享樂烘焙

今次KO嘅，係一間bookmark咗好耐嘅麵包舖！我本身唔係好鍾意食麵包，但唔知幾時開始覺得原來 #Bagel 都幾好食，我鍾意有少少咬口嗰個口感～ 早排去咗啟德同牛頭角中間位置做嘢，諗起呢間麵包舖，諗住買返屋企試吓～於是大熱天時行咗十五分鐘過去買😂麵包舖位於德福商場後面，行過條天橋落地下就係，唔難搵～ 去到見到好多款麵包花多眼亂😂 淨係Bagel都有一行，最後揀咗 #湯種日本焙茶貝果 、 #湯種伯爵麻糬奶茶貝果 、 #法國Lescure朱古力酥 、 #極濃芝脆法國 、 #日本宇治抹茶蜜瓜包 同埋 #伯爵茶蜜瓜包我淨係食咗焙茶Bagel同伯爵麻糬奶茶Bagel😆 同咬咗一啖伯爵茶蜜瓜包～ 其他分咗俾屋企人食～ 個焙茶Bagel好重焙茶味，個麻糬出啲，而且偏甜～ 相對伯爵麻糬奶茶Bagel無咁重味，麻糬無咁突出。而伯爵茶蜜瓜包，個面脆脆地都幾得意，有輕微似菠蘿包個面咁，但脆多少少🤏🏻 呢間麵包舖啲麵包款式幾特別，可以一試😊…查看更多

🇭🇰✨九龍灣享樂烘焙貝果Bagel大比拼難得經過好出名嘅享樂，Bagel控一時失心瘋買咗超多款翻嚟試🤣全部都有焗翻熱先食！Bagel外脆內煙韌👍🏻大部分嘅Bagel都加咗奶酥同麻糬，普遍奶酥都偏甜少少，口感沙沙地；而麻糬嘅質地好似鬼口膠，行Q軟、富延展性路線🤣Tbh個人鍾意呢間麵包店Bagel嘅口感，外脆內煙韌，不過個餡就唔係我杯茶，個人唔係好鍾意奶酥沙沙地嘅口感🥹不過裏面嘅餡都幾多，基本上成圈都係，如果鍾意佢哋嘅餡，應該會好滿足😌不過一個有餡Bagel賣緊$18-24，價錢有啲貴🥹Anyways 下次如果再經過，都會想試吓其他口味嘅Bagel、包、吐司😗① 茶味貝果 🥯🔹湯種焙茶麻糬貝果 ($20) 🫖 焙茶味比抹茶味更加香，裏面加咗焙茶奶酥🔹湯種特濃抹茶麻糬貝果 ($20) 🍵 使用丸久小山園抹茶粉，抹茶濃到有啲苦，個苦味應該係由抹茶奶酥滲出🥲🔹湯種伯爵麻糬奶茶貝果 ($20) 🧋用咗斯里蘭卡伯爵茶，聞落係有伯爵茶味，不過食嘅時候，台灣黑糖麻糬嘅黑糖味超重， 黑糖味凌駕其他所有味道，而且黑糖味偏甜🥲就咁食伯爵茶奶酥嘅話，伯爵茶味都幾重，有少少茶甘🔹鐵觀音茶愛民芒果貝果 ($24) 🥭 唔覺有鐵觀音味🥲芒果乾有啲似用酒醃桃/梅，唔太夾。② 糖不甩貝果 $24 🥜🔹內有花生奶酥和麻糬，芝麻同花生味都幾香，食哂成個會有啲膩③ 湯種台灣大甲芋泥貝果 $18🔹芋泥好綿，偏甜少少④ 擂沙芝麻麻糬包 $18🔹味道同糖不甩貝果有啲相似，裏面嘅奶酥唔同，黑芝麻奶酥口感非常沙⑤ 開心果乳酪布里歐 $24 💚🔹個包本身係幾軟熟、好食，有啲似肉桂卷，不過乳酪味完全蓋過開心果味🥲⑥ 司康 Scone $28/2個 🔹小山園抹茶、焙茶合桃司康🔹焙茶味比抹茶味更加香，合桃幾香🔹Scone發揮正常，唔會太乾/濕📍 享樂烘焙 (九龍灣)九龍灣常悅道21號The Eastmark地下3號舖…查看更多

