火五越式牛肉粉專門店 (華生樓)

✨係openrice買佐98蚊套餐，分量對我來講都好多，粉最後係食唔完嘅。記得購買後3小時先可以兌換。✨餐廳嘅餐位唔算多，不過坐得算舒服，好幾款調料，味道都ok✨自選飲料🥤，揀佐一杯「青檸梳打」「咸檸梳打」，一杯我覺得好酸，另一杯仲係好奇怪😂真係飲唔慣咸檸✨生牛肉粉，湯幾好，不過就係少d香料配菜。撈檬比較普通，加佐醬汁都一般。炸魚皮ok，扎肉卷一般。✨總結：量大，能吃飽，但不算特別美味…查看更多

有日行行下街肚餓要搵嘢食，就誤打誤撞試咗呢間越南餐廳🇻🇳🍴由於係兩點幾去到所以可以揀午餐或者下午茶。午餐就係喺主餐牌揀主食，然後可以用優惠價加配飲品，而下午茶套餐就可以揀指定粉麵或飯，再連埋飲品都係$40，都幾抵食。🐮火五生牛肉粉 (下午茶價$40)牛肉香滑軟嫩，湯底用咗牛骨同16種香料低溫煲煮超過8個鐘，飲落去都幾清甜，重要好大碗份量十足！🐖香茅豬頸肉撈檬(單點價$58)豬頸肉香口得嚟唔會乾柴，啲粉多到好似食極都食唔晒咁🤣 不過個人覺得都係生牛肉粉更出色～☕️凍越式香滑濃咖啡同我想像中嘅越南咖啡有啲唔同，咖啡都算濃，但就唔係好夠甜🙈🍼凍港式奶茶飲落去個味好怪，茶味好淡，勁似溝咗好稀嘅奶水，唔知點解仲好似有少少洗潔精味，唔係我杯茶🤢…查看更多

🚩火五越式牛肉粉專門店 (華生樓)太子界限街14號華生樓地下黃金脆魚皮魚皮份量好多 除咗每塊都沾滿蛋黃🍳 仲有好多蔥花喺面越式炸蝦春卷炸蝦春卷三條都大大條 仲長過隻碟！ 入面蝦肉都畀足料 由頭到尾塞滿成條春卷🦐火五生牛肉粉生牛肉粉有好多配料 有大大塊洋蔥同埋好多蔥花 芽菜同青檸分開另上 keep到芽菜爽口 而生牛肉肥瘦適中🥓 上枱時仲見到顏色粉嫩嘅牛肉 浸一陣再食肉質超嫩 配埋好重牛肉味嘅湯底同河粉 必點👍青咖哩雞飯唔好睇啲青咖哩唔太青色 其實味道好足 夠辣之餘食到椰奶香味 入面嘅雞 薯仔 洋蔥 同青椒份量都好多 啲雞仲全部都大大件🤤越南三色冰 & 荔枝梳打飲品叫咗比較有特色嘅三色冰 味道唔算太甜 適合食完青咖喱解辣🧊 荔枝梳打甜度都適中 底部仲有唔少果肉…查看更多

放假一起身同屋企人出去食lunch, 隨意入咗間越南粉麵店。店內地方企理, 自行click order落單。粉麵類可自選湯河/檬粉, 另有多款小食, 飲品供應。火五特式鳳爪:無骨鳳爪連帶軟筋, 爽脆有口感, 好夠酸, 非常開胃。特式炸蝦春卷: 春卷特長, 不過餡料太少, 不是原隻蝦, 只有少量蝦蓉, 同埋炸皮脆口感。湯底味道濃郁, 另跟芽菜、青檸做配料,火五生牛肉粉: 上檯時生牛肉已被熱湯烚熟, 牛肉幾林, 雖然未至於嫩, 但亦唔會鞋, 整個粉份量多, 湯河索咗個湯底, 啖啖濃郁。火五火車頭牛肉粉:有齊生牛肉、熟牛肉、牛丸、札肉, 熟牛肉有如牛腩般林; 札肉比較薄, 索咗湯底; 牛丸最有驚喜, 彈牙juicy。越南三式冰: 味道偏淡, 椰汁味亦不突出, 配三色啫喱, 有些少層次。…查看更多

