百樂小館 (已結業)

尖沙咀美麗華商場食肆種類多，中西日韓花多眼亂，與朋友經過一輪篩選後，決定選擇位於商場4樓嘅百樂小館，一間評價相當高嘅潮式美食餐館。餐館內部裝潢簡潔光亮，集合日式與時代感的綜合設計，座位間隔寬敞舒適，成為今次選擇幫襯嘅原因之一。至於食物方面，更令人回味無窮，性價比絕對處於一個值得推薦嘅高位。首先上桌嘅係潮州菜中，地位舉足輕重嘅滷水系列之“滷水鵝肉拼盤”，拼盤包括有軟腍得來有嚼口嘅鵝肉片、肥瘦比例均衡嘅五花腩肉、爽彈嘅墨魚片、滷得入味而又唔乾身嘅滷水蛋以及口感香滑嘅豆腐，每款都滷得非常之入味，香濃非常。“五香炸芋絲卷”，一道未上枱已聞到陣陣芋香味，聞說五香香料與芋頭從來都係絕配，被香料醃過後再炸嘅芋絲卷外脆口內綿香，令人食慾倍增。以肉質結實、魚肉濃香嘅鷹鯧烹調嘅“豉油王煎鯧魚片”，每一口魚肉都鮮香肥美，叫人如何能不愛它呢！不得不提嘅係呢款“家鄉乳香骨”，與市面嘅乳香骨比較，百樂嘅乳香骨肉質嫩滑之餘肉汁亦豐富，軟腍口感的確令人喜出望外。天氣寒冷，最啱食呢款熱辣辣又暖胃嘅“手打魚蛋煮津菜煲”，軟綿津菜軟而不爛，帶有方魚清甜香味嘅湯汁特別醒胃，手打魚蛋更是彈牙香滑，食完之後個胃暖笠笠，正。最後，以一客清熱又滋潤的“清心丸綠豆爽”作為結尾就最適合不過啦，乾燥天氣適時滋潤吓，對自己好啲，一點都不為過。…查看更多

我一向對中餐的興趣不大，唯獨上海菜和潮州菜例外，今晚同事約我去百樂小館，即管試吓啦！:)位於美麗華商場裏面，原來呢度都幾多食肆而且感覺好寬敞。門口屬於開放式設計，整體裝修好時尚及典雅。坐下不久，店員即端上幾杯功夫茶及餐前小食，嘆一口再慢慢叫嘢食。潮州嘢之中好好食嘅當然包括滷水鵝，所以我哋叫咗個滷水鵝肉拼盤（ $168 ），除了滷水鵝仲有墨魚片、滷水蛋、豆腐和腩肉，3-4個人食都好夠分，好味啊！另外同事介紹要食呢個潮式蘿蔔灌漿($60)，原來係將白蘿蔔浸湯然後去炸，外皮好脆，望落去以為好熱氣，但食落裡面係多汁又腍既白蘿蔔，食既時候可以點「桔仔汁」，係一款潮洲醬汁，特別又幾好味！仲食左煲明火煲靚湯($148)，阿姐話係黃瓜粟米煲唐排，熱騰騰夠哂味，好甜好味好滋潤！至於欖菜肉碎四季豆（ $98 ），欖菜味唔係太突出，但都夠鑊氣又惹味！整番條梅子明爐烏魚($188)，睇住佢明火煮，一路煮一路聞到好香，好鍾意佢個汁，酸酸地好開胃，應該用左梅子、檸檬、香草等去整，條魚都好大條添！蔥蒜牛肉崧煨飯($138)，原來係和牛黎架！用上湯煨完再炒飯，好味呀！:)食飽仲整多個甜品，潮式返沙芋條（ $78 ），據聞反沙芋好考功夫，佢呢個真係炒到個面有個糖皮咁，正喎！另外仲有蛋白杏仁茶，好滋潤呀！…查看更多