小妹係bagel控,試過好多間bagel唔係好硬就係好鬆軟,冇煙韌個種感覺終於搵到呢間bagel,好開心一次過買左9個🤣🤣🤣🤣紫菜香蒜肉鬆芝士貝果紫菜係麵包體先食到,蒜味同芝士唔突出,但多肉鬆,口感都煙韌❤❤❤湯種特濃抹茶麻糬貝果因湯種關係,包體都會較軟熟,但又保留到bagel要既煙韌,鍾意佢既抹茶係偏回甘,唔係偏甜既個種,重茶香～～而佢既麻糬係白色鮮奶麻糬,夠軟糯,好食！❤❤❤❤湯種伯爵麻糬奶茶貝果呢個都好香好重茶香,但唔苦澀,而且係黑糖麻糬,比起抹茶佢會甜多少少,好食！❤❤❤❤湯種大甲芋泥貝果呢個貝果我有d失望,因為好鍾意芋頭,但覺得呢個包偏甜而且味道冇乜特別,個芋泥係滑身,但感覺淨係死甜,一般❤❤❤湯種野生藍莓乳酪貝果呢個係最好味！一定會回購！佢藍莓份量勁多！每口都咬到粒粒藍莓！cream cheese可以再多d就perfect ！！！！❤❤❤❤❤見到佢好多包包同鬆餅都好吸引！必定再回購！尤其藍莓乳酪貝果😛😛😛…查看更多

煙韌足料貝果( ̀⌄ ́)多達十種味道( ̀⌄ ́)/ 🔸原味🔸藍莓芝士🔸抹茶🔸芋泥🔸咖啡🔸松露芝士🔸紅莓朱古力🔸芝麻🔸紫菜肉鬆 🔸伯爵茶某些款式是期間限定~🔸湯種野生藍莓乳酪貝果 $18 超足料的貝果表面煙韌有彈性內裏鬆軟 很多cream cheese(´▽｀)配上酸甜藍莓🫐非常夾( ̀⌄ ́)♪🔸湯種伯爵麻糬奶茶貝果 $20 內有台灣黑糖麻糬茶味香濃 不會過甜( ̀⌄ ́)雖然茶味重但不會有一陣過份濃烈的伯爵茶味即使不愛伯爵茶味的人也會愛上這款貝果呢麻糬有黑糖香 甜度適中口感十分軟糯 黏黏的(鼻涕狀)(⁎⁍̴̛ᴗ⁍̴̛⁎)這家店的麻糬全都是十分軟Q不是口感紮實的麻糬 要注意喔~🔸湯種台灣大甲芋泥貝果 $18滿滿的芋泥( ´ ▽ ` )ﾉ不是很乾身的那種芋泥較creamy軟身 很易入口少甜 吃了不會有罪惡感(˶‾᷄ ⁻̫ ‾᷅˵)🔸湯種特濃抹茶麻糬貝果 $20 抹茶味道濃郁但抹茶有少少的草青味有些人很怕 但我是可以接受的 所以很愛吃這抹茶貝果(⁎⁍̴̛ᴗ⁍̴̛⁎)內有牛奶麻糬（軟軟鼻涕狀）奶味極重 好吃(⁎⁍̴̛ᴗ⁍̴̛⁎)🔸擂沙黑芝麻貝果 $18 不是很甜的芝麻醬而是真真正正的芝麻( ̀⌄ ́)！超多黑芝麻泥 不會過甜🔸百利甜酒咖啡貝果 $20表面有很多咖啡碎碎很濃咖啡味 有少許甜不是甘苦的咖啡味但都很足料很好吃( ̀⌄ ́)(期間限定口味)🔸紫菜香蒜肉鬆芝士貝果 $20這是唯一一款咸味的貝果🥯聞落有紫菜香味吃下口 有咸咸的芝士蒜味和肉鬆( ´▽` )ﾉ味道不錯 但我始終軟愛吃甜的貝果♪(´ε｀ )(期間限定口味)🔸湯種朱古力紅莓貝果 $16較其他口味遜色 朱古力和紅莓配搭一般般比較普通(｡ ́︿ ̀｡)🔸湯種松露芝士貝果 $20 有淡淡松露香 但味道不太突出配上cream cheese較一般(｡ ́︿ ̀｡)很愛吃這家店的貝果把所有味都試了( ̀⌄ ́)♪大推伯爵茶 抹茶 藍莓芝士和芋泥口味( ̀⌄ ́)一定要新鮮吃 口感超級棒( ´▽` )ﾉ…查看更多

