Cyprium Cafe

營業中

休息中

今晚過來上堂，上堂前揾食吃早飯⋯⋯門口大大個餐牌，看著晚餐平均價格$1xx，決定入內試吓未夠六點，食客未算多。一支公，原先被安排到坐近㕑房，由於是開放式廚房，為免油煙，於是選擇了較遠位置⋯⋯但細心看著㕑房，掛著很多名物，好多著咗太空罩的Labubu 呀！ 一股年青潮流氣氛在心頭。由於時間還早可以自由選擇位置，就是被這張可愛牆壁畫吸引，決定坐這個位置了⋯⋯是日餐湯:磨菇忌廉湯配芝麻包~其實味道是唔錯，奈何湯與餐包都只是暖暖的，如果是熱騰騰會加分不少。喜歡磨菇有粒粒磨菇的感覺。餐湯和餐包到來已好一些時間，仍未上主菜，店長很細心，留意到我仍未上餐，於是主動地跟進，一讚。香煎紐西蘭白鱈魚柳配黑松露汁$148~足足等了20分鐘才到來，原來香煎嘅意思是扁向炸嘅系列，和我想像中有點差距。白鱈魚柳明顯地解凍不足，有點點雪味，可能知道漏了單，心急過火煎炸，魚的質感有點過火。反觀那些配菜值得一讚，薯仔有底味，翠肉瓜及茄子味道有層次，整體來說，配菜比主菜的魚柳更出色，至於那黑松露醬汁，黑松露未見特出。少爺生啤$28~套餐另加$28可以飲少爺生啤，還可QR code點餐後要求後上，一讚。夠冰凍，陣陣花香，還有

今日試咗佢嘅午市套餐，包晒主菜、沙律、湯、飲品同甜點。🔸牛柳粒黑松露燴飯 $88燴飯每粒飯都煮得軟糯但分明，有細細舊雜菌同洋蔥增加口感。醬汁夠creamy但不會覺得膩，可惜黑松露味略嫌淡咗啲，味道上冇預期咁突出。牛柳粒肉質唔韌，但牛味唔重，好似冇特別醃製過。沙律係沙律菜加芝麻醬。蘑菇湯可以飲到有粒粒蘑菇，味道唔淡但係好稀。另外馬卡龍甜品，外皮輕脆，作結尾幾滿意。平日午市時段人流幾多，雖然用餐時間限70分鐘，但店面環境舒服，坐得自在。用 QR Code 落單，會收加一服務費，埋單$97。食物質素屬於穩陣，份量夠，但CP值未算特別高，比較適合同事飯聚。

今日lunch同同事去左試咗呢度嘅lunch 。我叫左青檸香茅豚肉意粉，Lunch set$88仲包咗餐湯，沙律，餐茶同埋一個小甜品。一上枱已經聞到好清新嘅香茅同青檸香氣，好開胃！豚肉煎得啱啱好，外皮微脆，肉質嫩滑，帶少少甜味，同香茅好夾。意粉煮得al dente，掛滿咗微酸嘅青檸醬汁，食落好清爽，完全唔膩。 不過，如果青檸味再突出少少，同埋醬汁可以再濃稠一啲，味道會更加平衡。整體來講，呢碟意粉好有東南亞風情，適合鍾意酸香口味嘅人，值得一試！

朋友介紹黎依間cafe食lunch，見未食過就試下環境闊落，我地坐左張二人枱，店員見我地拎住好多野，專登拍埋隔離張枱，等我地坐得舒服d叫左兩個set lunch, 黑椒汁鹽燒牛舌(跟飯)，個汁好惹味，配牛舌好夾，牛舌又夠淋另一個係奧爾良烤雞扒(跟意粉)，雞扒煎得好香，調味足夠，意粉炒得乾身唔會好油兩個set都有餐湯，沙律及甜品(細細件芝士蛋糕/macaron)飲品揀左蘋果蜜同埋生薑蜜(加$12)環境清靜，傾計一流

脆煎雞扒$88脆煎雞扒外皮尚算酥脆，內裡肉嫩汁，沒有雪味。醃料方面味道可以，馬卡龍外皮脆，內裏軟軟的煙靭，可以減甜更好。香煎龍利柳配紅菜頭汁 $ 88香煎的龍利柳為主角，魚肉口感滑嫩。紅菜頭汁為其增添了一抹甜味和色彩，少女粉，讓整道菜更具吸引力，味道不算突出。搭配清新的沙拉或薯菜，十分合適。

