順興茶餐廳

營業中

休息中

今日放假 突登黎大坑覓食想試呢間滑蛋豬扒飯好耐咁岩唔算多人排隊 即刻決左就試試呢間店舖唔算大 大約有30個位但turnover快 好快就排到入去之前已經諗定食咩最後叫左一個車仔麵，一個滑蛋豬扒飯，一個鮮油多同兩杯奶茶車仔麵可以簡湯麵同拌麵版 今次就試左拌麵版味道唔錯 份量正常 配料睇得出有花心機去到主角豬扒飯符合預期滑蛋加豬扒加秘製鼓油加蔥花 真係無得輸滑蛋同豬扒都好juicy 成個配搭好好食杯凍奶茶都好滑同好香總結：去開大坑可以一試

成日見人影滑蛋叉燒飯其實就係呢間大坑老字號！雖然佢嘅招牌菜係滑蛋叉燒飯不過個日想食豬扒多啲～所以就點左滑蛋豬扒飯滑蛋豬扒飯$57（送熱飲 ）賣相好吸引蛋漿氾濫咁😍蛋好滑又有埋蛋汁, 真心出色！豬扒好靚仔 肉質軟腍又入味 豉油係分開擺,自己鍾意落幾多都得（我落左好多豉油, 佢隻豉油唔咸🤣）不過好多飯, 下次要嗌少飯～ 抵食又好味, 一定要試！

本身其實想食另一間餐廳，但係奈何太多人排隊而我嘅食飯時間有限，所以就嚟食依間我都bookmark咗好耐嘅茶記☺️佢最出名嘅係滑蛋系列～咁就梗係要嗌嚟試🥰🧡滑蛋菠蘿油🧡💵$28依個係大坑名物嚟～菠蘿油本身已經夠晒邪惡，佢仲要配埋滑蛋😈我覺得都係好食嘅，菠蘿包仲暖暖地，再加上熱辣辣嘅滑蛋同凍冰冰嘅牛油，係有少少冰火兩重天嘅感覺😂我諗鍾意食菠蘿油嘅人應該會幾鍾意食～但係我覺得其實都係想像到嘅味道嚟😂💜滑蛋豬扒飯💜💵$57賣相唔錯，滑蛋份量都好足夠配飯食～豬扒腍身而且已經切好一條條咁方便你食🥰味道係好食嘅，算係正常好少少嘅茶記質素，但係未去我預期中好驚艶嘅程度～💕overall💕食物味道唔錯～不過唔好特別抱太大期望😂

大坑名物！半世紀老字號 順興茶檔上次太遲黎 食唔到馳名滑蛋菠蘿包。今次醒少少趕係lunch hour之前到訪，終於食到啦！佢地嘅招牌滑蛋飯都好受歡迎 (好似11點後先供應)▪️滑蛋菠蘿油 $28一大朝早食到呢個邪惡菠蘿油 真係勁滿足！菠蘿包暖笠笠好鬆軟~ 上面嘅菠蘿皮夠脆就基本啦，連中間切面都經烘過。滑蛋嫩滑，份量十足之餘，又唔會整到個包好濕好腍。加埋凍嘅牛油，冷熱交融 好香好正！▪️滑蛋豬扒飯 $57滑蛋多到完全見唔到啲飯！生熟程度岩岩好，超滑嫩富蛋汁蛋香。飯粒分明唔會過乾，加上滑蛋、蔥花同微甜既豉油，基本上係不敗組合。不過豬扒就一般般，肉質偏硬，正常茶餐廳質素~ 但勝在份量慷慨，每一啖飯都食到蛋同豬扒，輕鬆清晒成碟。加3蚊有埋凍奶茶！

