蟹仙海鮮蒸碢大公館

突然想來個海鮮蒸氣鍋，品嘗最新鮮的原準風味選了一家餐廳老闆經營超過四十年海鮮入口的小店共有兩層，環境開揚寛闊，乾淨企理，有一個大魚缸門口的巨蟹裝飾很有氣勢，設有私人房間，隱私度高秘製原隻南非乾鮑口感軟嫩彈牙，滿滿鮑汁香味加拿大野生海虎蝦肥美爽甜，肉質結實，蝦味濃郁蟹皇大元貝大粒又厚身，以自家製了蟹皇醬添味韓國釜山蠔肉身順滑，蠔味鮮香，海水味重，沒有腥味澳洲青年龍蝦蝦肉雪白幼嫩， 蝦頭有不少蝦膏罕有菲律賓野生膏仔蟹，奄仔蟹膏豐滿綿滑，甘香鮮甜…查看更多

前排同事去過「蟹仙」食蒸海鮮後讚口不絕，知道銅鑼灣都有分店，就相約友人今晚去品嚐一番。位於銅鑼灣的「蟹仙」環境開揚寛闊，乾淨企理，仲有一個大水缸養住啲海鮮。我同友人選左【尊貴海鮮套餐】🤤🤩 #尊貴海鮮套餐 $449 (正價 $898)星期五、六、日、公眾假期及前夕 +$28/位 這款套餐共有9款海鮮及粥底，還附送有機蔬菜籃。 店員會先在我地面前用蒸氣消毒餐具，然後店員按次序將不同款的海鮮夾入去蒸氣鍋入面蒸煮及計時，蒸好後店員會夾到我地隻碟上面😎是我需要的懶人食法😂店員先蒸煮相對清甜的貝類、蝦類，最後才吃鮮味最重的奄仔蟹，才能吃出每款海鮮最佳味道。海鮮鮮味得不需要蘸醬汁已很好吃了。 🔹️A級奄仔蟹奄仔蟹愈多膏評級愈高🦀，A 奄的蟹膏相當豐腴，蟹膏澄黃，而且質地半凝固，蟹膏鮮甜度很高，甘香又濃郁🤩多膏之餘亦都啖啖肉，肉質嫩滑柔軟。✨️因為餐廳老闆是海鮮批發商，所以才能入手高質的A級奄仔蟹‼️🔹️澳洲青年龍蝦雪白的龍蝦肉軟嫩鮮甜🦞，爽口彈牙，龍蝦頭仲有唔少膏，香滑又濃郁。🔹️韓國釜山鰻魚韓國釜山的鰻魚肉質更為爽脆彈牙，而且仲多一種嚼勁感，同埋無任何腥味的，好正🥰 🔹️蟹皇大元貝元貝肉質飽滿，在面頭鋪滿蟹粉一齊蒸熟，滋味滿滿❤️ 🔹️紐西蘭刀貝蚌由於生長在新西蘭，蜆肉分外肥美鮮甜，體積亦比本地蜆大，嫩滑爽口又帶有海水鮮味的蜆肉真係好滋味，而且呢款蜆本身無沙，唔會成到成口沙👍🏻🔹️台灣九孔鮑魚清蒸後的九孔鮑魚肉質滑嫰，吃起來肉質相當扎實有口感及嚼勁，味道很鮮甜❤️🔹️加拿大野生海虎蝦蝦味濃郁🦐，鮮味甘甜，肉質紮實，口感厚實有彈性，大大啖食落去好滿足。 🔹️大西洋野生青口還保留了那束只有野生青口才會有的「足絲」，夾走後把飽滿的青口肉放入口，海水味好重又鮮甜。 🔹️韓國斧山珍珠蠔珍珠蠔肉身順滑，海水味較重，但咬破蠔肚之後會覺得清甜爽口🥰 🔹️有機蔬菜籃蔬菜籃包括有粟米🌽、娃娃菜🥬及生菜，份量剛剛多！🔹️海鮮粥底吃完海鮮後，鍋底的粥已吸盡海鮮的原汁原味，已有排骨、芋頭及粟米等配料的粥底再加入菜脯、冬菜、葱花等，即成美味海鮮粥。海鮮粥清甜無味精，綿密鮮味🤤 最後，店員還送上甜品，今日的甜品是 #椰汁雪燕，清甜滋陰。 粥底及醬油費 $15/位…查看更多

