Little Vegas

是日與校園時期的好友知己相聚於Little Vegas，一行三人過了個愉快的下午。其實迪迪已不是首次來Little Vegas的了，不過以往總是被它墟陷的場面嚇怕，又要等近乎一小時才能進去，未吃已先扣掉不少分數。幸好相隔一段日子，裝潢改了少許，帶來新觧感，連Walk-in等候的制度也改善了不少。客人須預先到達食店，留下名字、人數及聯絡電話，然後可到附近逛逛，待差不多有位子時，店員就會致電通知，而且現在亦沒有了人群堆積在門外，感覺良好▼ 入座後，身邊圍著很多特色裝飾，這個糖果杯最受人歡迎，糖果是任取任吃的，最喜歡有蜜蜂檸檬糖，現在很難買得到呢 ▼還有小擺設等等，一片童話的景象。▼ 大裝修後，Little Vegas的內在間隔沒有改變，只是壁畫那些轉了些圖案而已，也算是一片新觧的景象，不錯！▼ 整齊的餐具擺放，碟子上也是印著Little Vegas的。▼ 往周圍拍了一輪照，不久後就有食物端上來了，最先來的是小食【檸檬雞翼】（HK$68）。檸檬雞翼是Little Vegas多種味道之中，迪迪最喜愛的，因為它的味道最清新，每啖都帶有淡淡的柚子和檸檬清香，味道是甜甜的，而雞翼外層亦炸得香脆而不油膩，內裡的雞肉又很嫩滑，故每次來都是迪迪必點之一 ╔══════════ 夫人評分 ═══════════╗║菜　式： 【檸檬雞翼】（HK$68）　 　         ║║味　道： ★★★★★★★★★☆ (9/10)　       ║║美　觀： ★★★★★★★★☆☆ (8/10)           ║║抵　食： ★★★★★★★☆☆☆ (7/10)           ║║創　意： ★★★★★★☆☆☆☆ (6/10)           ║╚═════════════❤═════════════╝▼ 然後是一道【黑松露野菌長通粉】（HK$98），黑松露醬汁非常觧味，配搭了少許的野菌食材，味道不俗！長通粉是大大粒的，所以看起來份量很多，3人吃起來也剛剛好足夠的。整體是滿意的，不過就略嫌少了點特別之處。╔══════════ 夫人評分 ═══════════╗║菜　式： 【黑松露野菌長通粉】（HK$98）   ║║味　道： ★★★★★★★☆☆☆ (7/10)　 　   ║║美　觀： ★★★★★★★★☆☆ (8/10)　　    ║║抵　食： ★★★★★★☆☆☆☆ (6/10)　　    ║║創　意： ★★★★★★☆☆☆☆ (6/10)　　    ║╚═════════════❤═════════════╝▼ 接著端來了一道招牌菜【招牌燒烤醬焗豬肋骨（半份）】（HK$98）。雖說只是半份，但已經有整整6塊，我們每人還可以吃得到兩塊，份量Pass✔ 味道方面招牌燒烤醬是甜甜的，不是難吃，但沒有太多驚喜，肉身不過不失，但因為是肋骨部分，始終是比較難進食和少肉另外還附送少量沙律和薯角，薯角稔身的，如果是脆的會更好！╔══════════ 夫人 評分 ═══════════╗║菜　式：【招牌燒烤醬焗豬肋骨（半份）】 　║║味　道： ★★★★★★★☆☆☆ (7/10)　　    ║║美　觀： ★★★★★★★★☆☆ (8/10)　　    ║║抵　食： ★★★★★★☆☆☆☆ (6/10)　　    ║║創　意： ★★★★★★☆☆☆☆ (6/10)　　    ║╚═════════════❤═════════════╝▼ 接著是【賭城至尊辣Pizza】（HK$112）。賭城至尊辣Pizza，顧名思義是辣的，但絕不是死辣的那種，少許的辣味混和了香濃的焗芝士，配上多種配料：菠蘿、辣肉腸、肉碎、燈籠椒等，非常惹味。