吞POT 雞煲火鍋.住家菜 (譽發廣場) (已結業)

Openrice訂座順便訂埋個4人餐 $888，雞煲5款中揀左標價最貴既滋補螺片花膠雞煲（1隻雞）花膠又多又大塊，唔係入口溶化果種，有少少咬口。最正係個湯，加湯打邊爐之前一人飲左碗，好鮮甜。頂級雪花肥牛 擺盤幾靚，肉質都幾好 手打四寶丸（牛丸，蝦丸，墨丸，黑墨丸）個牛丸太過結實，墨丸比較彈牙。餃餃陣（韭菜餃，鮮蝦雲吞，蟹肉雲吞，魚皮餃）全部自家製，每款兩粒，大大隻餃好足料。象拔蚌片 唔知係咪唔識烚，灼一灼都覺得好韌，搞唔掂爆芝響鈴 有驚喜，店員話啱啱炸起，烚一下即刻食，咬落去先知有芝士，好流心！（之前無望Menu唔知爆芝）菜菜籃 有兩款菜三款菇。飲品四杯大大杯，我飲鹹檸七，打邊爐最爽就係飲汽水。我地五個人，另外叫多兩碟蔬菜同一個烏冬，夠晒飽！…查看更多

因為好耐冇食雞煲，有朋友係OpenRice見到呢一間雞煲都好似唔錯，所以就推薦嚟呢度食啦。呢度成間鋪頭都有好大嘅玻璃可以望出面嘅環境，夜晚喺度食雞煲真係幾有feel。鋪頭雖然唔算太大，但係絕對可以舒舒服服咁坐，唔使逼住晒。我哋今日叫咗好多嘢食，有啲都幾特別，我喺出面係冇食過嘅呢個雞煲真係不得了，又有花膠又有螺片，仲要唔係一兩塊就算，所有野都好足料！雞超滑，湯底真係好濃郁雞味，飲左幾碗都唔覺得鹹呢碟丸有好多唔同嘅口味，黑色嘅入面海膽，紅紅地色嗰個入面有芝士，其他入面都有唔同餡，又彈牙又好味個蠔都幾大隻，而且數量都唔少，食落幾鮮味呢三個滑分別係墨魚滑、蝦滑同鯪魚滑，我自己就覺得墨魚滑最好食，因為佢係最彈牙，同埋真係有墨魚嘅香味呢個脆肉鯇就正啦，好大舊不特止，淥完食落去仲係好脆，超級正呢個我真係第一次見，佢係響鈴，但係入面有芝士。放落個湯度淥幾秒拎上嚟，可以索到啲湯汁，同時又有啲位係脆脆哋，食到中間仲有芝士，真係好有驚喜呢個牛份量好多，佢又切得都有厚度，完全唔係薄到透個d，食落仲好有牛味，推介我覺得呢個菜籃其實係最正，因為佢啲菜好新鮮，而且種類又多，食得多肉多都會覺得可能有啲膩，食返啲菜平衡返最後講下佢啲嘢飲，全部都大大杯，尤其是個西柚特飲，一路打邊爐一路飲真係好解膩，大推！…查看更多

平時去開吞POT旺角總店食lunch，食物質素一向不錯，今晚就朋友嚟油麻地分店，試吓佢個雞煲同總店一樣，門口有個大魚缸環境寬敞舒適醬料每位$12，個人最喜歡麻辣醬King size飲品，一杯夠飲成餐飯由於朋友唔食得辣，於是點咗滋補螺片花膠雞煲半隻，未食之前先飲碗湯，味道濃郁，雞件嫩滑，跟住就食花膠，估唔到花膠都幾厚身，仲有唔少塊，呢個雞煲絕對足料，一路食一路飲湯，兩個人幾乎一滴不留，食完雞要加湯先打到邊爐推介自創爆芝響鈴，新鮮熱辣上枱，唔駛點醬，唔駛浸湯，原條食，真係好邪惡，但係好好味，必試我同朋友都係牛魔王，點咗呢碟頂級安格斯牛小排，油脂均勻，肉味適中象拔蚌片，快淥幾秒就食得最後加個菜，平衡一下兩個人可以試嘅款式有限，下次要再約三五知己嚟試埋其他嘢食，埋單先知原來滙豐卡有9折…查看更多

