霸嗎拉麵 (金巴利道)

營業中

休息中

同朋友經過見到好多人排隊，所以想試下。我叫咗一碗炙燒豚肉海苔味玉拉麵，豚肉好好食，拉麵都好有口感。我朋友同我仲叫咗個炸雞，炸雞炸得啱啱好，唔會太燶，食完拉麵食件炸雞，啱啱好夠飽。

平時經過呢間店， 必定有條長龍， 而且條長龍都持續左一段時間。 一路都未試， 咁岩今日要去紅館睇show 又早放工就約左朋友去。18:10到左， 前面只有兩個人排隊， 等左十分鐘就入到， 但係當我入去個時， 人龍已經形成，後面有成7pairs 人等緊。早起的鳥兒有蟲吃入到去啲裝飾幾日本有啲燈籠🏮坐左bar 枱， 一啲都唔迫， 有冰水自己斟。門口排隊已經派定紙比客人揀定食咩，我地叫左兩碗豚骨拉麵， 一碗有埋蛋同紫菜， 另一碗就普通豚骨拉麵。面有得揀軟硬度，仲可以揀埋少油，少蔥，走蔥，走筍。都幾貼心。拉麵幾好食， 個湯幾濃， 隻蛋浸左好耐都仲係流心餃子都夠脆。

今日2:30黎到衣間平日排晒長龍既拉麵，竟然唔洗排隊直接入得。yeah！人不算多，可以坐到梳化位！食物種類大致都係豚肉/叉燒、豬骨湯/辛辣湯底既拉麵，唔中意拉麵的話......石鍋飯都好吸引差d睇漏左放響一邊午間優惠凡平日午市+$12 有炸餃子/炸雞+$8 汽水/綠茶/檸檬茶諗好食咩，記得係響枱上自助劃紙再交比店員炙燒豚肉海苔味玉拉麵$98衣個係濃厚豬骨湯底，份量足夠女孩子，豚肉只得一舊，另見原來有特盛豚肉都係$118，衣個應該抵食d！麵質同味道都不錯更愛日本流心蛋頂瓜瓜辛辣炙燒豚肉味玉拉麵$93衣個揀左中辣，中意食辣既人我諗都會覺得正！湯底好好味，好刺激食到口渴，枱旁都有檸檬冰水自助fill, 自行解溫正正正比較之下個人幾中意辛辣味拉麵羽根餃子$12枱旁有餃子汁自行添加，朋友食晒先發現不用加一服務費，埋單$203

第一次嚟試來自日本廣島嘅過江龍拉麵店。霸嗎拉麵嘅日文名Bari-Uma解作「極之美味」。同其他啲拉麵店好唔同，呢度嘅拉麵款式唔算多，有豚骨湯、雞白湯及辛辣味，不過好有趣嘅係竟然有石鍋飯揀，唔鍾意食拉麵嘅朋友都唔洗擔心喎！炙燒豚肉海苔味玉拉麵 ($88)喺叉燒上面嗰啲係豆瓣醬，不過對我嚟講已經係太辣喇！豚骨湯底好濃厚，而且真係唔算油，飲落口都有豬骨味，而且唔係太鹹，唔錯唔錯！自家製嘅麵好滑溜，我揀咗最硬，食到最尾都仲keep到！至於叉燒就非常大塊又厚身，低溫煮10幾個鐘後再燒都仲好軟腍，油脂好香口，旁邊仲有啲焦香，肥瘦適中，又真係唔錯喎！雞叉燒味玉雞白湯拉麵 ($88)湯底比起另一種就稀好多，不過同樣地都係冇好油餌嘅感覺，飲落幾清甜，雞味都幾出！兩塊雞叉燒好厚身，不過有啲失望，雞味唔算濃而且唔係太滑溜，相比起嚟叉燒出色好多喇！好在驚喜位係，老實講試過好多令人失望嘅溏心蛋，從此之後都冇乜特別期望，但點知呢個真係比拉麵更有驚喜！一咬開啲蛋黃真係好似山洪暴發咁樣，蛋香仲要激濃郁！其實我真係好想再食多隻呀！