享樂烘焙係一間賣台式同日式麵包嘅小店，佢哋賣嘅麵包款式琳琅滿目，有牛角包🥐、貝果🥯、吐司🍞、法包🥖、鬆餅、冰心包等等，而且口味配搭新穎又好食，多到我唔知要試邊款好🤣 但重點係價錢都唔算太貴😌•貝果係最出名嘅產品之一，價錢唔算貴，當日去到仲有8款口味可以揀🤩小貼心嘅係每款貝果嘅價錢牌上面會寫晒有無包含蛋、奶、糖、牛油～等大家可以選擇適合自己嘅口味，尤其方便素食者～🥢 湯種伯爵麻糬奶茶貝果 $20價錢牌寫住呢款用上斯里蘭卡伯爵茶，加上台灣黑糖麻糬～不過就無特別寫有無落牛油、雞蛋、奶、糖，所以應該係落晒🤣 就咁望落都見到唔少伯爵茶粉，但食落聞落無乜味，呢款貝果嘅外皮硬少少，入面就口感煙韌，一切開聞到好香黑糖味，食落都係黑糖味比較濃同搶，而奶茶餡就少少偏甜，加埋一齊真係有少少黑糖珍珠奶茶嘅感覺🤣•🥢 湯種野生藍莓乳酪貝果 $18 呢款貝果用上野生小藍莓乾配幼滑cream cheese，而且寫明無落雞蛋同牛油～叮熱咗之後幾鬆軟，藍莓乾酸酸甜甜同cream cheese好夾，成個貝果嘅主要甜味嚟自藍莓乾，但都夠味又唔會太甜～•🥢 法國LESCURE草莓酥 $18呢款應該要即食先最好食，因為上面有吉士、忌廉同埋士多啤梨，所以無得翻熱嚟食😣 一打開個袋，啲士多啤梨味就湧晒出黎🍓🍓 士多啤梨幾甜，中間嘅吉士同忌廉唔算太甜，而底層酥皮嘅牛油味的確好香，不過因為凍咗嘅關係，淋咗又變得比較油膩，令整體失色少少～•🥢 法國LESCURE原味牛角 $15切開睇到蜂巢紋幾靚，睇到一層層嘅酥皮🤩牛油味算香但唔係特別濃～翻焗之後都好酥脆，但有少少油同乾，整體不過不失。…查看更多

😍享樂烘焙既貝果一向出名 款式多價錢平🤤次次一買就買好多😂 貝果買多啲都唔怕！可以雪入冰箱存放3星期！😏😋 點解凍可以去翻享樂ig highlight睇~—————————————————————先講包體🥯：款殼質感 size都大致差唔多享樂貝果唔係走彈性路線 而係扎實路線貝果皮偏韌 有少少嚼勁 但入面就偏鬆軟幾鍾意去焗完之後個表皮脆卜卜😋😋—————————————————————🐕湯種芋泥貝果（$16）🐕⋯⋯⋯⋯⋯⋯⋯⋯⋯⋯⋯⋯⋯入面有芋泥蓉 而包體都見到有紫色紋路芋泥蓉超多 啖啖都食到🤤我剪得衰🤦🏻‍♀️其實芋泥蓉圍哂成個包外觀睇見到芋泥爆哂出黎芋泥蓉打得幼細 濕潤唔乾 入面冇芋頭粒/塊/皮芋泥蓉味道偏淡 唔夠香濃🥺但幾天然—————————————————————🐕湯種野生藍莓乳酪貝果（$18）🐕🌟⋯⋯⋯⋯⋯⋯⋯⋯⋯⋯⋯⋯⋯⋯⋯包體混入巨多藍莓碎 再有乳酪做餡乳酪斷斷續續 但份量都唔少👍🏻呢個係咁多款入面最重味既😋 酸酸甜甜好食！—————————————————————🐕湯種松露芝士貝果（$18）🐕⋯⋯⋯⋯⋯⋯⋯⋯⋯⋯⋯⋯⋯⋯中間有混入松露既芝士雖然聞落好重松露味 但食落唔重味➥係會食到松露味 但唔係一入口就濃到充斥成個口腔 係偏表面個種︎ 不過食完個口都會有淡淡松露味—————————————————————🐕湯種伯爵麻糬奶茶貝果（$18）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯包體混入伯爵茶葉 中間有奶茶蓉同黑糖麻糬咁多款中啲饀最多樣化🤣又麻糬又奶茶蓉黑糖麻糬黏黏地拉到絲😋黑糖味超重！變相蓋過左奶茶同伯爵茶味整體偏甜—————————————————————🐕 湯種紫菜香蒜肉鬆芝士貝果 （$20）🐕⋯⋯⋯⋯⋯⋯⋯⋯⋯⋯⋯⋯⋯包體混入紫菜碎 再有自家制香蒜芝士同台灣肉鬆做餡🤟🏻紫菜味偏淡 要齋食包要㗳得出香蒜芝士都係偏淡 變相食完個囗都唔會有蒜味😛肉鬆係成個包嘅主角 咸咸地 登堂惹味咗🤣不過個人鐘意甜包多啲😂—————————————————————🐕 湯種特濃抹茶麻糬貝果（$20）🐕🌟⋯⋯⋯⋯⋯⋯⋯⋯⋯⋯⋯⋯⋯⋯⋯小山園抹茶做包體 再有麻糬同抹茶cream cheese做餡呢款bagel size比其他款細但乳酪同麻糬份量都唔少👍🏻抹茶cream cheese偏甜 非苦澀 而包體就相反 帶些少茶澀但整體 佢甜味係咁多款bagel中較為突出麻糬略帶奶香 偏流質 拉扯度好高😍總結：—————————————————————🥯享樂烘焙貝果❣︎❣︎排名:◈ 湯種野生藍莓乳酪貝果 ◈ 湯種特濃抹茶麻糬貝果◈ 湯種伯爵麻糬奶茶貝果◈ 湯種紫菜香蒜芝士肉鬆貝果◈ 湯種芋泥貝果◈ 湯種松露芝士貝果—————————————————————…查看更多