大班樓

規定咗係叫set 至少48小時前要先揀好食啲咩 我嗰日係3個人食的~ set既份量好多 食到勁飽🤰🏼🤰🏼食物質素的確幾好 值得粒星🌟 不過環境比較逼 唔係太舒服 服務都未達到米芝蓮級數· 龍井菊花煙乳鴿 Smoked Baby Pigeon with Longjing Tea &Chrysanthemum的確食到淡淡茶香 肉味都重 皮亦夠脆口😋· 荔甫鴨盒Crispy Taro Cake with Smoked Duck炸得好鬆脆 少少油但未至於膩 芋頭蓉mix埋鴨肉很不錯! 🤩· 炭火厚切叉燒Thick Cut Chairman Style Char Siu 佈滿蜜汁 好香甜 調味屬於比較甜 炭燒味唔重 肉質帶有點咬口 唔韌同時唔會霉霉爛爛🥸· 🍲一口湯Cleansing Soup· 雞油花雕蒸花蟹配陳村粉Steamed Fresh Flowery Crab with Aged ShaoXing Wine, Fragrant Chicken Oil & Flat Rice Noodles其中一道最signature既dish🤩 花蟹有膏 肉嫩鮮甜 嗰汁帶有蟹膏味又有啲花雕酒香 撈埋陳村粉 闊扁掛汁又滑身 似唔油既河粉 推薦🤪🫶🏻 · 醬燒羊肋骨Grilled Lamb Ribs in BBQ Bean Paste超有驚喜🙂‍↔️ 應該係我食過最出色既中式羊肉!! 燒得啱啱好外脆內juicy 超嫩 羊肉重味 有膻味的! 唔會太多汁which我好喜👅· 南乳麵醬炸子雞Crispy Skin Chicken with Red Bean CurdMarinate皮微脆 肉都算嫩滑 未算話好juicy但調味ok 南乳醬另上 有明顯南乳鹹香 唔會太鹹~· 魚湯白木耳浸瓜絲Gourd Juliennes and White Wood Ear FungusCooked in Homemade Fish Broth相對之下呢個無咁特別但無咁heavy味道都好唔錯 魚湯幾濃郁 木耳絲同瓜絲帶有咬口 我自己幾鍾意呢個😌· 蟹肉鮮蝦蝦乾蝦醬炒飯Fried Rice with Crab Meat, Fresh Prawns, Sun-dried Prawns & Shrimp Paste好足料😭 好多蝦頭蟹肉 餸同飯可以話係1:1 同埋加咗蝦乾 食落好夠蝦味蟹味 鮮甜超超超好食!!! 😻· 甜品三味Desserts Trio〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃😋 𝘵𝘢𝘴𝘵𝘦? 𝟴/𝟏𝟎 🥳 𝘦𝘯𝘷𝘪𝘳𝘰𝘯𝘮𝘦𝘯𝘵? 𝟳/𝟏𝟎🤑 𝘤𝘱 𝘷𝘢𝘭𝘶𝘦? 𝟳.𝟐/𝟏𝟎🤩 𝘳𝘦𝘷𝘪𝘴𝘪𝘵? 𝟕/𝟏𝟎〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃〃📍 大班樓 …查看更多