蟹仙海鮮蒸鍋大公館，行開銅鑼灣實會見到佢隻蟹🦀專做海鮮蒸鍋，有唔同既套餐，全部都好齊全既，店內非常闊落，坐落好舒服，專人服侍計好晒時間，準備食就可以🤠專貴海鮮套餐，十款海鮮放晒出嚟就係豪🐳加拿大野生大赤蝦，好大隻既赤蝦，一開蓋超濃鮮味，食落超濃蝦味、充滿蝦汁🦐食過最濃既蝦之一😻黃金翡翠螺，超爽，好鮮味既螺👻韓國斧山珍珠蠔，好大粒蠔，蠔味又濃又Creamy👍🏻配枝黑龍清酒，甜甜地食海鮮更好味😋台灣九孔鮑魚，望落雖然細隻，食落就好鮮好爽身🪼元貝，超級juicy，好驚人既味道😳蟶子皇都幾大隻，專人serve完全唔會煮到縮水🤞🏻開始重頭戲，澳洲青年龍蝦，大大隻啖啖肉，仲有膏，又鮮又正😝太平洋饅頭蟹，較少見，食佢既鮮味，仲幾有海水既味道🌊野生膏蟹，膏超多又濃，A級蟹，肉都好鮮好正，超高質既蟹🤤蟹仙即係蟹仙🦀食佢既蟹一定無死，超高質，整體海鮮都相當新鮮，蒸海鮮就係原汁原味❣️加埋啲菜同粥，又飽又滿足既海鮮餐😇…查看更多

這間人氣連鎖蒸氣火鍋分店遍佈港九新界，其中銅鑼灣分店鄰近地鐵站，環境寬敞舒適，店內的巨型魚缸養殖各種新鮮海鮮。尊貴海鮮套餐 - $449/位大西洋野生青口肉質嫩滑，味道鮮味無比，非其他青口可媲美。紐西蘭刀貝蚌厚身的刀貝蚌有著淡淡的海洋味和和清新的柑橘味，爽甜無沙。台灣九孔鮑魚九孔更具彈性，紮實有嚼勁，滿口的鮮味。韓國釜山珍珠蠔蠔身雪白飽滿，肉肥美爽滑，鮮味多汁。紐西蘭月亮貝肉大厚身，煙煙韌韌帶有嚼勁好爽口。日本野生大赤蝦新鮮的野生大蝦綿密且鮮甜不膩，有獨特的海洋鹹味與甘甜，充滿甘香的蝦頭膏。澳洲青年龍蝦肥美飽滿的生猛鮮活龍蝦，有著鮮嫩彈性的龍蝦肉，有大量甘香的龍蝦頭膏。罕有藻食綠膏蟹大大隻膏蟹有著綿厚的蟹膏，蟹膏帶淡淡的綠色是由於吃藻類長大，有著獨特的海藻甜味，還有些蟹肉甘甜多汁。太平洋饅頭蟹來自深海的蟹，有著鮮嫩飽滿的蟹肉和澎湃鮮甜的蟹膏。有機蔬菜籃新鮮翠菜的蔬菜包括生菜、黃芽白及粟米。海鮮粥匯集上述蒸海鮮的精華，綿密的粥很鮮味，有些瘦肉和粟米，更可加入蔥花及菜脯。椰汁雪燕奶滑的椰汁富椰子香和奶香，一絲絲晶瑩剔透的雪燕好爽滑。…查看更多

