老荔冰室

營業中

休息中

呢間茶餐廳好有懷舊氣氛，門口有戲棚元素，餐廳內嘅牆上有仿九龍皇帝字體嘅字同埋龍鳳牆，餐牌以戲院海報形式呈現，而且仲播住一首首流行經典嘅懷舊粵語歌~🍳滑蛋叉燒飯 $68色香味俱全，飯上面有一大塊炒蛋，裡面仲有唔少肥瘦適中嘅叉燒，配埋餐飲，非常飽肚！🥤凍兒童鴛鴦 （少甜）（加$3）鴛鴦係奶茶加咖啡，兒童鴛鴦係阿華田加好立克，好特別，而且味道都好好飲！呢間餐廳嘅餐杯上面好特別，上面會有不同嘅金句/ 迷語！🍜沙嗲牛肉麵 $55香氣四溢嘅沙嗲牛肉配上彈牙嘅公仔麵，係茶餐廳經典美食，沙嗲牛份量多，味道偏甜，有少少麻辣味，我地仲加$8跟餐要咗一杯特飲。🍹阿華田脆脆火山特飲 （加$8）好濃郁嘅阿華田味道，阿華田脆脆堆疊得好高，為飲品增添了豐富嘅口感層次！🧇金沙朱古力流心西多士 $45好厚身嘅西多士外脆內軟，切開中間會有融咗嘅朱古力流出嚟，上面仲有朱古力脆脆，令人垂涎欲滴~ 🥞餐肉炒蛋熱香餅漢堡 $36之前錯過咗熱香餅漢堡，竟然呢間茶餐廳有得食！而且佢仲係三層，上層係鬆軟嘅熱香餅，中間一層炒蛋、一層熱香餅、一層餐肉，最後底層再熱香餅。熱香餅蛋味濃，即叫即做，上層再自行淋上少許糖漿，令整體口感更加豐富~

裝修好有特色 加入門口戲棚元素店內仲有一幅特色龍鳳牆店內餐具同樣帶點玩味 杯碟上或底下會有唔同金句/迷語有時要食到底先發現驚喜老荔常餐 港式最經典嘅常餐又點可以無沙嗲牛肉我自己最鍾意嘅沙嗲牛配搭就一定係煎太陽蛋成個感覺都充滿港式風味老荔冰室嘅沙嗲牛肉同食開嘅有少少唔同係鹹中帶甜嘅沙嗲醬中又帶點微微麻辣香氣同公仔麵絕對係最夾嘅組合滑蛋叉燒飯 叉燒份量夠晒足料叉燒唔會太肥亦唔會太乾淋上豉油配埋滑蛋又香平時最怕街外白飯太糊 呢到啱啱好粒粒分明沙嗲牛肉芝士熱香餅漢堡 老荔冰室另一主打之一即叫即做又重蛋香嘅熱香餅配搭帶花生及麻辣香嘅沙嗲牛肉再加上芝士 鹹甜交織 相當惹味生炸雞脾即炸雞脾 送上枱熱辣辣外層香脆得黎炸漿又唔會過厚撕開雞脾即刻流晒肉汁椰汁紅豆冰咁邪惡嘅炸雞脾當然要配椰汁紅豆冰味道飲落唔會太甜充滿紅豆及椰汁甜味阿華田脆脆火山 阿華田上鋪滿阿華田脆脆口感鬆脆 令阿華田味更濃厚

- 荔枝角｜老荔冰室 -▪️滑蛋叉燒飯🥚🐷🍚溫蛋仲有啲蛋汁喺度，好滑溜，而叉燒份量都唔少，又唔會好肥，再加埋甜豉油嚟撈飯，好正▪️沙嗲牛肉煎雙蛋公仔麵🐮🍳🍜沙爹味道香濃，帶少少辣，好惹味，而牛肉就好軟腍，太陽蛋亦都煎得啱啱好▪️生炸雞髀🍗 配薯條🍟雞髀新鮮炸起，熱辣辣，外皮好香脆，入面肉質嫩滑juicy。薯條同樣炸得好脆口▪️沙嗲牛肉芝士熱香餅漢堡🐮🧀🥞熱香餅鬆軟，蛋味濃，配上沙爹牛肉同芝士，食落鹹鹹甜甜，配搭幾特別。想再甜啲，仲可以落埋糖漿▪️金沙朱古力流心西多士🍫🍞西多士炸到金黃色，外酥脆內軟熟，中間仲有流心朱古力醬，超級邪惡😈▪️阿華田脆脆火山🍫阿華田好濃郁，脆脆增添口感▪️椰汁紅豆冰🥥🫘椰汁味好出，有成半杯紅豆，好足料▪️雜果賓治🍑🍍🍊🥥有大量雜果粒，飲落幾清爽餐廳裝修以舊香港為主題，門口設計加入戲棚元素，店入面更加有酒樓先見到嘅龍鳳牆。而碗碟杯亦都印有港式金句同迷語，同埋一路播住懷舊廣東歌，充滿特色老荔冰室📍荔枝角青山道495號誠信中心地下1號舖