有幸成功預約到大班樓lunch time食個團年飯, 新年仲有蔡瀾先生題字嘅揮春, 非常醒神👏🏻菜單形都係以套餐形式, 用餐前幾日會收到email, 可以揀3道頭盤、3道主菜 (1海鮮2肉類)、1蔬菜、1飯/麵,  可以另外加錢追加菜式, 不過套餐份量已經好夠食, 基本上附近食客都會打包 🤭茘甫鴨盒 - 入口香脆, 芋頭夠香加埋鴨肉鴨油非常滋味龍井菊花煙乳鴿 - 煙燻味十足, 乳鴿都鮮嫩, 唯獨係未感到龍井同菊花香氣, 而且食得比較邐迤炭火厚切叉燒 - 肉味極濃, 炭火焦香, 肥瘦剛好, 略為柱侯醬味重蟛蜞膏豆仁炒琵琶蝦 - 蟛蜞係淡水小型蟹類, 其蟹膏非常鮮美, 炒上鮮甜琵琶蝦, 每啖都係鮮味大班樓酸辣甜蒜牛四味 - 牛肋骨、肥牛、牛筋及金錢肚, 酸辣甜蒜惹味但唔會過火 菠蘿咕嚕豬尾 - 有D似咕嚕肉, 但外層更加酥脆, 內裡豬尾肉軟, 味道層次更勝咕嚕肉豬皮櫻花蝦燉時菜 - 3款不同口感嘅食材出奇地夾蟹肉鮮蝦蝦乾蝦醬炒飯 - 食到呢到已經非常滿足, 每人一小碗之後已經打包, 蟹肉、鮮蝦、蝦乾、蝦醬堆疊出嚟極鮮, 個人偏口炒飯可以再乾身D甜品三味 - 杞子雪糕、紅棗糕、杏仁茶不得不讚店員服務用心, 密密換碟, 而且解答到食客疑問, 每次用餐都有愉快經歷🤙🏻…查看更多

💯 個意想唔到可以突然食到大名鼎鼎既大班樓🤪好多年前仲係舊鋪位個陣食過 對杞子雪糕念念不忘🍦一路好想再試～ 3 款頭盤：凍鹵水花椒小吊桶釀土魷 🦑 土魷味道好似醉海鮮醉鮑魚～入面內有乾坤（唔係黃花雀🤣） 係好爽口既馬蹄，芹菜粒，淡淡花椒味。 食完個咀少少麻炭火厚切叉燒 🔥 等左好耐先燒好呢！ 堅係厚切， 燒得好香， 梅頭叉燒肥瘦分明， 口感好滿足😌 龍井菊花煙乳鴿 🌼好香龍井茶香呀🍵 基本都脆皮肉滑，不過瘦左少少 🤏3款主菜： 南乳麵醬炸子雞 🐔 正常發揮 ， 皮脆肉嫩。 不過覺得配個醬冇特別加分， 配傳統准鹽或者甜豉油會仲夾。 雞油花雕蒸花蟹配陳村粉 🦀 ✨✨Highlight✨✨set lunch 都咁大碟真係好開心😁 個汁絕對係精髓，一飲即刻OMG ! 好香花雕味‼️香得黎唔苦架 甜甜地又鮮味 好味到要飲哂每一滴汁 🙈 花蟹都幾大隻多肉 又有膏 陳村粉層層分別唔會痴埋一餅 撈汁好正 🤤 魚米粥蝦籽象拔蚌 🍲一開始以為係湯 ， 原來係「無」米粥～ 好綿滑， 有淡淡米香。 象拔蚌幾厚切，但覺得煮得老左些少。 清清淡淡有蝦子吊起啲味 ～ 3 道主菜黎講呢碟份量最少。 XO 醬炒時菜菜心好嫩好爽無渣👍🏻 簡單好食 蟹肉鮮蝦蝦乾蝦醬炒飯食到好飽啦已經🙈 好多料 ，🦐鮮蝦🦐蝦乾🦐蝦醬都食得出， 又有蟹肉， 飯粒都乾爽。 味道均衡 ， 可以炒得再香啲～ 甜品三味好遺憾，今次冇杞子雪糕食🥲 得杏仁茶， 冬瓜餅， 蛋黃豆沙餅，由於打擊太大，名都冇咩印象🫠 希望下次有機會再食到杞子雪糕啦整體而言都係一間發揮水準，用心做菜既餐廳，服務環境都令人好愜意， 一位難求係有原因既🥰 2024年初食到，希望今年係個好開始！ 💰 HKD1180+1…查看更多

大班樓係我心目中就係咁既地位😥尤其係同一個月去咗廣州食另一間粵菜（江-米芝連二星⭐️⭐️），發現呢間真係非常非常普通，唔值呢個價Lunch ($680/per head）：凍滷水花椒小吊桶釀土魷荔甫鴨盒炭火厚切叉燒雞油花雕蒸花蟹配陳村粉樟木煙燻黑腳鴨乾菜陳皮扣肉配夾包魚湯白木耳浸瓜絲蝦醬炒飯（唔好食😂）甜品三味招牌雞油花雕蒸花蟹配陳村粉 - 基本上枱枱必點，味道確係幾有花雕味。但係個蟹係唔鮮，又未到完全水，而且雞油味有啲淡，整體只能話佢ok la😥叉燒半肥瘦，有啲燶邊，蜜汁包裹住整塊肉，肉汁有被鎖到。略為有啲咬口，未到入口即溶。正常水平煙燻鴨上菜香氣撲鼻，好大浸煙熏味道，食落偏乾柴，有做到外面脆皮效果，只係隻鴨唔夠肥美，食落唔係大啖肉既感覺有啲可惜😿扣肉夾包中間個菜乾陳皮醬好襯，件肉入口化開，好淋既狀態，係其中一道好食既菜🩷其他菜式普通唔特別，尤其係個炒飯，成碟係茶記食既楊州炒飯咁，完全冇蝦醬味。服務態度好一般，收呢個價錢同去普通茶樓食飯差唔多。除非你好有錢好有時間來試呢間曾經中菜傳奇😂。…查看更多