近排去咗大坑一間好出名嘅茶餐廳 平日中午去都大排長龍 唔知係咪真係咁好食呢😚👅滑蛋菠蘿油 $28呢個係佢哋嘅招牌菜 佢嘅菠蘿油真係幾好食😋菠蘿包嘅皮做得好鬆脆 入面嘅蛋幾厚 同埋食落幾滑 再配埋牛油 一齊食又甜又鹹 平衡得幾好 邪惡得嚟好好食🤤不過如果牛油再厚啲就更好啦👅滑蛋豬扒飯 $57呢個又係另外一個招牌菜 佢嘅蛋的確好滑 豬扒唔會太鞋同太靭 豬扒嘅份量都幾多🤩不過豬扒嘅炸皮會比蛋浸淋左🤭豬扒飯再加上佢嘅醬油 一齊食幾好味😛不過其實佢嘅醬油同普通豉油食物冇乜分別 👅車仔麵 $74佢唔同餸係收唔同價錢嘅 我哋叫咗咖喱魷魚 齋 香腸 煎蛋同魚皮餃 配油麵 （小辣+腩汁）女小編覺得最好食嘅係咖喱魷魚😍咖喱味幾出同埋魷魚唔靭 其他就正常 油麵就淋咗少少 同埋如果湯底再濃郁啲就更好😚👅凍奶茶 （跟餐加$3）呢個好推介大家飲‼️佢嘅奶茶味道幾濃 飲落好滑 奶味偏重 甜度啱啱好 真係幾好飲🥰總括嚟講呢間茶餐廳嘅食物水準幾高😋大家嚟到大坑不妨一試😚😋 好味：8.32/10🤑 價錢：7.34/10🤗 服務：7.21/10😝 環境：7.15/10😚 衞生：7.03/10🤩 整體：8.00/10

當日的週末下午，跟兩位好姊妹一起走去遊大坑，其中一位建議去位於安庶庇街的 <順興茶餐廳>，不過，另一位稍後 join；我們一行2人，排隊約半小時！這裡地方細，坐得迫狹！怪不得要如此久候啦！ 疫情下，桌上加上隔板以保持距離！大家要留意營業時間：星期二至日 7:00am ~ 4:00pm起初，我都想上個月在銅鑼灣 Birthday Staycation 再幫襯，可惜時間就不到，又好早收舖！未有機會幫襯第二次！供應港式美食，滑蛋飯系列是招牌菜！ 除此之外，還有車仔麵可供選擇！我第一次幫襯，我點了滑蛋豬扒飯，她點了車仔麵！滑蛋飯系列包括：滑蛋豬扒飯、滑蛋魚柳飯、滑蛋叉燒飯、滑蛋蝦仁飯、滑蛋牛肉飯...滑蛋豬扒飯 $55蛋份量頗多，白飯基乎完全被掩蓋！ 帶有蛋漿的滑蛋的確口感滑溜！ 豬扒也落足料，切件上方便進食！經輕輕煎過，香口入味！ 白飯軟硬適中，淋上豉油，惹味又開胃！配熱飲：熱檸檬水食完 Heavy 的午餐，飲杯熱檸檬水消滯就最好不過嘞！

大坑呢間順興茶餐廳啲滑蛋飯不嬲都出名架啦，而我就由細細個小學雞到依加出黎做野都keep住有食，我每逢星期六，日中午時分行過都好多人排隊，所以我就通常食會晏少少去食。講到食物，我自己就最鐘意滑蛋叉燒飯，不過咁岩今日晏左去食，啲叉燒賣晒啦，我就轉食左滑蛋豬扒飯，碟飯一黎到，我就即刻食了一啖，啲蛋都仲係好滑，正😄，豬扒我都好少係呢間食，啲豬扒似係少少炸過下咁，整體來說都幾好食，不過呢間下午三點就收工啦，想食就早啲去啦。

提起滑蛋飯🍳第一間就諗起順興😆住九龍嘅我地都bookmark左佢好耐，第一次黎排哂長龍就放棄左🙉今次星期六下晝好好彩唔洗排! 會坐得比普通茶記逼少少😬個飯就正常，無想像中咁好食🍤滑蛋蝦仁飯 ($62)滑蛋份量幾多，舖過哂啲飯😝睇到有少少蛋汁🧐但食落又唔係咁滑溜，蛋香都無乜🥺我地覺得有少老🙈蝦仁都算大舊同爽口嘅😝有8隻~🐷滑蛋豬扒飯 ($56)豬扒稍稍炸過，皮比滑蛋浸淋左都算件正常事～個滑蛋都係熟左啲🤧唔夠嫩滑，加埋甜豉油撈飯好味啲😙無期望會好有肉味，都juicy嘅，味道同其他茶記差唔多

