頂立

前幾日需要入屯門幫朋友取件，順道尋覓吓附近邊度有特色小店，見到呢間專食烏冬嘅日式小店，非常愛食烏冬嘅我二話不說就過去探究一下，去到發現該區人流比起市中心較少，但由於鋪外燈籠裝飾同埋布廉圖案都頗為搶眼，所以都容易見到。店內座位大約只有十個左右，空間雖然比較細，但裝修有特色，全店以黑色同埋日本傳統般若鬼神面具等作為主題，牆上有句霓虹燈牌字句：「沖啡靠斷估，工作無痛苦」，大概亦係表達出作為專業咖啡師店主嘅心聲，有趣有趣。而值得一提嘅係，當日眼見店內只有一個人，由落單，烹調，介紹等全部都係佢負責，雖然唔清楚佢會否係店主本人，但該店員的確相當有禮貌同埋用心，每枱由創作理念，餐牌去到上菜每樣都十分詳細地介紹，值得欣賞。餐牌上選擇簡單，分別有主食，飲品同埋甜品可以選擇，先講主食，主食裡面有三款唔同湯底嘅烏冬選擇，選擇完湯底後，就可以選擇「頂立海系列」，唔同嘅「頂立海」即指湯底裡面有唔同份量嘅配料，可以隨自己嘅食量同埋喜好去選擇，個人就選擇咗「海老魂」同埋「純頂立($80)」。上菜時托盤上除咗烏冬麵外，亦有兩款前菜甜點，一款係水晶紅豆餅連紫蘇葉，一款係明太子蟹籽沙律，兩款均好好味，特別其水晶紅豆餅，以為佢係甜，但原來上面有啲帶鹹味嘅醬汁，連葉一齊食又有另一番風味。店員介紹湯底原來係佢哋以龍蝦殻同埋鮮蝦頭每日早上自家熬製，難怪一入口覺得湯底鮮甜得嚟有陣濃郁嘅蝦味，配料方面，有腐皮，木耳，粟米，筍，叉燒同埋鳴門卷，平常日式拉麵嘅配料配搭於烏冬麵裡面又相當夾，特別係該塊腐皮，吸收哂湯式嘅精華，好香甜。烏冬麵嘅軟硬度亦足夠，煙靭彈牙，食畢感覺彷如回到疫情前去日本嘅小店食過嘅傳統烏龍麵。甜品方面，點咗好耐無食過嘅「燒布丁($65)」，店員介紹佢哋嘅燒布丁同坊間唔同，食落的確如此，布丁以海綿蛋糕做底，上面嘅布丁雖然滑溜，但切開又頗為實淨，咬落有口感，而上面糖漿嘅亦帶苦澀嘅咖啡味，中和咗甜味。另外，飲品我亦點咗「自家製水出咖啡($60)」同埋「Lemonade($50)」，意想不到嘅係原來兩款均係罐裝款式，而且係店鋪自家出品包裝。由於咖啡配烏冬係佢哋嘅特色之一，飲完咖啡再飲湯底，有淡淡嘅朱古力幽香，所以其味道未有令我相當驚艷，覺得係意料中事，反而係其「Lemonade」更為驚喜，店員介紹佢哋嘅「Lemonade」係用檸檬皮，檸檬同埋豆蔻去發酵再製成汽水，飲落果真好香檸檸皮，酸酸甜甜之餘又帶果香，清新感十足。雖然店內座位的確唔多，而且由於只有一個人工作，所以等候時間大約都要十至十五分鐘，但個人認為店員嘅服務態度同埋食物質素已經值回等待嘅時間，細節上到每款食物都感受到用心之處，有種相當貼地嘅人情味，經過嘅朋友絕對值得到訪一試。…查看更多

