同小吉，喺XO仔成長路程中真係好重要架，當然係要影多幾幅相啦

步入屋門，先知道用餐區域埋藏於地底，真係有啲似探險咁。

全店最有氣氛應該係中央圍繞住開放式廚房o既吧位。

當晚九人派對被安排喺半開放式o既房間內，坐喺厚厚o既咕𠱸上冇得埃，自己雖只屬小肥，但講真坐得極不自在

整間餐廳o既牆身都貼滿卡通海報，席上個個生於不同年代，一提到認得出邊套卡通時即暴露埋自己咩年紀添

，呵呵呵！

為怕埋單一刻先發現超出預算，派對早已由組長負責跟店員自訂好菜單。細佬只係慣性早到，順便影埋一頁餐牌及數頁飲品牌作參考之用。

人一到齊，第一時間當然係要飲杯歡樂吓先啦！

桌上自用o既餐具齊備，不過食到中途不斷要叫人先會有得換碟，服務唔係咁周到，衛生亦唔算最講究

燒鱈魚棒（$28）：燒鱈魚棒巧薄乾脆，送酒佳品也

雞泡魚乾（$68）：雞泡魚乾煙韌黏口，但因有比較下，個人就比較鍾情燒鱈魚棒。

燒枝豆（$38）：燒過o既枝豆太過腍，個味道又燶又辣，極不討好

五点刺身拼盤（$360）：刺身拼盤共有三客，其中兩客有帶子食，但係最埋邊嗰客就冇

！心諗如果係早成兩個星期前訂位兼訂餸，啲刺身質量當真唔多合格，因為甜蝦明顯唔新鮮，啲魚仲要腥到魚后都話唔入得口，食咗一啖即刻要𦧲返出黎

，也太驚嚇了！

五点刺身拼盤

五点刺身拼盤

燒南非鮑魚（$88/串）：大大隻鮑魚爽潤彈牙，配上殼面o既碎蔥蘿蔔蓉豉油則分外惹味

燒南非鮑魚

燒南非鮑魚

燒大蝦（$68/串）：蝦隻大就夠大，不過咬落有少少霉霉地

，希望係咁啱得咁橋啦。。。

燒北九州蠔（$68/隻）：蠔隻肥美潤滑，熱辣軟嫩，實在美味

燒北九州蠔

燒北九州蠔

燒秋葵（$35/串）：秋葵翠綠爽脆，甚為討好。

燒蘆筍（$32/串）：蘆筍同樣脆巧味佳。

牛舌（$68）：厚切牛舌粒韌到冇人咬得到，全枱人個個邊食邊拎頭，上第二道餸前仲要全體換新碟

，大家明白點解啦！

宮崎黑豚腩（單價未有在餸名旁列出）：五花腩因過熟而變得偏嚡偏乾同有少少韌，價錢仲要係不詳

，不吃也吧！

宮崎黑豚腩

燒雞軟骨（$28/串）：雞軟骨串咬落好卜卜脆，可惜調味欠奉，差咗嗰少少就係差。。。

雞翼（$38/隻）：雞翼又瘦又乾。。。

免治雞肉棒（$45/串）：正當人人串免治雞肉棒都浸住碟完整無缺o既蛋黃豉油時，小肥嗰串隻蛋就咁唔好彩地係穿咗o既

。。。其實隻蛋遲早都會被弄穿，最緊要都係免治雞肉棒質感嫩脆無比，黏上蛋黃豉油增添滑溜又夠味。

免治雞肉棒

免治雞肉棒

熊本牛串燒（$42/串）：和牛黎講，串燒牛肉偏硬且唔夠鬆爽，因為之前食過熊本牛質量實在超強，所以都幾失望

熊本牛串燒

其他組長仲有叫咗啲XO仔唔多食o既「甜蕃薯配抹茶忌廉」（$62）、「茄子味噌燒」（$32）、「燒飯團」（$48/件）。眼見碟碟都食剩，仲要求極人都冇人想食多件，好唔好味已經好明確啦！

甜蕃薯配抹茶忌廉

茄子味噌燒

芝士年糕（$38）：「玩具屋」o既熱食質素比較參差，反而唯一一款甜品芝士年糕皮層薄脆，芝士餡柔軟流心，香濃而不溜滯，

公司開P揀去「玩具屋」全因靚仔經理想與一眾同事分享拾回之童年回憶，並深覺餐店食物質素偏高，可惜我地班做細o既就未有同感囉。地牢餐廳面積寬廣，但光線較暗，而且房內座位為全場最不舒適，可謂坐得唔舒服，食得唔安樂。考慮到組長早已告知餐店職員派對之預算額並訂下菜單，魚生款式不單唔新鮮，埋單一刻方才發現未計酒水每人差不多成千

，也太過份了吧？！超哂額喎，又唔覺自己食過啲咩高級貨，大家都覺得勁唔抵，硬食勁谷氣

；眼見店內咁多玩具，離去前XO仔腦海裡只留下四字真言：「玩物喪志」！

(以上食評乃用戶個人意見 , 並不代表OpenRice之觀點。)

分享
推介

已推介
檢舉

張貼

評分

味道

環境

服務

衛生

抵食

用餐日期

2018-06-21

用餐途徑

堂食

人均消費

$1100 (晚餐)

推介美食