好耐冇見啲大學同學，難得約埋一敍就揀左大家都稍為就腳嘅尖沙咀，因為想坐耐啲傾下偈，所以偏向揀地方大少少嘅中式酒樓~見openrice評分都不俗，所以就訂左里度❤️晚上六點幾近七點黎到，人不算太多，見到兩個好似壽桃樣嘅陳設，內裡各放左一張大枱好有趣，不過有人坐緊，就冇影相了，哈哈，下次多人睇下可唔唔可以係壽桃裡面開番圍🤣我地坐左係餐廳嘅中心位置，地方幾寬敞，我地4人都offer左一張6人枱(定知我地會叫好多野食lol)餐牌見除左一般潮州野都有不少新派口味~ 沿正常潮州野嘅風格，一開始同最後都有serve功夫茶🍵入正題，先黎左頭盤😀 滷水鵝肉拼盤有鵝肉、五花腩(?)、豆腐、滷水蛋同墨魚😛滷得好入味，尤其鵝肉唔會過老，保有彈性😚個人最喜歡鵝肉同豆腐跟住好快黎左個湯~老黃瓜粟米煲唐排，估計日日唔同嘅，好濃同有黃瓜同粟米嘅甜，正🤤而家好追求湯水，要養下生~湯渣睇落都幾足料，飲完唔會覺得好口乾，就算有味精應該都只係少量~再黎就到主食啦，乳香骨，本身以為會係腐乳，不過食落又好似唔係🤔甜咸甜咸咁，都幾有趣朋友最近好迷咸蛋黃小食，所以見到金沙炸魚皮涼瓜就話要叫，估唔到超好食的！炸魚皮好香脆，沾上咸蛋黃醬(真係咸嘅咸蛋黃，最近食有啲咸蛋黃小食唔知點解係甜嘅...)熱辣辣，美味，涼瓜都不俗，唔會好苦，少甘，連平日唔食涼瓜的我都食左兩片，唔知會唔會有助解熱氣haha黃金炸雙棗，乍看之下唔知係乜，但其實係蟹肉卷同蝦丸，個人較喜歡蝦丸，始終蝦可以做到蝦膠好彈牙，但蟹肉比較鬆散，雖然味道不錯，但口感差咁啲食完熱氣野都要叫啲清清地，魚湯味偏清淡，用炸過嘅大地魚片(估嘅哈）稍加提味，魚蛋魚片亦屬中上，加埋要食啲菜🥬以前細個，媽媽成日話餐廳啲菜唔會洗，話係街唔好食菜，不過為左腸道健康，而家都會照叫🤣而干煸四季豆算係最常岀現係我枱上嘅野，今次亦不例外，里度做嘅四季豆炒得好乾身，欖菜唔會過多，咸度適中，係我嘅干煸四季豆list 一定有頭5😛黎到最後嘅主菜，糖醋麵~里度造成一面超脆，另一面則保持少許濕潤，仲加入少量韮王，令成個感覺都冇咁油膩🤗薑汁福果湯丸跟住就到甜品啦~食飯點可以冇甜品woohoo朋友點的綠豆爽，而家好似已經算係好少見嘅甜品，試左啖，清甜嘅，好似好健康咁😂仲有我叫嘅杏汁蛋白芋泥，里個combination 都幾好，潮式芋泥係飽餐後真係太膩啦，加入杏汁蛋白一黎有美白效果，又減低飽膩感❤️薑茶湯丸~裡面有啲挑哂芯嘅白果，好細心！加分里間餐廳無論食物同環境同地理位置都唔錯~可以入revisit list 😛臨走見到凍烏頭，入黎嘅時候大概有八九條凍魚，走得番兩條，好好賣，應該不錯，下次帶超鍾意食烏頭嘅媽媽黎食🤭…查看更多