夜媽媽食完夜粥，慘變活靶之後，谷到成肚火，更加係肚餓，雖然天氣回暖，但流失大量體力，就好想打一打邊爐，唔使去佐敦咁遠嘅，油麻地都有一間可以試吓喎兩個人坐四人位，夠晒闊落點餐之前，樓面已經攞定啲配料俾我地混醬，大胃必落蒜、芝麻醬、蔥同豉油，稱為「四不醬」，落完佢就會攞走㗎喇做完運動好口渴，打邊爐除咗汽水，梗係啤啤佢啦呢隻啤幾過癮，冇苦味又唔太甜，飲完好想去Market Place買返廿手熱辣辣唔係唔嗌可樂嘛？都幾大杯下一上檯好香湯味，忍唔住飲啖湯，一飲就停唔到口，煲未滾，我地已經係咁飲湯，趁佢未加湯之前，飲得幾多得幾多花膠螺片點醬食超正啪丸是必需吧？呢碟有五種丸，最令大胃深刻就係海膽丸同芝心丸去滾當然要餃餃震啦，唔餃唔安樂:)芝心響鈴真係好值得回味打完邊爐，咩能量都返晒嚟…查看更多

呢間吞POT雞煲一直係我個to eat list，未有機會去食，趁住呢排都唔駛OT，就Book位去試。今日天氣好差，行雷閃電仲黃雨，好彩呢到地點就腳，出地鐵站行2分鐘就到，唔係一定變落湯雞。但有一點可惜既因爲天氣差，睇唔到窗外既開場靚景。選擇多，樣樣都想食，真係唔知點揀，當選擇困難症又發作，就係揀👍🏻餐廳推介之時。好多醬料可以落，特別要講下個炸蒜，一打開個蓋，陣炸香蒜既味道香到我係咁落。個人喜好，食雞煲打邊爐必配可樂。滋補螺片花膠雞煲：@湯底，成煲湯白色既，好濃郁好甜，因為有花膠，仲有少少黏咀既感覺，未開始打邊爐前，飲左好多湯，搞到要再加湯先食到其他野。@雞半隻，肉質好嫩滑，就算食到最後都無因為煮得耐而變鞋，好味。@螺片，鮮甜，就係佢令到成個雞煲既湯咁甜。@花膠，好厚身，煲到好淋，食左好多好飽肚@秀珍菇，因為佢索晒d湯，好正無得輸。自創爆芝響鈴：比平時食既響鈴大卷，即叫即炸，放左落湯度一陣，食落中間都仲係脆既，仲要一路食d芝士一路流出黎，芝士控不能錯過。餃餃陣：有韮菜餃、蟹粉蟹肉雲吞、魚皮餃、鮮蝦雲吞，4種餃都有齊晒，最特別係蟹粉蟹肉雲吞，第一次咁樣食，好有食蟹粉小籠包既感覺，鮮甜。但我既最愛都係鮮蝦雲吞，裏面有豬肉同成隻蝦，爽口彈牙，正！帶子皇：大大粒，滾完都無縮水，好甜！整體感覺係水準之上，開飯當日係星期三，仲要落雨，以為會無咁多人，點知坐無虛席，仲要唔會限時限刻要交枱，邊食雞煲邊吹水慢慢傾，係一個放工後可以放鬆一下心情既好地方。…查看更多

今晚約了老婆吃飯，但工作繁忙完全沒有空去想吃飯地點，只好讓她拍板。原來她去了油麻地譽發廣場22樓的「吞pot雞煲」。廣場很新，所以之前都沒有來過，更加沒有吃話「吞pot雞煲」。開頭沒有什麼特別期待，但一步進餐廳原來有落地玻璃而且原是樓望樓，感覺很不錯，沒有一般雞煲店的街坊感，雖然有衣服會有雞煲氣味，但環境不會煙霧瀰漫。吃前先混醬！再點定一杯青瓜特飲 $29兩份分享，因為份量很大，足夠二人飲用。為老婆點到一個「滋補螺片花膠雞煲」（半份$178）滋補下，然後就可以加清湯再點配料食火鍋。雞煲中的雞件有雞味和嫩滑，味道香濃，沒有一般的油膩，而且有一片大片的花膠和螺片，沒有欺場。身為餃控的我當然點了自制韭菜餃 （$55/8粒）-肉餡足料，包得滿滿的，加入了韭菜更具口感和香口。脆肉魚腩 $80肉很爽脆、很新鮮、厚身頗有口感，味道亦鮮甜！最後加了一藍油麥菜 $32 ，很鮮嫩！…查看更多