我地點左蜜糖雞翼，上檯後我老公同姨甥女小朋友夾左各一隻食，隔左一陣職員緊張沖過黎話廚師計錯時間雞翼有可能唔熟，我老公即時睇睇真係仲係紅色，職員即時成碟收走，仲叫兩位口裡面果隻都要拎返出黎，開頭諗住可能成碟換過，就算唔成碟換起碼補返兩隻咬過吧？點知碟雞翼返黎時，Hi~咬過果兩隻返左黎。由於同檯仲有其他親友，你叫人地夾唔夾好，係咪要大家食佢兩個翻炸既口水尾？而下一檯同樣叫炸物既客人唔知兜油有無換過呢？

前日（9-9-2024 Mon）放工後，等女友人VL過嚟同我食晚飯，去邊喥可以坐得耐？大家樂，但太open，唔去，呢間啦，出示我公司嘅職員證埋單就有九折。 嚟到睇，VL覺得OK，於是就入去，坐低後見到淺藍色嘅梳化好新淨，唔通全部換過晒？掃完QR code落單，我哋都同樣揀$138.00嘅C餐蛋包帆立貝配青醬扁意粉，要餐湯，分別要熱蘋果蜜同熱柚子蜜。落完單，最先到嚟嘅係餐湯同餐包。餐包係暖暖地亦都軟熟，都唔錯。5分餐湯係黑松露忌廉湯（？）佢質地唔算好杰，黑松露味係啱啱好但就鹹咗少少。2.7分然後蛋包帆立貝配青醬扁意粉到嚟，睇見點解唔係蛋包帆立貝，而係炸帆立貝？食落，炸皮係有少少脆，但全熟，冇味帆立貝係乾爭爭。0分而青醬扁意粉都OK冇問題。4分最後我飲熱蘋果蜜，見到佢有粒粒果肉，味道唔太甜，較得啱啱好。5分服務：我哋入去嘅時候只有一枱客，唔明點解佢哋唔安排我哋坐一張卡位而係半卡位，亦都唔係坐最入面嘅半卡位，之後先後有3組二人嘅客， 包括一位男士帶住一個只有幾歲大嘅女，都可以坐全卡位，我同我VL都一袋二袋，都唔可以坐全卡位。係咩道理？收碟嘅時間都好恰當。有斟水，但咁細隻杯，兩啖就飲晒，而佢哋

昨晚一行四人，開開心心的簡單一聚，就選這間附近餐廳。裡面不太多人，只有三，四枱客，心想正好靜靜的傾偈。叫了四個餐，食物ok, 無甚驚喜，但服務呢......三個人剛喝完湯，一個正在喝，服務員急不及待去收碗，主菜要上嗎？還未準備好，要幫我們清潔枱面再上？你想多了。飲品隨便見有位放下，即走，是什麼也不說，我在茶餐廳嗎？最離谱的是那個女侍應在收碟時，把汁弄到我朋友衣上，還大聲說冇呀，見到後，一句對唔住就走咗去，不想辦法去幫客人清理我們吃了兩小時以內，水從來不添，好忙嗎？最忙時只有三分一客，全部企係到等收碟，等你埋單中伏一次，後會冇期

餐湯偏咸，配埋包就岩岩好🥣🥣餐包鬆軟，夠熱，有黑糖味紐西蘭肉眼扒8oz 配黑椒汁🥩🥩份量十足，不過欠缺肉味，五成煎得有DD過熟配菜係黃椒青椒(本人唔食)，搞到牛扒都有陣椒味，冇乜黑椒汁味脆炸軟殼蟹配黑松露意粉🦀🦀原隻軟殼蟹上，好有誠意切開仲有好多膏，有驚喜意粉好掛汁，推薦蒜蓉炒野菜🥬🥦份量夠大碟，蒜蓉好香，抵食加左New york cheese cake🍰🍰面頭係cream，如果係酸忌廉會更加好cheese cake夠軟滑，唔會太甜

呢間cafe開左好耐 但都未有機會試午餐時段等左陣就入得餐廳第一個小心思就係有得揀飯、意粉、薯菜或者淨菜。好少見到有餐廳可以揀淨菜，我開頭仲諗住只係大量嘅椰菜同蘿蔔，但佢見到佢又有豆角、粟米、翠玉瓜同蘿蔔，就覺得加晒分，仲要份量都唔少。第二個心思就係一個午餐有齊沙律、甜品、湯同主菜，已經好開心，仲要個甜品都OK幾好食，唔係普通一粒包裝糯米糍。至於主菜方面，魚柳個皮非常脆，魚肉唔會好散同梅凳凳。餐飲嘅話咖啡要加$8或者$18 ，我見到OpenRice話啲咖啡麻麻哋，所以嗌咗蘋果蜜，所以還好吧！香煎大盲鰽魚柳配香草忌廉汁 $98

