The Cool Cousins Cafe & Noodle Bar

營業中

休息中

駱駝漆工廈多野行，又多野食。依間係特色小店，門面唔大，賣Fusion 食物，食物獨特而且有心思，一定要試下。- 香煎法式鴨脾 * 金邊粉 * 冬蔭茄湯 * 泰式魚餅法式鴨脾 配 泰式粉麵，配搭好創新，但原來又好夾。原件鴨脾經過醃製慢煮後，再煎封至金黃色，肉質嫩滑。味道啱啱好。冬蔭蕃茄湯底，味道好濃郁，加上微微嘅酸辣，配埋多種泰式配菜，有炸豬皮，芽菜等，好有泰式風味。- 烤大啡菇黑松露芝士牛肉漢堡漢堡超正，好足料，同埋好巨型。個包係熱既，又烘到脆脆哋，有美國安格斯漢堡扒，烘烤大啡菇，黑松露芝士醬，紫紅洋蔥，蕃茄，羽衣业藍。漢堡扒煎得啱啱好，唔會過熟，食落仲有好多肉汁。大啡菇都好juicy，配菜新鮮，總體非常好，不過要好大個口先可以一次食曬所有食材。

最近觀塘駱駝漆工廈有餐廳出事，令到好多其他餐廳都唔敢開…但呢到真係好多好嘢食，希望唔會搞到啲好食又有heart嘅餐廳唔做啦🥹呢間The Cool Cousins係其中一間我好鍾意嘅fusion burger店，之前介紹過兩款burger，最近再去就試咗另外兩款😋 特別鍾意呢到嘅包都係有均勻地烘過，食落香脆🫶🏼亦都無咁易因為啲醬而令到個包腍晒～•🥢 烤大啡菇黑松露芝士牛肉漢堡 $118漢堡扒中間仲有少少粉嫩，食落好juicy，而且肉味都幾濃🤤大啡菇同埋漢堡扒中間仲有啲黑松露芝士，加埋一齊令個菇味更加濃郁😍～ 然後啲番茄、洋蔥同羽衣甘藍又非常新鮮，可以balance返成個包嘅油膩感！ 本身已經跟埋羽衣甘藍沙律同埋薯條，我加咗$16轉黑松露芝士薯條，黑松露味有少少被芝士蓋過，同埋芝士味幾濃郁，所以食埋啲薯條超飽！🤣•🥢 烤吞拿魚扒莎莎漢堡 $136蛋黃醬(配薯條) +$11吞拿魚扒呢個睇樣都已經好吸引，表面加咗芝麻煎香，但入面保持住刺身口感，加埋酸酸甜甜號菠蘿甜椒莎莎(黃色粒粒)同埋蛋黃醬，成個配搭好清新！咬落除咗有吞拿魚扒表面嘅粒粒芝麻，仲有脆卜卜嘅洋蔥圈，令個口感更有層次😋

小店經營，良心製作，雖然座位少少窄，價錢偏貴，但每個漢堡都好大份好足料，食完好飽好飽。btw記得去咗廁所先上去，駱駝漆大廈嘅廁所喺8樓，而且好污糟。*”IC” 水牛城炸雞漢堡 $129轉配花生醬楓糖蕃薯條 (+$20)炸雞用法國春雞雞脾扒，外皮脆、唔易腍，但肉質少少乾，雞肉味比較淡。滿滿嘅自製水牛城醬汁，香辣又惹味，配甜甜嘅雲呢拿雪糕+楓糖。配搭一甜一辣，一凍一熱，非常特別又fat fat。漢堡包用牛油煎香煎脆，而且甜甜地，可以完美將炸雞同雪糕融合。因為雪糕嚟到已經半融狀態，加上炸雞好熱。要食得好快。蕃薯條幼身，未算好脆，花生醬+楓糖淋滿蕃薯條，又甜又濃又香，係好American嘅味道。烤大啡菇黑松露芝士牛肉漢堡 $117黑松露芝士 (+$10)漢堡包同炸雞漢堡一樣都係甜甜嘅，黒松露芝士醬淋上美國安格斯漢堡扒，仲有大啡菇、紫紅洋蔥、番茄、羽衣甘藍。雖然我冇食到，但朋友話牛肉少少乾，比較普通。薯條同樣幼身，未算好脆，芝士味比較淡，黑松露味亦唔會太過難以接受。*包飲品 冷萃冰茶凍冰冰，無糖又香茶味，而且好大杯。