冰室門面以戲棚設計 裝潢結合懷舊同現代元素 充滿濃厚香港情懷✨龍鳳浮雕牆保留傳統特色 又不失時尚感 仿佛穿越到香港黃金年代🐲.📌餐肉炒蛋熱香餅漢堡 $36將西式早餐同港式茶記風味融合 夠晒fusion‼️熱香餅煎到金黃色 入口好鬆軟 啖啖蛋奶香🥞厚切午餐肉煎得好香脆🥓炒蛋份量十足 不過熟左啲 唔夠軟滑🍳淋埋楓糖漿 整體鹹甜鹹甜 好特別🍯.📌金沙朱古力流心西多士 $38西多士配朱古力流心 加埋面頭華田脆脆同朱古力醬 夠晒邪惡😈兩層金黃色厚多士 同時食到麵包同蛋香🍞內餡朱古力熔岩 一切流晒出嚟 好驚喜🍫.📌滑蛋叉燒飯 $68炒蛋好靚咁包住個飯 蛋味幾香 不過熟左啲🍳叉燒份量好多 醬汁甜甜地 加埋蔥花豉油更香口🍖.📌沙嗲牛肉煎雙蛋飯 $60牛肉好多塊 口感滑溜🐮沙嗲醬甜甜地 混入麻辣 微辣帶花椒麻香 又幾夾🌶️仲有啲花生碎增加口感🥜煎蛋夠滑 熟度恰到好處 蛋黃微微流心 撈飯食一流🍳.📌檸檬益力多 +$8益力多+檸檬 酸甜平衡 味道又幾夾 幾好飲🍋.📌阿華田脆脆火山 +$8底部好多華田粉 加埋華田波波脆脆 阿華田香味非常濃郁🤎.📌奶茶紅豆冰 $26粒粒紅豆口感唔錯 但太甜了🫘 好彩有啲茶香搭救下🧋

靚仔🤵‍♂️靚女😍細蓉🤭COT😂CO6🤪飛沙走奶🥛你又識幾多呢？地道嘅港式茶餐廳，好多都已經轉曬用QR code落單，呢啲名早就已經無乜人記得lu！今日同爸爸去荔枝角攞嘢，搵間餐廳食飯，就見到呢間既有懷舊特色又有地道港式傳統文化嘅「老荔冰室」！店舖門口採用懷舊戲棚元素嘅設計非常特別，店內每個角落都係打卡位置，設有卡位雅座、龍鳳打卡牆壁、即日上映電影設計嘅餐牌😜仲有播放一系列廣東話懷舊經典金曲，夠曬特色呀！🍜老荔常餐沙嗲牛肉太陽蛋公仔麵佢呢個常餐嘅沙嗲牛肉煮得好濃味，牛肉夠淋易咬，麵質煮到啱啱好！亦都係最經典嘅常餐添！🥚滑蛋叉燒飯🍛上枱滑蛋夠香滑，配以牛油香味，叉燒仲要用半肥瘦，呢個係一間茶餐廳必備。🥞餐肉炒蛋熱香餅漢堡🍔近期大熱嘅熱香餅，以咸甜配搭，夾住餐肉同炒蛋，個熱香餅煎得啱啱好唔係粉嘅口感，好有特色！🥪金沙朱古力流心多士職員話呢個係必點，老實講我都有見人地食過，心思思想order！黎到係好吸睛，本身好愛朱古力嘅我，入面仲要係流心嘅朱古力🍫，有誰可以拒絕呀！🌋阿華田脆脆火山呢杯阿華田絕對夠濃，唔講以為飲緊唂咕，上面鋪滿曬脆脆，口感十足！🧋奶茶紅豆冰🫘奶茶係每間地道茶餐廳嘅特色，亦都係