份量算是中中挺挺，估計3-6人也夠吃，視乎個人食量而已啦～╔══════════ 夫人 評分 ═══════════╗║菜　式：【賭城至尊辣Pizza】（HK$112） 　║║味　道：★★★★★★★☆☆☆ (7/10)　  　   ║║美　觀：★★★★★★★☆☆☆ (7/10)　　     ║║抵　食：★★★★★★☆☆☆☆ (6/10)　　     ║║創　意：★★★★★★☆☆☆☆ (6/10)　　     ║╚═════════════❤═════════════╝▼ 飲品方面，朋友點了個熱的【熱帶水果茶】（HK$58），迪迪也叨叨光喝了幾杯，茶的果味很濃，我想主要是因為加了許多不同的水果粒，連火龍果也有呢因為一直有小燭助暖，所以保溫很好，雖然正值夏天，但不減果茶的吸引╔══════════ 夫人 評分 ═══════════╗║菜　式：【熱帶水果茶】（HK$58）           　 ║║味　道： ★★★★★★★★★☆ (9/10)　　    ║║美　觀： ★★★★★★★☆☆☆ (7/10)　　    ║║抵　食： ★★★★★★★★☆☆ (8/10)　　    ║║創　意： ★★★★★★★☆☆☆ (7/10)　  　  ║╚═════════════❤═════════════╝▼另外也有點到一杯【玫瑰草莓冰沙】（HK$42）。這杯味道其實以士多啤梨為主調，帶有輕淡的玫瑰香味，不錯！最上層有厚厚的Cream，迪迪沒有特意的混和到沙冰中，所以不影響整體味道，又能為美觀加分！而這杯冰沙雖名為冰沙，但其實已經打得非常細緻，喝下去時不會卡卡的、又或者冰凍得打冷震，所以質感這方面我覺得是值滿分的╔══════════ 夫人 評分 ═══════════╗║菜　式：【玫瑰草莓冰沙】（HK$42）　        ║║味　道： ★★★★★★★★★☆ (9/10)　　    ║║美　觀： ★★★★★★★★★☆ (9/10)　　    ║║抵　食： ★★★★★★★★☆☆ (8/10)　　    ║║創　意： ★★★★★★★☆☆☆ (7/10)　　    ║╚═════════════❤═════════════╝▼ 最後來個甜品【香蕉朱古力比利時窩夫】（HK$68），完結今天一頓豐盛的聚餐。比利時窩夫跟平常窩夫最大的分別，是它是焗爐焗製的，而不是平常吃港式格仔餅的那些機器所製的，由於我們仨都沒有吃過這種Waffles@@，好奇之下就選了這個。吃後感覺得它真的還不錯，頗有新觧感，不過因為慣常吃平常的挺身Waffles，相比起這種比利時窩夫是軟身的、而且粉味亦較重（可能是配方問題？建議加多些奶/糖能夠改善一下麵粉味）。▼ 另外我們選配了香蕉朱古力，還附送了一球呍呢嗱雪糕，香蕉淋上朱古力醬，本來是絕配的，但溫度不冷不熱的，這點不太好，如果是熱/暖暖的話會更好味╔══════════ 夫人 評分 ═══════════╗║菜　式：【香蕉朱古力比利時窩夫】（$68）  ║║味　道： ★★★★★★★★☆☆ (8/10)　  　  ║║美　觀： ★★★★★★★★★☆ (9/10)　　    ║║抵　食： ★★★★★★★☆☆☆ (7/10)　　    ║║創　意： ★★★★★★☆☆☆☆ (6/10)　　    ║╚═════════════❤═════════════╝▼ 最後結帳HK$605，每人$200左右，綜觀今頓吃的食物水準算是值得的，希望將來會加入更多不同的菜式，好讓我們再帶不同的朋友來試試啊◉◉◉總括來說，今天在Little Vegas來一趟與友人的相聚，算是不錯的體驗，食物雖不算非常獨特，但水準是有的。雖然裝修過後，Menu上未見有太大變動，但Little Vegas不變的好客之道始終是令人想再重來的契機！加油！支持香港年青人的力量…查看更多

