火五越式牛肉粉專門店 (華生樓)

上星期去太子火五越式牛肉粉專門店試下，太太很喜歡食越南🇻🇳食物。我們要等大約二十分鐘，便有座位。太太叫左火五特式鳳爪撈檬，等左大約二十分鐘才上餐，其實鳳爪味道不錯，但檬粉較軟身，整體普通。而我則叫左火五火車頭牛肉粉，分量都比較多，生牛肉只是一般，熟牛肉就比較碎，牛丸是一般嘅質素，湯底較多味精，所以飲完較口渴，整體同一般越式店差不多。飲品叫左凍鹹檸梳打，反而覺得這杯飲品不錯，鹹檸味都幾好，飲左好舒服。…查看更多

深水埗同太子嘅交界，簡直就係美食嘅交匯處，各式各樣嘅餐廳都有喺佐敦食過嘅抵食越南河，太子都有間，更加近大胃𠻹呢間嘅份量真係好大，再加底都唔使錢，見兩個人share，就加底，結果都食唔晒火車頭有生熟牛肉、牛丸同扎肉，好有肉香，當中嘅和牛丸真係不得了油香飯都好特別，原來係黄飯，但唔會好油膩。已經冇加底，但份量同樣驚人，差啲食唔晒。豬頸肉煎得幾脆，幾有彈性手紙卷捲住三文魚，配搭幾得意，亦幾新鮮，酸酸地爽爽地，夾住魚香刺身，好清新榴槤炸彈真係值得一食，賣相有誠意不在話下，咬落滿滿榴槤流心醬，不枉大胃忍住痱滋痛食佢由於夜晚仲有事忙，需要提神，就飲越式咖啡，果然好勁，成晚都好精神胃民就飲鹹檸梳打，話呢個啱熱氣嘅大胃飲多啲…查看更多

🕖時段-星期一中午平日中午唔多人 可以即刻入座_▫️火五火車頭牛肉粉 $68好大碗好豐富🍜有生牛肉 熟牛肉 和牛牛丸 同 札肉生牛肉薄片半生熟上 因為我鐘意熟啲 所以再浸落湯就啱哂😋熟牛肉鬆軟 牛味香濃唔肥🐮牛丸爽口彈牙 有少少筋增加口感_▫️香茅雞翼(4件) $22雞翼偏咸 伴碟有配埋青檸🍋擠左青檸汁可以中和返👌🏻_▫️凍荔枝茶 lunch時段+$10可選少甜少冰👍🏻有啲荔枝果肉係底_🍽環境餐廳大約10張枱 茶餐廳格局 個日中午去樓面只有一個人一腳踢 不過上菜都幾快 …查看更多

放假一起身同屋企人出去食lunch, 隨意入咗間越南粉麵店。店內地方企理, 自行click order落單。粉麵類可自選湯河/檬粉, 另有多款小食, 飲品供應。火五特式鳳爪:無骨鳳爪連帶軟筋, 爽脆有口感, 好夠酸, 非常開胃。特式炸蝦春卷: 春卷特長, 不過餡料太少, 不是原隻蝦, 只有少量蝦蓉, 同埋炸皮脆口感。湯底味道濃郁, 另跟芽菜、青檸做配料,火五生牛肉粉: 上檯時生牛肉已被熱湯烚熟, 牛肉幾林, 雖然未至於嫩, 但亦唔會鞋, 整個粉份量多, 湯河索咗個湯底, 啖啖濃郁。火五火車頭牛肉粉:有齊生牛肉、熟牛肉、牛丸、札肉, 熟牛肉有如牛腩般林; 札肉比較薄, 索咗湯底; 牛丸最有驚喜, 彈牙juicy。越南三式冰: 味道偏淡, 椰汁味亦不突出, 配三色啫喱, 有些少層次。…查看更多

