📌位於K11 3️⃣樓咁高檔次嘅地方，裝修格局都唔同啲。門口已經擺放咗一個露營帳篷⛺️，連露營椅同露營枱，主題真係顯然易見✨。📌餐廳環境好大好大，有多款唔同露營嘅餐枱，有卡位，有圍爐圓餐枱連露營椅，牆身仲掛滿咗好多露營餐具同露營燈💡，成個露營格局出哂嚟，唔講以為自己去咗露營營地，環境主題方面真係落足成本，做得幾心思細密💕！喜歡露營的人一定會喜歡這裡。
📌嚟到日本燒肉店梗係燒牛啦，唔食牛嘅話，都可燒豬或者雞。
📌另外，仲有好多其他燒肉配料，例如內臟、海鮮同野菜等等。
📌除咗燒肉之外，都有熟食餐牌，有炸物小食、沙律、飯麵主食同甜品可供選擇，燒肉店都做到好似日本居酒屋咁，咩都有，夠哂大眾化。📌飲品方面，無酒精飲品🍹當然有可樂、果汁梳打、可爾必思等等。
全牛特選拼盤， $478
食燒肉梗係要燒牛啦🐮！要燒牛梗係要燒多幾款牛啦！點全牛拼盤就最好不過啦！有牛肋肉、牛里脊肉、牛舌、牛胸腹同埋雪花牛小排。
每款肉類大概有3-4片，有啲厚度，適合兩個人份量。燒出嚟嘅油脂「吱吱聲」真係非常自癒。望住啲肉由生變出血水再變熟，成個過程係需要啲時間同耐性，但又唔可以燒得太耐過老變太韌，所以金睛火眼地望住燒係必要的👀。當中，都係雪花牛小排❄️最吸引，脂肪分怖均勻，輕輕燒了大概十秒再反面燒🔥，點少許燒肉醬汁來吃，入口軟淋，牛肉味勁出，明顯高質貨色👍🏻。清酒鮮蜆， $58海鮮嚟講，有魚🐟、蝦🦐、蟹🦀、帆立貝、鮑魚、廣島蠔等等。咁吸引真係咩都想試下。最後瑪姫皇后話試下煮蜆。
一個錫紙兜裝住大大粒卜卜蜆🍲，放喺爐嘅中間慢慢等佢煮滾就食得。清酒味道好清甜，雖然燒滾後，酒精會被揮發掉， 但食落仲有少少清酒味🍶，同蜆一齊住，俾蜆索晒味道，更加出海鮮味。蜆肉好新鮮，咬落去卜卜肉，雖然份量唔多，但係食得出係新鮮嘅材料。
蒜香牛油煙肉蘆筍， $58又係錫紙兜裝住嘅蘆筍，浸滿牛油蒜蓉醬，面頭鋪咗幾片煙肉🥓，放喺爐中間煲滾，煙肉同埋蒜蓉嘅鹹味滲入蘆筍入面，減掉了草青味，蘆筍好爽口，作為一碟露營小食真係唔錯。
松葉蟹肉蟹膏拌飯， $88主食點咗呢個係個蟹膏拌飯。都係用上錫紙兜裝住飯，面頭有粒生蛋黃🍳，然後鋪滿一大堆蟹肉絲🦀，跟住就有一大堆蟹膏拌飯，撈勻晒所有材料之後就可以放上爐中間，店員教燒熱8️⃣分鐘就食得。
唔好見錫紙兜好似好細兜咁，入邊啲材料好紮實其實份量好多，撈埋一齊興熱食之後，蟹膏蟹肉嘅鮮味出晒嚟，但一啲都唔腥。驚喜地個底部仲起了飯焦，脆卜卜的蟹肉飯焦真係好滋味，係燒肉店入面可以食到呢個蟹膏蟹肉拌飯，真心值得推介！
燒野菜拼盤， $98有熊妹在，梗係有蔬菜啦！有菇菌🍄、粟米芯🌽、秋葵、南瓜🎃同埋茄子🍆，全部都好新鮮，放上爐上烤熟，好香火侯燒烤味，另外仲可以點枱上的燒烤汁或者紅酒汁，加啲醬汁嘅味道！
菠蘿，$38食咗咁多肉，梗係要食返個燒菠蘿🍍解下膩同沖油份喇。哇！係好厚實的菠蘿，有成吋咁厚，燒熱之後，菠蘿咬落去好清甜，新鮮菠蘿汁咇晒出嚟，一解原先肉類嘅油膩。
📌黎《火土燒肉》燒烤絕對係一餐非常有特色的露營餐飲體驗，各種環境氛圍營造出圍爐的感覺係非常特別。熊妹同瑪姫皇后都一致認為可以帶一家大細👨👩👧👦或者大顆兒到來玩樂一番🤹🏻♀️。…查看更多