上個Happy Friday帶咗媽媽去銅鑼灣食飯無去呢到幾個月，原來成橦大廈都變咗人地嘅覓食天堂，淨係等 lift都等咗 20分鐘先去到要覓食嘅朋友要留意番喇！好彩上２個星期已經 book好位，見到好多walk-in嘅人都話要等成個鐘先有得開餐！我地等咗１０分鐘就入得喇嚟到充滿睹城風味嘅餐廳，果然設計都係玩味十足五彩十色嘅糖果仲放晒係檯面任食我地小食就要咗招牌哈哈蝦！上到檯有小小驚喜，因為數一數都有１０條蝦，都幾抵！外表有啲似吉列炸蝦，不過食落炸面好薄好脆內面嘅蝦肉都好彈牙添，點埋個醬，真係可以一次過食幾條都唔係問題因為啱啱整起熱辣辣，加埋凍凍地嘅醬，撞埋一齊仲好食一齊上檯嘅仲要啲沙律菜，令整體感覺可以清爽啲，啲沙律菜撈埋啲黑醋汁，酸酸地幾開胃見到隔黎檯見到噤滋味，我地都忍唔住見多咗個燒烤醬豬肋骨（半份）試一試，一嚟到又係大大份今次呢個配埋薯條添，果然係US Style！薯條炸得脆而唔乾，熱辣辣點埋蓄茄醬，真係爽到唔駛講豬肋骨嘅肉都唔小，好容易就可以切到好多肉，食落軟稔，肉汁仲保持得好好我因為慣晒食肋骨位，所以好快就可以拆晒啲骨媽媽就好斯文噤用紙巾包住骨位，噤就可以慢慢拎住食烤豬肋骨嘅醬係有小小甜甜地嘅，幾有特色！兩人個就叫咗個熱帶水果茶 share，甜甜地又健康！除咗水果味，仲有百香果味添不過如果坐得熱啲就仲好 原本諗住要加茶，結果都唔駛，夠晒我地飲既然係US Style，點可以唔叫番個薄餅先！辣嘅薄餅比較少食，今次就試吓個墨西哥嗆辣雞肉薄餅！其實個 pizza一嚟到，我地都知會食唔晒，因為份量真係好大，如果我地唔係心思思想咩都試，我地會見多個小食就算，不過 book咗噤耐，係要試吓嘅！啲芝士多到睇唔到啲料一食就食到雞肉，同其他薄餅上面嘅料唔同，雞肉未焗到乾爭爭，處理得唔錯食咗兩啖就知咩事喇，陣辣味開始嚟料，同個名一樣，係嗆辣！所以要小心，不過鐘意食辣嘅，又覺得好正！薄餅皮又脆，唔會太厚，配埋唔同嘅配菜，味道好特別！雖然係好飽，但我都食咗兩大塊先停手嫁今次食得幾滋味，連媽媽都話要番轉頭食多次呀…查看更多

因為Little Vegas曾經上過10大排行榜，都有留意過依間樓上店，不過，就一直未有衝動去試。最近睇過一位相熟食友嘅食評，讚佢唔錯，部份菜式有驚喜，所以，扚起心肝走過嚟試試。百樂中心內有好多餐廳，真喺好多人，地下大堂等電梯已大排長龍，而一出電梯，又見Little Vegas門外企咗唔少人等位，好彩小弟有訂枱，如果唔喺，侍應話最快要等成粒鐘。餐廳雖話佔咗全層，呈L形，其實唔喺好大，大概50-60個座位左右，裝修簡約，地下、牆身、枱面有唔少美國街頭式噴畫，而枱上、窗台旁又放有唔少賭城拉斯維加斯嘅相關紀念品，都喺展現出美式風情。餐牌，亦都模仿成美國報紙咁，打開頭兩版就喺嘢飲，手調咖啡、朱古力、茶類、特飲及沙冰，但卻無賣美式經典飲品嘅奶昔。之後，仲有餐湯、沙律、小食、比薩、招牌嘅全日早餐、意式雲吞、意粉、主菜及甜品，但又會搵唔到漢堡、熱狗等美式嘢。而且，食材又加入咗各國元素，例如：熱帶水果、泰式香料、意國黑醋、喇沙湯底……，再者，份量又唔似一向美式餐廳般大大份，所以，只可以形容佢環境大賣濃厚美國風，食物就集各家之大成。熱帶水果茶 $48壺之前睇過人介紹依度嘅水果茶，就番表姨甥嘅口味，我哋都點一壺，足夠兩個人享用。壺內有火龍果、藍莓、青檸、士多啤梨、橙及檸檬，茶味清幽，幾香甜，飲落幾舒暢，果然幾好飲。一路熱住，飲到尾都有一定嘅熱度，而最別緻仲有個茶壺托，喺由5個心形組成。烤意式黑醋茄子 $68小食類都較多喺燥熱嘢，但一眼就睇上依個茄子。所謂「意式」，喺加有芝士嚟焗啲茄子，此外，仲放咗少少蕃茄粒，焗好再淋上黑醋。味道上，絕對深得我心，一來，芝士跟蕃茄粒嘅配搭，濃香中帶點清新，二來，啲黑醋睇個樣已望到夠杰身，又陳又醇香。