之前都去開西貢、鯉魚門、布袋澳食海鮮。今日去開銅鑼灣，想食海鮮，但又唔想去太遠，於是上網搵下。點知有新發現，平價就食到蒸海鮮。食海鮮最重要係食材，其次係煮功。食材就每需擔心，因為呢度既海鮮每日都空運到港。但係煮功就有點擔心，因為自己少蒸海鮮，蒸的時間唔同，會唔會難蒸得好食。點知原來我太過操心，呢度有專人幫我地調較蒸海鮮既時間，結果D野海鮮真係鮮甜可口！今次叫左個尊貴海鮮餐原價$898，呢家$449就嘆到（另加$15粥底及醬油費），己包左九款海鮮，一碟菜。真係超抵！最特別係食到世界各地的海鮮，日本、韓國、澳洲、紐西蘭、台灣等地的海鮮都有得食！日本野生大赤蝦：野生蝦同養蝦真係完全唔同，可能野生蝦多運動，咬口彈牙鮮甜，仲要大大隻！台灣九孔鮑魚：鮑魚千萬不要太熟，也不要太生，有專人調較蒸鮑魚的時間，恰到好處，口感鮮嫩無比！罕有藻食綠膏蟹：平時D蟹食小魚仔，但呢度D蟹係罕有藻食，所以D膏係綠色，同有香味。未蒸前，開邊上枱，己經見到D蟹膏爆晒出來！蒸好後，啖啖肉，正！太平洋饅頭蟹：一餐入面食兩款蟹都係第一次，各有特色，但共通點就係「鮮」！澳洲青年龍蝦：食海鮮要豪就當然食龍蝦，今次個餐己經包左！開邊蒸，澳洲龍蝦真係無得輸，而且都係特選年青的龍蝦韓國釜山珍珠蠔：一食韓國蠔，就諗返起去韓國旅行，開心回憶返晒來日本大元貝/野生日本深海百刀貝/紐西蘭刀貝蚌：日本既大元貝同刀貝都係肉質鮮甜，以蒸的方法煮又傳統，又帶出鮮香味!有機蔬菜籃同粥: 食左咁多海鮮都幾包下, 食D蔬菜幫助消化,不過D菜合部都係有機菜, 有機菜平時賣貴幾倍價錢。食過就知D菜係甜同新鮮好多, 有機菜平時賣貴幾倍價錢。有埋個有海鮮味的粥, 超回味!…查看更多

每過一排就會想去食下海鮮，蟹仙的確係市區食海鮮好地方！每次去總會非常難忘，因為每款海鮮都好有鮮味😋餐廳都幾多人，而且店員服務好好，會周圍同人傾計介紹海鮮款式同來源，感覺好開心融洽呢！而這裡特別之處是，店員會幫忙蒸+夾海鮮，只需要坐定定傾計等食就ok！點了$439的海鮮餐，先來的是貝殼類海鮮，每款海鮮都是野生的，而且上碟時還在動，非常新鮮！台灣九孔鮑魚—口感幾好，咬落去軟香中滲出甜味，海水味濃郁，慢慢食，享受鮮甜味道紐西蘭刀背蚌、月亮貝同大西洋野生青口都超大隻，特別喜歡月亮貝 ，食落去超鮮甜，仲包含了滿滿的海水鮮味😋另外韓國蠔雖然不算好大隻，但同樣咬落去微甜中帶鮮味，水準不錯食過貝殼類，就到了重點-龍蝦和蟹😍幾樣都是我favourite，而且每款都超水準，好滿足😋澳洲龍蝦蒸的時間調配得剛剛好，啖啖肉之餘肉質超新鮮彈口，龍蝦膏非常香口，有點似蛋黃😋另一滋味之選是罕有大黃奄蟹🦀，當晚的蟹是特別的綠色膏，代表這蟹並非雜食，而是食海草的。蟹膏食落去甘香味重，吃過後有好特別的回甘味，再加上甜香實在的肉質，一吃難忘。至於饅頭蟹，不能expect食好多肉食，主要是吃鮮甜味 ，特別喜歡橙色膏的蟹，食落去超鮮甜！最後就品嚐吸收了海鮮精華的粥，真係好鮮甜～以這個價錢，食到如此fresh的野生海鮮，還有極緻服務 （店員非常快手地蒸海鮮、倒垃圾、湛水），的確難得！一定再來😆😋😋…查看更多