兩碗主食，三個小食，$200買單但仲要係味道不錯👍🏼夫復何求🔸火五生牛肉粉（$42）💎份量驚人到叫救命，非常岩大食妹👱🏼‍♀️😂事關牛肉河一上檯，就覺得個碗有少少太大，不過見多湯都應該ok嘅。點知一撈起係連個河粉都好多😂😂懷疑落左兩個麵🤣不過，因店舖嘅生牛係用牛柳頭，加上粉紅上檯，熱牛骨湯將佢變為半熟，所以好粉嫩，唔洗點咀嚼太好了😛邊飲下牛骨湯邊食河，大大碗幾爽，而湯都無咁快被河粉索哂🤪不過食食下先見到檯面上有句野係…唔夠可以免費加粉，相信我再加的話會食到懷疑人生。🔸越式炸蝦春卷撈檬（$42）💎呢個炸蝦春卷嘅肉比較實，用釀咗蝦滑做春卷，大約手指嘅size不過都有五至六條，味道不錯但撈檬麵量都係多😹👍🏼一定食得飽。🔸黃金脆魚皮（$32）💎呢個係超好味又大份，魚皮容易掛汁，用熱辣辣嘅流沙鹹蛋黃炒過嘅炸魚皮真係非常正！！而且d蛋黄分佈算係平均，令每一塊魚皮都沾滿黄金🥰個人認為呢個係必點小食😋😋😋會想encore嘅小食👄🔸香矛雞翼（$22）雞翼size係偏大隻，味道不錯，不過肉較為實正左少少，如果可以鬆脆番會比較好食👍🏼不過價錢都抵食，算係ok的。🔸黄金蝦球（$48）💎蝦球比熱鹹蛋黃包住炸，脆口而唔熱氣，好惹味🤟🏼🤟🏼一口一蝦球，配住河食好夾，不過下次可能會試下另一款蒜蓉牛油蝦球，咁就唔會同魚皮個味撞左😂overall是好味的🥰🥰…查看更多

今日嚟到界限街呢間充滿東南亞風味嘅越南餐廳🇻🇳除咗有多款經典越南粉麵🍜更有不同特色小食任君選擇🌯而且價錢親民💰梗係要介紹俾大家🤗🔸火五生牛肉粉（$42）湯粉份量相當驚人😮生牛肉選用牛柳頭🐂所以食落特別軟嫩腍滑👏🏻再以洋蔥絲🧅蔥花等食材作配料🌱加入越式醬料作調味✨味道層次瞬間提升💋🔸火五和牛牛丸 + 扎肉粉（$48）黑椒味越式扎肉香口彈牙😬和牛牛丸多汁爽口🍡湯頭係清甜醇厚嘅牛骨湯🐮配合16種不同香料慢煲8小時熬製而成🔥河粉吸盡湯底精華💁🏻‍♀️值得一試💫🔸手作大蝦米紙卷 （$38/4件）作為越南嘅特色菜😌米紙卷餡料非常豐富🙌🏻有大大隻鮮蝦🦐檬粉👀生菜🥬酸蘿蔔🥕青瓜絲等🥒外皮薄軟柔韌💃🏼內裏清新爽脆🎊相當開胃💥🔸黃金脆魚皮（$32）炸魚皮香口鬆化🐠每塊都沾滿濃濃鹹蛋黃🥚令人再三回味😽誠意推介🧡🔹凍白桃梳打（$19）以外賣台式飲品包裝呈上🥤飲落清新帶微甜👍🏻冰涼透心🧊消暑必備☀️🔹熱西洋菜蜜（$16）西洋菜蜜清甜潤喉☕️健康有益🙆🏻‍♀️絕對係養生人士嘅恩物💞…查看更多