尖沙咀美麗華裝修後，其實有好幾間食店都不錯的，奈何始終唔旺丁。今日朋友相約過來午餐，於是就選擇了百樂小㕑。食店設計多角落及卡位，所以訂枱時和食店溝通一下，午市有些位置也方便傾計。中午一時許到達，繁忙時段，預先訂位，無用等候。滷水豬腳蹄$78~夠入味，但略嫌硬身，豬蹄唔夠肉地。相信可能隻豬跑得多😂雜箘冬菇包$48~很少地方做冬菇包做得好吃，百樂小館做得唔錯，外層鬆軟綿綿，餡料有陣陣的冬菇香味，筆者大愛。由於我們一行三人，朋友選擇了二人套餐再加幾個點心。午市滋味A餐2位用$168~包括:四色點心盆~看見這個點心，如果早上有茶市，一個人吃這個點心，每樣一件，相信無比開心。這裡的點心做得出色，皮薄涵靚。滷水鵝肉拼盤當端上這個拼盤時，由於人手不足，朋友曾要求不同的店員攞辣油，也沒有下聞，最後與第三位店員才能附上。㰖菜肉鬆炒飯~蛋白炒飯賣相吸引，除㰖菜肉碎外，更喜歡加有菜脯，爽脆味美。麵水焯芥蘭~話明麵水焯，一定夠青綠，清清地，去除油膩之感。煎迷你芝麻餅~$38芝麻涵略甜，但也覺味美。鴛鴦水晶包六粒$38~晶凝通透，皮薄味美。蓮蓉和豆沙各三粒，甜度也是略甜。但那皮真的又薄又滑。茶位每位$15,另加酸菜$15,這裡點心做得出色，尖沙咀午市點心好選擇。…查看更多

約一大班朋友晚飯聚聚，通常都會選擇中菜。之前食過這間店，覺得無論環境及食物都不錯，於是推介朋友們到這店晚餐聚聚。門面開揚，設計新穎，人多可坐在像鳥籠內。我們好像自成一角，可以暢談一番 ^_^一坐下，店員隨即奉上潮州茶，飯前、飯後都會奉上。我們點了「滷水鵝肉拼盤」、「百樂特色冬瓜盅」、「脆盞菠蘿咕嚕肉」、「香煎原條馬友魚」、「紅燒皇子乳鴿伴凱撒沙律」及「芥蘭菜脯炒河」。食潮州菜，通常都會點這碟滷水鵝肉拼盤。樣樣都好好食，夠入味，肥瘦又適中 炎炎夏日，冬瓜盅是最好的消暑食物 ^_^百樂特色冬瓜盅，材料豐富，味道頗濃，再食塊冬瓜，配搭得不錯！與別不同的咕嚕肉，脆盞菠蘿咕嚕肉！酸酸甜甜，咕嚕肉外脆內嫩，很惹味！香煎原條馬友魚，煎至兩面金黃，肉汁鎖在魚肉內。魚肉夠香夠味 紅燒皇子乳鴿伴凱撒沙律，乳鴿烤得香口又夠脆，好味！再配上新鮮的蔬菜沙律，夠清新，好配搭！芥蘭菜脯炒河，材料特別，菜脯加芥蘭。河粉炒得好乾身，入味，口感豐富！飯後來一碗甜品，清心丸綠豆爽，不好綠豆的我，都覺得味道不錯，爽呀！…查看更多

上網見E間潮州菜裝修唔錯，而且openrice可以直接book，方便快捷，所以試一試。。胡椒排骨花膠煲。好味！好暖胃。個湯感覺好滋潤。眼見都算有唔少花膠，比較足料。。蝦子扒柚皮。第一次試E道菜，應該都唔係好多地方食得到。柚皮做到好腍，完全無苦澀味。栗子方魚焗雞球。比較多栗子，好飽肚食完都唔太清楚咩係方魚.....。鮮蝦水瓜烙。潮州菜名比較得意。E 個水瓜烙餅味道好好！。滷水鵝肉拼盤。味道不過不失，好細碟。。炸魚。炸皮鬆脆，唔錯。餐廳環境OK，今次5個人食位置都鬆動。而且可以慢慢食，飲下茶傾下計。建議家庭聚會可以試試！…查看更多