話說星期六晚上得12度左右，一個人係尖沙咀食咩好呢？我就毫不猶豫地再次選擇黎霸嗎食返碗麵。差不多7點左右，人龍已經排到後面莎莎個道，雖然係多人排隊，但這間餐廳係越排越多人。侍應會把落單紙派給外面派隊既人，等大家入到去就快快有得食。今次我入到去就坐1號台，正正係對住厨房最埋邊個位，十分岩我呢個毒毒餐廳入面以長檯居多，好有日式拉麵店的風格，所以都吸引到好多獨食客過黎食飯。先上黎的係完熟梅酒，真係好甜，雖然無比冰，但佢係雪櫃拿出來的，小小一杯都幾爽。無3分鐘就上我既必點項目  - 炙燒豚肉海苔味玉拉麵。我超愛佢既厚豚肉，可能有人會覺得d肉柴，但如果同上面既肥腩一起吃，油脂剛好分佈在肉上面，咬下去充滿油香。加上豚肉上面有少少辣醬，可以中和到肥肉的膩，真係令人一口接一口。紫菜香脆，同湯，拉麵一起吃令湯頭有種特別的香味。呢間餐廳的溏心蛋是原隻上，我就鍾意用麵沾少少蛋黃一齊食。筍香又無油腥味，同超濃醬油湯底係超夾的説另一樣我必叫的小食就係沙律唐揚炸鷄。本身我唔太食生既葱，但係呢碟野，葱卻係唔走得的，因爲生葱的辛辣同沙律醬既奶香，炸鷄的肉汁意外地搭配，一口一個真係超開心！！黎左至少有10次，雖然多人排

今日做野經過尖沙咀霸嗎拉麵，午飯時間見還有位，便拿拿聲走入去醫肚，看食評這間拉麵店好好食，今日第一次食，果然名不虛傳。這間拉麵店算大，有很多座位，內裏非常宽濶， 裝修日式化， 猶如置身在日式拉麵店。進入餐廳， 看過餐牌，便決定點了炙燒豚肉海苔味玉拉麵和羽根燒餃子。很快，不到五分鐘，待應便拿來這碗香噴噴、 熱騰騰的拉麵來， 賣相非常吸引，大大塊三片紫菜，加上超大片肥瘦適中的豚肉，微微燒燶的感覺，令口味更濃郁。而配料的荀和溏心蛋，令整碗拉麵更出色。至於拉麵質感，由於我點了適中麵身，口感較彈身，不會太淋，啱哂我口味。食完碗麵，湯底也不放過，味道很香濃而不黏口，幾乎飲哂。小食羽根燒餃子，合共6隻，餃子皮燒得很薄，而又煎得好香脆，餡料豬肉很新鲜，肉汁多，味道濃，令人回味無窮！食飽飽，當然叫罐飲料，來一罐青梅梳打酒，酒精成份只有3%，又酸又甜挺特別。試過這霸嗎拉麵，價錢合理，拉麵很彈牙，夠爽，湯底濃而不腻，以後又一好選擇。

成日行過呢間舖門口都見有好多人排緊隊, 今晚番學早到左決定試試；6點半未夠去到唔駛排隊, 一坐低職員就俾張order紙我, 跟住就好細心咁同我介紹佢地既秘製叉燒係經過低溫慢煮超過10小時既豚肉, 做出黎既叉燒脂肪比例較少, 咁我就被佢介紹吸引左, 於是order左炙燒豚肉海苔味玉拉麵...結果係無介紹錯👍🏻👍🏻；豚肉本身有豬肉香(我本人喜歡豬肉本身膻味), 咬落確實唔覺油膩, 就算係肥羔位置都無成口油既感覺；最另我驚喜既係佢既湯底, 不但有醬油香而且味道適中不太濃, 只是塊紫菜唔夠脆身, 有少許美中不足； 我已經有成年無係香港食日式拉麵, 原因是貴同中伏太多, 食完呢次之後, 我諗我終於可以係香港食番拉麵😋