💛 #觀塘 #TheCoolCuisine星期五lunch食好啲😚 琴日lunch同同事去駱駝漆食呢間「The Cool Cuisine Cafe & Noddles」，呢度有各種burger同有啲粉麵選擇😚 坐位都幾多，lunch唔洗等位😚🦆🍜 香煎法式鴨脾.金邊粉,冬陰茄湯 （$78）同事叫嘅冬陰公金邊粉好大碗好吸引！ 佢有少少辣辣哋，比一般冬陰公湯多咗更香濃嘅蕃茄味道，我哋都好鍾意！ 鴨脾都好香好大隻😋🍄🍔 烤大啡菇黑松露芝士牛肉漢堡（配薯條及沙律）（$108）我見openrice嘅熱間都係漢堡餐，就叫咗個大啡菇牛肉漢堡，佢有超多黑松露醬好香🤤 裏面仲有邪惡嘅芝士🤤 牛肉同菇都好juicy，個包烘到脆脆哋，唔錯😋！🍵 冷萃冰茶（無糖）（跟餐免費）

自己不嬲都中意食Fusion野，而阿妹又中意食Burger，所以決定試呢度嘅創新漢堡滿足下兩個願望🙊。星期六中秋正日12點零嚟到，本身仲擔心要等位，點知得小貓一兩隻。招牌72小時安格斯牛小排漢堡 $121 + $15黑松露芝士醬話明招牌一定係餐廳做得最好嘅野啦!! 😏加上從未食過慢煮牛嘅漢堡，所以對佢期望幾高。上枱果陣只見佢一堆綠色嘅菜，感覺好Fresh，配上焦糖洋蔥，啱哂唔中意食生洋蔥嘅我~~😌牛質係幾淋，但老實講，真係食唔出係牛小排，食落似牛腩多D。值得讚嘅係，醬汁夠杰身，所以唔會邊食邊滴汁，唔會好”呢HEA”。至於個粗薯條，幾有薯味又夠粉；反而黑松露芝士醬係我食過最杰身，放左一陣已經琼左，薯條完全痴唔起個醬….🙄🙄麻麻地IC水牛城炸雞漢堡 $129其實我自己係衝著呢款Burger而嚟🤓，因為佢個賣相真係一流!!不過食落真係好麻煩😂最”呢HEA”就係佢，好彩我醒目有帶手套，否則要逐層食。炸雞個炸粉幾厚，而且炸到好乾硬，好處係雪糕溶左都唔會變淋，依然脆；但幾甜嘅雪糕配鹹辣嘅炸雞，真係唔太Match😅。反而我好中意個水牛城醬，辣得嚟又幾惹味😋，如果無雪糕應該會更好味😏。烤大啡菇黑松露芝

某週六中午時分會因要排隊等駱駝漆架lift而卻步🫣當天慕名為了莎莎吞拿魚而去點知餐牌上mark了「已售罄」三個大字詢問後得知原來果段時期吞拿魚唔靚無入貨而暫停供應 失望係有 但錯有錯著如果叫兩個burger怕太多薯條所以在午市餐牌之中挑選了冬陰功 沒想過原來湯底都做得唔錯┈┈┈┈┈┈┈┈┈┈┈┈┈┈┈┈𓋜 香煎法式鴨脾.金邊粉冬陰茄湯 $77第一啖梗係要試過冬陰功湯底 湯底質地都幾濃厚 不過真心覺得偏油 叫咗個正常辣到 驚食唔到可以叫小辣呢個酸酸微微嘅辣到完全可以接受湯底好濃厚 而金邊粉正常發揮鴨髀偏鞋左少少 幸好唔算太韌𓋜烤大啡菇黑松露芝士牛肉漢堡（配薯條+沙律）$108個包咬落去係脆身架！！ 咬落去仲散發住牛油香食到落去大啡菇非常Juicy而牛肉發揮到仍然鎖得住肉汁 咬落去都係呈現粉紅色同樣配搭黑松露芝士醬 如果個醬再濃D 就會更加好了整體配搭非常之夾𓋜黑松露芝士 +$11薯條嚟到暖老實講黑松露味真係唔算話好出色 同埋薯條擺咗一陣已經變淋𓋜飲品冷萃無糖冰茶 +0泰式梳打水+$9 無需加一服務費支持小店