是日父親大人生日，改掉近年吃自助餐慶祝的習慣，到百樂小館點小菜吃亦別有一番風味呢！------------------------------電話預約了七時，要求坐卡位的。到達後職員先問要喝什麼茶，再端上花生和酸菜，以及為我們每人先倒一杯茶。茶水每位$15，花生酸菜共$30。1L 罐裝Asahi $88看到罐後大家都嚇了一跳呢！拍完照片後，母親、姊姊和我都只倒了一小杯，目的是為了與父親生日祝酒，餘下的就由父親解決吧！杏汁白肺湯 $168 （4位用）職員提醒湯水要七時半後才供應的，我們先下單。過了不久後由職員在旁邊分好湯水，再送上四大碗湯水。由於本人本身不太喜歡杏汁的味道，本身想把湯水讓給家人，但喝了一小口後發現杏汁味道沒想像中濃郁，很易入口。每碗大概有兩三件豬肺，家人都很滿意湯水。香煎潮州蠔烙 $68 （小份）上菜後發現小份其實都不算小，一共有八件呢！香口不油膩，沒有太大陣蠔的腥臭味，連原本不愛吃蠔的姊姊也接受得到。滷水鵝肉拼盤 $98 （小份）有雞蛋，墨魚片，鵝肉片，腩肉片和豆腐片。每款大概四至六件，夠入味，特別是墊在最底的豆腐片。潮式糯米炒肉蟹 $488最為期待亦令全家讚不絕口的一道菜。與餐牌上的圖片完全一樣的外表和份量，零差異。大概有十二三件蟹。廚司有貼心的把蟹殻預先敲裂，讓我們可以更易進食。蟹肉鮮甜，份量十足，蟹鉗部分更是啖啖肉，吃得十分爽！雖然肉蟹是主角，但墊在肉蟹下面的糯米飯亦不容忽視。糯米飯份量剛好，不會過硬或過於黏口。軟腍有咬口之餘味道亦非常好吃！原本家人覺得價錢偏貴，吃完後都一致認同此水準完全對得住這個價錢。唯一缺點大概是糯米飯中會混有一些蟹殻碎，進食時需注意。方魚雞球炆栗子 $98職員打開煲蓋後，香味撲鼻而來。大量的栗子和雞件，還有幾件香菇。雞件嫩滑，栗子夠腍，愛吃栗子的母親表示十分滿意和滿足。胡椒排骨大芥菜煲 $98大量芥菜和五六件排骨，芥菜軟腍。個人認為沒有什麼特別的，而家人則略嫌胡椒味不夠重。------------------------------職員親切，會主動為我們換碟，茶喝完後會主動加水到茶壺中。家人和我都十分滿意這一餐，慶祝父親生日的同時，算是為2017年劃下了完美句號！…查看更多

最近食得太多韓國日本野食，食到有啲膩，屋企最近又食唔到住家飯，所以好想揀d餐廳偏中式而且可以同白飯一齊食於是同朋友約左去lee間潮州菜既餐廳，去到已經覺得裝修好特別，因為一去到餐廳係商場內比較開揚，唔似好似一般餐廳有牆包住覺得局促入到去侍應即刻放低兩碟仔小菜，然後比menu我地揀晚餐食咩同一般潮州菜一樣，餐廳小菜會有酸菜不過唔太多餐廳會放多於一道小菜，例如腰果白飯魚，白飯魚仲係啱啱炸脆，成碟熱上，暫時印象幾良好lee碟滷水鵝肉拼盤用黎撈飯真係一流，所有材料都好入味，尤其係我超鍾意食滷水鵝肉，睇色澤都知道煮左好耐好入味，而且肉幾嫩同埋熱上，至少清左一半黎送飯然後就到我地今日既主菜豆醬焗田園春雞一睇已經好去撼，熱辣辣全雞上煲，豆醬隻味道幾特別，好重薯仔味侍應仲會幫我地剪埋隻雞，雞肉都一樣好嫩好入味，送飯一流最後我地坐左好耐傾計都無趕我地走，總的來說，lee餐係一餐價錢客觀又可以坐低傾計既好餐廳…查看更多