約左朋友來石門食飯，睇到幾特別就入來試，但試左就算啦😅😅😅沒特別🤣🤣，試左一個套餐+其他野，見到有骯髒咖啡☕️原本都好大期望，可惜有少少🤏失望😞！

下午茶：卡邦尼意粉$58 +$20焦糖咖啡意粉算平ok抵食但係有小小油，咖啡ok 冇特別手撕鴨漢堡$58 +$20榛子咖啡手撕鴨啲肉調味不足，食落唔夠味一般般。杯榛子咖啡，咖啡味唔夠濃，整體麻麻。咖啡杯隻碟重要係崩左嘅（咖啡師男友表示😟）環境ok價錢ok食物質素有待改善,服務冇comment.

一入到呢間Cafe，味蕾已經開始期待🍽️！齋聽個名「香煎三文魚柳/黑松露忌廉汁配薯菜」，已經覺得唔錯撚撚！三文魚柳外皮煎到微微脆口，啖啖肉般彈牙，入口即溶。個黑松露忌廉汁豐濃得黎又唔覆蓋過魚柳本身嘅鮮味，得意得意！配菜D薯仔軟綿綿，菜心爽口得嚟，冚唪唥清新解膩。再來個朱古力蛋糕，完美收官！蛋糕夠濕潤，朱古力味夠濃郁，每一啖都係幸福感爆棚😍。凍檸茶解甜兼消暑，飲飲吓，呢個炎炎夏日都涼快咗好多。值得一讚嘅係呢度嘅服務，店員都好有禮貌，令整個用餐體驗更添分。總而言之，呢一餐簡單、實惠又滿意，真係一個人食lunch嘅最佳選擇！下次再試下佢地嘅凍齋啡，聽人講都好有口碑！👍🍰💯

2023年12月17號時間13:07一共四人，一家四口進入餐廳，一睇餐牌見百零蚊一個午餐，都知冇乜驚喜，唔緊要，志在填飽個肚嗱嗱聲走，總共要咗三國午餐，雞扒意粉一般龍脷飯一般蟹肉炒意粉，出色係好食食物質素講完，招呼真係酒店級，都知百零蚊午餐係咁上下，但真係冇諗過咁差。首先餐廳有兩個年齡，大約5x至6x嘅洗碗阿姐充當樓面，（拍得住譚仔級數），全程黑口黑面，要BB凳，極不情願先攞到嚟，之後餐飲嚟到，我哋order熱檸水兩杯，佢嚟咗一杯凍一杯熱，，我同姐姐講話order 2杯熱檸水，佢話係你自己落單（手機應用程式），係你自己落錯單冇得改？，之後我同佢講，咁你呢杯放低，我另外再加錢要多杯可以嗎？之後黑面程度再升級，放低嘢食係有回音，即係好大聲，劈低就算。其實百零蚊一個午餐食物質素差，都唔係重點，要俾錢入嚟受氣，果下攞命做生意老闆真係好慘，尤其係飲食業，燈油火蠟樣樣都係錢，今時今日經濟環境都唔係好，d餐廳重要用啲今精英嘅樓面，生意好極有限。

今日(20-10-2023 Fri)因老公嘅”爺爺”過身守夜,唔想拎住個飯盒放工去殯儀館後再拎返屋企所以唔帶飯返工食,亦約女同事PM食,原本我介紹去壹心芝脆小食https://www.openrice.com/zh/hongkong/r-%E5%A3%B9%E5%BF%83%E8%8A%9D%E8%84%86%E5%B0%8F%E9%A3%9F-%E6%B2%99%E7%94%B0-%E6%B8%AF%E5%BC%8F-r668555,但去到後睇咗環境,佢唔鍾意,於是就嚟呢間,嚟到時都未太full,坐低後用QR Code落單.睇完我哋都決定要$88.00嘅lunch,PM要芝士豬肉餃子雞翼配胡麻醬冷麵,飲熱柚子蜜,我要脆煎雞扒,都係飲熱柚子蜜.PM嗰份到齊先,然後係我嘅,lunch set有餐湯,沙律同甜品,湯係南瓜湯,稠杰度同味道都唔錯,好味.味道:5分沙律係田園沙律,正常冇問題.味道:3分到主食,每揀咗意粉,而個汁係日式咖哩汁,味道係唔辣,雞扒好厚身亦juicy,意粉係有啲啲硬嗰種,而最驚喜嘅係啲伴菜,竟然有落蒜蓉炒,幾好味.味道:4分最後係個甜品-泡芙,我一咬落去,原來個餡係抹茶