猶記得1996年電影《食神》裡，家燕媽媽吃下那碗實質是叉燒煎蛋飯的黯然銷魂飯後，黯然地想起了自己出老千、丈夫出軌、兒子被踢入黑社會的往事，不禁悲從中來的一幕，實在聞者傷心、見者流淚。事隔21年，尖沙咀一隅開了一間來自日本廣島的霸嗎拉麵，竟有如同黯然銷魂飯一樣令人五味雜陳的魔力。先不說其他，就以其店名「霸嗎拉麵」說起。此名固然是源自於日文，但中文譯名卻是如同「爸」、「媽」的諧音一樣，令我不禁想起自己到底有多久沒有帶過父母吃一頓好吃的日式料理。雖然情感進了惡性循環，但一場來到，我還是忍住了淚水，走進了這家樓底高得幾乎可以當作室內籃球場使用的餐廳。右下方照片未拍到的地方是一般日式餐廳的開放式廚房，從進入店門一刻起，陣陣芳香已激發起我的食慾，剛才想哭的衝動就讓它留在心底裡吧。雖說我可是懷著黯然銷魂的心情進入餐廳，但畢竟這是一間拉麵店，總不可能九唔搭八地叫一碗中式的黯然銷魂飯，來搏取被拋到店外的下場。於是，我退而求其次，叫了一碗充滿愛意的「炙燒豚肉海苔味玉拉麵」。「是洋蔥。我加了洋蔥。」食神的聲音言猶在耳，眼前的拉麵上便出現了有「萬綠叢中一點紅」效果的青蔥，剛才吞下去的淚水轉眼間又到了喉頭。當然

想食好耐那霸嗎拉麵.. 但次次見條龍就唔願排今次好在朋友早到去排住等我入左餐廳雖然小迫，但感覺良好，原因係樓底高，感覺唔會焗促我食炙燒豚肉海苔味玉拉麵，湯底好濃，但一D都唔膩，每條麵都索哂味，我揀咗軟身嘅麵，豚肉大大塊，但略嫌靭左啲，隻蛋好滑好流心朋友既辛辣炙燒豚肉味玉拉麵，我試左啖都唔算太辣，接受到小食選擇不多，都係餃子同炸雞，有塊薄薄既脆片，令每啖餃子都好有口感不過朋友話仲辣過碗拉麵 XD我飲三矢梳打，甜甜地有波子汽水嘅味道，仲有d懷舊既feel

香港真係好多拉麵店，男友非常鍾意但我就麻麻地好拉麵，變相要堅好味我先會覺得ok話說星期五晚經過見到呢間無咩人又見openrice介紹過，甘我地就星期六晚走去試，點知見人龍梗係即閃，排隊的人大部份望落去似係遊客，我地10點幾再返去見無人排隊就等下先講環境，我地個位冷氣唔夠，枱與枱之間係香港地特式的近，但叫做坐得舒服，今次我地淨係叫左兩碗拉麵，一辣一唔辣紫菜夠慷慨，大塊硬身的，可以唔洗另加12蚊要多3塊，軟麵都軟但我鍾意再幼身dd，碗裡只有一塊豚肉，唔薄，肥淋淋但夠腍身，蛋可能我唔係即食，食個陣蛋黃已經有點熟，最重要的湯就鹹左d男友叫左辛辣炙燒豚肉拉麵但唔知點解多左粒蛋，豚肉都係一塊，唔薄兼同樣腍身但明顯無我個塊甘肥，而個小辣湯，夠濃夠辣，一匙勁開胃，兩匙三匙就會辣好多，如果大汗朋友又唔夠冷氣會食到好辛苦如果要我排隊就唔會去食，一來肉同麵的份量唔多，二來尖咀太多選擇，三來心中top1拉麵店都唔洗排隊甘當然我淨係以碗拉麵的表現來講，皆因今次無試過佢的小食

