鳥山名

追月日帶埋屋企人去咗搵家姐做節，唔想又食中餐，去咗家姐屋企樓下一間日本餐廳我見餐牌入面d食物都唔算平，又花多眼亂，最後我叫咗個四人套餐，先係$1000多d，但係就好多嘢食，我覺得抵過散叫總括嚟講啲食物質素都唔錯，除咗個頭盤小食我唔鍾意食之外，其他全部都幾好，我哋四個女人仔都食唔晒，最後食淨咗成個炒飯同埋燒粟米。實在冇辦法真係飽到上心口。個甜品好有驚喜，除咗雪糕之外，其他都好食下次可以帶埋爸爸媽媽，其實我覺得六個人都可以食到呢個四人餐…Read More

愉景新城野食好多，行天橋已經見到大大個招牌被吸引咗😳 終於氹氹轉去到了🤣呢間餐廳夠哂大，仲有得包房嫁，環境夠哂日系🇯🇵而且整體用咗木色，令人感覺好舒服好ʀᴇʟᴇx🙊1️⃣ 燒豆腐 🍢一份有兩串嘅燒豆腐好吸引😍 內裏嘅豆腐香滑細膩，外層就好似俾張被包住咁，同事可以享受兩個口感😆2️⃣ 燒菠蘿 🍍食開嘅都係就咁燒，呢度嘅菠蘿除咗無皮可以一啖放入口外，仲附有話梅粉，配搭菠蘿蘸嚟食，食更增添咗一份風味🫣3️⃣ 一口炸走地雞 🐥呢個份量都幾多㗎🙊 每件雞都係大大件，肉質唔會鞋烚烚，我就中意蘸住沙律牆一齊食啦😋4️⃣ 時令壽司 🍣餐廳特登整咗個推薦嘅ᴍᴇɴᴜ好貼心✨ 除咗刺身仲有壽司嫁，我就揀咗海鰻、秋刀魚同埋竹籤魚😳 海鰻壽司用咗兩件厚身鰻魚啖啖肉；當造嘅秋刀魚肥美飽滿，肉質彈牙；竹籤魚加上薑同蔥，味道甘香甜美🙊5️⃣ 吉列黑豚豬扒定食 🍱呢個sᴇᴛ有齊頭盤、小食、麵豉湯、主食、甜品… 爽口嘅醃蘿蔔配上彩色芝麻、麵豉湯唔會太鹹、炸豬扒好ᴊᴜɪᴄʏ 🙊 用珍珠米煲出嚟嘅飯粒粒都圓潤飽滿，嚼起上嚟有黏性又唔痴牙👍🏻6️⃣ 飲品 🥤嗌咗兩杯飲品😛秋之戀人超多氣🫧水蜜桃乳酪沙冰🍑 飲落就細膩啲，愈飲愈多好快就飲哂了🤨7️⃣ 甜品 🍮一個價錢有齊芝士蛋糕同布朗尼，好抵又好食😳 布朗尼帶有啲啲苦澀味嫁💓💓…Read More

荃灣站📍鳥山名-好耐冇食日本野🇯🇵婚前最後一餐放縱😹鳥山名真蠔盛盒（$170）呢個盛合分別有仙鳳趾、兵庫縣漣川、法國凱撒十五各一隻。蠔好大隻，當中最推薦仙鳳趾！口感豐滿，富海水味，唔腥😋🫶🏻海鰻卷（$48）要左海鰻小卷試下，一set 6件，如果大舊d仲正🤪自選兩人套餐（$428）呢個兩人套餐夠晒豐富，前菜、壽司、鍋物、小食、甜品都有齊。前菜有什錦漬物同山葵八爪魚🐙，好開胃。沙律有溫泉玉子絹豆腐樱花蝦沙律🥗，幾清新。燒物方面有鹽燒鯖魚同埋燒菠蘿🍍鯖魚冇骨，啖啖肉。燒菠蘿酸酸甜甜，必點！小食方面有厚燒玉子同芝士年糕。芝士年糕雖然幾油膩，不過女朋友幾中意，煙煙韌韌。壽司有季節壽司6 件、卷物4件，分別係油甘魚壽司、赤蝦壽司、加洲反卷、吞拿魚軍艦。壽司幾新鮮，每人食5舊都少飽。鍋物有豆腐雜菜煲，再配埋兩碗飯，飯真係食唔落，太多！有個雜菜煲又幾好，唔洗全部都咁heavy！呢個餐仲有甜品，簡左芝士蛋糕，細細舊岩岩好😎環境方面，餐廳都幾闊落同埋多卡位，坐得舒服。餐廳係角落位，環境都幾靜，同fd黎慢慢食下野傾下計都唔錯。上菜節奏唔算好快，成個套餐9個字左右先上齊。…Read More

