何車車仔麵 (大南街)

原來史努比冇同大家介紹過車仔麵😳早幾日去咗太子大南街食呢間都幾出名嘅何車車仔麵真系超多選揀😳怕肥除咗可以揀菜底仲可以揀䈮篛麵!!配料方面亦有啲比較特別嘅option 好似溫泉蛋、日式叉燒咁史努比本來想揀牛筋嘅 但點知冇喎即刻有啲失望 不過好彩佢選擇多😆仲有大把嘢揀🤭見到佢冇寫minimum嘅消費 即系可以揀1餸?🧐不過1餸太少啦 點夠喉😂最後我哋每人揀兩個餸加兩個小食😍-👌🏿䈮篛麵 $16湯底唔會好鹹 加咗啲生蒜真系好香好濃蒜味🤪麵質非常爽口 即使浸耐咗個湯都依然彈牙啱晒史努比呢啲食嘢慢吞吞嘅人😂😂䈮篛麵掛湯能力低 加上本身湯底唔算濃味食落會冇咁鹹 我鐘意🤣不過媽媽就嫌佢淡味咗啲食開重口味嘅話可以加滷汁或腩汁😆唔使加錢配料方面史努比揀咗溫泉蛋同魚肉春卷♡ 溫泉蛋 $9大家可以睇P.3超正嘅流心蛋😍用嘅蛋絕對唔系啲cheap cheap嘢蛋黃有蛋香😆♡ 魚肉春卷 $16見到佢隔離有個推薦嘅符號本身滿心期待😚可惜佢唔系我哋想要嘅魚肉春卷春卷都頗油 搞到個湯油晒🥹食落彈牙 可惜唔系好食到魚肉味應該話成條春卷冇乜味唔推薦大家嗌😗味道: 6/10(比春卷拖低咗個分)性價比: 7/10-❓出前一丁 $11呢碗就系媽媽揀嘅 出前一丁竟然唔使加錢同米粉米線同價😆不過史努比就唔鐘意食出前一丁 冇特登試湯底加咗腩汁、蔥、乾蒜同生蒜味道更濃 媽媽話啱啱好唔會太鹹😚♡ 燒牛舌芯 $16呢款都系推介嘅餸有4-5塊薄片食落爽口彈牙又夠淋🫶🏿♡ 豬大腸 $15豬大腸處理得幾乾淨 完全冇臭味👍🏿唔韌仲好淋身 又唔會過肥呢款媽媽大推🤩*由於史努比唔鐘意食呢啲內臟嘅關係就冇食到 上述全由媽媽提供😂😂*-👍🏿脆炸雲吞 $25/4件 $35/6件炸物有驚喜😳雲吞炸到卜卜脆 食落唔會好淋油😚餡料好飽滿食落超彈牙 應該唔系普通魚肉唔知佢點溝出嚟 但好好食😋配埋黑松露蛋黃醬更加惹味炸雲吞幾驚喜 幾出色🤤味道: 9/10性價比: 7/10-👍🏿咖喱五寶 $25對於唔系好食得辣嘅我哋嚟講🙈佢都幾辣下😂不過咖喱汁辣得嚟幾惹味 唔系死辣嗰種五寶有蘿蔔、魚蛋、水魷、牛柏葉同豬皮♡ 蘿蔔好夠淋又唔會淋到夾唔起食落完全冇渣又清甜😆加埋咖喱嗰種刺激嘅辣好過癮♡ 魚蛋系細細粒嗰啲陳皮魚蛋因為佢放到落最底所以辣到飛天😂😂食落彈牙幾有咬口 唔錯🤭♡ 水魷好易咬開 淋得嚟依然keep到魷魚彈牙嘅口感👍🏿♡ 牛柏葉 平時唔好呢樣嘢嘅史努比竟然覺得佢好好食 食落非常爽口 索晒啲咖喱汁好惹味😋♡ 豬皮有成5塊咁多 不過史努比唔食 媽媽幾鐘意 淋得嚟唔會冇咗應有嘅爽脆 味道: 8/10性價比: 7/10-食完之後我哋都幾口乾 可能因為咖喱重口味飲咗勁多水🥹🥹不過大部分都幾好食以車仔麵嚟講佢價錢稍貴 但合理嘅其實唔嗌太多餸嘅話around$40都食到碗麵而且食物質素唔錯尤其炸物 史努比大推炸雲吞😝總結 如果佢位置近啲嘅話 史努比久唔久都會去食下但佢唔喺我哋屋企附近 史努比就未必會特登搭車走去再食👌🏿整體評分：味道: 8/10環境: 7/10服務: 6.5/10衛生: 7/10抵食: 7/10回頭率: 5/10-…查看更多

Bookmarked 左好耐出太子終於有時間試，去到界限街舖頭先知原來只做外賣，喺大南街開嘅新鋪先有堂食。去到大南街一點多dd好彩唔係好多人，順利入坐，牆壁貼滿客人留下嘅好評～小店主力以QR code 落單但一旁都有hardcopy比顧客參考。Order 左燒牛舌芯($15)、媽媽水餃($15)、米線($10)加色(腩汁)同秘製醬汁(小辣)，另加炸腐皮角($15)。牛舌芯薄身有五片，超爽口彈牙超高質，媽媽水餃係韭菜豬肉餡料都唔錯，湯底加左色甜甜地好特別，加埋蒜蓉好香，米線軟硬適中份量都唔少，唔錯唔錯！加香口嘅炸腐皮角perfecto!難得九龍有咁高質嘅車仔麵，I will be back~…查看更多