星期五晚上八時多，窩夫與蝦子餅在尖沙咀的霸嗎拉麵 Bari-Uma門外排隊等位，開始下起大雨來，等了約30分鐘才有位。坐下來馬上點菜。窩夫點的是炙燒豚肉海苔味玉拉麵($98)，賣相不錯，紫菜要先吃以免浸至軟身，破壞香脆的口感。湯看來很濃，喝起來膠質很重但味道又不算很濃，有點失望。相比之下，窩夫比較欣賞那塊炙燒豚肉，豚肉肥瘦均勻，入口即融，因為燒過所以特別香口。蝦子餅點的是雞叉燒味玉雞白湯拉麵($88)，落單時要求少油，但看來還是非常油膩。雞叉燒比較少見，味道不錯。野菜($20)其實差不多95%都是芽菜。羽根燒餃子($35)的賣相很特別，餃子的皮很薄，水準不俗。

上星期難得放半日假, 處理完私務後, 尚未食午飯, 發現the one 附近開了一間叫Bari-Uma霸嗎拉麵, 便入去食個拉麵.原來這裡有午餐拉麵, 升級滋味的優惠, 點一個拉麵, 只需要加$12便可以點餃子或炸雞一碟, 再加$8可以點埋飲品, 這個套餐真係幾抵食.我選了炙燒豚肉海苔味玉拉麵, 羽根餃子和熱綠茶.客人可以因應自己的喜愛選擇拉麵的軟硬度, 油和蒽的份量.我選了軟麵, 少油和少蒽. 我鍾意食粟米, 額外加了一份配料.店員先奉上熱綠茶.再來是拉麵上枱.最吸引我的目光是海苔好大塊呀.第一時間試下個湯, 湯真係幾杰身和濃味, 啱晒重口味的我. 若湯可以再熱一點更好.拉麵掛上濃湯, 特別好味. 拉麵的質感不錯, 我點了軟麵, 當然不及硬麵的咬口感覺, 但吸收了湯的精華.一咬開溏心蛋, 蛋黃流出, 時間控制剛剛好.而豚肉是厚切, 食的時候較有口感, 味道也不錯.羽根餃子是一排五隻放在碟上, 面層有一塊薄脆, 同平日食的餃子外觀上有所不同.餃子另一面是無怎樣煎過, 所以另一面不是脆, 我鍾意這裡整法, 食的時候無咁熱氣. 咬開後, 內裡的饀味道適中, 對於我來講, 就咁單食已經好夠味

今日在尖沙咀行街時無意中被這巨型紅噹噹的門面吸引着，造型就貨是日本雷門寺搬大紅吸晴。於是便排了5分鐘隊走進去看個究竟。這裏樓底好高所以誇張的裝置還是大有機會發揮作用吸引行人的眼睛。店內都坐滿食客，而且坐位也是很日本的，中間間開一件板，只有一人來吃的人又不會望到對面的人，減少檻介。雞叉燒辛辣雞白湯拉面 ＄88細心的店長姐姐介紹完一輪，推介了幾款拉麵，於是點了這幾款；這個比較特別，是雞叉燒少听過，感覺冇咁肥膩，咬落啖啖嫩滑雞肉，雞湯清甜又帶辛辣得來又很刺激，加埋流心温泉旦，小小魯水味的外層彈牙的旦白一咬下去爆出微微凝固的流心旦黄，多層口感呢！！個人而言加埋爽口木耳絲，整個麵也是相當高分數的。炙燒豚肉海苔味玉拉麵 ＄98這個就更加犀利了！！首先是三塊大大的紫菜，點上濃湯脆口得來也有濃濃的豬骨和面士味道；之後就是大大件豚肉，很淋很滑，肥瘦均衡分間，一口咬下似要溶化呢！而且豚肉面頭還有輕炙過，吃起來會更香口；這個濃湯汁味濃而且較杰身，和拉面一起吃湯汁滿滿掛在面條之上，令拉面吃起來夠濕潤都沾滿了豬骨湯的油香面士的豆味；配料方面海量的筍條也是大愛的原因之一，食極都好，店主好大方喔！而且腌得很入味和煮