陪友人去完8咪半買傢俬傢品後，便到旁邊的愉景新城吃晚飯。二人不約而同地想吃日本菜，一於試一試「鳥山名」。打開餐牌，食物種類繁多，我們最後選了三文魚腩赤海老芥辣章魚飯($120)，牛油果軟殼蟹反卷($52-3件)，安格斯牛肉火鍋($115)，燒菠蘿($25)，日式蒸蛋($28)，日本廣島產原味燒生蠔($68-2隻)和椰子雪葩($42)。三文魚腩赤海老芥辣章魚飯($120)，新鮮魚生鋪滿了一整碗，有三文魚腩，赤海老以及章魚。三文魚腩夠肥美，脂肪分布較平均。有足足三大隻赤海蝦，沒有欺場，肉質鮮甜啖啖肉。伴上章魚，芥辣，豉油，整碗魚生飯鮮味更提升。我最愛軟殼蟹，怎能不點牛油果軟殼蟹反卷（$52-3件），軟殼蟹炸得香脆，配上清新牛油果，脆而不膩，仲有粒粒魚子和沙律醬，層次鮮明。安格斯牛肉火鍋($115)，是驚喜之作！無論是蔬菜菇類豆腐粉絲，以及安格斯牛肉均份量十足，絕不是幾片薄牛肉鋪面而已。安格斯牛肉品質高，食落真係好有牛味，食材選料方面應該都幾嚴格，值得一讚。燒菠蘿($25)燒得不錯，外層微焦，內裡仍夠Juicy。日式蒸蛋($28)日式蒸蛋熱辣辣，味道不過不失，如增添材料會令口感層次更佳。日本廣島產原味燒生蠔($68-2隻)真不錯，燒得剛剛好，保留了蠔的鮮味，而且一點腥味也沒有。最後當然要食埋甜品，選了椰子雪葩($42)。椰子雪葩賣相吸引，幾可愛，又係相機食先。椰子雪葩食落椰香味很重，不過質感比較似雪糕多過雪葩。提供口罩暫存袋，貼心。…Read More

荃灣區真係好多好野食，搞到朋友又約左我出黎行街食飯今次朋友話食日本野，叫左日式蒸蛋($28)、牛油果軟殼蟹反卷3件($52)、日本廣島產原味燒生蠔2隻($68)、燒菠蘿($25)、安格斯牛肉火鍋($115)、三文魚腩赤海老芥辣章魚飯($120)、椰子雪葩($42)日式蒸蛋：蛋蒸得熱辣辣但又好滑，裡面仲有冬菇同日式魚片，簡簡單單幾好味牛油果軟殼蟹反卷3件：牛油果同軟殼蟹都係我中意食嘅野，既然一份食物兩份滿足，咁就一定要點黎食食落去軟殼蟹夠脆身唔油膩，牛油果夠清新，加埋蟹籽黎食味道幾夾三文魚腩赤海老芥辣章魚飯：3種刺身食材，每1種都份量十足，而且都好新鮮冇雪味。赤海老夠大隻，三文魚腩夠晒肥美，加埋芥辣章魚少少辣嗰種味覺嘅刺激，成碗食落去好滿足燒菠蘿：燒得啱啱好，表面少許燒焦，而菠蘿食落每件都好JUICY，酸酸甜甜日本廣島產原味燒生蠔2隻：原味夠簡單，但咁先食到生蠔本身嘅原汁原味，加幾滴檸檬汁落去，更可以帶出佢本身蠔嘅鮮甜味，認真好食先黎張合照安格斯牛肉火鍋：個牛肉鍋物上菜見到已經好豐富，睇到都流晒口水裡面除左有主角安格斯牛肉、仲有紹菜、茼蒿菜、金菇、豆腐、冬菇、大蔥、洋蔥、粉絲。好多時食鍋物會愈食愈鹹，但今次食呢個牛肉火鍋，我覺得由頭到尾個湯幾濃味得黎又唔會太鹹，而且D食材吸晒D濃湯味所以好惹味。安格斯牛肉肥瘦適中，重牛味，幾高水準椰子雪葩：朋友想食雪葩，所以點左黎食。佢會用個碗冰冰鎮住黎上菜，咁就唔會食得慢就溶，幾細心。不過我地食落去，個質感似係雪糕多過雪葩，但佢椰子味幾香，都好好食2個人加一後埋單$495，食到飽一飽，又食左個雪葩幾滿足。呢到有樣好，就係部分食物有份量選擇，咁就唔會太少人食，搞到叫唔到多幾款食物黎食。題外話：防疫功夫都做得足，門口有口罩紙袋拎，同有酒精搓手液可以消毒。走時見到原來入口隔離有個AREA俾小朋友玩，有小朋友嘅屋企人都可以帶佢地食飯加玩下補MENU…Read More