Wohooo今次終於同好友👭🏼黎左大坑了🤩孤陋寡聞既我之前真係未黎過呢個地方😂畢竟對於住左新界既人黎講真係有啲遠🙃不過今次好友帶路由天后行去又好似幾方便咁😳-🎈滑蛋豬扒飯 $56Super good🥰雖然環境來說只是普通茶餐廳而已，但所有東西都很地道很港式😎而選擇困難症既我都揀左好耐究竟係貪心咁要佢既三寶飯定係只叫豬扒、叉燒呢🤔最終就聽好朋友講叫呢款滑蛋豬扒飯😆一上枱睇到真係超足料，滑蛋係cover哂所有飯😋蛋滑得黎仲要配埋佢既甜豉油真係冇得輸🤩而豬扒炸粉一啲都唔厚，食落好鬆軟亦好入味😌-🎈鮮油多士 $22本身一心期待想試佢既滑蛋菠蘿油☺️點知賣哂所以就叫左個鮮油多士🙆🏻‍♀️係塊勁厚既牛油放落去邪惡到呢🌚🌚-🎈凍奶茶 +$3仲跟餐叫左凍奶茶🤣飲落茶底都濃郁的但未算太特別🙈所以奶茶來說想試下炳記多啲🥳-🔸順興茶餐廳📍大坑安庶庇街5號地舖

以前喺銅鑼灣讀書經常入黎大坑搵食，順興就係其中一間常到嘅餐廳，因為佢嘅滑蛋叉燒飯真係令人回味無窮，外面有d鋪頭滑蛋做得好好，但叉燒可能始終係攞貨，質料難以控制。惟獨順興嘅滑蛋叉燒飯，無論係滑蛋定叉燒都一樣有水準，再加上自家調製嘅鼓油醬，真係色香味俱全！我記得以前淨係得叉燒同蝦揀，但而家加咗豬扒、魚柳，好多選擇，我朋友點咗滑蛋豬扒飯，一樣咁靚，豬扒表面油光十足，睇見都流口味餐飲一樣夠晒大杯，好抵飲。惟一可以改善係阿姐隻手揸住支飲管，仲要放喺枱面，如果可以有獨立包裝飲管會比較衛生。

我同男朋友專登請咗日假去放鬆下，就research咗一間港島出名嘅地道茶餐廳試試佢。叫咗好出色嘅滑蛋菠蘿油同滑蛋豬扒飯，加杯凍奶茶～上菜幾快，啲野全部新鮮滾熱辣，最驚喜嘅一定係滑蛋菠蘿油。菠蘿包外皮雖然冇話特別脆，但面包鬆軟，夾埋厚厚嘅嫩滑牛油炒蛋，我地食完第一啖係驚豔到大家隻眼都撐大咗😂另外滑蛋豬扒飯都係招牌之一，一樣，滑蛋綿滑，豬扒鬆軟，份量好足，加埋杯好甜嘅凍奶茶(個人好鐘意個甜度同口感)，我地就嚟飽到行唔到haha順帶一提，大坑呢區真係每次嚟心情都好好，希望大家好好珍惜