今日因工作需要黎到廣告招牌公司林立嘅界限街，睇招牌睇到餓餓地俾呢間「火五越式牛肉粉專門店」黃色嘅招牌吸引佢，不如就試試佢！ 餐牌用畫架放於門外，食物選擇非常豐富，包括越式湯河、檬粉、青木瓜沙律及油香飯等等，午市加配飲品仲有半價優惠，加杯越式特飲圍番都唔洗加＄10蚊，幾抵！ 入座後店員安排我地坐係面牆嘅卡位，好似一個寧靜嘅小角落唔洗同對面「你眼望我眼」。餐廳以白色為主色，牆身擺放綠色植物幾清新！ 由於做完野非常肚餓，我地一行二人叫左好多野食。=========================火五生牛肉粉 $42好大碗生牛河呀！牛肉切得好薄仲係「紅當當」，賣相好靚！牛骨湯底唔算好濃，河粉超多，一啖湯一啖粉，正！ 炸軟殼蟹青木瓜沙律 $68大大舊炸軟殼蟹岩岩炸好，脆卜卜好食！熱氣野梗係要配番d清新嘅青木瓜沙律中和番！ 手作大蝦米紙卷 $38餐廳將青木瓜沙律同大蝦以生菜包成米紙卷，一啖一件，食落非常清新！ 越式炸蝦春卷（3件） $28長條狀嘅炸春卷食到蝦滑做餡料，味道不錯 香茅美國黑毛豬扒（2件） $42兩塊大大塊嘅黑毛豬扒預先切好，非常細心，豬扒香茅味香濃，又唔會蓋過肉汁，呢個價錢CP值高！ 意大利黑醋汁蒜蓉牛油雞翼（5件）$385隻大大隻炸雞翼，蒜蓉牛油同雞翼perfect match!，不過黑醋味唔算明顯。 凍咸檸雪碧 跟餐半價加$10咸檸果然夠哂咸呀，咸到刺激口水分泌，以雪碧嘅甜味中和番咸味，對食完炸野嘅我簡直岩岩好！ 總結黎講火五越式牛肉粉專門店CP值極高，叫滿成枱食物都係二百幾蚊，絕對值得一食再食！ 火五越式牛肉粉專門店 (華生樓)📍太子界限街14號華生樓地舖…查看更多

岩岩先發覺原來我好耐都無post 越南菜啦喎.. 今日介紹返呢間大件夾抵食嘅越菜啦火五火車頭牛肉粉 📍$52湯底帶有淡淡嘅牛肉味同其他香料，餸菜方面就有 生牛肉，熟牛肉，牛丸，扎肉，都幾豐富，仲有3款秘製醬汁，大大增加咗湯河嘅層次感火五生牛肉粉 📍$42牛肉好嫩滑，份量都好充足呢到嘅湯粉除咗河粉之外，仲有檬粉選擇架，仲要可以免費加底架香茅雞翼 📍$22熱辣辣雞翼皮脆內嫩，不過個人覺得味道可以濃啲越式炸蝦春卷 📍$28呢個好特別，好似未見過春卷咁長 🤭 入面勁多蝦肉喎，真材實料! 外層都好脆架黃金脆魚皮 📍$32脆得黎帶有鹹蛋黃味， 唔會太膩我地仲叫咗杯鹹檸梳打同埋一杯青檸梳打，上面寫住 "照顧好自己，遇見更好的未來" 😊 咁窩心嘅…查看更多

咁岩係附近做野，見到有間越南餐廳，啲野食好似好抵咁，就同朋友入黎試下新野。🤟🏾我地入左去坐低，咁係menu揀左陣，老細（應該係？）行埋黎，同我地推介有新野未入menu, 雖然佢原本既menu選擇已經唔會太多，但我呢啲選擇困難症患者即刻話好啊，試佢個新拼盤（雖然其他食物對我黎講都叫新）。個拼盤都幾多唔同既小食，其實計落都幾抵，老細話係4人份，但一個人食都可以就咁叫一份食得曬（或者我大食？）不過就會好飽。個拼盤我最口鍾意係個青木瓜沙律同埋個炸蝦，另外個啲都好食，我覺得$138好值。因為朋友唔食雞腳，咁我諗住咁少自己食曬佢喇，點知佢雖然已經去左骨，都仲係好厚身。所以我食到食曬所有野，都仲刨緊雞腳...不過佢有少少酸辣咁，都叫清爽開胃，唔會食濟。而且都好味既。因為怕唔飽（其實我唔食粉已經好飽），我地叫多左個生牛肉粉。佢42蚊一碗真係好抵。而且牛肉同河粉都唔少。我地share先食得曬，佢個湯幾唔錯，個粉整體都幾好食。朋友叫左椰汁冰，我叫左個咸檸梳打，好飲。呢間餐廳整體好抵，啲野食都好食，會再去。…查看更多