今日去開荃灣行街，就去咗愉景新城搵嘢食，原來呢度食晚飯時間都唔算多人，要搵嘢食都唔駛等好耐位。今日就揀咗鳥山名呢間類似日本居酒屋嘅日本餐廳食嘢。貪佢無論刺身、壽司、燒物、炸物、丼飯、鍋物等等乜都會可以叫黎食，因為今日乜嘢都想食啲。一嚟就先叫咗個牛油果軟殼蟹野菜沙律同三文魚腩同帶子壽司先。三文魚魚腩魚油豐富，帶子新鮮肉厚，又係一個令人食慾大增嘅”前菜”。一口炸走地雞外脆內嫩，令人忍唔住口食多幾舊。而重點推介當然就係佢個原版馬糞海膽炒飯，大量的海膽再加上滿溢出來嘅三文魚魚子，未食已經衝擊着你嘅視覺。食過之後更加係不得之了，新鮮嘅海膽配上爆汁嘅魚子，再加埋香味四溢嘅蛋炒飯，三者配合起嚟天衣無縫，絕對唔會奪去食材本身應有嘅味道。😋再用燒菠蘿來做甜品作總結，今晚滿足咁返歸。…Read More

鳥山名喺荃灣愉景新城L1，喺玩具反斗城隔離，位置較為隱蔽，不過仍然很旺場，等咗15分鐘左右先有得入座。餐廳的食物選擇實在太多，多到諗唔到食乜，最後決定點個二人套餐，貪佢乜都有，又唔洗諗。前菜二人餐的前菜非常精緻！其中山葵八爪魚、蒜頭漬和牛蒡漬最出色，兩公婆夾唔停。溫泉玉子絹豆腐櫻花蝦沙律很特別的一道沙律，中間有隻溫泉蛋。櫻花蝦比預期中淡味，但配搭麻醬味道就啱啱好。壽司盛合魚生很新鮮，三文魚超級肥美，甜蝦肥大肉厚。美中不足是壽司飯偏硬了一點點。串燒走地雞胸三角軟骨 $38另外order的串燒，醬汁非常香濃，雞胸軟骨夠爽脆，正。串燒黑豚五花腩叉燒 $52超厚的叉燒，燒至很香口，一點油膩感也沒有！調味亦恰當，不用點芥末醬也很滋味。串燒厚切牛脷芯 $68厚切牛脷心非常惹味和juicy！師傅random咁喺牛脷表面𠝹咗啲淺坑，唔影響賣相之餘，又能減少燒烤時間，亦令牛脷燒得更均勻，推介！一口炸雞炸雞雖不算香脆，但內部仍保持滑嫩多汁，很不錯。燒菠蘿燒至微蕉的菠蘿又香又甜。鹽燒三文魚腩骨充滿魚油香，煎至香脆的三文魚骨腩，加啲檸檬汁提味去膩，非常可口。唯一缺點是要一直吐骨。鹽燒鯖魚魚肉多汁香口，只是外皮燒焦了，要去皮吃，比較可惜。黑芝麻椰子奶凍非常Q彈的奶凍，黑芝麻配紅豆也是很美味。…Read More