在汝州街界限街交界有一間越南菜餐廳名叫火五。呢度嘅食物選擇多，有湯麵、撈檬、越式飯、同唔同款嘅小食。枱上除咗有越南菜必備嘅魚露之外，仲有是拉差等醬汁可供選擇。首先叫個大蝦米紙卷，總共有四件，每件都有一隻蝦，味道清新爽口。另外仲叫咗香茅雞翼，總共有四隻，雞翼首先半煎炸，然後再在上面淋上葱油。招牌火車頭牛肉粉可以免費加底，份外分量十足。火車頭有生牛肉、熟牛肉、和牛牛丸同扎肉，非常豐富。由於湯底夠熱，所以生牛肉都已經有九成熟，而熟牛肉就係牛腩牛筋，扎肉總共有三片，而佢嘅和牛牛丸亦有3粒，係有湯汁嘅牛丸，所以好值得推介。撈檬成日都食，今次一於就試吓咖喱豬頸肉撈檬，呢個配搭果然夠晒新穎，有咖喱汁可以唔駛落魚露。青檸梳打夠冰凍。而越式咖啡就夠香夠滑，而且仲係少甜，大大杯好抵飲。…查看更多

每次食越南🇻🇳Pho都係中意佢既湯底，今次黎到太子火五試下先。可能近排疫情關係，見到好多外賣速遞員出出入入，但都有不少顧客堂食。火五火車頭牛肉粉 $62份量多，好大碗，可以2個人食。呢個火車頭配有生熟牛肉，扎肉同和牛牛丸，個牛肉湯底係自家熬製，濃郁到真係不得了，就略嫌有少少咸，但就回味無窮！牛肉好嫩，和牛牛丸肥美既美味，但佢個河粉就索哂啲牛肉精華湯底，入哂味！榴槤炸彈 $48呢個炸榴槤波波真係榴槤愛好者必食！係流心榴槤餡糯米糍，爆餡的^^炸得啱啱好，鬆軟煙韌，齒頰留香。意大利黑醋汁蒜蓉牛油雞翼 $38一上枱時賣相好似炸生蠔，雖然呢個麵粉多左🥲但都食到淡淡既牛油香，如果係無骨雞翼就更有誠意了^^火五特色鳳爪 $22開胃小菜，一口鳳爪啖啖肉夠哂滿足，味道小清新。可能我比較中意食辣，如果味道濃點同辣一點會好味啲！好彩都有鋪頭自家製既甜辣醬去增添不少味道。越南三式冰 正價$19 跟餐$10不會太甜，椰香味撲鼻，不過硬條啫喱用飲管吸唔到，最後要用匙羹食🥲凍咸檸梳打 正價$19 跟餐$10食完啲香口炸物，緊係要點杯咸檸梳打下下火，又透心涼😙…查看更多

話說喺Office用外賣App搵嘢食，周不時會見到「火五越式牛肉粉專門店」，而且折扣優惠仲好高，我已經心動多時💕。呢日終於食咗，不過係堂食，哈哈。餐廳環境正正常常，店舖中間有幾張枱係專執外賣🥡，因為訂單真係多到一個點！每張枱都放有調味架，辣椒、辣醬、魚露等通通有齊，食越南菜必備！火五火車頭牛肉粉($62)，🚂火車頭配料包括生牛肉、熟牛肉、牛丸以及扎肉。由於湯底夠熱，嚟到嘅生牛肉已經熟咗；熟牛肉本身就係牛腩，夾埋牛丸，全部都係牛🐮；當然仲有兩片扎肉。湯底唔油兼冇味精，不過可以濃味啲啲🍜。火車頭可揀河粉或者檬粉，我哋要咗後者。最吸引嘅地方係呢度嗌多粉免費，咁就唔使驚食唔飽。所以我哋一齊食一碗粉Share，再加多幾款小食🙈。手作挪威煙三文魚米紙卷(6件)($48)，米紙卷其實都好飽肚。米紙卷有四款口味，我哋揀咗煙三文魚，感覺好Fusion，組合出奇地幾夾😗。除咗三文魚外，米紙卷入面亦包住酸蘿蔔絲同菜，所以外皮煙韌，內裏爽脆。意大利黑醋汁蒜蓉牛油雞翼(5件)($38)，菜名嘅頭部份，即係黑醋汁，主要係淋上面。🍗而主角雞翼先係令我一試愛上嘅原因，因為炸衣夠薄又夠酥脆，而且帶有牛油香，第度食唔到依個味道。香茅豬頸肉($28)，🐷豬頸肉份量幾多，不過有少少乾身。另外，如果佢排得整齊啲，整體觀感亦會吸引啲。凍越南椰汁冰($10午餐價)，估唔到原來係外賣杯裝，味道似椰水多啲🥥。餐廳有提供水機供客人飲用，好貼心💦。總括嚟講，小店食物質素唔錯，送餐速度快，難怪做到咁多生意。如果想食越南菜🇻🇳，呢到係一個好去處，主食同小食都有唔少選擇。…查看更多