「把酒當歌人生幾何？」人大了能夠與友相聚確實難得，近年我都比較偏好中菜而已。全因中菜多一份細腻，亦多一份家的感覺。潮菜之夜定必選擇「百樂小館」，全因環境舒適而且食物有保證，最重要的是價格也是合理之作。難怪在平日的晚上時分，也能夠座無虛席可見勝價比高。餐廳利用鳥籠的設計下，頓時覺得有一種鳥籠中自成一角似的。餐牌上滷水的食品必有之物，更有很多點心、小炒、粉麵飯類等；特別是中式甜品更加是我的最愛之物：潮式反沙芋、芋荔、水晶包、杏仁茶等。滷水鵝肉拼盤 $148首先到來定必是潮式鵝肉拼盤，鵝肉的肉質腍軟而且相當入味。滷水汁不會太油膩，混合了豆腐後更加惹味無比，如果添多一碗飯便最好不過。潮式蘿蔔灌漿 $48我的最愛之物「潮式蘿蔔灌漿」，炸至香脆的表層漲卜卜，輕輕咬開置中的部分充斥著蘿蔔絲的香味。蘿蔔絲晴瑩通透熱騰騰並多汁，再添上少許醬汁更加錦上添花。鮑汁扣鳳爪 $78平常只會在早茶的鳳爪，估不到晩市也有售。鳳爪的份量相當多，鮑汁相當濃郁內含花生更加添上口感。鳳爪炆得相當入味，令人愈食愈想食。紅燒皇子乳鴿伴凱撒沙律 $56/隻中西合璧之菜式，紅燒乳鴿炸至香脆油份亦不高，每一口都有嫩肉相當美味。旁邊更有凱撒沙律可以中和辣度。咸菜豬肚湯 $128（4位用）豬肚湯洗得清晰可見並帶爽口，胡椒味道其高吃時小心刺鼻，咸菜被煮過後少了咸味，完全滲入了湯中相當入味。豆醬焗田園雞 $238/隻平常極少以豆醬焗雞，上桌後相當吸晴原因原隻雞奉上；輕輕切開置中肉質鮮嫩及肥美配合豆醬一流，如添加一碗白米飯便完美。方魚雞球炆栗子 $98栗子相當軟身，輕輕咬一口容易鬆開。頂層放有少許方魚脆身，加添無限口感。雞球的雞肉被栗子炆過後非常入味。沙茶牛肉炒河 $118每次到來必點之物，沙茶醬是全碟精粹所在。牛肉相當腍軟配合沙茶醬，炒河的濕度剛剛好，令到整碟相當入味。…查看更多

餐前小食有潮州鹹酸菜和花生小魚乾。潮州的鹹酸菜比較粗身爽脆，酸度適中。花生魚乾夠脆。潮州人叫飲茶做食茶，店名的 Chateh 就是食茶的意思。Teh 就是口水多過嗲那個嗲了，哈哈！食潮州菜必試滷水，這個滷水鵝肉拼盤的滷水醬汁味道濃厚而不死鹹。拼盤有五種食物，十分豐富，每種都滷得夠味。方魚雞球炆栗子色彩繽紛，方魚乾好有鹹鮮味，令人食指大動。栗子外形渾圓，粉甜可口。乳鴿仔細地一開四，皮脆肉嫩。伴碟凱撒沙律也頗新鮮。糖醋伊麵賣相有點像 pizza！灑上醋和白糖，酸甜香脆！杏汁白肺湯的工序繁多，出街食假手於人更好飲，哈哈！杏汁燉得香濃，非常滋補美味。甜品選了下火的清心丸綠豆爽。晶瑩剔透的清心丸，口感有點彈牙。…查看更多

