大隻仔今次覓食嘅店舖就係💥 洪記潮州滷味 💥 大隻仔今日無意中發現一間幾好食嘅潮州滷水餐廳，店舖位於土瓜灣北帝街。大隻仔都幾鍾意食滷水鵝，見到午市食飯時間餐廳冇乜客人，唔需要排隊就入去食個靚午。😋😋估唔到餐廳各樣食物都幾有水準，就連附送嘅例湯都見到用心製作，而且份量超級多，價錢唔貴，值得推介。👍👍⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 滷水鵝飯 + 例湯 $58😋 滷水鵝飯 滷水鵝飯超級大碟，配上滷水豆腐、酸菜伴碟。鵝肉好淋滑冇渣，而且夠入味，好食，豆腐好滑皮唔厚，菜莆比較甜帶微辣。大隻仔第一啖食個飯覺得唔太夠味，覺得汁可以再濃味少少就好，但越食越覺得好OK，如果個汁太濃反而食到尾會死鹹，而且飯粒充滿鵝油香配上滷水汁好岩撈飯，好好食。😋😋至於白醋要問先會提供的，白醋好搶喉，冇用糖調過味，比較普通。😋 例湯 $0（西洋菜紅菜頭西芹紅蘿蔔湯）雖然係例湯但超級高水準，湯好清甜，而且好夠熱，飲得出湯既清甜味係由蔬菜煮出嚟而唔係落味精，大隻仔會為咗呢個紅菜頭湯再嚟幫襯洪記。湯有好重紅蘿蔔、西芹等蔬菜嘅甜味，湯入面有一粒切成正方形嘅紅菜頭粒，仲有其他少量蔬菜。溫馨提示：餐廳衛生環境一般，大隻仔坐嘅枱就有上一手留低嘅飯粒。…查看更多
，好彩豆腐夠健康唔怕食多啲。鵝肝非常之肥美厚實，四個人食都好足夠。鵝味濃之餘冇法式鵝肝咁油膩，而且有酸醋汁中和一下油膩感。