The Chairman 15-Aug-2023今次係我🦕同屋企人第三次食大班樓啦😆但係我自己之前都有跟老闆去食過兩次，自己一個人都食過一次😳每次去都唔會令我失望🤩象拔蚌汁潰凍鮑魚Cold Abalone Marinated with Geoduck ClamJuice如果要我一個字形容既話，鮮！鮑魚煮得好淋，連我88歲既嫲嫲都食到😋😋😋炭火厚切叉燒Thick Cut Chairman Style Char Siu (Cantonese Roasted Pork)我之前成日都見到啲foodie ig post 係大班樓食叉燒，當時我心諗，真係有甘好食🤔今次試過之後，真係返唔到轉頭🥲係我目前為止食過最好食既叉燒🐷蟛蜞膏柚皮冬瓜Fresh Water Crab Roes with Pomelo Skin and Winter Melon柚皮食落冇苦澀味同冇渣，冬瓜同柚皮就好似海綿咁，張所有鮮味吸係身邊入面，配上蟛蜞膏，只可以話，鮮上加鮮🤤雞油花雕蒸花蟹配陳村粉Steamed Fresh Flowery Crab with Aged ShaoXing Wine, Fragrant Chicken Oil & Flat Rice Noodles我差唔多每次食大班樓都會叫既餸🦀不過我係為左佢個陳村粉而叫既😂因為我本人唔係好鐘意整污糟隻手，所以平時陪🦖食海鮮既時候，都係佢拆肉俾我食😳講返正題先，我覺得佢既陳村粉先係精粹，食落去：香！甜！鮮！雞油既香，花雕既甜同蟹既鮮味，次次都覺得唔夠陳村粉食🥺一斑二食：胡椒炒球，陳年鹹檸檬蒸頭腩Whole Fish 2 Flavours: Stir Fried Fillets with Pepper, Steamed with Aged Lemon and Fried Garlic胡椒炒球好有鑊氣，啲魚一啲都唔嚡，仲要冇骨，蒸魚都相當出色，陳年鹹檸檬張碟蒸魚升上另一個Lv避風塘蒜香羊肋骨Lamb Spare Ribs Stir Fried with Fragrant Garlic and Black Beans我好鐘意佢個羊味，少少臊味，但係唔會好難入口，外脆內軟，好多汁，上面既炸蒜令道菜錦上添花豬皮櫻花蝦燉時菜Double Boiled Vegetables with Fried Pork Skin and Dried Cherry Blossom Shrimps當日嘅時菜係菜心，剩係用左最嫩既部分去煮，豬皮櫻花蝦味道好夾，如果我唔係飽左，我都想飲埋啲湯🥺梅乾菜扣肉煲仔飯Stewed Pork Belly and Preserved Vegetable Claypot Rice作為一個華人，冇啲飯落肚點得架呢，個扣肉肥而不膩，啲梅菜亦都好好送飯，仲有啲好香脆既飯焦，所以無論我幾飽都好，我都食左兩碗🙈🙊甜品三味Desserts Trio一個好完滿既結尾，就一定要食甜品，分別有我最愛既杏仁茶，上海蘇式月餅同紅棗糕。杏仁茶既味道保持不變😍而月餅同紅棗糕都好好食…查看更多