病癒後要出山啦~相約朋友飯聚, 之前看過有人介紹呢度本人覺得裝潢甚特別, 近門口的幾張大檯, 改用若隱若現的設計來代替密室式房間中菜館配上時尚感裝潢, 一d都唔老土好彩今晚人數剛好,可以預留一檯, yeah~單看餐館名字, 以為只是提供中菜而已一坐低, 侍應便送上功夫茶及前菜, oh原來是吃潮州菜呢前菜 - 咸酸菜, 果仁仲有我最鐘意嘅潮洲辣椒油, 勁香有辣味, 但又不麻潮州菜又點少得來個滷水鵝肉拼盤唔知點解一向鐘意食配菜(墊底的豆腐片及花生)多過主角(鵝片)當然有好多人都相反, 今次我全部都有食過豆腐片好滑, 花生夠淋, 鵝片入味肉質嫩重點菜式果然做得其實我唔係潮州人, 唔理係唔係潮州菜, 好吃就會放落肚鮑汁扣鳳爪喂, 又係我鐘意既配角炆花生出現啦, 超正而鳳爪都炆到好淋, 連伯伯婆婆都容易食到夠淋夠入味, 好似一"lun" 骨肉便分離 雜菌炒牛仔粒有鮮花同紅蘿蔔做伴碟主菜牛仔粒加入色彩鮮艷的甜椒, 又有乾蒜片, 賣相好靚, 真的做到色香味俱全!唔係潮州人既我, 當然對潮州菜見識少 檸檬燉鴨湯, 在坐幾位朋友都未試過侍應幫我地分好, 還即場介紹, 湯料則另上 第一次飲潮式湯, 真有點令我意想不到湯料有鴨有雞肉, 不過想不到是加入咸檸檬 呷一口, 有濃濃的檸檬味道, 酸酸咸咸的, 但又帶肉味, 估唔到都幾襯喎平時只飲過咸檸七, 估唔到原來咸檸檬都可以煲湯架喎呢個湯係推介, 下次黎一定要點!我自己比較鐘意食香口食物 脆盞菠蘿咕嚕肉, 又係好靚而家食飯都好少見有"雀巢"了呢幾道菜既配菜都唔可以錯過當然主角都做得好味, 豬肉唔會太肥, 又唔會有太多粉試過好多時, 都係炸粉多過肉, 比佢呃哂呢度真係真材實料呢~每次食飯, 我一定要點個菜 花甲煮水瓜用湯浸的水瓜, 吸收哂湯的鮮味免去炒的油膩感花甲大隻且無沙最後, 甜品當然不少得 杏汁蛋白芋泥,芋泥, 杏汁蛋白2樣分開食, 其實係唔錯不過夾埋一齊食, 芋泥就會搶過杏汁的味道, 而芋泥就像平日吃的芋茸飽入面的餡般, 是有點甜如果唔係十分愛芋泥, 甜品Menu中還有杏汁蛋白茶的 杏汁唔會過甜, 蛋白都很滑甜品總為這晚作完美句尾....未住又忘記自己在吃潮州菜呢?!因為飯前飯後, 都會奉上功夫茶呢, 這才為完美!!!…查看更多

今日同男朋友先去試菜，準備母親節嘅時候有一餐可以令奶奶開心的晚餐。當然要事先試一次先得啦。先前行街經過百樂小館，裝修不錯，地點方便環境整理，應該都幾奶奶歡心嘅。【滷水鵝肉拼盤】$148 食潮州野當然要食滷水拼盤。鵝片好入味😘又厚身。游水墨魚都幾好咬口，而且唔會好咸。做頭盤係一流👍【蜜汁燒雞翼】$58 一共有5隻大大隻。成隻雞翼都有蜜汁包住，聞落陣陣甜味。而且外皮有點點脆同小小粘口。【鮑汁扣鳳爪】$78 對於鳳爪真係又愛又恨。正正就係喜歡滑滑的皮和烹調到汁去到皮下，一次過品嚐多重濃味感【杏汁白肺湯】$68 毎位 $168 4位用 講真！係屋企洗豬肺真係好煩。材料真的準備得十分好，內臓的味道無咩，返而杏仁味好香。【老香櫞炆一字骨】$118 特別推薦👍真正師父出品。肉感軟得來有少少咬口，加上醬汁令到豬肉味道得以提升【黃豆醬炒鯧魚片】$188 好罕有的魚片，一般係街市都找不到。食落好似深海龍躉，不過無咁實身。【黃金炸雙棗】$120 睇個名以為係齋。而現實係海鮮，一個係蝦一個係蟹。炸物幾香口。【金瓜九肚魚烙】$98 待記強烈建議，新派薄派，外表似足蠔餅，但沒有好多油…查看更多

