洪記潮州滷味

營業中

休息中

土瓜灣成日都會有一啲令人驚喜嘅餐廳，今日就去咗一間食滷味嘅小店買晚餐嘅外賣。我叫咗一個滷水鵝飯，隨餐附送例湯，有紅蘿蔔南北杏做材料滋潤一下。滷水製品通常都會偏鹹，呢間餐廳嘅味道就啱啱好，食得多滷水味之餘又唔會覺得唔健康。$50一個飯，絕對值回票價，因為份量都大，仲有少少配菜同豆腐。滷水鵝分量十足，肥瘦適中而且皮夠薄，食落去啖啖肉。配菜鹹鹹酸酸，適合撈飯一齊食。因為我屋企都好鍾意食潮州嘢嘅關係，除咗自己嘅餓肉飯之外，仲特別加料嗌咗鵝肝同埋豆腐一齊分享。因為唔知道有咁多件豆腐，最後叫咗兩份健康豆腐，好似有啲多，好彩豆腐夠健康唔怕食多啲。鵝肝非常之肥美厚實，四個人食都好足夠。鵝味濃之餘冇法式鵝肝咁油膩，而且有酸醋汁中和一下油膩感。