同一班好朋友出街食飯，想有啲野做同時可以吹下水梗係去打邊爐啦～上網見到呢間有曬我地既至愛 - 雞煲加火鍋 - 既吞POT雞煲火鍋.住家菜，即刻約朋友去試下！我地放左工，大約7點就黎到呢度，好好彩有book位，如果唔係就要等下啦。呢度唔係太難搵，旺角地鐵站B1出口行一陣就到。仲有一個朋友遲放工，我地就叫左雞煲湯底邊食邊等。滋補螺片花膠雞煲（半隻$168 全隻$258）我地叫左花膠雞煲，好足材料，好多花膠。而且雞好入味，感覺好滋保養生～成個煲好快比我地食哂，遲嚟果個得番啲雞湯飲佢話好好味，飲左成三四碗。稻庭烏冬（$25）我地叫左烏冬，彈牙口感正。將烏冬放入雞湯煮，味道真係一流朋友嚟左之後我地就正式打邊爐啦～店員哥哥好好人幫我地加左湯，將雞煲變成火鍋。我地就開始發揮食貨本色，叫左墨魚丸、腐皮、生根等等。打邊爐都係食果啲餸，咁就分享下一啲特別啲既食材啦！手打墨魚丸（$70）值得一提既係佢地既手打丸，好好味好彈牙，完全係物超所值！我地食完一碟又一碟～食到海鮮～帶子皇（$90）平時打邊爐好少會叫帶子，但係見到隔離枱既帶子好似好新鮮咁，所以我哋都嗌左。佢地既帶子好好好新鮮，煮熟左之後帶子既鮮香更加明顯。開心樂園餐（$62）我地仲貪得意叫左佢地既開心樂園餐，有日本蟹柳、午餐肉、芝士腸、雞肉腸。好貼心，小朋友黎到必叫，咁就唔洗擔心佢地冇野適合食同叫得多會浪費啦～唐生菜（$30）食到咁上下又係時候叫啲菜中和油膩感。我地叫左生菜，睇相都見到好綠好新鮮，食落都好爽最後要讚既係店員好好好細心，而且好親切，好願意為你服務。服務又好，野食又好食，我同我班朋友已經約定咗呢度會係我地每個月gathering嘅地方…查看更多

