四季芬芳

營業中

休息中

呢間餐廳獲著名食家蔡瀾招牌題字🖋裝潢以海藍配大紅為主調，天花畫上彩繪牡丹同小靈蛇，帶中式優雅🐍經典粵菜中加入Fusion元素重新演繹🌺💗黑松露小籠包 ($39/ 2件)小籠包一咬湯汁滿瀉，肉餡充斥濃烈黑松露香，唧上黑醋更突顯鮮美，不過外皮略厚🥟💗灌烏雞湯百花丸 ($69/ 2粒)將烏雞湯雪成啫喱狀，釀入蝦丸內炸香，蝦丸爽彈帶鮮蝦粒，雞湯同蝦肉嘅鮮味相輔相成，可以再唧入黑醋提鮮🦐💗蛇王芬潤腸鹹水角 ($39/ 2件)鹹水角皮加入竹炭粉搓成，食落香脆煙韌，以自家製鮮鴨潤腸代替豬肉餡，味道更齒頰留香🥠💗金香脆米叉燒 ($89)選用半肥瘦梅頭肉，搽上香甜叉燒醬燒香，肉質爽滑細膩，入口油脂豐潤，底下放有脆米增加口感🐷💗招牌蟹粉蟹膏撈麵 ($139)招牌撈麵鋪上澎湃嘅生拆大閘蟹蟹粉，再加入日本元素- 飛魚籽同原個甲羅燒，每一啖掛滿甘香濃郁嘅蟹膏同蟹肉🦀再拌入温泉蛋，蛋黃香十足🥚💗蛇王芬生炒糯米飯 ($49/ 碗)生炒糯米飯口感軟硬適中，黏糯油亮🍚加入自家製切肉臘腸同鮮鴨潤腸，味道香濃甘香，最後灑上蔥花同花生增添香味🥜💗竹蔗茅根馬蹄薏米水($26 /凍)竹蔗茅根馬蹄薏米水飲落舒爽清甜，有清熱止渴功效

香港呢兩日涼左好多，尋日仲驟降到17度，朋友約我到沙田新城市廣場食晚餐，聽個名完全估唔到係食蛇，好似幾配個天氣咁。黎到餐廳，佢地門口好sharp醒坐低即刻睇下有咩食先一邊歎住茶、一邊等食物上茶好飲，一讚👍🏻👍🏻叫了個特色蛇羹套餐：生炒臘味糯米飯 + 太史蛇羹生炒臘味糯米飯好煙韌配埋花膠太史蛇羹，食落成個胃都暖哂，都好足料。叫了原味小籠包，醋加得好有特色，插左個小籠包度。灌烏雞湯百花丸未食過呢個，紅彤彤都好有特色雙重黯然銷魂煲仔丼，聽個名都勁有氣勢😂食落都真係幾正😋家鄉雜菜煲balance下今晚的肉食😆梅菜和牛酥餅都係頂呱呱👍🏻👍🏻另外，因為好耐無飲薏米水，今餐都叫了杯，東南亞feel 多d😆 總體而言，四季芬芳都係食過想再食既餐廳👍🏻👍🏻

「蛇王芬」呢個名連自問比較少食粵菜嘅我都聽過，原來佢哋喺沙田增設左新式粵菜。見到蔡瀾都介紹，冇理由唔食。黎到蛇王芬副線一定食蛇羹，補一補身。花膠太史蛇羹好足料，除咗用咗多款新鮮蛇肉，仲有雞絲、冬菇、木耳、花膠等。果皮味好香。點心小食方面叫咗招牌灌烏雞湯百花丸，同埋三色小籠包。灌烏雞湯百花丸外型好獨特，佢有一支針筒俾你慢慢加啲醋。百花丸用咗好多鮮蝦膠，好彈牙，丸中包住濃湯。三色小籠包包括黑松露、原味同麻辣，三款各有千秋。對於貪心嘅人，呢個就可以滿足三個願望，建議由最淡味嘅原味開始食，最後食麻辣。三款當中最鍾意原味，咬落去最能品嚐到爆汁嘅清湯。黑松露味好濃、除咗個外皮，入邊嘅豬肉餡都有黑松露味。麻辣味唔麻，但辛辣，唔食辣嘅人可能會有少少衝擊。手快有手慢無，好彩仲有煙燻龍井炸雞，得返最後3隻。一打開蓋，就有煙燻味慢慢向四周擴散，令朋友就黎打乞次。雞皮脆口，肉質十分好嫩滑。味道上有雞油嘅香，茶葉嘅淡香，同埋茶葉嘅甜味。龍井茶葉經過炸嘅過程，入口甜甜地，我同朋友都清曬面頭全部嘅茶葉。主食方面原本好想食煲仔飯，可惜已經賣曬。唯有食麵，點咗火燒黑金叉燒撈麵，一大碗夠兩個人食。麵質口質、粗幼介乎油麵同

每年都會搞既#SeafoodLovesSake 又返黎啦，由9月1日至9月30日去指定餐廳就可以食到佢地既Sake x Seafood Menu ❤️❤️ 記得上年去左好幾間餐廳都好令我回味。因為平時想飲清酒只有日本鋪頭先有，但呢個period去好多餐廳，包括中餐都有得飲🍶.今晚放工係屋企附近見到#四季芬芳 都有呢個Seafood x sake menu, 就簡單叫兩個小食配酒飲😋😋.🍴灌烏雞湯百花丸 配真澄 真珠 AKA $88 蝦膠肉打成膠，包著香濃烏雞湯再炸，口感酥脆彈牙，鮮味十足。搭配#真澄真珠AKA，呢隻清酒比較易入口，更可中和返蝦球既油膩感同提升蝦既鮮味👍🏻.🍴蟹粉蝦仁 配八重垣 山田錦 特別純米 $148蟹粉蝦仁本身較濃味，餸白飯就岩晒，搭配🍶#八重垣山田錦特別純米，可以更加提升左蟹既鮮味，又中和返蟹粉個腥味，八重垣山田錦入口感覺比真澄更濃，但又易入口，估唔到呢兩樣餸咁夾清酒👍🏻