好久沒吃蒸海鮮，於是和家人訂檯吃蒸海鮮。餐廳光猛企理，面積很大，座位好寬闊。有不同價錢的套餐選擇，我們選擇了尊貴海鮮套餐$439/位。自己選擇醬料，有蒜蓉、蔥花、炸蒜、辣椒、豉油等，不過店員建議吃海鮮不用沾醬料。⭐️罕有大黃奄蟹蒸熟後，蟹膏飽滿鮮甜，啖啖蟹肉自帶清甜滋味，也是整個套餐裡最美味的一款海鮮，很棒。⭐️大平洋饅頭蟹 饅頭蟹形狀像饅頭，蟹肉和蟹膏不算多，勝在鮮甜。⭐️澳洲青年龍蝦龍蝦蒸熟後蝦肉十分飽滿，一挑起整條蝦肉塞進嘴裡實在滿足。⭐️台灣九孔鮑魚鮑魚飽滿軟腍，入口鮮味十足。⭐️越南大虎蝦先蒸蝦，蝦肉爽口彈牙。⭐️大西洋野生青口入口鹹鮮，口感爽彈，愈嚼愈想甜。⭐️紐西蘭刀具蚌有兩隻蚌，肉質飽滿爽脆。⭐️韓國慶南珍珠蠔蒸完小小一隻，有濃郁的海水味，肉質鹹甜。⭐️有機蔬菜籃有粟米和幾款蔬菜，入口味道清爽清甜。最後將吸收了海鮮精華的米粥再猛火煮一煮，加上蔥花和菜脯，很飽足。…查看更多

Happy Friday！收工之後當然要食返餐好既！今晚去左蟹仙海鮮蒸碢大公館食蒸氣火鍋。早個幾鐘打電話訂位都有位。入口喺地下，之後要行樓梯上去，滿座咁滯，超旺。呢度餐牌有四款海鮮套餐，分別包8，10，13，同10款貴d既海鮮，價錢分別係每位$329，$439，$549，同$758，另加一同其他雜費。亦有二人套餐，包18款食物，兩位共$1099。星期五，六，日同公衆假期及前夕每位要加$28，粥底同醬油費每位加$15。餐牌仲有拼盤，小食，追加配料，飲品，酒類。配料自己喺個移動架度攞，有蒜蓉，蔥花，辣椒，炸蒜。我地最後揀左二人套餐。香辣海蜇青瓜：少少辣，正常自家制照燒魚皮：呢個小食送嘅，堅脆又唔鹹，好味罕有大黃奄蟹：膏唔算多，肉都有得食吓，係鮮甜嘅，原本諗住升級增量大蟹每位加$138，唔知點解冇幫我哋加到凍蟹：可以澳洲青年龍蝦：有膏，膏好鮮甜，肉都鮮甜嘅，不過可以再好啲罕有琵琶龍蝦：有籽食，不過得個鹹字同少少脆。呢啲肉仲好食過澳洲青年龍蝦，不過膏少好多越南大虎蝦：唔夠大隻，質素麻麻啦，蝦頭係有汁台灣九孔鮑魚：質感合格，不過欠缺鮮味，太淡紐西蘭刀貝蚌：好大隻，鮮甜嫩口，海水味濃大西洋野生青口：大隻，質感食得出新鮮，不過超鹹日本大元貝：我哋自己加左蒜蓉同蔥花落去蒸，即刻鮮甜啲。蒸完縮左水，質感唔韌韓國慶南珍珠蠔：超鮮甜，蠔汁又豐富，正黑安格斯牛肉：七塊，味道可以，質感就稍韌濟州黑毛豬肉：六塊，好韌喎蟲草花雞件：五件，連皮，真係有蟲草花，嫩口而已經調好味芝心小籠包：三粒，原來係好似芝士魚蛋不過形狀少少似小籠包，芝士堅流心，外皮就麻麻哋星爺爆漿瀨尿牛丸：三粒，真係爆汁，味道少少羶蟹仙蝦蟹棗：三粒，食完以爲係炸魚蛋豬骨濃汁貢丸：三粒，正常有機蔬菜籃：有唐生菜，娃娃菜同粟米。唐生菜好多黑洞。不過娃娃菜同粟米好鮮甜蒸爐有計時器，枱上又有紙仔寫低建議食物煮食時間，好方便。服務員間中會過黎幫你蒸食物。服務員先問我哋要唔要蔥花同菜脯加落粥底。粥底有每人三碗，滾到好熱，不過好浠，似潮州粥，食落味道啖啖咁，不過粥料有豬骨，栗米同芋頭粒，加左鹹菜脯就好味好多。椰汁燕窩：呢個送嘅。梛汁好飲而勁多燕窩。總括而言，食物質素參差，海鮮稍為好啲。兩人佔四人座位，環境正常，人多都幾嘈。冷氣超勁。服務員主動幫手蒸野食，服務唔錯。價錢堅貴，見服務好就勉強俾個笑面啦。…查看更多