不過，啲茄子有部份比較切得大嚿，所以，有啲未焗透嘅情況出配，口感有點點硬硬實實咁。泰式冬蔭蝦幼意粉 $98店家有6款必食推介，依個泰式冬蔭蝦幼意粉喺其中之一。個意粉好有泰式風味，忌廉汁底夾雜一朕朕冬蔭功香味，有啲椰汁香，又有點辣勁，複雜有層次，味道認真唔錯。意粉煮得有咬口，蝦仔又鮮爽又有蝦味，配菜有點紅椒、露筍仔、翡翠苗，真喺估唔到好夾冬蔭功跟意粉又幾夾跍，不愧為店家推介。黑松露野菌長通粉 $98個長通粉同樣煮得啱啱好，夠咬口，而野菌好似只食到啲冬菇，而個味道主要靠啲黑松露醬提味，雖然，幾馥郁芳香，略嫌只得冬菇顯得有點單調，但整體味道依然唔錯。期間發生段小插曲，就喺個長通粉嚟錯咗個香腸拿破崙長通粉，但二話不說，好快換過一客，無話有咩不快事發生。所以，俾人感覺服務好好，此外，我哋兩個人被安排坐晌餐廳尾嘅長枱，後來有客到，同樣安排到我哋依邊張長枱，但中間隔開咗一張枱，少咗份騷擾，算安排得幾好！講開Las Vegas，就即時想起「賭」，但只賣食物嘅Little Vegas，無論食物嘅質素，抑或服務嘅水平，都稱心滿意，怪唔之得雖然喺樓上小店，門口都仍然有咁多人等位，佢哋嘅表現，可算喺有目共睹！…查看更多

當時 Little Vegas 剛開張不久，看食家的相片，餐廳佈置相當別樹一格，而服務、食物質素也讚口不絕，於是今次跟朋友慶祝生日就提議此餐廳。她也答案了，因為人總喜歡新鮮事物。臨近聖誕，餐廳滿佈聖誕裝飾。設合餐廳名字，裝飾相當有美國風格，檯上更有吸引糖果。熱帶水果茶 $48: 茶上檯應是暖，這卻是冷，一點不熱，而且熱情果味太重較酸，最後差不多最後一杯才是最熱。炸薯角 $43: 薯角炸得好香脆，內軟，點茄汁可中和熱氣感覺。黑松露野菌長通粉 $98: 適合素食者，陣陣傳來黑松露香味幾引人，但長通粉再稔身會較好雞翼三重奏 $68: 有玫瑰、檸檬、最後辣味柚子朋友說好香玫瑰味，像飲花茶般、檸檬就不覺，我當作原味多點、柚子幾清新，但沒有半點辣。燒烤醬焗豬肋骨 （半份）肋骨肉好稔及入味，肉一咬就會化開。而伴碟薯條淋身，跟美味炸薯角味道相差太大。雜莓雪糕窩夫 $72： 因為影相太久，窩夫放涼了味道一般。伴碟的雪糕不錯，而生果有點酸。最後服務生為壽星女送上熱朱古力，超大杯而且味道不錯，而草莓醬奶凍也相當不錯，竟比waffle 還要好。壽星女都幾滿意這餐生日飯，而且服務生很友善幫我們拍照多張。價錢經濟、食物份量較大，在銅鑼灣區是好抵食。沒有限時交檯，而且星期一是加一服務費。…查看更多

香港到處食店林立, 要突圍而出, 除了食物的質素外, 環境裝修也是賣點之一. 早前, 我就去了位於銅鑼灣Little Vegas食晚飯.當到達門口時, 已經被牆上的塗鴉所吸引.而入到店內, 不論四周, 地下, 枱上的擺設也見到店主花了不少心思, 這個我好欣賞.我地點了焗波特菇, 招牌燒烤醬焗豬肋骨(半份), 巴黎牛柳粒扁意粉, 玫瑰草莓沙粒和熱帶水果茶.熱帶水果茶是以玻璃壺盛載.當中有各款水果, 但水果味唔夠, 茶味較多, 我自己較喜歡多一點水果味道, 不過尚算不錯.玫瑰草莓沙粒, 味道適中, 不會太淡或太甜, 賣相也好靚.焗波特菇上枱時已經香噴噴, 這個菇味較濃郁, 入口又夠彈牙, 較有口感. 菇面有芝士和切條的菇, 非常配合, 而且素食者也適合食.我好鍾意配菜, 好好味.招牌燒烤醬焗豬肋骨(半份). 我自己鍾意食粗身薯條, 因為薯仔味較大和有口感. 而豬肋骨是配上燒烤醬, 好惹味. 豬肋骨肉質不錯, 但唔夠多肉, 若果多些肉會更好.侍應仲好好咁幫我地切開豬肋骨.巴黎牛柳粒扁意粉是偏向乾身, 意粉質感適中, 牛柳粒肉質還可以, 唔會過硬.總括來講, 食物質素不俗, 我特別推介焗波特菇, 而且裝修幾特別, 對於我來講幾有新鮮感.…查看更多