疫情剛開始時在舊址吃過一次晚飯，當時仍未推出「嚐味菜單」，點菜較有彈性。三年多下來才再有機會在新址再嚐這裏的出品。午市菜單$980（位），安排是數天前網上揀選三款前菜、一款海鮮、兩款肉類、一款菜蔬及一款主食，甜品則屬店家預設。若然想多試，也可加單。三款前菜均十分美味，個人最喜歡乳鴿，撕開乳鴿肉汁傾瀉而出，鴿肉充滿龍井及菊花的香氣，朋友連鴿頭也不放過。花蟹是頂級貨色，蟹殼爆膏蟹身爆肉，雞油花雕完美融合，雖然酒味稍稍重了點，但無礙菜式的鮮美。牛四味有牛肉（2 款）、牛筋及金錢肚。辣味不是太濃烈，酸味也十分溫和，感覺牛四味只在醬汁中輕輕浸過，牛味依舊突出。這裏的煙燻菜色真的十分出色，煙燻香味滿佈鵝皮及鵝肉，肉汁雖然不及乳鴿但皮脆肉鮮，朋友大力讚賞。4人有半隻鵝，店家還會留起鵝胸讓食客回家慢慢品嚐。豬皮是小時候常吃到有厚度帶點煙韌的口感，現在真的很難再吃到這水準的豬皮，常吃到的豬皮大多薄而散，樱花蝦也為菜式增添不少鹹香味。很惹味的主食，鹹鮮馬友已去骨加上金銀小銀魚，看似簡單的窩飯卻鹹鮮味十足。甜品三味有桂花糕、棗皇糕及杏仁茶，雖然是今餐中比較不亮眼出品，但作為一頓十分滿足的午餐的結尾也很完滿。整體而言真的很滿意，服務員的姿態則有改善的空間。雖然食店是一位難求，但若能增加多一點親和度，減少說話尾的那些哦或呀則更為完美。…查看更多

疫情之前，明明係好容易 book 既大班樓，因為榮登香港榜首而變成預約困難店，每個月1號要上網搶Booking，心很累。今日book咗四位，今年係第一訪，預早兩日上網訂定菜式。❤️凍滷水花椒小吊桶釀土魷一路以嚟嘅最愛，因為花椒嘅緣故，有少少麻香味，即刻提升土魷嘅鮮味❤️炭火厚切叉燒叉燒好有炭香味，入口即溶❤️雞油花雕蒸花蟹配陳村粉大班樓名菜之一，初訪必食，花蟹清甜，最後用雞油花雕撈陳村粉，非常美味。但其實個人比較鍾意食佢嘅炒蟹，感覺比較香同惹味大班樓酸辣甜酸牛四味牛四味，包括牛肚、牛肋骨、牛筋& 肥牛。呢個餸菜我個人一般，朋友鍾意食牛，所以點。但係試一次就足夠了，有啲覺得浪費quota❤️魚米粥蝦子象拔蚌奶白色粥底又滑又鮮又甜，既有魚又同象拔蚌嘅鮮味，飲一啖湯，味道難以忘懷，再食一口象拔蚌，非常之爽甜！係今日最愛！一定要encore❤️十八味豉油雞叔叔侍應介紹18味嘅意思係，用咗超過20種香料藥材調味，而醬汁亦都緊緊鎖與雞肉內，皮爽肉滑。同普通豉油雞絕對唔係同一個檔次。❤️豬皮櫻花蝦燉時菜濃郁嘅高湯可以當湯飲，豬皮煮到非常軟綿，同櫻花蝦既鮮味融喺一齊，恰到好處。叔叔侍應介紹處理豬皮嘅手法，好繁複好長時間，所以唔係好多餐廳會用豬皮作伴❤️蟹肉鮮蝦蝦乾醬炒飯炒飯炒得香鬆，蝦同蟹肉鮮嫩可口，、蝦乾亦都非常之香，成個炒飯香氣撲鼻，絕對值得一試食完今次，已經期待下一次，聽講每個月個Menu都會有少少唔同，咁就可以試晒所有名菜…查看更多

剛剛最新出爐了2023年亞洲五十最佳餐廳排名，大班樓繼續是香港的第1位，總排名第13位，恭喜恭喜，等我都回顧一下最近吃的一餐吧~ 經過上次初嚐大班樓晚餐後，由於仍有很多菜式仍想一試，所以特意預約了午餐來試。.大班樓會不定期在ɪɢ 公佈開放預約日期，幸得朋友提醒，準時朝早9時正搶位，驚險過程好比搶演唱會飛。雖然間中都有機會得到朋友放的座位，但始終自己搶到的興奮又是另一番感受LOLL 請假一天都要來好好享受這餐。.