星期五約了朋友一起吃晚飯，答應了到荔枝角接她下班。朋友介紹最近荔枝角開了一間「老荔冰室」，裝潢漂亮，於是過來看看。這間「老荔冰室」門口是霓虹燈招牌，離遠看已非常吸睛。店內更有一對舊式酒店常見的龍鳳裝置，充滿舊香港情懷念。滑蛋包裹著白飯，上枱時，蛋汁還在垂垂欲滴，頗為誘人。雞蛋滑溜有蛋香，而叉燒入口就有蜜香味。白飯淋上豉油，鹹鹹香香，簡單又美味，但就稍嫌飯粒有點硬身。沙嗲牛肉麵，茶記名物！牛肉肉質幾腍，沙嗲醬濃郁惹味，鹹中帶甜，花生香味明顯。配上煎雙蛋，邪惡非常，蛋黃漿拌上麵條又是另一番美味。最欣賞麵質煮至帶爽身，同行朋友表示想encore多一碗。近來好hit的熱香餅漢堡，同樣配了沙嗲牛肉和炒蛋，賣相吸引。熱香餅軟熟有牛油香，中間夾著滑溜的炒蛋、香濃的沙嗲牛肉。3種不同的味道和口感，但組合起來又幾搭。大大件的金沙朱古力流心西多士！多士舖了阿華田脆脆作裝飾點綴，切開時已感受到它的酥脆。麵包外酥內軟熟，中間是朱古力流心醬，味道香甜。和朋友各點了一杯特飲：阿華田脆脆火山、椰汁紅豆冰。2款都幾好飲，不會過甜。

荔枝角有一間以舊香港為主題嘅新派茶餐廳，食物選擇多，主打沙嗲牛，都有創意食品，我地今次都試左唔同嘅味道。睇下餐牌先內部環境老荔特餐 沙嗲牛肉太陽蛋公仔麵$55沙嗲牛肉特別濃，又有花生香，不過味道偏鹹，所以適合配湯麵，減低牛肉本身嘅鹹度，同時令湯底更香濃。滑蛋叉燒飯 $68滑蛋叉燒，淋上炒過嘅甜豉油，加埋蔥花，會忍唔住，係咁食飯。阿華田脆脆火山 +$8同東南亞國家嘅美祿恐龍有異曲同工之妙，香港嘅阿華田增加口感，唔係沖多啲粉，整到有粉粒，而係直接加阿華田脆脆粒，咬落口感更豐富，不過都有啲甜。阿華田椰香 +$8茶餐廳嘅阿華田同好立克，都會加奶沖粉，今次加入椰奶，會多一種香味同滑溜，不過都係好甜。沙嗲牛肉芝士熱香餅漢堡 $38日本麥當勞#mcgriddle 來到香港之後，香港唔同茶餐廳都有所回應。今次嘅版本用沙嗲牛肉，呢度外皮同一般熱香餅一樣咁薄，但煎得硬少少，更似麵包，所以口感同麥當勞相近。呢度沙嗲牛肉好濃味，但偏鹹，連埋少少融化嘅芝士，加少少糖漿出奇地夾，味道呢個創意好欣賞，只係有啲難咬。西多士糖漿分開上，可以自己控制甜度，值得一讚。炸單骨雞翼+$18雞翼香料味重，但可以接受，最出嘅香料係

懷舊既是佢優點，全因為有港式冰室，先至留得住香港人嘅胃荔枝角呢間冰室裡裡外外都充滿港味，播住懷舊金曲，就算出面排晒隊，啲人都唔會鼓噪嚟得冰室醫肚，當然想食飽肚啲嘅碟頭飯，呢碟滑蛋叉飯都好人氣，炒蛋炒到好金黃，好多片叉燒鋪喺蛋上，非常誘人點豉油食更係神來之香，成啖飯level up沙嗲牛麵亦係冰室台柱，呢碗沙嗲牛調味極之獨特，微辣且香，肉質嫩而少筋，仲有兩粒勁圓勁靚嘅煎蛋公仔麵又入晒味，可以喺荔枝角爭霸喇沙嗲牛除咗可以煮麵，原來仲可以變Griddle，價錢好抵，就已經有好多層次熱香餅好鬆軟，有大大塊芝士，仲有大量沙嗲牛肉，食極都仲有咁，呢個性價比九龍真係存在？平時食開普通嘅西多士，金沙朱古力流心究竟又點呢？一嚟真係嘩嘩聲，好多見脆喺面，撥開再切開，好流呀，好澎湃嘅朱古力湧泉流出跟餐有得飲熱奶茶，都幾香濃，攤一陣會表面會琼住咗，睇嚟真係足茶料仲可以加錢升級特飲，奶茶紅豆冰好爆料，差唔多2/3杯都係紅豆，煮得夠爛，同奶茶好夾

