殷悅

營業中

休息中

星期六11:45到 要等30~45分鐘係咁放其他客入座(都係walkin客)追問下 苦等到45分鐘都可入座題外話:知客話定枱飲🍵要2日前就算定咗位嚟到冇枱都係要等㗎係咪真㗎 咁定位都咩侍應多 唔算殷勤 冇收碟沖水要等餐牌加咗價 茶位$19 餐前小食$19另收$5做慈善 當然係可以拒絕嘅餐前小食 清爽必點 煎釀三寶 $62 6件 虾膠彈口 爽 …… 淮山棉花雞 $51 棉花(魚肚) 肥膩 腥 雞件用咗雞翼槌 肉霉鮑魚菇鵝掌 $68 1只鵝掌開2 中size 鵝掌未夠腍買相一般唔吸引鮮茄双菇班片米線 $198班片份量足 6大片 肉爽鮮湯底過濃 米線硬 頸渴商場泊車優惠 $200 2小時酒店泊車 $400 2小時

今日晏晝同同事一齊去飲茶，有同事提議去熊貓酒店上面嘅殷悅飲茶，我第一次黎依度飲茶，裝修環境好優雅而且寧靜，觀景亦都好開揚，不失為一個放鬆嘅好地方。點心好精緻，燒賣爽口彈牙，而且個賣相好吸引，一放上枱已經急不及待放入口啦。佢既點心全部都係即叫即蒸，上到嚟都係熱辣辣嘅，叉燒包好鬆軟，而且唔會太甜。棉花雞好入味，而且材料都好豐富有冬菇同唔少嘅魚肚。蝦餃絕對稱得上係皮薄飴靚蝦肉爽口彈牙又鮮甜。層皮煙煙銀銀又唔厚身，做出來的蝦餃晶瑩剔透蝦腸十分之軟滑，每一隻蝦都十分之爽口彈牙，又大隻，而且佢層皮唔會好似棉胎甘厚煎釀三寶新鮮炸起，但一啲都唔油膩，肉滑好爽口。雖然呢間酒樓比一般嘅酒樓係貴咗啲但絕對物超所值，服務員嘅態度好親切，環境又舒適，而且最緊要食物嘅水準真係出乎我意料之外

星期六天氣好,難得放假就諗住去嘆個悠悠早茶,一早打去訂了位, 職員都一早提醒仍然可能要等位,俾定心理準備,到達接待相浦頭後落番去閒逛廿分鐘左右就有位了,都算快~二人穩膽都唔敢叫太多食物, XO醬瑤柱腸粉 - 有鑊氣,同平時酒樓用煎PAN煮的好大分別 煎釀三寶 - 蝦膠彈牙,唔會太油膩 杏片香脆蝦球 - 一定要試試,咬落時口感好複雜,杏仁好香炸漿脆但D蝦又好彈 蟹粥 - 粥綿,不過好似咸左少少 叉燒包 - 正常水平咯 蝦餃 - 新鮮 無咩好挑剔吧有機會下次試多d其他特色食品想試藍莓叉燒酥!整體來講,水滾茶靚,服務員都眼明手快咁~AE有八五折啊