ᴛᴀsᴛɪɴɢ ᴍᴇɴᴜ $888一位，份量同晚餐相約，其實更抵食，當然選擇上可能會有少差別。.❤︎︎ 凍滷水花椒小吊桶釀土魷精緻小吊桶土魷滷得相當入味，滲出淡淡花椒的麻味同香味，小吊桶釀入爽口沙角，口感相不錯。❤︎︎ 山楂梅子脆皮豬尾印象中是初嚐豬尾，還以為會好肥膩，原來沒有而且口感富膠質，外皮非常脆口，好出色，酸甜的山楂梅子醬配豬尾好清新。❤︎︎ 炭火厚切叉燒二刷感覺更加不同，入口即溶，會有點感動，一點都沒有誇張呢！脆脆的炭燒超好食，而且增添叉燒香氣。相比第一次食，好感大增了不少。❤︎︎ 雞油花雕蒸花蟹配陳村粉相反同樣二刷的花雕花蟹較初嚐時失色。上枱見到雞油偏奶色，沒有像第一次的清澈。花蟹雖算鮮甜，但花雕味不太突出，陳村粉亦未有吸收到所以精華。❤︎︎ 大班樓酸辣甜酸牛四味好特別的感覺，在大班樓這高級中菜廳食川菜菜式。內有牛肚、牛肋骨、牛筋、肥牛，各款牛的質素都不錯，煮得入味得來又不會奪去原有牛的鮮味，辣度和酸度都剛好。❤︎︎ 樟木煙燻黑腳鵝第一次光臨時，隔枱的客人點了這道燻鵝，超香煙燻鵝味久久不散，傳到整個用餐區，那時只好能羨慕別人。由那時開始就已經決定要再回來會一會它。燻黑腳鵝不好拍，所以較少在ig 上放到頭版，但絕對不容忽視，分分鐘比花雕蟹還更勝一籌。原來黑鵝先以雞腳和鴨汁製成的汁醃製兩天，然後再蒸，風乾後再用樟木煙燻，最後灒上熱油，保持色澤。工序繁複，換來非常脆口的鵝皮，煙燻味都滲入鵝骨，而且適量地加入七味粉和脆炸羅勒一解油膩感。雖然前半餐已經吃了很多肉類，但還是忍不住口吃了三件😋.❤︎︎ 豬皮櫻花蝦燉時菜經過一連串的肉類佳餚，終於來到蔬菜部分作為緩衝。菜心爽甜又嫩，櫻花蝦帶點咸香，重點是清甜的湯，鮮香得可以直接喝下。❤︎︎ 煙燻馬友銀魚窩飯侍應介紹說，首先煙燻過有一定大小的馬友，然後再拆肉製作窩飯，同樣工序繁複。馬友是相當矜貴的魚獲，鮮味重，肉質嫩身，再加入銀魚燒的窩飯，香氣四溢。窩飯還帶點飯焦，每口都有滿滿的魚肉，十分美味。❤︎︎ 甜品三味杞子芝士雪糕桂花糕杏仁露二刷感覺依然良好，雖然有比較之下會發現部分菜式水準會有時不穩，但整體仍然是高質，甚或會更好也說不定。很圓滿，很滿足的一個下午，為難捱的三月添了一點甜。…查看更多

香港有一家能登上世界舞臺的中菜廳，一位難求也不是甚麼新鮮事。除了是米芝蓮一星的中菜館外，「大班樓」的名字還曾經登上亞洲榜單第一、世界最佳前十強，實力無容置疑。.不以奢華的食材作招徠，賣的是師傅的功架和對傳統中式食材的靈巧運用。有幸曾到訪中環九如坊的舊店，在搬至同在中環區的大店後，心念念的一直想安排再訪。新店改為全網上預約制，訂位需繳付訂金，也改為只提供ᴛᴀꜱᴛɪɴɢ ᴍᴇɴᴜ。名氣越大預約越難是常態。今次特別嗚謝有經驗的強者代搶，才能再有機會跟親友們一嚐。.➰ᴛᴀꜱᴛɪɴɢ ᴍᴇɴᴜ➰ 💲880/位以一桌為單位，可在多款名菜中選：頭盤三款、海鮮一款、肉類兩款、菜一款、主食一款及指定的甜品三款。主菜中可將肉類改成海鮮類，每位再加上$100。如覺得份量未夠，還可再額外加添菜式，很自由。.➿頭盤✿ 荔甫鴨盒餐廳有幾款名物，其中一款蜂巢芋泥煙鴨盒，是餐廳名作之一。以蜂巢芋角作靈感的荔甫鴨盒雖說是尋常的中式點心，但大班樓的出品就能帶出不尋常的味道。芋泥經過煙燻處理味道更有層次，特調的陳醋酸感明亮細嫩，配上油炸鬆化的蜂巢外層，是上佳的出品。.