好耐冇去太子，經過間越式餐廳，又比佢迷住！火五火車頭牛肉粉超級大碗！入面有生牛肉、熟牛肉，牛丸同埋扎肉！超多料！生牛肉都幾嫩滑，食落唔鞋，而熟牛肉就似牛腩，仲要大大舊！食落軟腍唔會韌！但反而我幾鍾意佢嘅牛丸，幾彈牙！而湯底都唔錯，牛味香濃，唔算油膩！我地仲叫咁個小食拼盤，貪佢樣樣都有啲，咁就可以試多啲！拼盤嚟到果陣，我地嚇咗一跳！勁多嘢食呀！入面有炸魚皮、青木瓜沙律、炸蝦春卷、香草大蝦、大蝦米紙卷同埋扎肉米紙卷，超豐富！我覺得最正係香草大蝦，蝦肉好爽口，同埋佢已經幫你開埋邊，勁方便！米紙卷同樣出色，米紙夠煙韌，入面好多料，勁大舊！最驚喜係炸蝦春卷，睇落去平平無奇，但食落外脆內爽，入面好多蝦肉！如果鍾意飲濃咖啡嘅朋友，真係可以試下呢杯越式香滑濃咖啡！佢真係無改錯名㗎！同佢個名一樣，真係又滑又濃，但又唔會有苦澀味喎！我都幾鍾意！而吳生果杯椰汁冰，其實係椰子水加椰果，飲落都唔會好甜，入面加咗椰果，仲幾有咬口添！…查看更多

好耐無食過越南野食，好掛住火車頭湯粉，於是今日放工搵埋朋友一齊去食晚餐😂😂見到呢間餐廳既湯粉好大碗，於是就揀咗佢😂果然無令我失望，除左份量大之外，湯底簡直一流，好清但好有牛骨既味道，飲落唔會覺得口渴，證明係無味精調味，仲好有鮮甜味道，真心唔錯👍🏻👍🏻，呢間飲得出係真材實料😋😋🌟火五火車頭牛肉粉 $52（推介）牛肉味濃，牛腩好軟熟，好淋，牛丸既牛味都好重，而且大碗，牛骨湯清甜，黎到必點👍🏻👍🏻🌟法式咖哩牛肋撈檬 （$48）牛肋好淋，好入味，再加埋咖喱，味道真係好夾，再加埋餐廳自家製既醬落去撈檬，真係好好食😋🌟越式炸蝦春卷 x 黑醋汁蒜蓉牛油雞翼兩樣都即叫即炸，春卷入面全部都係蝦肉，價錢$28，性價比高👍🏻雞翼好大隻，炸粉唔厚，出面好脆，入面多汁，仲有黑醋汁加落雞翼出面，原來黑醋加落雞翼度係都可以好夾，唔錯👍🏻👍🏻🌟三色冰 x 椰子冰🥥 三色冰椰奶味重，唔太甜👍🏻👍🏻椰子冰用椰青水再加椰肉，好清甜👍🏻👍🏻…查看更多

今天晚上想食清清地，終是來到這間位於太子的越南粉餐廳。餐廳燈光光猛，環境舒適。看看餐牌，這裡有些跟出面不同的款式，所以點了試試。火五特式鳳爪，鳳爪爽口，上面有酸辣的紅蘿蔔絲，能夠刺激味蕾！手作扎肉米紙卷，這裡的米紙卷除了有托肉，還有酸蘿蔔絲、粉絲、生菜等，再點上酸辣汁，令味道更惹味！火五火車頭牛肉粉，每次食越南粉，想不到食那款都會點火車頭粉，因為會有齊想食的食物不用再想。這裡的火車頭粉有生、熟牛肉、扎肉和牛丸！生牛肉不會很鞋口，熟牛肉口感像牛腩，很入味！而湯底味道都幾濃，一大碗很飽肚！法式咖喱豬頸肉撈檬 ，咖喱味道跟平時有點分別，不會像印度咖喱那樣辣，亦不會像日式咖喱的那款味道！豬頸肉燒到有點脆口！撈檬再配上酸蘿蔔絲同埋酸辣汁，很開胃！凍青檸梳打、凍越南椰汁冰，這裡的飲品是用上獨立包裝的，那就不怕有塵或口水飛進去！青檸梳打味道頗酸，感覺很fresh！而椰汁冰用上椰子水和椰果，味道不甜，感覺清新！…查看更多