講起鳥山名，本身仲以為係同龍珠既作者鳥山明有關但原來除左都係日本之外就冇乜關係食完之後發現，原來佢既戰鬥力分分鐘比得上鳥山明既龍珠==============================二人餐都幾抵食天氣熱熱地想食Ｄ辣野刺激下所以就多叫一個睇落好吸引既雪花牛肋條地獄鍋壽司盛合份量都唔少，壽司有六件，卷物有三件而味道同新鮮度只能話不過不失前菜（水雲、山葵八爪魚、漬物、明太子及慢煮牛舌）見到咁別緻既擺盤已經令我食指大動整體黎講味道都幾好特別推介牛蒡好爽口，但又唔會太硬而且醃得唔會太過，保持得到原本牛蒡獨有既少少藥材香而山葵八爪魚本身都幾爽口幾新鮮夾埋紫菜食就多左一種爽脆，又別有一番風味溫泉玉子絹豆腐櫻花蝦沙律溫泉玉子味道唔錯，就算生生地都唔會有蛋腥味仲令整個沙律增添左一份鮮味絹豆腐其實即係同熟豆漿過濾成豆渣，再凝固而成，因為質地就好似絹布咁細滑，因此得名只係呢到既豆腐就冇我想像中細滑但係好在佢豆味香濃，比平時食開果Ｄ更加有豆香，令我食極唔停同埋都好鍾意佢加左少少櫻花蝦令個沙律口感又多左層香脆既口感伊勢海老及北寄貝沙律鍋巴呢個都幾特別，值得一試伊勢海老鍋巴就鮮味Ｄ，北寄貝沙律鍋巴就多Ｄ咬口配埋爽脆同有淡淡米香味既鍋巴令兩者不謀而合鹽燒鯖魚似乎燒燶左少少所以只能放棄個皮唔食了但係都無阻佢既美味魚肉保持到水分，亦都好鮮味燒菠蘿菠蘿香甜到不得了，又唔會太酸，只有菠蘿本身獨有既酸同香燒一燒過令到佢既香甜更突出正鹽燒三文魚腩骨燒得好香脆，好似炸完咁，但又唔會有炸既油膩而且仲保持到本身既三文魚香味另外雖然叫做腩骨，但又唔會好多骨，因為Ｄ骨都好大條，岩晒我呢Ｄ懶人雪花牛肋條地獄鍋一上台已經聞到香噴噴了味道就唔算話好辣，應該比譚仔十小辣Ｄ但係辣得黎都幾香可惜既係牛肋條太韌同硬，如用肥牛片可能會更好但佢勝在個量夠多不論係牛肋條，定係其他既雜菜同配菜（娃娃菜、大蔥、韭菜、豆腐等等）份量都好足主食叫左一白飯一烏冬白飯都幾靚最估唔到係個烏冬竟然咁有誠意仲有個油豆腐皮甜品又幾有驚喜黑芝麻椰子奶凍既黑芝麻味香得黎唔會搶左椰子同奶既香味一個字，掂！…Read More

係門口見到呢間餐廳既生蠔做緊promotion! $18一隻咋！！如果係D Park會員嘅話仲係＄10 一隻添咋！(可惜我同男朋友唔係😪) 不過＄18一隻都已經好抵🙆‍♂️ 所以我哋就決定入去食番幾隻🙆‍♂️🙆‍♂️🙆‍♂️入到餐廳本來諗住問吓係邊度地方既生蠔先 職員仲好熱心咁介紹我哋有款法國黎既大D既生蠔 做緊$99三隻💁‍♀️ 我地就話諗一諗先🤔因爲好似$18抵d🤔 不過職員都唔會🌚 會俾顧客慢慢考慮想食咩 態度非常好👍👍我哋最後都係決定咗叫＄99既三隻蠔！佢上到嚟係放左D蘿蔔蓉同provide日式嘅汁💁‍♂️而唔係西式嘅辣椒汁🙅‍♂️ 個蠔果然大隻啲 好肥美！仲帶少少海水味 好正💁‍♂️💁‍♂️個九品刺身盛合都好靚喎😍 刺身以魷魚最特別！有青瓜絲做夾心 令到淋淋既魷魚加左啲爽口嘅感覺！薄切既白身魚帶有柚子味 令到魚味更加出！另外佢盛盒入邊嘅生蠔都幾大隻 不過本身已經撈左日式嘅醬汁 酸酸地 都好味！😝😝我哋仲叫咗個蟹膏壽司 職員話蟹膏佢哋轉左款濃味啲 唔係圖入面嗰款💁‍♀️ 我哋試完的確係味道濃啲嘅 不過我就覺得味噌重手咗少少🙈串燒我哋試咗雞肝 三角雞軟骨 燒菠蘿 三角雞軟骨超特別！唔同平時食開嘅雞軟骨㗎！有係雞胸肉同塊軟骨連住一齊！超推介呀！…Read More