✿ 炭火厚切叉燒又名為「天下第一叉」的炭火厚切燒，也屬店家名物，強烈建議加在首訪必試的清單上。面的焦香感加上軟腍的肉質，水準之高，無可挑剔。.✿ 蝦籽柚皮冬瓜蝦籽柚皮冬瓜的蝦籽香氣濃郁，有點可惜是個人的那份柚皮略帶苦澀，但同桌的其他人沒有這個問題。.➿ 主菜✿ 雞油花雕蒸花蟹配陳村粉主食方面當然少不了餐廳第一大名物 - 雞油花雕蒸花蟹配陳村粉，沒試過店家的花蟹基本上也不能稱自己曾經到訪。人較多分配到兩大隻花蟹，不知是否錯覺，相對於首訪，這次的陳村粉份量更多而雞油花雕汁味道相對地調得健康清淡了。花蟹還是一如以往的大隻清甜。.✿ 魚米粥蝦籽象拔蚌意外地，大家相當喜歡這款隨機點選的魚米粥蝦籽象拔蚌。首先昂貴的象拔蚌份量相當慷慨，滿滿的一碗 （感覺比粥底還要多）。而與其說是粥底，更覺是綿滑有緻的鮮魚湯頭，極為鮮甜可口。這個粥底可說是這天最喜歡的菜色。.✿ 樟木煙燻黑腳鵝煙燻黑腳鵝是店家新推的招牌作，人多幸運地可以享用到原整一大隻份量。老實說，單看那黑漆漆的外貌並不算是十分吸引，但鵝上檯一刻，大家也驚艷於它那竄遍全場、濃濃的樟木煙燻香氣。看網上資料說大班樓使用了廣東的名鵝「三洲黑鵝」製作這道菜。鵝以雞腳及鴨骨汁來醃兩天後，再以低溫蒸煮八小時。完成後再次風乾並以樟木來煙燻，燻後以熱油澆淋熟。前後需時三天才完成，是絕不簡單的一道菜。單說皮脆肉嫩已不能形容箇中滋味，需由食客親自品嚐才能明瞭。.➿菜✿ 魚湯白木耳浸瓜絲湯頭胡椒味相對較重，下次再訪會試其他炒菜款式。.➿飯/麵✿ 豉油王肥牛炒陳村粉另一款令意外地喜愛的飯麵主食。原以為就是一客簡單陳村粉版本的家常乾炒牛河，所以最初也沒有打算選擇，但因同行者有從外國來的親友，不太會吃炒蝦乾、蝦醬等味道較濃重的調味料，所以隨意挑了這種較易接受的粉麵。甜甜的陳村粉炒得乾身不碎不斷，肥牛調味恰到好處，令人回味，大推。.➿甜品三味✿ 桂花糕、棗皇糕及杏仁茶相當各主食，甜品的水準算是中規中矩。.不專業食評 IG nei.foodie …查看更多

舊年11月專門定了鐘搶到的位置，四個月之後終於得嘗，期待非常之高，最後吃到的菜肴沒有失望，但也總感覺少了點東西。菜肴的色澤和口感很不錯，但是除了豉油雞有香料味和陳村粉擺了蔥有黃酒味之外，其他菜都聞不到香味，我未中過Covid ，嗅覺正常，看了影的相，也有蔥和香菜，但就沒有存在感，也未有放芝麻或者花生堅果都沒有。當然粵菜可能不放這些，隨便說說。頭盤1號 桂花冰肉豆腐花桂花幹的口感很特別，沙沙的，在嘴裏可以化開，豆花有若隱若現的豆味，白果不苦，有點甜，沒在其他地方吃到過類似的頭盤2號 花椒釀土魷小魷魚一條，有花椒味，但沒有辣味，味道分的很開，花椒可帶一點點苦味，裏面填的像是潮州果粉的脆脆蘿蔔（猜的）頭盤3號 炭火厚切叉燒是招牌來的，很大一坨肥瘦相間的肉，是不帶皮的，掛了很多汁，紅色甜味叉燒汁，燒的很好，表面有燒到脆，肉嫩，肥肉部分像是啫喱，不膩主菜1號 雞油花雕蒸蟹這道菜也是招牌，花雕酒的味道很明顯，湯汁帶點酒苦，蟹很大只，食材應該是很新鮮的，感覺是海蟹，但是沒 有海鹹和海苦味。粉皮也是勁道的，比一般的腸粉皮要好吃。但是沒吃出啥雞油味，感覺湯汁挺薄的，主要還是花雕酒的味道。十八味豉油雞雞皮厚軟彈，雞肉很薄很嫩，吃不出吃清遠雞還是哪裏的雞，但是感覺應該很年輕。聞得出香料味，但吃的時候只有豉油的味道。豉油常有，但好雞不常有，還是不錯的這道菜。