屋企人約左朋友食飯，唯有自己一條友出街搵食。咁啱去到太子見到有間越式菜就想入去試下。門面同埋招牌好大，一眼就望到，離遠都望到個招牌。內裹環境都好寬敞，由於限聚令剛放寬嘅關係，餐廳唔太多人，基本上任坐，反而佢地外賣就超多單。因為好肚餓，所以叫左幾樣餸。火五火車頭牛肉粉 ($52)首先出場嘅是牛肉粉，一上枱就心諗：「奶野，碗粉超大﹗驚食唔晒﹗」份量真是好大，餸分別有生牛肉、熟牛肉、牛丸同扎肉。牛味香濃而且呢個價錢咁大碗非常抵食。意大利黑醋汁蒜蓉牛油雞翼 ($38)雞翼炸得好脆，而且炸粉唔是太厚，配埋黑醋汁酸酸甜甜好開胃﹗不過墊底嘅菜上面見到都幾多油。不過是好食嘅﹗手作炸軟殼蟹米紙卷 ($76)呢個米紙卷嘅份量都唔少，有8件，而且每件都好足料，有蘿蔔絲、生菜仲有主角炸軟殼蟹。建議要點啲撈檬嘅甜酸汁，如果唔是會沒味。而且點左唔會蓋過軟殼蟹嘅味，好食﹗…查看更多

冇得去越南，但又好掛住pho，就近近地去咗呢間喺太子嘅越南粉店😇食物選擇都幾多，幾特別嘅係估唔到牛肉粉店都有花膠雞湯河，胡椒豬肚湯河等等，不過我最想都係食返越南牛肉湯河🤤火五牛丸扎肉粉~望落去好驚喜，原來牛肉粉超大碗，價錢貼地親民，牛丸肉質厚實，亦十分彈牙，仲有肉汁流出來☺️而扎肉口感軟諗，富油香，同河粉非常夾~加入洋蔥，芽菜等等嘅配料為整體質感增添了爽脆，河粉亦煮得夠通透，質感滑溜溜的😍火五火車頭牛肉粉~火車頭配料最豐富，有生牛肉，熟牛肉，牛丸，扎肉~湯底夠熱，生牛肉啱啱好熟，口感嫩滑，濕牛肉口感則比較結實，但牛味都夠香濃，牛丸口感亦夠彈牙，配洋葱食幾夾，不過湯底再熱一點就更好~凍越南三色冰~椰香味十分重，椰奶口感滑溜，甜度不算太甜，不過個人喜歡再少甜一點，三色啫喱條為整杯飲品增添了幾分煙韌口感，炎炎夏日凍冰冰非常消暑☺️…查看更多

太子這家火五，無論堂食或外賣單都接不停手，就知道有多火熱了！加上價錢實惠，我和男友當然不輸蝕要來吃！吃越南菜，粉是必須的，另外又點了咖喱和小食，價錢相宜，就不小心點多了。意大利雞翼是蒜蓉牛油雞翼的變奏版，保留了超香脆的外皮，滑嫩的雞肉，加上意大利黑醋，直接把油膩感下降了。又點了一項炸的小食，因為充滿鹹蛋黃香的黃金脆魚皮實在太吸引，卜卜脆，又香口，十分邪惡呢！份量也不少，可能三四人分會好點。招牌火車頭湯河，有齊生熟牛肉、牛丸和扎肉，非常適合食肉獸們。我最喜歡生牛肉的嫩滑，還有爽口多汁的牛丸。調味區任君使用。湯頭味道清香不會太鹹，配滑溜河粉吃，多喝幾口也不錯。男友君吃咖喱牛肋油香飯，大大碗，深啡的咖晌汁又香又惹味。牛肋肉已切碎混到汁內，只需要用匙吃，非常方便。黃色的飯粒甘香，混合咖喱牛肋後味道更香濃。我們還點了椰汁冰和三包冰，真的有感受到椰子味，是足料的，還可以拿走。看到背後那些外賣了吧！！我們點得太多，吃到超飽，但仍然只是200元左右，名副其實平靚正！…查看更多