1. 滑蛋豬扒飯🍱 ($55)// 滑蛋食落有啲似炒蛋🍳基本上已經熟咗九成不過小編幾鐘意😚而且都幾厚💛豬扒稍稍煎過🐽肉質鬆軟不過唔算有肉汁~但好入味同埋鬆軟得嚟保留咗啲咬口🤏🏼而且飯粒分明🍚 //.2. 招牌滑蛋三寶飯 ($66)// 三寶即係有蝦🦐牛肉🐮同埋叉燒🐷~一次過滿足曬三個願望🙉啱曬啲選擇困難症嘅人😂叉燒薄切但又幾好食喎衰鬼😻牛肉係用咗鮮牛肉整，按埋自己喜好加埋豉油係茶記不死組合🇭🇰// .3. 凍奶茶 (+$3)// 小編去親茶餐廳都一定會飲奶茶🙈因為覺得茶記嘅奶茶特別唔同🌸而順興嘅奶茶茶底好濃好順滑☕️不過奶味相對唔出~同埋茶記嘅奶茶預咗會好甜，不過為咗試到原汁原味所以就無嗌少甜個啲🙈甜度都接受到☺️//Food : 🌕🌕🌕🌕🌕🌗

大坑一向多美食👅呢次嚟到好出名嘅順興🏅食佢嘅招牌滑蛋叉燒飯，果然無失望，滑蛋出色，值得一試！————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣🥚滑蛋叉燒飯 $55蛋炒得超滑溜，火候控制得啱啱好，仲好有蛋香😋叉燒半肥瘦，幾軟稔唔痴牙。🐷滑蛋豬扒飯 $55豬扒醃得入味，配埋個甜豉油撈飯認真一流👍🏻🍍滑蛋菠蘿油 $26菠蘿油相比之下就略略失色🙊滑蛋份量十足，但菠蘿包偏淋。菠蘿油推介西貢咖啡餅店，外脆內軟，去親都大排長龍，入西貢必食👅💡味道：🌕🌕🌕🌗🌑⠀⠀💡環境：🌕🌕🌕🌑🌑💡服務：🌕🌕🌕🌑🌑⁣⁣⁣⁣⁣⁣⁣💡性價比：🌕🌕🌕🌑🌑⁣

暴走大坑就係為左呢間半世紀老字號 順興茶檔港式地道茶餐廳 除左招牌車仔麵 滑蛋飯亦深受歡迎 不過最想食既都係滑蛋菠蘿包 點知平日12點去到已經賣晒 大家想食 記住早啲起身去！▪️招牌滑蛋叉燒飯 $55滑蛋份量十足 完全蓋過成碟飯 生熟程度岩岩好 非常滑嫩富蛋汁蛋香飯粒分明唔會過乾 加上滑蛋、蔥花同微甜既豉油 就係一個不敗組合唯獨叉燒中規中矩 薄切唔乾柴 但偏瘦唔算特別軟腍 食到最後真係有啲漏 可能抱有太大期望 覺得無啲人講到咁神級▪️滑蛋豬扒飯 $55係閃令令嘅吉列豬扒滑蛋同樣超滑嫩 但係吉列豬扒經過滑蛋既洗禮後 外皮變得不太脆 唯獨炸皮夠薄 肉質不柴份量真係好慷慨 完全可以每一啖飯都食到蛋同吉列豬扒 好易清晒成碟飯⁣⁣⁣⁣⁣⁣⁣⁣⁣⁣⁣⁣⁣⁣⁣⠀⠀⠀整體而言 滑蛋滑嫩富蛋汁 味道唔錯 但係冇啲人講到咁神級

午飯時間路經大坑，有好多食肆，疫情下大部份都無需等位，但見順興有一條小人龍，咁我咪上網睇吓順興有咩好食，原來係主打滑蛋飯，食評幾好，所以我哋又去排隊，我哋等咗10分鐘就可以入座。我哋叫咗順興嘅特別推介：招牌滑蛋三寳飯（蝦、牛肉、叉燒）$66，滑蛋豬扒飯$55。兩碟滑蛋飯賣相都幾靚，滑蛋有少許蛋汁，但我食落口覺得唔夠滑溜，亦無流心效果，無蛋汁流出來撈飯，但每碟飯都跟咗一小杯豉油，豉油不會過鹹，帶少許甜味，撈飯食一流。豬扒煎得唔夠香脆，醃得唔夠入味。蝦、牛肉同叉燒真係好普通，無乜味道。如果缺少咗滑蛋同豉油，佢哋只不過係一碟普通碟頭飯。間中食吓都無所謂，但如果要排長龍等位，我就唔會排。