身為邊爐愛好者, 前幾日收工夜晚19:00點幾就同朋友去左試依間火鍋店, 位於油麻地都算近地鐵站, 好方便易搵, GOOD!因為預早Book定位去到吾洗排隊就可以入坐, 一坐低就嗌定野飲, 打邊爐又點少得啤酒呢!叫左兩個鍋, 一個滋補螺片花膠雞煲 ($168/半隻雞) 湯底夠味, 花膠口感都算膠, 好飲仲有重慶麻辣雞煲 (小辣, $138/半隻雞) 小辣對我黎講就真係冇咩刺激性, 中意食辣嘅朋友可以嗌中/大辣 叫左3碟靚肉, 下面個碟係西班牙頂級黑豚豬腩片($108/碟, 大概12塊) 價錢中規中矩, 話明豬腩肉就一定係要肥先好食, 依碟都幾肥又重豬味, 加落雞煲湯底到淥超正, 吾洗點豉油都夠曬味 韓國頂級1++牛肉眼 ($288/碟, 10塊多啲) 一睇就知靚牛, 雪花紋幾靚, 食落口感好豐富, 肥而不膩, 略嫌牛味不夠, OVERALL都係正!頂級雪花牛肋片($148/碟, 有差不多20塊) 份量黎講足夠算抵食, 肉質頗嫩, 不錯重點介紹依個自創爆芝響鈴($62/6件) 超好食, 芝士味好重, 係市面未見過, 真係要試下, 中意食芝士必點依個, 吾食芝士嘅可以點另一個普通炸響鈴自家炸魚皮 ($52/籃, 個人應為好多舊) 好新鮮, 無油膱味, 炸得好, 淥2-3秒再食都係甘脆滑嘟嘟 (蟹子墨魚滑, 蟹子蝦滑, 鯪魚滑) ($98/碟) 好抵食, 散叫$72, $72同$52一碟, 加埋都要差不多$200, 甘當然份量多好多, 不過少食多滋味, 樣樣野都試下, 我比較中意墨魚滑, 爽口又重墨魚鮮味, 加上有蟹子係入面, 口感豐富 十全大寶丸 ($138/5款共10粒) 有手打生拆蟹粉墨魚丸, 手打黑松露墨魚丸, 手打黃金海膽墨魚丸, 手打香煎鵝肝蝦丸, 手打芝心牛肉丸我試左手打芝心牛肉丸, 因為太中意食芝士, 而且吾係每間餐廳都整得好食, 吞POT整得幾好, 一食就知係手打丸, 好新鮮彈牙餃餃陣 ($92/4款共8隻) 包括自制韭菜餃, 自家制鮮蝦雲吞, 自制蟹粉蟹肉雲吞, 魚皮餃太飽嘅關係, 我淨係試左蟹粉蟹肉雲吞, 蟹肉鮮甜, 啲碟好colourful, 視覺效果見到都好開胃 重叫左好多食物, 以上個幾款真心推介, 其他就不過不失, 總括黎講好食, service不錯有效率, 地方乾淨, 有少少夜嘅樓景睇, 值得下次再試!…查看更多

近排好多（老外高層）黎左公司，番工想吞pot真係唔易，唯有等放工。今晚見天氣開始涼涼地，就約左幾個舊同事黎打邊爐。 上網見呢間餐廳個名咁盞鬼（立刻產生共鳴），又有得網上訂位，於是就決定黎試試。我早左黎，所以叫住杯野飲等住先。杯野好大杯，又夠氣，好爽 Hea下睇下電視，終於等到佢地黎齊 邊爐醬料款式齊全，容器唔油，感覺乾淨企理粟米好鮮甜，雞煲好滋補 雞件好滑 餃餃陣包括4種餃，每款兩粒，岩哂我地d三兩意，樣樣都想試既人d滑好彈牙。最欣賞佢d蝦滑墨魚滑加左蟹子，味道口感提升左不少十全大寶丸大大粒，好彈牙，很不錯…查看更多

一直都好鐘意食雞煲，但係有時好怕同朋友一齊食會叫勁麻辣既湯底今日有幸同朋友簡左呢間係油麻地新開張既吞Pot（因為佢既花膠湯底係好出名！）主湯底：滋補螺片花膠雞煲對於唔鐘意食主流雞煲湯底既朋友，呢個花膠雞煲簡直係冇得輸！花膠螺片全部真材實料，湯底亦都鮮味十足，令人垂涎三尺！配菜1）象拔蚌象拔蚌好新鮮，份量亦都好多！老闆仲好好人咁教我地點樣煮先好食！配菜2）脆肉鯇脆肉鯇非常好食，經過適當既煮沸，佢肉質岩岩好，真係又爽又脆。我建議大家如果想食下海鮮既話都可以叫呢味餸！飲品1）食雞煲都點少得王老吉解渴呢總結：呢間吞Pot既雞煲真係名符其實既正，個雞煲湯底絕對係必吃之選。下次再光臨我一定會再叫，而且試埋其他菜式！…查看更多

即興去做節睇到屋企附近有間吞POT晚巿BOOK檯仲有85折又咁啱睇到個花膠雞煲好吸引所以就試試啲野有冇吞卜油麻地呢間係新開嘅同樣單點，環境乾淨衛生窗口仲有一籃雞同雞蛋隻雞同佢啲雞肉一樣咁滑食物方面新鮮好食真嘅，唔食辣嘅朋友一定要試個花膠雞煲堅正。…查看更多