話梅肉桂排骨巨大一根排骨，甜口的，沒啥話梅的酸味，炸過的很脆，排骨的部位選的有脆骨的部分，雖然很大塊，但骨很小。瘦肉為主，咬下去能見到肉絲絲。感覺這道菜缺點芝麻和堅果碎。魚湯白木耳浸瓜絲白湯，頭一口喝的時候有魚味，但之後就是胡椒味，料很多，但都是菜絲兒，加點瘦肉不是更能香迷糊了？感覺沒有家裏樓下的肉片湯令人印象深刻，一點肉真的很香。幹蝦鮮蝦蟹肉炒飯因為本人喜歡吃幹的、粒粒分明的飯，所以覺得很好吃。而且這個飯香而不油，簡直是終極版路邊攤炒飯。而且幹蝦在飯裏面的口感非常神。但是趁熱吃會比較好，涼了之後口感有些變了，幹蝦吸了水容易有點渣渣的。甜品三位有三個小點，杏仁露，桂花糕，枸杞奶油雪糕。杏仁露：在杏仁露界應該是好喝的，濃稠然後是熱的，但我不愛杏仁味。桂花糕：平均水平，沒什麽特別的，但感覺調漿的比例是合適的，不會過硬。枸杞奶油雪糕：很濃的奶油味，好吃的。…查看更多

有幸得到著名預約困難店，the top of Asia 50 best restaruant in HK 的晚餐一席位 ，實在十分幸運，受寵若驚。.晚飯先需預先選好菜單，價錢每位$1080起，如果主菜選擇幾款海鮮，價錢會相對地貴少少。.當晚頭盤有三款：🔸象拔蚌汁漬凍鮑魚正常發揮的凍鮑魚前菜，清甜新鮮🔸茘甫鴨盒十分鬆脆，要好小心翼翼咁食，如果唔係就會成枱都係碎，好尷尬🫣 荔芋不算太膩，分量剛剛好🔸炭火厚切叉燒其中一樣大班樓嘅招牌菜，久仰大名，期待已久。炭火香味的確令人印象深刻，外面還有些微炭焦，成件叉燒口感好立體，外脆內肥瘦適中。另外燒汁分量和甜度都剛好，不會過量喧賓奪主。期待已久主菜精粹：✨雞油雕蒸蟹🦀✨第一次食花雕蟹就食到咁高質嘅，會唔會返唔到轉頭嫁🥹 最底層鋪滿陳村粉，將所有嘅雞油花雕酒精華都吸晒，蟹好高質，大隻得來啖啖肉又有鮮味，仲有好多蟹膏。難怪佢依然係到大班樓必食之選，係絕會令人心心念念。🔸蟹肉樱花蝦糯米飯幸得朋友提醒必點呢個糯米飯，如果唔係本身唔多好糯米飯嘅我一定會skip左。呢個糯米飯又係另一個打卡菜式。原籠連蓋上枱，staff會等客人ready 好打卡先開蓋，好細心🫶🏻 蟹肉多到滿瀉咁，每食一啖，口入面會覺得蟹肉多過飯🥹 糯米飯顏色偏淺，但味道絕不遜色，好夠味。糯米飯粒粒分明，較乾身，有別於一般黏黏嘅糯米飯，所以我都接受到。🔸魚湯白木耳浸瓜絲呢個「菜類」同我地想像有啲出入，上菜時覺得點解又係湯😅 仲有係位上!? 不過係好食的，魚湯味好濃郁，乳白色的，口感似羹。🔸油蔥花椒小扇雞朋友介紹食蔥油雞，但跟他介紹的不一樣，但係菜單上只有這一款，所以應該他推介的那一款已經out of menu 。而我食嘅呢款….味道同佢外貌一樣，都係普通，可以留個quota比另一道菜。🔸一班二食：三豉蒸頭腩 (四人以上才可選擇）兩款班其實都好好食，難分高下，兩者都大碟到有點嚇怕。用豆豉、欖豉、磨豉和陳皮蒸的魚腩，十分惹味嫩滑，好食到傻☺️ 家中兩老超岩胃口，食得好開心。🔸一班二食：胡椒炒球 (四人以上才可選擇）白胡椒味很特出亦比較鮮有，為平凡的炒球注入不平凡。另外這道菜有一驚喜就係啲甜豆，爽脆到不得了，勁好食。成晚都無咩菜食嘅我地，毫不猶豫就食晒啲豆，剩下的反而係魚球🤣(最後當然有外賣走，我哋係唔會浪費嘅)總括而言，整體嘅菜式都係屬於高上水準，每道菜都令你想有回頭的意欲。當然回頭亦都有很多菜式還想嘗試，例如臭豆腐、剁椒魚頭和煲仔飯。期待3月再回來試下其他菜式🥰…查看更多

