湄南.河泰式船麵

營業中

休息中

好抵食嘅泰菜👍🏻👍🏻推介～酸辣無骨鳳爪沙律($22)份量可以，唔會太辣，酸酸甜甜幾好味，同九龍城比都唔差，不錯👍🏻👍🏻青檸梳打($12)粉麵餐加配的👍🏻本身已有檸汁嘅底，不過青檸多啲會更好～湄南大船麵($65)味道不錯，餸有泰式牛丸、豬肉丸、魚蛋、扎肉、鴨血、蘿蔔，面頭嘅炸豬皮好脆，份量豐富足夠，一個男人都夠飽。湯底有牛肉香，就咁飲都唔會過鹹，麵底轉咗做金邊粉都幾夾😋😋正宗泰式海南雞飯($68)係雞髀肉😍肉質嫩滑，雞嘅份量都唔少，皮下脂肪不多，食到啖啖肉👍🏻👍🏻點埋啲醬汁食就係標準泰式海南雞嘅味道，好食！泰式春卷($48)本身好驚會炸到油淋淋，好彩都唔會，而且非常脆口🤩餡料係粉絲、木耳、紅蘿蔔等等，點埋醬汁酸酸甜甜👍🏻串串沙嗲雞肉($78)必食推介～雞肉好入味，肉質嫩滑juicy🤤🤤見唔到好多肥膏，但肉質唔鞋👍🏻點埋沙嗲醬食真係好味！份量不少，抵食👍🏻呢間餐廳價錢不貴，性價比高，味道好，會再嚟的！

荃灣其實都有好多好嘢食，最近就收到風係千色匯新開咗一間主推傳統細碗船麵嘅小店，一於去試吓先😎哩間小店叫「Maenam(音:湄南)」，主打細碗船麵😎點解係細碗咁特別？因為小店一嚟想還原大家係泰國食船麵嘅體驗（都係細細碗）二嚟小店以一個價錢就可以食到3碗細船麵，啱晒咩都想試吓嘅人😚而且小店由泰北廚師坐陣，自家熬煮嘅湯底同埋調配嘅醬汁都比一般泰中、泰南口味更加酸、辣、爽🤤真係好吸引㗎除咗細碗船麵，其實都有大碗船麵嘅😚 大碗船麵配料有泰式牛丸、豬肉丸、魚蛋、扎肉、鴨血、蘿萄🤤非常足料👍🏻男朋友大讚好食添另外特別推介正宗泰式海南雞飯同埋秘製燒豬頸肉🤤首先係泰式海南雞飯嘅份量都幾大份👍🏻其次係黃油飯好香好爽口，重點一定係隻雞，表皮爽滑，肉質軟嫩，真係忍唔住食完一啖又一啖😚至於秘製燒豬頸肉😚 豬頸肉燒至外層微焦，內層嫩滑且充滿肉汁，但更出色嘅係泰國廚師自家研發嘅秘製醬汁醃製，令豬頸肉更加惹味🤤兩者配合得天衣無縫，口感極為豐富👍🏻依家惠顧粉麵飯仲可以以加配價加小食添😎真係好抵食😚最後叫到成枱都係嘢食，加埋嘢飲每人都唔使$300 ，性價比真係相當高，下次再去荃灣一定要再食