美麗華商場真係多左好多食肆,自從之前上過去3, 4樓發現天外有天, 格局唔同左仲有好多新食肆後, 今天就來跟朋友們吃一下潮州菜~~~這家的名字也出名, 口啤也不錯, 所以決定來試一下!! 上到來環境蠻舒服的, 雖然只是平日的晚上, 但客人也蠻多的, 看看餐牌想吃什麼, 幾位朋友就每人諗一樣叫下……滷水鵝肉拼盤($148)~~~潮州菜唔可以唔食的, 當然是滷味啦, 拼盤就最岩做頭盤, 各類不同的, 有鵝肉、雞蛋、墨魚片、豆腐等, 全部都好入味, 鵝肉啖啖肉又唔算太肥, 墨魚片幾彈牙爽口, 最愛當然是豆腐, 勁吸汁入味, 而且滑嘟嘟~~~麻醬手撕雞 ($180 一隻 / $90半隻)~~~繼續食雞呀雞, 唔記得左呢度係半隻定一隻, 哈哈~~~但雞肉好嫩, 雞皮也是, 所以怕肥都食埋!! 加上好實在的麻醬, 應該唔會有人唔鍾意食, 推介的一款啊!!!潮式蘿蔔灌漿($48)~~~個名好得意, 未見過未食過就試下, 原來係炸蘿蔔, 裡邊係切了絲的蘿蔔條, 可以見到精瑩通透的絲狀, 又爽口又滑~~外皮炸粉好脆, 金黃色, 吃入口就好薄完全唔會覺得厚的感覺……椒鹽九肚魚 ($88)~~~熱氣但見到又會叫的一款, 外表脆脆加裡邊魚質滑滑, 嫩嫩唔會乾, 配上椒鹽的咸味道, 一如以往是超match的一款~~羊腩煲 ($288)~~~今個冬天未食過, 小妹本人很奇怪, 羊架羊肉那些有時很怕那股蘇味, 但羊腩煲我又好鍾意食, 可能加了無數香料, 加上那個汁可以淘一碗飯的份量, 仲有配埋枝竹, 最鍾意食!!! 這裡一上會配上一碗汁, 給客人耐久了的時間再加入去, 那就不會太少汁或太乾了, 蠻貼心的!!! 先吃了一舊羊肉, 超級超級的稔, 肉質很好, 不用咀嚼太多便吃了, 皮也很有質感嫩滑的, 枝竹不用說是點綴不可缺少的一款材料, 美味啊!!!臘味飯 (4位起 $240)~~~好耐無食過了, 難得天氣凍凍的, 就小伙兒叫了一個, 因為要4位起所以睇下大家食唔得得晒, 結果大家果然都是大食的, 哈哈!! 好多材料, 比想像中多及大, 本來我以前覺得這類飯會好油, 但一上枱望上去又唔算, 而且超級的香, 味道不會太咸, 吃著吃著真的感覺冬天來了, 吃完跟羊腩煲一樣超級溫暖!! 不過個人認為可以用小煲, 弄2人份, 那樣銷量應該會更好……薑汁湯丸~~~最後來一個圓滿的甜品, 冬天當然離不開熱烘烘的及薑味東西, 所以點了這個, 雖然忘了價錢但我記得唔太貴是相宜的, 湯丸有四大粒, 入邊係最愛的芝麻味, yummy!!! 吃完這餐完全消了寒氣, 很不錯的一餐, 有很多款式還沒有吃, 下次再跟朋友們來encore一下…….…查看更多

行完街走左去百樂食飯，呀爸呀媽都好中意一黎就有功夫茶飲，抖順條氣先!呢個雞腳又幾林，仲有好多花生呀!我真係好中意食雞翼，如果多D蜜糖就正啦!潮洲野點會唔食滷水，個滷水鵝好好食，好入味又好林蝦球麻麻，好大雞黃味，可能我唔太好鹹菜豬肚湯勁濃呀，會越飲越辣，成大盆一家人都陪飲，正!哇，勁香口，超中意呢味，有少少想飲返杯添沙茶河有回辣感覺，內有花生碎，蛋有炒過，菜就林左D，都幾有特色食完飯未夠喉，叫多個糖水食，番薯糖水就一段啦，冇特別甜，個湯就薑汁味幾重媽媽中意呢D中式甜點，我一開始都唔太想食，點知一食就...勁好食呀!!!好香棗味，仲有一層層感覺，不過都幾甜下，食一舊夠啦!!…查看更多