💎總評分：8.5/10-Weekend突登入嚟屯門睇間狗狗breeder🐶，順便喺附近探究一下~ 呢間小店門面全黑，鬼怪主題布簾🎏加和式燈籠🏮好有神秘感，室內只有10多個座位，空間細細但好有feel，掛滿鬼怪面具👹，角落放有不少潮流擺設，彷彿瞬間帶你去到日本小縣 ，牆上金句「沖啡靠斷估，工作冇痛苦」好搶眼， 型格有特色😎。Menu主打烏冬，同時推精品咖啡，呢個Combo好少見，起初仲怕會中伏，一問之下原來店主係專業咖啡師☕，熱愛日本文化，經常去日本學藝偷師再加以鑽研，用自己最愛嘅咖啡提升湯底味道✨，兩者配合下帶出味蕾新體驗😋。 首先講下佢個menu，先㨂湯底，再㨂烏冬嘅配料份量🍜，最勁量嘅係「神。頂立海」，海老、魷魚、帆立貝各3，仲有腐皮，啱晒大胃男士🙇🏻‍♂️。今次小編同閨蜜嚟食就叫左份量相對啱女士食嘅兩款。1️⃣ 頂立海 $95燒海老、燒魷魚、燒帆立貝各1，仲有基本粟米🌽、雲耳，荀絲，賣相已經好豐富😙。湯底揀左「鰹昆魂」，主要用北海道日曬昆布根☀️，配合天然風乾鰹魚片、加上碗入嘅海鮮🦐，熬製出嚟清淡而不失鮮味！2️⃣ 鬼。頂立海 $110比「頂立海」嘅配料多左塊好大嘅腐皮，帆立貝燒完都咁大隻，而且keep到爽彈👍🏻，海老已開邊食起上嚟方便🦐，相對下魷魚就較失色🦑，口感偏硬。今次湯底㨂左「干貝魂」，剔除醬油，用鰹昆襯托出干貝嘅鮮味👍🏻。值得一提係，主食一律配明太子沙律，仲有紅豆菓子🫘，有心思有誠意。3️⃣ 虹吸咖啡 $70；Lemonade $50店主貴為獲獎咖啡師☕，仲要小店個concept係用精品咖啡同烏冬湯底互相提升味道，一定要揀虹吸啦🥰！即磨即製嘅咖啡醇厚，無小編好怕嘅酸味，跟住店主教路一啖咖啡一啖湯，確實幾特別，飲得出味道嘅變化，令湯底鮮味更加突出💖。Lemonade相比下不太特別，而且罐裝價錢偏貴🙈。4️⃣ 燒布丁 $65特別之處係布丁下面有一層蛋糕🎂，而且好巨型，建議兩個人share好D。布丁還可以🍮，不過蛋糕吸晒D焦糖，太甜了🫢。小店嘅concept創新，環境又有特色👹，仲有咖啡豆零售，成功做到烏冬同咖啡都好pro嘅境界👏🏻。店主仲要非常親切，親身同每位食客講解Menu獨特之處，滿滿熱誠，對成個用餐體驗都留下了深刻印象🥰，直情係屯門區hidden gem呀！-環境服務：⭐⭐⭐⭐食物質數：⭐⭐⭐⭐打卡指數：⭐⭐⭐⭐…查看更多

位於屯門紅橋有一間隱世烏冬麵小店，裝橫有點神秘，入口有句霓虹燈金句「沖啡靠斷估，工作冇痛苦」，播住日文歌，牆身掛滿日式惡鬼面具。主打日式烏冬麵，但原來餐廳部份時間還有咖啡師駐場。店員服務態度非常友善，很詳細地介紹三款不同湯底。最濃郁的是「海老魂」，加入龍蝦殼、鮮蝦頭、清酒，造出勁鮮味的濃蝦湯；「鰹昆魂」就配合天然風乾鰹魚片、北海道日曬昆布根；如果要最清新的湯底，就建議選「干貝魂」，剔除醬油，用最純粹的鰹昆的鮮味，襯托干貝獨有的黃金味道。鬼•頂立海 $110我們選了「海老魂」做湯底，湯底真的超驚喜，有干貝的風味，湯底一點也不油膩！烏冬麵很彈牙，而且配料十分豐富，大大隻燒海老、燒魷魚、燒帆立貝、差不多鋪滿碗的大塊腐皮、獅子狗、海帶、木耳、粟米粒粒等。頂立海 $95因為想試一個清新的湯底，於是選了「干貝魂」，湯底有淡淡的干貝味，直接喝很多湯都很可以。材料一樣很豐盛，同樣有有燒海老、燒魷魚、燒帆立貝和其他配料。燒布丁 $65店員介紹時用了「大人的苦澀」來形容這個布丁的焦糖味，吃下去是一點也不甜不膩，布丁底是蛋糕來的，布丁造得很滑，糖漿苦苦的有點咖啡味，只可以說真的很有大人的味道，超好吃！覺得甜品好味到可以獨立再開間甜品店！自家製水出咖啡＆Lemonade沒想過這家店勁到可以出品罐裝飲品，店員推薦先喝一口咖啡，再試湯底，再喝咖啡，兩邊的味道會更出眾。Lemonade都好好飲，不酸之餘，還很清新醒胃。烏冬麵配了前菜明太子沙律，非常有口感，吃下爽口。甜品是水晶紅豆餅，要連葉吃的，雖然初初有點猶豫怕苦吃不吃塊葉，但原來葉是鹹鹹的，配紅豆餅吃真的剛剛好！…查看更多