已經是第二次吃蟹仙 今次來到新開分店 在銅鑼灣 上次吃過一次實在太難忘 因為海鮮全部都非常新鮮 老闆自己做野生海鮮批發 所以海鮮都是當天新鮮運到香港 出面很難買到這樣新鮮的海鮮🙈 尊貴海鮮套餐 $438 有九種海鮮 每樣會根據時間逐樣逐樣蒸 然後鍋底是粥底火鍋 吃完所有海鮮之後就可以品嚐到鮮甜的海鮮粥😋 看到大黃醃蟹 蟹膏滿瀉出來 全都是黃黃的蟹膏 就非常期待😍 1. 越南大虎蝦大大隻 鮮甜彈牙 對比之後上的龍蝦 是小巫見大巫🤣2. 台灣九孔鮑魚 非常鮮甜 厚身彈牙 難咬斷 口夠大的話 可以一口放進口中 慢慢感受鮑魚香味彈牙 慢慢在口中咀嚼回味 把它一口一口咬斷😋 3. 帶子 喜歡吃旁邊黃色的內臟 應該是生殖線的部份 有點似蟹膏的味道 帶子非常鮮甜 啖啖肉🥰4. 韓國慶南廣島蠔🦪口感嫩滑 唔腥 ！ 5. 月亮貝 晶瑩剔透 有濃郁海水味 忍不住把它剩下的水都喝掉 因為十分鮮甜🤩6. 青口 因為是野生青口 所以可以看到中間還有未斷線的海草 店員說這是正常的 味道跟外面急凍青口非常不同 因為的的確確吃到與眾不同的新鮮味道 才毅然醒覺原來青口是這樣的味道！7. 澳洲青年龍蝦 開始來到重頭戲 龍蝦容易脫殼 在尾的部份一翹起就整個龍蝦起了出來 非常爽口彈牙 又夠厚身結實 旁邊更有蝦籽 第一次吃 沒有什麼味道但口感很過癮 像在吃爆珠糖 剩下的蝦殼還可以放進粥底慢慢淆！8. 琵琶蝦 樣子比較遜色 比青年龍蝦身形較小 但味道特別 不是平時吃的蝦味 我會說比濃蝦清甜 比較少蝦膏 體型雖然比較偏身但肉卻比龍蝦多！ 9. 大黃醃蟹剛剛一上枱的時候就被他的外型吸引了 充滿着蟹膏 吃起來果然不失所望 蟹膏不只在外面把肉刮出來之後發覺原來裏面也是滿滿的蟹膏！ 蟹味非常濃郁 蟹肉結實 😍 絕對是今餐的王牌！ 吃完所有海鮮之後就吃粥 一如既往味道鮮甜再加上豬骨粟米 可以帶出海鮮的鮮味 吃完之後又送上椰汁官燕 ！ 十分滿足的一餐！期待下次再來😆…查看更多