第五波疫情期間，外出吃飯的次數大大減少，車仔麵是窩夫想念的地道美食之一。復活節假期的星期日中午，窩夫去花墟前光顧網上好評如潮的「何車車仔麵」。幸運的窩夫不用等位便能入座，吃完離開時已經要取票等位了。坐下來看看餐牌，然後掃QR code下單。點餐前可參考貼在牆上的「食評」，牆上還有乾花裝飾，非一般的車仔麵店格局。窩夫點了一碗自選三餸的車仔麵，由於當時不算很餓，所以蒟蒻麵($15)特意扣底。蒟蒻麵非常爽口，由於它的熱量較低，心理上可減低窩夫吃炸魚皮的罪惡感。燒牛舌芯($15)是窩夫第一款選定的自選餸，牛舌芯切成薄片，有四至五塊，爽口彈牙，水準之作。第二款餸是豬皮和豬紅之爭，兩款都是車仔麵的熱門選擇，窩夫見豬紅是店主推介之一便捨棄豬皮。豬紅($12)有五粒，口感滑滑的，又夠入味。第三款餸是另上的炸魚皮($12)，魚皮大大塊，夠薄夠脆，不會硬硬的，更讚的是它完全不油膩。…查看更多

何車車仔麵係一間算係港日Fusion嘅特色車仔麵，因為佢哋嘅餸有唔少日式嘅元素，例如關東煮、日式叉燒、唐揚炸雞……餸嘅款式同種類都算多，仲可以揀配湯麵、撈麵或者菜底，鍾意食辣嘅朋友仲可以加佢哋嘅秘製辣汁、咖喱或者麻辣～何車嘅總店開喺界限街，之前已經見到好多人推介，但因為位置唔太就腳，所以一路都無去試，12月頭嘅時候佢哋開咗大南街嘅分店，所以我哋終於的起心肝去試吓～當晚係平日夜晚7點左右，雖然前面有6-7人，但等咗唔夠10分鐘就有位～ 偏舖頭嘅裝修行日系簡約風，雖然座位都排得算密，但由於門口較大，都幾通風，唔會焗促～•📸 自選車仔麵 (河粉、燒豬頸肉、日式叉燒、糖心蘿蔔) $51河粉係偏幼但厚身啲，食落更有咬口，亦都無咁易爛～ 因為好多時食車仔麵嘅河粉都好易夾兩夾就粉碎，呢間嘅就唔會！👍🏼湯底我揀咗鹵水汁+腩汁兩溝，飲落幾清，味道偏甜，又唔會好口渴，同啲餸/河粉都幾夾🤤🥢 日式叉燒 $15🥢 糖心蘿蔔 $11日式叉燒切得比較薄身，亦都偏細塊，但一食就幾有驚喜，因為日式醬油味好濃，成塊叉燒都好入味，而且肥瘦均勻，一啲都唔乾唔韌😋蘿蔔煮得好腍，完全無渣，仲要煮得好甜好入味🤩 扣分位係呢兩款餸嘅份量都唔多🙈🥢 燒豬頸肉 $15燒豬頸肉係其中一款幾多人推薦嘅餸～一上枱食第一嚿係幾香口，但之後浸湯耐咗再食就變得比較普通，可能叫另上或者跟撈麵會好少少～ 而且個豬頸肉有少少乾柴，好重五香粉味，個人嚟講都係比較鍾意香茅/蜜汁味嘅豬頸肉多啲🤣 •📸 蒜油蝦子撈麵 (燒牛舌芯、牛肚、豬紅) $57蒜味好濃郁但偏甜，整體味道略嫌單調，食到尾仲有啲太油膩，可能加少少咖喱汁/麻辣汁會惹味啲😛 蝦子份量都多，但由於係擺咗啲餸上去先再灑上蝦子，所以啲麵都唔算沾到好多蝦子😕🥢燒牛舌芯 $15呢個燒牛舌芯估唔到會有啲驚喜！😳 雖然睇落有啲薄，但咬落仲食到牛舌嘅爽口口感，而且燒得幾香，又有牛味🤤 真係幾正～🥢牛肚 $15🥢豬紅 $12牛肚滷得好腍好入味，而且完全無內臟嘅腥味🤤 豬紅係朋友食嘅，朋友話豬紅好入味，口感幾滑，而且無臭味，算係食過其中一間最好食嘅豬紅！•🥢 唐揚炸雞 $14 (加餸之一)呢個其實係車仔麵加餸之一，但因為係另上所以就分開咗影～炸雞炸得乾身，炸衣好薄，而且係連雞皮咁炸，啲雞皮都炸到脆卜卜，好香口，配埋唔算辣嘅芥末籽醬，都幾惹味😋 但雞肉嘅肉質稍乾，扣咗少少分～•🥢 炸媽媽餃 (3粒) $15媽媽餃其實係細細隻嘅韮菜餃，餡料都算飽滿，都幾香韮菜味，雲吞皮炸得好脆👍🏼 配咗個疑似係黑松露蛋黃醬(因為有啲黑色粒粒嘅)，但蛋黃醬味好濃，無乜黑松露味～ 其實蛋黃醬好似同所有炸嘢都好夾😜 整體嚟講可以一試～•🥢 白玉烏龍茶 $17佢嘅餘韻好甜，甜到有陣好似羅拔臣啫喱啲甜味😂 烏龍味唔夠香，唔係太啱我口味🙈…查看更多