2024.09.07【09.07  就是要 老荔(老黎)@ 荔枝角 老荔冰室】蒹葭. 詩經有云：蒹葭蒼蒼，白露為霜。所謂伊人，在水一方。是日白露金秘書回來不知何時開始金秘書開始寧可信其有講究意頭有伊人約我去約我吃飯有趣的是約在誠信中心等有誠信的金秘書提早到發現地下就有一家老荔冰室裝潢特別未夠3點，已經見到都有好多人排隊老荔~老黎~Call伊人：我想試試這家伊人：心有靈犀一點通門外店内很有趣的是寫滿打工仔的心聲店員的背部寫著我是樹窿起初想不懂後來就會心微笑除了用QR Code 下單有什麼想吃的都對她們說我和伊人都想點今期流行的沙嗲牛肉芝士熱香餅漢堡我要的是常餐-包沙嗲牛肉公仔麵，煎蛋，奶油豬仔包凍奶茶茶底非常濃郁奶味香滑， 比例恰到好處入口絲滑是我杯茶私心推介沙嗲牛肉芝士熱香餅漢堡熱香餅香軟沙嗲牛肉香而不辣有Ming廚爸爸的味道即是我最喜歡的沙嗲牛肉味配上我喜歡的芝士就是好吃由於沙嗲牛肉芝士熱香餅漢堡第一個上桌所以一定先吃它沙嗲牛肉公仔麵緊隨其後上桌雖然沒有第一時間吃但沙嗲牛肉依然好吃沒有給湯浸淡濃味沙嗲依然保持麵質彈牙煎蛋是美美的太陽蛋奶油豬仔包非常香脆由於太喜歡脆脆沙嗲牛肉公仔麵湯還

最新大熱嘅「老荔冰室」一聽個名果陣就諗起監房術如語(老荔=荔枝角收押所),的而且確店鋪位置正位於收押所附近。九丈遠都望到店鋪門外有霓虹燈掛住勁大隻「老荔」字，有如青衣戲棚！6:20分門外而排晒長龍啦，店內有龍鳳牆 ，中間係當舖字體嘅「老荔」，高檯果邊係有「九龍城皇帝」墨寶！當你坐抵叫野食果陣，你就係看不到的高牆～ 完全睇唔到門口排長龍！另一邊牆就係以前懷舊冰室嘅餐牌！有意思！店內播放著80年代經典流行曲，啱晒me呢d老餅又想當！ 如果你食到清盤大行動就會見到「金句王」「做人無公關，多士都無得食」金莎朱古力流心西多士 $38沙嗲炒蛋熱香餅漢堡 $38沙嗲牛肉芝士熱香餅漢堡$38滑蛋叉燒飯 $68沙嗲牛肉公仔麵 $55阿華田脆脆火山 $26 / 雜果賓治 $26有近期最大熱嘅熱香餅漢堡！沙嗲牛迷2款都叫晒，即叫即做，一定夠熱辣辣🔥 配埋楓糖醬+蛋香味，中意又咸又甜嘅你「不能錯過」！另外想講下個沙嗲牛比想像中好食，份量十足，味道係微辣中帶點甜，啫嘅me就要另加辣油先滿足到🌶️價錢合理，份量十足，當日7點幾就聽到冇晒沙嗲牛，時辰到就自然食到！食好西就趁早！

老荔冰室以其復古的裝飾和懷舊的氣氛而聞名。餐廳提供多種港式美食，如沙嗲牛肉麵、滑蛋叉燒飯等，深受顧客喜愛。其內部裝飾有香港舊式酒樓常見的“龍鳳大禮堂”風格。食物大件夾抵食，我哋三個人叫咗兩個主食同兩個甜品share。主食老荔常餐沙嗲牛肉公仔面配煎太陽蛋，麵條選用Q彈，牛肉塊燉煮至軟爛而不失嚼勁。半熟太陽蛋，增添了整道菜肴的色彩與營養。滑蛋叉燒飯，一道色香味俱全的經典港式美食。叉燒搭配細膩滑嫩的雞蛋，將傳統工藝與現代口味完美融合，呈現出令人難忘的美味體驗。甜品沙嗲牛肉芝士熱香餅漢堡，秘制沙嗲牛肉夾在金黃酥脆的熱香餅之間，豐富的層次感和獨特的風味。金沙朱古力流心西多士，外觀誘人，口感豐富，外層裹上了特製的朱古力華田脆脆，配上厚厚的西多士，在咀嚼過程中釋放出微妙的甜鹹交織之味。飲品咖啡紅豆冰，是一款充滿創意與驚喜的夏日甜品。醇厚的咖啡香與甜蜜的紅豆碰撞出意想不到的風味組合。每一口都是冷熱、苦甜之間的奇妙平衡，不僅解暑提神，更是一次味蕾上的奢華享受。我最愛嘅檸檬益力多，結合益力多乳酸菌飲，精心調製出這款檸檬益力多。此飲品不僅口感清新怡人，更富含活性益生元，好飲，推介！！