火五越式牛肉粉專門店是最近我吃過的越南湯河店最為出色，它的小食亦是心機之作，醬料更是自家製，加上價錢相宜，所以我和朋友都一吃再吃。吃主食前第一樣必吃香草大蝦青木瓜沙律，木瓜果香十足，擠上青檸汁再攪拌提味，青木瓜沙律更加甜美，令人胃口大開。香草大蝦香噴噴的，且帶脆彈感，與青木瓜沙律十分合拍。香茅豬頸肉以香茅醃漬，然後下鍋油炸讓外表呈現最迷人的金黃，豬頸肉本身口感爽彈，加上香茅恰到好處的調味，豬頸肉滋味大為提升，若喜歡吃豬頸肉的話，我推薦大家一定要點。長長的越式炸蝦春卷外層春卷皮酥脆不油膩，內裡塞滿甚有彈勁的蝦肉，單吃可以感受到蝦肉濃厚的海味，當然亦有人喜歡包著生菜，蘿蔔絲一起吃，增添炸蝦春卷的清新度。常常吃牛肉湯河有點膩，今次轉吃越式花膠老火雞湯河。透徹淡黃的湯頭由花膠，雞隻及杞子熬煮而成，喝得出湯底無多餘調味，清甜無比，陣陣溫醇。如此精緻的老火雞湯，更能突顯河粉的滑溜，值得一提雞肉煮得軟腍，輕易骨肉分離，花膠貨真價實，彈牙極致，一切食材，湯底都完美無缺。意大利黑醋汁蒜蓉牛油雞翼現點現炸，我自己也十分喜愛蒜蓉牛油雞翼的風味，加上黑醋汁更美味。雞翼亦有厚度，外圍薄脆，雞肉柔軟，還嚐到鮮美的肉汁。我一邊咀嚼，一邊感受誘人的香氣在嘴裡噴發，實在好吃，讓人意猶未盡。手作炸軟殼蟹米紙卷裡頭包著大量生菜，青瓜，蘿蔔，炸軟殼蟹和檬粉，好吃的關鍵在於米紙跟餡料比例非常和諧，每樣食材表現突出。酥脆的軟殼蟹配上厚薄適中，帶點煙韌的米紙，沾上魚露醋汁吃，味道一流。火五火車頭牛肉粉豐盛的一碗，主要以扎肉，牛丸，熟牛肉和生牛肉組成，當然湯底亦是牛骨熬成。牛骨湯頭入口鮮甜清爽，生牛肉粉嫩不乾柴，熟牛肉煮得軟嫩，扎肉挺有咬感，牛丸極具彈性，深得朋友歡心。凍鹹檸梳打和凍越式香滑濃咖啡均不賴，尤其是凍越式香滑濃咖啡，朋友說跟她在越南跟的一模一樣，散發獨樹一格的咖啡香，濃醇滑口。凍鹹檸梳打爽感彭湃，集鹹，酸，甜於一身，開胃又解膩。…查看更多

岩岩先發覺原來我好耐都無post 越南菜啦喎.. 今日介紹返呢間大件夾抵食嘅越菜啦火五火車頭牛肉粉 📍$52湯底帶有淡淡嘅牛肉味同其他香料，餸菜方面就有 生牛肉，熟牛肉，牛丸，扎肉，都幾豐富，仲有3款秘製醬汁，大大增加咗湯河嘅層次感火五生牛肉粉 📍$42牛肉好嫩滑，份量都好充足呢到嘅湯粉除咗河粉之外，仲有檬粉選擇架，仲要可以免費加底架香茅雞翼 📍$22熱辣辣雞翼皮脆內嫩，不過個人覺得味道可以濃啲越式炸蝦春卷 📍$28呢個好特別，好似未見過春卷咁長 🤭 入面勁多蝦肉喎，真材實料! 外層都好脆架黃金脆魚皮 📍$32脆得黎帶有鹹蛋黃味， 唔會太膩我地仲叫咗杯鹹檸梳打同埋一杯青檸梳打，上面寫住 "照顧好自己，遇見更好的未來" 😊 咁窩心嘅…查看更多