陳儀興飯店 (崇齡街)

營業中

休息中

陳儀興潮州打冷菜，香港數一數二出名嘅潮州餐廳！今日一於去試一試！建議大家要約齊三五知己去，因為每碟菜式都好大份，同朋友一齊share就最開心🥳個人喜好最鍾意鹹蛋黃炸雞軟骨香脆好味熱辣辣，蛋黃味好香，而且食落唔肥膩，配埋支啤酒就頂呱呱！PS: 大家多人用餐的話，記住要訂枱！

太耐冇食打冷👀突然口痕就約咗朋友到呢間位於新蒲崗嘅打冷店#陳儀興飯店，鋪面裝潢簡單，但就係適合成班朋友吹水傾計！🍴潮式蠔仔餅 $85👅食打冷、大排檔點少得炸蠔餅呀！但唔係間間都整得好食👀而呢間整得幾令人驚喜！首先好多蠔仔，啖啖肉🦪超滿足！然後最驚喜係佢炸皮好薄好脆好輕身，油而不膩😋完全冇油炸完個種油溢感，非常推薦！🍴潮式滷水拼盤 $135👅一個拼盤滿足你所有願望😳 紅腸、豬耳、豬頭肉、豬大腸、鮮魷、滷蛋…雖然好多選擇，但就咁食我係覺得好普通嘅，不過配埋佢嘅秘制辣椒醬就好食好多😬🍴避風塘茄子 $95👅一上菜我地都嚇親，超級大碟😳 茄子水分好足，炸粉同樣好薄身！有朋友話好似食緊炸魚柳咁😂加埋啲辣椒、炸蒜等調味超惹味！就咁食啲香料都好正，同埋超級好送飯🍚😬🍴潮式滷水鵝片 $158👅每塊都切到薄薄地，唔會過厚！每一塊都好入味！滷水味道好香，又唔會鹹～雖然佢係鵝胸肉位，但都唔會好鞋好硬，肉質唔散！🤩

來這裡，真係冇特別預期的，純粹係打完風，想外出走走，就回去我成長的地區—新蒲崗。原本係想去幫襯吓同一區嘅豬油雲吞的，奈何打半日風，唔開，老公興緻盎然提議去呢度。兩個人唔覺唔覺叫咗七樣嘢🥹(排位絶對跟先後😆)1.蠔餅2.滷水鵝片3.普寧浮豆腐4.烏頭5.潮州炒麵線6.滷水拼盤7.百花炸大腸8.可樂這裡食物其實不錯，其中特別係蠔餅，正宗唔hea ，有蠔雖然唔算多，但無被欺騙嘅感覺，最重要係新鮮熱辣炸出嚟，脆口得嚟唔油膩🫶🏼。嗰個普寧浮豆腐，炸出嚟外脆內滑，浸韮菜鹽水，名符其實浮豆腐😙滷水鵝片焾滑，無羶味☺️🫰🏼(開心)另外滷水拼盤嘅生腸同豆腐都好好味，生腸脆，真係堅係爽脆無怪味(這個很重要),墊底豆腐滑一啲都唔老，不過滷水就係滷水，唔會特別好impressed 。條烏頭新鮮，烏頭呢種魚本身肉質唔屬滑嘟嘟，呢度整得唔會死實實，暗藏黃油但又唔會好肥，可能大小適中容易掌握得到火喉，夠味，唔沾普寧豆醬都👌🏼。炒麵線恰味道到好處，麵線本身好食，不論質地定係味道都係好味嘅。試過响其他地方食過太咸，原來麵線本身搓嘅時候已調好了麵線本身味道。但係呢度就無乜配菜，佢哋只係得炒蛋同啲啲🤏🏼芹菜😑，其他地方係有加

約左班friend好耐，終於約齊腳去食陳儀興潮州菜，聽人講話好食，所以大家約去試下～店舖地方唔係好大，門口都係舊式潮洲舖咁，入到去坐，望下周圍d枱order啲乜，好多枱都有叫潮式淹瀨尿蝦，咁我地都唔執輸叫了1碟，仲有order左蠔餅、滷水拼盤、其他小菜～都算快上菜，上左第一碟滷水拼盤，冇乜驚喜，同其他打冷店差不多，再來一碟潮式淹瀨尿蝦～泰式生蝦食得多，生食瀨尿蝦就未試過，一人一隻～嘩～正，汁好濃，有d醋味，好食，我地隨即再encore 一碟～真係好食～而其餘小菜就冇乜特別～但唔差～