Cyprium Cafe

營業中

休息中

早前在1月1日，我跟媽咪及她的朋友出席千人行活動，成團人走到沙田石門京瑞廣場2期的 <富臨皇宮> 飲茶！ 沙田石門京瑞廣場分為1期及2期，兩個月前，相約新識的可愛女生一起去1期的 <Cyprium Cafe>！ 我們先在鄰近石門站等，還是由她帶路吧！這裡優雅格調，設有梳化位，而且闊落的環境，空間感充裕，可安坐享受美食！晚餐由 $98 至 $178 不等，加 $20 配湯及沙律；另有二人套餐，由 $335 至 $399 不等！兩者同屬抵食之選！麵包籃香脆的餐包，夾雜果乾，豐富了口感；塗上牛油，簡單美味！加 $20 配湯及沙律蘑菇湯這裏的蘑菇湯很好喝，滿載菌粒，菌香十足 ，真材實料！而且調味恰到好處，不會重口味，質感略為稀薄，好似飲極也飲不完呢！田園沙律色彩繽紛的田園沙律菜，尚算新鮮爽脆， 略嫌帶出臭青味，加上黑醋份量不多，難以掩蓋其味，因此大家也覺得比預期中不太好吃啊！茄子肉醬千層麵 $128肉醬與芝士的融合下，口味層次突出及豐富！既惹味又滋味無窮！ 千層麵質感軟硬適中，吸收肉醬醬汁又夠入味，卻是食到尾覺得有點膩！燒士多啤梨豬肋骨 $148以士多啤梨醬汁烹

我又來到石門了，上次點心，今次就西餐，之前經過個裝潢都幾吸引。餐廳空間都幾大，夠寬敞舒適。有dinner set選擇而2人set 更多了前菜及甜品店員先奉上熱騰騰的麵包，有蕃茄片包，甜甜酸酸好開胃，而左邊的麥包還可以。餐湯是羅宋湯，除了蔬菜外，更有條條似意粉的麵條，好有趣，可能是正宗煮法。味道酸中帶點辣，很不錯。扒大蝦芒果沙律，意想不到前菜都幾有份量芒果較酸，蝦肉彈牙，至於沙律就普通。燒士多啤梨豬肋骨醬汁甜度適中，豬肋骨肉質好鬆化，又夠juicy，超正。芝士肉醬意粉味道較淡，因為沒有香濃的芝士，而肉醬份量也不夠，因為意粉太多了：甜品是柚子芝士蛋糕及朱古力蛋糕，前者清新軟滑，後者濃郁香口，兩款我也超級喜歡！

沙田石門餐廳林立，而且對我來說，位置又夠方便，搭馬鐵幾個站就回到家了，前幾晚放工後我就來到Cyprium Cafe品嚐一頓歐陸式晚餐。裝修簡約，環境企理乾淨，打造出悠閒寫意空間，服務亦很週到，店員差不多每道菜都會為我們換碟。除了Set Dinner外，還有不少散叫款式，選擇頗多，這晚我們二人就點了一個晚餐和散叫好幾款。一坐低店員就會奉上餐包，烘焗後微溫的麵包外皮脆卜卜，內裡軟綿綿。 跟餐沙律新鮮爽脆，保留蔬菜本身的營養，加上黑醋點綴，最適合作為清爽開胃的前菜。燒士多啤梨豬肋骨 $148豬肋骨份量十足，咬一 口肉輕易便離骨，肉質軟腍嫩滑，不會過韌，脂肪不多，所以吃完也沒有肥膩的感覺。表面舖滿酸中帶甜的士多啤梨醬，在原有的茄醬底多添幾分水果甜香，令人胃口大開。炸薯角配黑松露醬 $38雖然晚餐的豬肋骨已附上薯角作配菜，不過作為薯仔控，還是覺得意猶未盡，所以又再點多一客薯角吧！金黃薯角連着薯皮炸得外層鬆脆，肉心軟綿細密得似薯蓉，稠身奶滑的黑松露醬菌香滿溢，不過因為鹽粒全都跌到下面，吃到底時就發覺有點過鹹。香煎比目魚配柚子汁及椰汁紫蕃薯茸 $138比目魚相當巨型，差不多撐滿整個碟子，旁邊的沙律菜