新地點新裝修，大班樓2.0以全新面貌出現，地方大了，裝修比較西化，但依然一位難求，今年所有日子都已經full咗。菜式既有保留舊有的signature亦有加入新元素。幾日前已經會通知你填寫想點的菜式，4人建議3頭盤、3主菜(其中一定至少一個海鮮)、1菜、1飯、甜品三味。全部主菜都要慢慢食，蟹要慢慢剥、鵝同魚嘴都要慢慢噒骨，真係少啲手力牙力都唔得，但最愛噒骨的我非常enjoy。上菜速度有點趕，感覺很急，沒有慢慢嘆的機會，明白3點落場但食物份量都多而且每樣都食慢慢噒骨，真係食得有點狼狽。頭盤都點咗最受歡迎的舊有signature，釀土魷鹵水味道剛剛好，配合裡面的花椒帶麻但不會過辣過嗆，土魷非常彈牙完全唔會韌，十分高質。炭火厚切叉燒真的很厚切，剛剛燒出好新鮮熱辣，炭香味濃叉燒軟腍但蜜汁有點過甜同埋會喜歡再燶一點點。臭豆腐是其中我最期待，炸得非常香脆一點兒油都沒有，臭味有但唔會過份，配甜醬同辣椒醬油，帶我回到台灣街頭的感覺。主菜還是最滿意甚至有不少驚喜的一環。花雕蟹一直是最受歡迎但今次非常推薦豉油王煎泥蟹，超大隻，個豉油王豆豉欖菜料頭十分足料而且超級惹味，啲蔥欖菜吸哂蟹的精華再加香濃豉油王，真係不禁選哂啲蟹殼停唔到。樟木煙燻黑腳鵝，又是新菜式，足半隻連鵝頭同鵝頸，煙燻味好濃，鵝肉非常入味但完全唔會死鹹，味道恰到好處，呢隻鵝沒有太多脂肪，鵝皮好薄燒至脆身，最令我驚艷係鵝肉的軟嫩，好腍一點都唔鞋，比起一般鵝嫩十倍！剁椒蒸魚嘴，剁椒辣得過癮，魚嘴超級滑再索哂，值得一提廚師加了豬油去蒸，味道更有層次同香味，好食既野就唔好理卡路里啦🙈魚湯白木耳浸瓜絲好重胡椒味，湯較杰身似羹。最後蟹肉櫻花蝦糯米飯蒸籠上，蟹肉超多而且蟹鮮味非常突出，再加上櫻花蝦鹹香，糯米飯乾身唔黏但煙韌軟糯。總括來說，食物依然高質，中菜中數一數二，但實在太難book位，是否值得就見仁見智。…查看更多

原本預約既日子因為裝修時間更改而需要改期，店員致電可以改早於舊舖或改遲些於新舖用餐，最後揀左新舖🥰雖然變左每位計價（午餐是880起另加一）需要用餐前幾日㨂好菜式, 不過可揀3前菜3主菜1菜1飯，仲有甜品3款（不用㨂），對於用餐人數不多既我地，可以試到款式更多（最好其實係4位去，因為有部份款式不適合3人或以下）如果主菜3款㨂曬海鮮會貴些少。新環境因為多植物好清新舒服，枱數唔多，難怪咁難訂枱。都係第1次試豆腐花做既前菜，桂花糖同冰肉都好特別用筷子夾開係脆到有聲，而且好多料包在芋泥裡面食左2個前菜突然上主菜，不過當然要趁熱食啦！不愧係招牌菜，真係好好味！食完正想問係咪漏左個前菜的時候就出場啦，店員表示岩岩燒好。果然係正！蟛蜞膏係蟹膏，不過好鮮味唔會太咸，豆係新鮮豆拆既，蝦仁爽口個粥底係勁滑食唔到魚同米，蝦肉放係粥裡面，好清甜健康既一道菜，不過可能我口味偏好濃味，覺得對我黎講太清淡好多櫻花蝦好味，最後我連菜汁都飲曬炒飯粒粒分明，不過鮑魚切到有d細粒，蟹肉亦變曬一絲絲，唔細睇以為食緊普通炒飯，另外覺得可以再鹹少少。最後上甜品三款，杏仁菜，紅豆糕，杞子雪糕。杏仁茶好好飲，微甜係我喜愛既甜度。另外2款都好足料。整體黎講用餐水準都相當滿意，環境舒服，午餐只做一輪，逐道菜可慢慢食，我地食左差不多2個鐘好寫意，有機會如果約埋朋友又訂到枱都會再來試4位以上先點到既款式。…查看更多