呢間觀塘工廈小店主打泰國粉麵都同埋Burger，見到其他客人都係食Burger為主🍔 我都唔例外， 結果都有驚喜嘅😋 Weekend Lunchtime 去食雖然唔係話大排長龍，但最好都係打電話訂咗位先。💛招牌72小時安格斯牛小排漢堡 ($119)佢嘅肉好有份量！而且夠入味，鹹鹹地，好有特色❣️不過啲醬就較多，容易流出嚟，食個陣就要小心啲。💛烤大啡菇黑松露芝士牛肉漢堡 ($105)一向都鐘意食大啡菇❤️ 今次呢個勁Juicy又重菇味，不過就有少少蓋過咗啲肉味🤏🏻 而黑松露芝士醬汁唔重，唔漏又唔會搶曬其他味道，就算食埋一樣味嘅黑松露芝士薯條都唔會話好寡。💛黑松露芝士薯條 (餐加$10)值得加呢$10去轉黑松露芝士薯條👍🏻 食完佢再食一啖普通薯條🍟 就會覺得跟餐薯條真係好普通😂 佢仲有好多醬淋咗係面，但唔會好漏，如果想試下好唔好食嘅朋友可以同我一樣，一份普通薯條，一份轉，咁仲可以拎普通薯條去點埋淨低嘅汁😋 💭整體嚟講兩款Burger都十分足料🤩 佢麵包皮有烘過，食落好脆，有口感。同出面軟淋淋嘅包相比，我會鐘意呢個多啲😍 而包嘅價錢已經包埋沙律🥗同嘢飲🍵飲品方面揀咗唔洗加錢嘅無糖冷萃冰茶，解解渴

本身去觀塘駱駝漆度諗住食其他野，但係排曬長龍，於是轉去食其他野，見到呢間burger好似唔錯咁，就去左食呢間。啲burger 真係每一款都好好食！而且好有特色🤤 1⃣️烤大啡菇黑松露芝士牛肉漢堡（$105）麵包烤得超級脆～入面果面係搽左牛油之後烤，食落係脆到好似食餅乾咁，而外面表面係鬆軟既👍入面夾住安格斯漢堡扒、大啡菇、黑松露芝士醬、紫紅洋蔥、蕃茄、羽衣甘藍。黑松露醬比得幾多，好香🤤然後成個包勁厚，基本上係冇可能一啖咬得曬所有料。漢堡扒煎得唔錯，中間仲有少少粉紅。另外比較少漢堡包店入面既菜係會夾羽衣甘藍，羽衣甘藍營養價值好高！同埋會貴啲。但係呢度又冇賣得特別貴wor😲  另外漢堡仲有跟薯條、沙律，勁抵食。薯條係既粗切既，口感好好，好脆好有薯味。另外沙律係淋上沙律醋，食落感覺fresh啲冇咁heavy。仲有跟飲品添！成餐burger好豐富！  2⃣️烤吞拿魚扒莎莎漢堡（$132） 第一次食呢款漢堡。上枱既時候已經切半，勁靚😍刺身級吞拿魚扒好厚，粉嫩粉嫩既顏色，未食已經勁期待。配上菠蘿甜椒莎莎、蛋黃醬同埋炸洋蔥圈，成個配搭好好味！個包都一樣係好脆。  

朋友推介我去，試完我都推介～☺️👍🏻1️⃣烤大啡菇黑松露芝士牛肉漢堡（$105）美國安格斯漢堡扒、烘烤大啡菇、黑松露芝士醬、紫紅洋蔥、蕃茄、羽衣甘藍。好味！🤤2️⃣牛油果法式鴨脾布里漢堡（$135）每日限定20個。牛油果、去骨法式鴨脾、布里芝士、墨西哥玉米捲、涼拌捲心菜、小紅莓果醬、蕉糖洋蔥。朋友表示喜歡～👏🏻3️⃣香煎法式鴨脾·金邊粉·冬蔭功湯（$76）冬蔭湯底用上十多種食食材香料熬製，睇得出好濃郁～🍜原件鴨脾以法式香料醃製慢煮後再煎封至金黃色！🦆🤩