巷仔內

營業中

休息中

呢日去咗觀塘食生日飯！呢間餐廳喺觀塘工業中心入面，地鐵站行過去方便～餐廳都幾大間，座位都幾多，白色木系裝修，環境幾舒適😊近門口有個位置，放咗綠茶、冬瓜茶、冰水，下午4-9點，買任何主食都可以無限添飲，特別個冬瓜茶幾好飲🤭叫咗呢幾樣，手撕巨無霸炸全雞 $198上檯嘅時候插咗生日蠟燭，仲有福如東海、壽比南山嘅牌😂 再加大大個壽字，都幾震撼😍隻雞熱辣辣，炸到金黃色，勁多肉汁，嫩滑，連雞胸都唔鞋👍搣嘅時候睇住焫親手😂😂紅燒牛肉湯飯 $78牛肉夠腍，跟咗個飯有大量粟米，仲有半隻溏心蛋～快樂地瓜球 $38勁Q彈，有少少煙煙韌韌咁，呢個好食！！小朋友食唔停口滷味拼盤 $48呢個滷水拼盤嘅開心，有豬耳，白蘿蔔，雞中翼，牛筋，全部都係我鍾意食嘅嘢，夠晒入味，個蘿蔔仲好腍！蒜味香腸 $35好耐無食台灣香腸，面頭有啲生蒜同胡椒粉～另外仲叫咗兩杯嘢飲～百香果蘇打 $23 加椰果 +$5蜂蜜柚子梳打 $25 加愛玉 $5兩杯都唔會過甜，味道剛好👍正宗台灣人主理，價錢實惠，喺觀塘都食到正宗台灣風味！推介推介🙌

間中就想吃台灣菜, 路過觀塘google下就見到呢間放工時間逐漸人多, 木系裝修, 地方夠寬敞起檯上有QR Code自助落單, 食物都快送上雖然都睇埋Openrice, 食評好壞差半, 自己唔試過唔知的~食台灣菜點可以唔飲返杯手搖, 飲品大部份係可以自訂甜度, 溫度, 同樣可以加食材 (珍珠, 蘆薈, 仙草等等)我點的桂花釀烏龍+仙草+去冰, 雖然呢杯無得揀甜度, 但我幾鐘意, 桂花味都重, 加埋仙草唔會太甜朋友果杯生活泡沫綠茶+愛玉, 走甜, 是沒特別的正常野食物就點了”三牛”麵, 即係犇三寶牛肉麵 $88 (轉咗新竹米粉) 湯底好濃郁, 飲落有微微的藥膳味道, 我是非常ok的, 不過男友就覺得濃咗d三犇是甚麼? 有筋, 有𦟌和牛肚, 仲有一隻流心蛋, 非常豐富牛全都是滷過的, 好入味新竹米粉很爽口, 是台灣的味道, 正!滷味拼盤 $48入面都有好幾款食物, 份量都唔少: 雞翼, 豬耳, 牛筋和白蘿蔔全部都好入味同好淋, 白蘿蔔清甜添手擲巨大炸半雞 $118, 自選咗芥末椒鹽 (+$2)附送手套比人客即場撕開, 真係即炸, 撕開時超熱, 同埋皮很脆, 聽到有卡卡聲肉嫩皮脆juicy,

觀塘區平日晚市都不算旺無意中試左呢間新開台灣食店性價比高，食物有質素，有台灣人主理，而且環境寬敞拍拖/一班人來聚餐都適合滷味拼盤$49有咁多款小食，而且每款都食得出係用心餚製～蘿蔔質感特別，外淋內脆，第一次食到呢種口感豬耳&牛筋非常入味，豬耳係厚切，質感好過外面普遍鋪頭煮法牛肉麵湯底濃郁，適合重口味人士蝦餅飯都很不錯，飯用了珍珠米，蝦餅新鮮炸起，大大舊&肉質好扎實台式飲料正常發揮如果唔知食乜/一大班人會再encore呢間