或許只得你共鳴，可歌可泣的感性。如果有人與你是有共鳴，我想這就是眾人所説：「臭味相投吧！」是夜再次又是朋友相聚，異口同聲地選擇「百樂」。我想「百樂」已經得到大家的肯定，起碼朋友們都憶記吧！ 一行10人莫過於來到大家熟悉的地方，普通的圓枱、熟悉的面孔與美味的佳餚；我想這處而且成為我們的聚腳點吧。 鳥籠中帶有私隱度是我大為喜愛，圓枱型的設計每位客人都能夠吃出每道菜式。朋友還未到齊，店員總是細心地遞上功夫茶；功夫茶利用翡翠盛載深得我心，苦中帶甘不會苦澀。旁邊有三碟前菜供應：酸菜、花生、辣椒油。潮式的酸菜少酸帶甜，份外開胃。花生脆身又有咬口，愈食愈滋味。 雜菌炒牛仔粒 $78 牛仔粒嫩滑，每口牛都能鎖住肉汁。還有少許雜菇可減少膩度。 五香炸芋絲卷 $48 酥炸芋絲卷脆口而不太膩，一絲絲滿帶口感而且不會太乾身；如添加一些醬汁伴住會更美味。 滷水鵝肉拼盤 $148 原碟滷水鵝肉片賣相已經相當吸引，旁邊放有白醋汁以供享用。鵝肉油脂分佈平均，我要吸收了滷水汁大為入味。 墨魚片每塊顏色通透，切到平均不會太硬恰到好處。潮州鹵水同其他鹵水唔同之處，就係會先將藥材落鐵鍋炒香之後再煮，醬香濃郁，連墨魚片都大為入味。 潮州滷牛展 $88 別以為牛展會比較硬身，師傅切是薄片紋理分明，滿滿滷水味道盡現。 咸菜豬肚湯 $128 咸菜胡椒豬肚湯，一兜可分出5-6碗，胡椒香氣十分香濃。豬肚不太硬，胡椒味道濃烈不俗。 黃金炸雙棗 $120 吃潮式的東西必定有炸物，「黃金炸雙棗」又是想念故鄉的一道菜。第一口蟹棗感受到那份鮮味，別以為只有蟹肉但原來有馬蹄內；完全佈滿驚喜帶有口感。蝦棗炸至金黃色，外脆內裡亦有馬蹄在內；配上少許甜酸汁大為惹味。 羊腩煲 $288 寒冷的天氣這個羊腩煲確實來得及時。羊腩不會太過羶味，而且啖啖肉。旁邊的支竹及生菜吸收羊腩的精華，吃過後有一種溫暖的感覺。 潮州蠔烙 $88 每塊都炸至香脆，而且滿滿的蠔仔在內；如果喜歡蠔的你可以試下，的確有驚喜。 臘味飯 $240 來到今晚的主角，別以為只在大排檔才有臘味飯，估不到此店更加出色。原煲奉上有臘腸、臘肉、臘味的配料，貌相已經相當吸晴，旁邊更放有一碟油菜。所有材料與飯粒都配合得天衣無縫，添上了醬油後令整個臘味飯昇華到另一境界。 清心丸綠豆爽 $38 最後少不了的甜品，是夜我不再選芋泥、杏仁茶、棗糕等，卻換上了清心丸綠豆爽。綠豆永遠是清熱之作，轉季最適合的湯水莫過於它吧。爽甜而不過火，完全有潤肺之作用。 是夜多得朋友一致同意到「百樂」，只因一起堅持這分傻勁。「百樂」見證我們很多快樂時光，期待下次重來此處相聚。…查看更多