好到底水餃雲吞麵

營業中

休息中

元朗不嬲有間「好到底麵家」好出名，原來有間新分店叫「好到底雲吞水餃麵」，聽聞係承傳左爺爺的配方由第三代經營，麵都係繼續工場自家出品，咁即係質素有保證啦！而且新店好乾淨企理，又大間d，幾好座。✨牛腩麵份量俾我想像中多，碗細細但勁多牛腩，份量十足，一夾起就感覺到炆得好軟淋，一咬就斷，牛腩走清爽路線，食多幾舊都唔膩。幼麵唔重鹼水味，本人少少怕好勁鹼水味果一種，所以好鍾意食呢間店的麵。湯底都夠晒清爽，用牛骨熬出的湯味，鍾意重口味的可以要求加腩汁。✨炸雲吞 炸鯪魚球口痕叫左d炸物食下，應該係新鮮即炸的，等左一陣先上菜，熱辣辣香噴噴。炸鯪魚球超大粒，裡面好足料厚實，第一次食鯪魚球附蜆芥醬，點一點試下又幾有趣，似點腐乳醬咁鹹，不過又有少少芥辣味，不妨一試，記得一次唔好點咁多😆 其實唔點任何醬都已經好好味。炸雲吞個樣靚到開晒花咁，而且炸得好乾身，食落唔好油淋淋，好香好脆，每粒都包左大粒蝦和豬肉，兩個字：好味！點少少泰色甜辣醬更加惹味，轉眼間就食晒！下次試下湯雲吞先☺️最後有少少驚喜係杯凍奶茶幾好飲茶味濃得來又跟奶幾平衡幾香滑叫左少甜就真係少甜，唔會多左或無左。

大家好今日到了元朗安寧路既好到底水餃雲吞麵. 呢間店係自己做麵全店有好多款麵首先試左雲吞牛腩撈麵 麵係淺啡色唔係太黃果一隻同埋無乜硯水味麵質比較有咬勁雲吞就係有婆婆新鮮包饀料有蝦同埋豬肉牛腩就係柱侯牛腩既顏色不過唔係好濃既醬料味係偏清淡既牛味甘我就食左佢既水餃牛腩伊麵水餃比雲吞大隻少少除了蝦同豬肉 仲有D木耳做饀我覺得呢種既水餃同雲吞都係整得幾有心機伊麵就要加$8 都幾好味更好地吸收湯底既牛味跟仲點了蠔油生菜 都幾大碟同埋生菜都好新鮮仲有就係即炸雲吞 外皮好香脆同埋 蝦子蘿蔔 有好多味濃既蝦子配己有上湯底味既蘿蔔蘿蔔我都幾鐘意因為完全無渣飲品點了凍鴛鴦同埋另一款凍紅棗豆漿都可以飲到有淡淡紅棗味比較有益

最近變咗雲吞麵控，想周圍發掘吓好味嘅雲吞麵！今次就來到朗屏站附近食呢間新開嘅好到底水餃雲吞麵！餐廳環境乾淨企理，而且座位闊落～✨雲吞牛腩河牛腩牛味濃郁，而且肉質軟腍！雲吞亦有三粒！河粉爽滑美味，吸收咗湯底鮮甜嘅味道～✨雲吞麵雲吞足足有六粒，每一粒雲吞都見到有完整嘅蝦肉！麵底原來係餐廳自家製嘅傳統手工麵，麵質煙韌得來又完全冇鹼水味，非常難得👍🏻～✨炸雲吞炸雲吞外皮炸到金黃酥脆，內裡嘅蝦肉保持彈牙多汁～✨炸鯪魚球鯪魚球大大粒，食落去魚肉味好濃而且冇魚腥味，個口感彈牙到有少少似食緊大魚蛋嘅感覺，味道同口感都好有驚喜～✨凍鴛鴦咖啡同奶茶嘅比例恰到好處～雖然餐廳新開張冇幾耐，但店員態度非常親切，係一間充滿人情味嘅小店～